Tag: اسٹریٹ کرمنلز

‌کراچی : اسٹریٹ کرمنلز کے ہاتھوں چھینے گئے موبائل فونز واپس ملنے پر شہری حیران رہ گئے ، واپس کئے گئے موبائل فونز کی مالیت 12 سے 15 لاکھ کے قریب تھی۔

تفصیلات کے مطابق کراچی میں گلشن اقبال پولیس نے شہریوں کی جانب سے درج مقدمات پر تابڑ توڑ کارروائیاں کیں اور اسٹریٹ کرمنلز کے ہاتھوں چھینے گئے 26 موبائل فون برآمد شہریوں سے چھینے گئے لاکھوں مالیت کے موبائل فونز برآمد کرلیے۔

اے ایس پی گلشن عبدالرحمان اور ایس ایچ او گلشن عقیل احمد نے اسٹریٹ کرمنلز کے ہاتھوں چھینے گئے موبائل فونز جب شہریوں کو واپس کیے تو وہ حیرت اور خوشی کا اظہار کرتے نظر آئے۔

اے ایس پی گلشن عبدالرحمان نے کہا کہ شہریوں سے چھینے گئے لاکھوں روپے مالیت کے موبائل فونز واپس کئے ہیں ، برآمد شدہ موبائل فونز کی مالیت 12 سے 15 لاکھ کے قریب تھی۔

گلشن اقبال پولیس نے بتایا کہ تمام موبائل فون گزشتہ اور رواں سال کے درمیان چھینے گئے تھے ، لٹنے والے شہریوں میں فوڈ ڈیلیوری رائیڈر،انجینئر، دکاندار، کاروباری اور ملازمت پیشہ افراد شامل تھے اور شہریوں نے گلشن اقبال تھانے میں اپنے مقدمات درج کرائے تھے۔

ترجمان ایسٹ پولیس کا کہنا تھا کہ اسٹریٹ کرائم کا شکار شہریوں کو ان کے موبائل فونز واپس کیے، شہری کسی بھی واردات کی صورت میں مقدمہ ضرور درج کرائیں۔

پولیس حکام نے کہا کہ کہ شہریوں کی جان و مال کے تحفظ کے لیے وہ 24 گھنٹے اپنے فرائض انجام دیتے ہیں ۔

کراچی : عزیز آباد بلاک 2 میں اسٹریٹ کرمنلز نے صرف 29 سیکنڈ میں دو افراد کو ان کے گھر کی دہلیز پر لوٹ لیا، واردات کی سی سی ٹی وی سامنے آگئی۔

تفصیلات کے مطابق کراچی کے علاقے عزیز آباد بلاک 2 میں اسٹریٹ کرائم کی واردات میں 29 سیکنڈ میں 2 شہری گھر کی دہلیز پر لٹ گئے۔

واردات کی سی سی ٹی وی فوٹیج سامنے آگئی ، فوٹیج میں دیکھا جاسکتا ہے کہ ایک شہری جو بچے کو گود میں اٹھا کرموٹرسائیکل پر جیسے ہی بٹھاتا ہے ایک موٹرسائیکل پردو ملزمان آجاتے ہیں جن کے چہرے بھی واضح دیکھے جاسکتے ہیں۔

ملزمان اسلحہ نکال کر بچے کے سامنے لوٹ مار کرتے ہیں کہ اسی دوران دو اور نوجوان اپنے گھر کے باہر آکر رکے جس میں ایک نوجوان ملزمان کو دیکھتے ہی گھر میں گھس گیا لیکن اسلحہ تھامے ملزم نے پستول لہراتے ہوئے نوجوان کی تلاشی لی اور اسے بھی لوٹ لیا۔

اسٹریٹ کرمنلز نے مجموعی طور پر 20 ہزار کیش 2 موبائل فون لوٹے اور واردات کے بعد جس راستے سے آئے تو اسی راستے سے فرار ہوگئے۔

اسلام آباد: تھانہ رمنا کے علاقہ میں ڈاکوؤں کی فائرنگ سے اسلام آباد پولیس کے ہیڈ کنسٹیبل محمد اشرف اور ان کا بیٹا فائرلگنے سے شہید ہوگئے۔

ترجمان اسلام آباد کیپیٹل پولیس کے مطابق ڈاکوؤں کی فائرنگ سے پولیس کانسٹیبل بیٹے سمیت جاں بحق ہوگئے تھانہ رمنا کی حدود میں نامعلوم ملزمان نے پولیس اہلکار پر فائرنگ کر کے انہیں بیٹے سمیت موت کے گھاٹ اتار دیا۔

ترجمان اسلام آباد پولیس کا کہنا ہے کہ جاں بحق پولیس اہلکار ڈیوٹی ختم کرکے بیٹے کے ہمراہ واپس گھر جارہا تھا، راہزنوں کو واردات کرتے دیکھا تو شہید ہیڈ کنسٹیبل نے ملزمان کو پکڑنے کی کوشش کی اس دوران تین نامعلوم ملزمان نے ان پر فائرنگ کردی۔

ترجمان کے مطابق پولیس اہلکار کی شناخت اشرف جبکہ اس کے بیٹے کی شناخت ذیشان کے نام سے ہوئی ہے، ملزمان فائرنگ کرنے کے بعد فرار ہوگئے، جاں بحق ہونے والے پولیس اہلکار اور اس کے بیٹے کی نعش کو پمز اسپتال منتقل کردیا گیا۔

پولیس کے سینئر افسران بھاری نفری کے ہمراہ موقع پر موجود ہیں، ملزمان کی گرفتاری کے لئے علاقہ میں سرچ آپریشن جاری ہے۔

آئی سی سی پی او ڈاکٹر اکبر ناصر خاں نے واقعے کا نوٹس لیتے ہوئے ملزمان کو جلد از جلد گرفتار کرنے کے احکامات جاری کردئیے۔

کراچی : شہر قائد میں اسٹریٹ کرمنلز بے قابو ہے، 4 ماہ کے دوران 186 شہریوں کو قتل اور 9 ہزار سے زائد کو موبائل فون سے محروم کردیا گیا۔

تفصیلات کے مطابق کراچی میں اسٹریٹ کرائم کی وارداتوں کے حوالے سے سی پی ایل سی کی جانب سے رپورٹ جاری کردی گئی۔

رپورٹ میں بتایا کہ 4 ماہ میں 9 ہزار 464 شہریوں کے موبائل فون چھینے گئے جبکہ 18 ہزار 953 شہریوں کی موٹرسائیکلیں چوری یا چھینی گئیں، مجموعی طور پر 16 ہزار سے زائد موٹرسائیکلیں چوری ہوئیں۔

سی پی ایل سی کا کہنا ہے کہ 4ماہ کےدوران شہریوں کو 754 گاڑیوں سے محروم کردیا گیا جبکہ اغوا برائے تاوان کی 2 ،بھتہ خوری کی 5 وارداتیں رپورٹ ہوئیں۔

رپورٹ میں کہا گیا کہ مختلف واقعات میں 186 شہریوں کو قتل کیا گیا، بینک ڈکیتی کی ایک واردات رپورٹ ہوئی۔

پولیس نے 211 کاریں، ایک ہزار 69 موٹرسائیکلیں ریکور کیں، مختلف کارروائیوں میں 161 موبائل فون ریکور کیے گئے۔

مجموعی طور پر ہرماہ 2 ہزار 366 موبائل چھینے گئے اور ہر ماہ 4738 موٹرسائیکلیں چوری اور چھینی گئیں جبکہ ہر ماہ 46 سے زائد افراد مختلف واقعات میں قتل ہوئے۔

کراچی:ڈکیتی مزاحمت پر اب تک 47 افراد قتل ہوچکے ہیں، 4ماہ میں سےہر ماہ 11 سے زائد افراد کو مزاحمت پر قتل کیا گیا جبکہ ڈکیتی مزاحمت پر اب تک سینکڑوں افراد زخمی ہوچکے ہیں۔