ARYNews.tv | Urdu – Har Lamha Bakhabar

Tag: اسٹنٹ

  • اسٹنٹ کرنا جان لے گیا، خطروں کا کھلاڑی 68 منزلہ عمارت سے گر کر ہلاک

    اسٹنٹ کرنا جان لے گیا، خطروں کا کھلاڑی 68 منزلہ عمارت سے گر کر ہلاک

    بانگ کانگ: اسٹنٹ کرنا جان لے گیا خطروں کا کھلاڑی ہانگ کانگ میں 68 منزلہ عمارت سے گر کر ہلاک ہوگیا۔

    غیر ملکی میڈیا کے مطابق فرانسیسی کھلاڑی ریمی لوسیڈی خطرناک اسٹنٹ کے دوران 721 فٹ کی بلندی سے گر ے، ریمی بلند و بالا عمارت سے کودنے کا اسٹنٹ اپنی انسٹاگرام پوسٹ بنانے کیلئے کر رہے تھے۔

    30 سالہ ریمی لوسیڈی ہانگ کانگ کے ٹریگنٹر ٹاور کمپلیکس پر تھے جب وہ مبینہ طور پر پھنس کر عمارت سے لٹکنے کے بعد گر کر مر گئے۔

    تفتیش کاروں کے مطابق لوسیڈی عمارت میں پہنچے اور سیکیورٹی گارڈ کو بتایا کہ وہ 40 ویں منزل پر اپنے ایک دوست سے ملنے جا رہے ہیں۔

    ساؤتھ چائنا مارننگ پوسٹ کے مطابق لوسیڈی کے بارے میں خیال ہے کہ وہ سب سے اوپر والی منزل پر گئے اور گرنے کے بعد لٹک کر عمارت کی باہر والی سائیڈ پر پھنس گئے اور کھڑکی بجانے لگے، جس سے اندر موجود ایک گھریلو ملازمہ حیران رہ گئیں۔

    اس کے بعد اسٹنٹ مین کا توازن کھو گیا اور وہ زمین پر گرنے کے بعد فوراً جان سے چلے گئے۔

    اپنی موت سے کچھ دیر قبل لوسیڈی نے اپنی انسٹاگرام پروفائل پر ہانگ کانگ اسکائی لائن کی ایک تصویر پوسٹ کی تھی۔

    رپورٹ کے مطابق لوسیڈی نے اب تک بلغاریہ، پرتگال، فرانس، یوکرین اور دبئی جیسے دنیا کے مختلف حصوں میں اسٹنٹ کیے۔

    انسٹاگرام پر ان کی ایک تصویر میں انہیں دبئی میں شیخ زید روڈ پر ایک فلک بوس عمارت کی چوٹی پر کھڑے دیکھا جا سکتا ہے۔

    لوسیڈی نے 2016 میں فلک بوس عمارتوں پر چڑھنا شروع کیا۔ اس کے بعد سے انہوں نے دنیا بھر کا سفر کیا اور مختلف قسم کے اسٹنٹ کرنے کی کوشش کی۔

  • آسمان میں معلق رسی پر چلنے کا مظاہرہ، دل دہلا دینے والی ویڈیو

    آسمان میں معلق رسی پر چلنے کا مظاہرہ، دل دہلا دینے والی ویڈیو

    فرانس کے ایک اسٹنٹ مین نے پہاڑوں کے درمیان فضا میں معلق رسی پر چل کر لوگوں کی سانسیں روک دیں، مذکورہ شخص نے 500 میٹر کا فاصلہ طے کیا۔

    برازیل کے شہر ریو ڈی جنیرو میں دو پہاڑیوں کے درمیان یہ رسی موجود ہے، ناتھن پاؤلن نامی شہری نے بغیر کسی حفاظتی اقدامات کے اس رسی پر چلنے کا مظاہرہ کیا۔

    264 فٹ کی بلندی پر بندھی اس رسی پر چلتے ہوئے پاؤلن نے 500 میٹر کا فاصلہ طے کیا۔

    یہ اسٹنٹ دراصل ایک پروجیکٹ کا حصہ تھا جس کا مقصد حولیاتی مسائل اجاگر کرنا تھا، اسی طرح کے اسٹنٹس دیگر شہروں میں بھی کیے گئے جن میں شہریوں کی توجہ ماحولیاتی نقصانات کی طرف دلائی گئی۔

    مذکورہ اسٹنٹ کی ویڈیو سوشل میڈیا پر وائرل ہوچکی ہے۔

  • طویل عمارتوں پر چھلانگ لگانے کا دل دہلا دینے والا اسٹنٹ

    طویل عمارتوں پر چھلانگ لگانے کا دل دہلا دینے والا اسٹنٹ

    آسٹریلیا میں ایک شخص نے 12 میٹر طویل عمارتوں کے اوپر چھلانگ لگا کر لوگوں کو حیران کردیا، پولیس نے مذکورہ شخص کی تلاش شروع کردی۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ ایک نامعلوم شخص عمارت کی چھت پر موجود ہے اور اپنے آپ کو وارم اپ کر رہا ہے۔

    جس عمارت پر وہ موجود ہے وہ اور اس کے سامنے والی عمارت کی بلندی لگ بھگ 12 میٹر ہے جبکہ دونوں کے درمیان 5 میٹر کا فاصلہ ہے۔

    وارم اپ کرنے کے بعد وہ شخص بھاگتا ہے اور ایک جست لگا کر دوسری عمارت پر پہنچ جاتا ہے۔

    اطراف میں کھڑے لوگ اس کے اسٹنٹ پر نہایت حیران ہوتے ہیں۔

    مقامی میڈیا رپورٹ کے مطابق پولیس نے مذکورہ شخص کی تلاش شروع کردی ہے۔

  • مشن امپاسبل 7: ٹرین کا انجن پہاڑی سے گر پڑا، ویڈیو وائرل

    مشن امپاسبل 7: ٹرین کا انجن پہاڑی سے گر پڑا، ویڈیو وائرل

    ہالی ووڈ اداکار ٹام کروز کی نئی فلم مشن امپاسبل 7 کی شوٹنگ کا ایک سین سوشل میڈیا پر بے حد وائرل ہورہا ہے جس میں ٹرین کا انجن پہاڑی سے گرایا گیا ہے۔

    ہالی ووڈ کے معروف اداکار ٹام کروز ایک بار پھر مشن امپاسبل کے نئے حصے میں واپس لوٹ رہے ہیں جس کی شوٹنگ جاری ہے، مشن امپاسبل کے نئے حصے کے لیے ٹرین کے انجن کے پہاڑی سے گرنے کا منظر سوشل میڈیا پر بے حد وائرل ہورہا ہے۔

    اس سین کو برطانیہ کے علاقے ڈربی شائر میں 20 اگست کو فلمایا گیا تھا اور مقامی فوٹوگرافر نے اسے اپنے کیمرے کی آنکھ میں محفوظ کر کے ٹویٹر پر شیئر کیا۔

     

    View this post on Instagram

     

    A post shared by VillagerJim (@villagerjim)

    رپورٹس کے مطابق ٹام کروز بھی اس موقع پر موجود تھے اور ہیلی کاپٹر سے انجن کے گرنے کا مشاہدہ کررہے تھے۔

    فوٹو گرافر جم نے اپنی پوسٹ میں لکھا کہ 5 ماہ سے ہم نئی مشن امپاسبل فلم کے اس سین کا انتظار کررہے تھے جس میں ٹرین کو پہاڑی سے نیچے گرایا گیا، ٹام بھی وہاں موجود تھے۔

    فوٹو گرافر نے میڈیا کو بتایا کہ انہوں نے ٹام کروز کو خود ہیلی کاپٹر اڑاتے ہوئے دیکھا۔

    اس ٹرین انجن کو کچھ دن پہلے اس گاؤں میں پہنچایا گیا تھا اور اس سین کے لیے فلم کی ٹیم نے خصوصی طور پر ٹریک تیار کروایا تھا۔

    ٹام کروز اکثر اپنی فلموں میں خطرناک اسٹنٹ کر چکے ہیں اور کئی مواقع پر ان کی زندگی بھی خطرے میں پڑگئی تھی۔

    یہ فلم ٹام کروز کی ایکشن سیریز مشن امپاسبل کی ساتویں فلم ہے، سیریز کی ساتویں فلم میں ٹام کروز کے ساتھ اداکارہ ونیسا کربی، ربیکا فرگوسن، ہائلے ایٹویل، سائمن پیگ اور ہینری زیمی سمیت دیگر اداکار موجود ہیں۔

    فلم کی ریلیز کرونا وائرس کی وبا کے نتیجے میں تاخیر کا شکار ہوچکی ہے اور شوٹنگ کو بھی متعدد مرتبہ کیسز یا دیگر مشکلات کے باعث روکا گیا۔

  • ٹام کروز کے ایک اور خطرناک اسٹنٹ نے لوگوں کو حیران کردیا

    ٹام کروز کے ایک اور خطرناک اسٹنٹ نے لوگوں کو حیران کردیا

    معروف ہالی ووڈ اسٹار ٹام کروز اپنے خطرناک اسٹنٹس کے لیے مشہور ہیں، حال ہی میں ان کا ایک اور اسٹنٹ دیکھ کر لوگ حیران رہ گئے۔

    سماجی رابطوں کی مختلف ویب سائٹس پر پوسٹ کی جانے والی ویڈیوز میں دیکھا جاسکتا ہے کہ ٹام کروز چلتی ہوئی ٹرین کی چھت پر سوار ہیں، ان کے ساتھ فلم کا عملہ بھی موجود ہے۔

    ٹام کروز داراصل اپنی آنے والی فلم مشن امپاسبل 7 کی شوٹنگ میں مصروف ہیں جو کرونا وائرس کی وجہ سے پہلے ہی تاخیر کا شکار ہوچکی ہے۔ فلم کی شوٹنگ کے لیے ٹام کروز فی الحال ناروے میں موجود ہیں جہاں عوام نے انہیں ٹرین کی چھت پر سوار دیکھا۔

    اگلے مرحلے میں فلم کی شوٹنگ روم میں ہوگی۔

     

    View this post on Instagram

     

    Norway’s scale and beauty have left an indelible and defining imprint on our film and reminded us that anything is possible. On behalf of everyone working on Mission: Impossible, our sincerest thanks to The Norwegian Film Incentive, The Norwegian Railway Museum, the infinitely patient Stranda and Rauma Municipalities, our endlessly enduring Norwegian crew, along with everyone who supported our filming here. And, of course… The Mountain. Most of all, we give thanks to the warm and welcoming people of Norway. Your kindness and consideration are nothing less than an inspiration. We’ll miss you dearly and look forward to seeing you again. Tusen hjertelig takk. Buckle up, Roma. Here we come… #MI7MI8

    A post shared by Christopher McQuarrie (@christophermcquarrie) on

    مشن امپاسبل 7 کو 23 جولائی 2021 کو ریلیز کیا جانا تھا تاہم کرونا وائرس کے باعث شوٹنگ میں تاخیر ہونے کے بعد اب ممکنہ طور پر اسے 19 نومبر 2021 کو ریلیز کیا جائے گا۔

    اس کی وجہ سے مشن امپاسبل 8 بھی تاخیر کا شکار ہوگئی ہے جسے 5 اگست 2022 کی جگہ اب 4 نومبر 2022 میں ریلیز کیا جائے گا، سیریز کے ان دونوں ساتویں اور آٹھویں حصے کو ایک کے بعد ایک شوٹ کیا جانا تھا۔

    مشن امپاسبل 7 کی ٹیم کو گزشتہ دنوں ایک خاصا بڑا مالی نقصان بھی پہنچا تھا جب شوٹنگ کے دوران ایک اسٹنٹ ناکام ہوگیا تھا، آکسفورڈ شائر پر کیے جانے والے اس اسٹنٹ کے دوران اسٹنٹ مین کی مہنگی موٹر سائیکل میں آگ لگ گئی تھی۔

    مذکورہ حادثے میں فلم کے مذکورہ سین کے لیے لگائے گئے سیٹ کو بھی نقصان پہنچا جس کے باعث فلمسازوں کو 26 لاکھ ڈالر کا نقصان اٹھانا پڑا تھا۔

    فلم کی شوٹنگ دن رات جاری ہے اور ٹام کروز فلم کی جلد تکمیل کے لیے پرامید ہیں۔

  • مشن امپاسبل 7: اسٹنٹ غلط ہوجانے سے بھاری نقصان

    مشن امپاسبل 7: اسٹنٹ غلط ہوجانے سے بھاری نقصان

    ہالی ووڈ فلم ایکشن فلم مشن امپاسبل 7 کی شوٹنگ ایک بار پھر تاخیر کا شکار ہوگئی جس سے فلم کے پروڈیوسر اور مرکزی کردار ٹام کروز سخت پریشانی کا شکار ہیں، فلم کا ایک اسٹنٹ غلط ہوجانے سے کروز کو بھاری مالی نقصان اٹھانا پڑا ہے۔

    مشن امپاسبل 7 کی شوٹنگ کرونا وائرس کی وجہ سے روک دی گئی تھی جس سے ٹیم کو خاصا مالی نقصان پہنچا تھا، اب برطانیہ میں کرونا وائرس کی پابندیوں میں نرمی کے بعد اس فلم کی شوٹنگ دوبارہ شروع کی گئی تاہم چند دن بعد ہی اس کی شوٹنگ ایک بار پھر روکنی پڑی۔

    بین الاقوامی میڈیا کے مطابق شوٹنگ کے دوران ایک اسٹنٹ ناکام ہوگیا، آکسفورڈ شائر پر کیے جانے والے اس اسٹنٹ کے دوران اسٹنٹ مین کی مہنگی موٹر سائیکل میں آگ لگ گئی۔

    مذکورہ حادثے سے فلمسازوں کو 26 لاکھ ڈالر کا نقصان پہنچا ہے۔

    رپورٹ کے مطابق حادثے میں خوش قسمتی سے کوئی زخمی نہیں ہوا تاہم مذکورہ اسٹنٹ کے لیے 6 ہفتوں تک کی گئی تیاری اور اس کے سیٹ پر خرچ کیے گئے 26 لاکھ ڈالر خاک ہوگئے۔

    ایک فلم ذرائع کے مطابق یہ ایک بڑا نقصان ہے جس کی وجہ سے خطیر رقم، محنت اور وقت ضائع ہوا ہے۔ ذرائع کا کہنا ہے کہ بدقسمتی سے یہ اسٹنٹ مس کیلکولیٹ ہوا جس کی وجہ سے بھاری نقصان اٹھانا پڑا۔

    اسٹنٹ کی ناکامی کے بعد فلم کی شوٹنگ عارضی طور پر روک دی گئی ہے۔ شوٹنگ رکنے، فلم کی ریلیز میں مزید تاخیر ہونے اور بھاری مالی نقصان کے باعث ٹام کروز سخت پریشانی کا شکار ہیں جو اس فلم کے پروڈیوسر بھی ہیں۔

    مشن امپاسبل 7 کو 23 جولائی 2021 کو ریلیز کیا جانا تھا تاہم کرونا وائرس کے باعث شوٹنگ میں تاخیر ہونے کے بعد اب ممکنہ طور پر اسے 19 نومبر 2021 کو ریلیز کیا جائے گا۔

    اس کی وجہ سے مشن امپاسبل 8 بھی تاخیر کا شکار ہوگئی ہے جسے 5 اگست 2022 کی جگہ اب 4 نومبر 2022 میں ریلیز کیا جائے گا، سیریز کے ان دونوں ساتویں اور آٹھویں حصے کو ایک کے بعد ایک شوٹ کیا جانا تھا۔

  • غیر معیاری اسٹنٹ کیس: صحت پر حکومتی کوتاہی برداشت نہیں: عدالت

    غیر معیاری اسٹنٹ کیس: صحت پر حکومتی کوتاہی برداشت نہیں: عدالت

    اسلام آباد: غیر معیاری اور غیر رجسٹرڈ اسٹنٹ سے متعلق از خود نوٹس کی سماعت کے دوران سپریم کورٹ نے کہا کہ ریاست کی ذمہ داری ہے کہ مقامی سطح پر اسٹنٹ تیار ہوں۔ جب تک معاملہ عدالت میں نہیں آتا ریاست ذمہ داری نہیں لیتی۔

    تفصیلات کے مطابق سپریم کورٹ میں دل کی شریانیں کھولنے کے لیے مبینہ طور پر مہنگے، ناقص اور غیر رجسٹرڈ اسٹنٹ سے متعلق کیس کی سماعت ہوئی۔

    عدالت نے حکومت سے مقامی سطح پر تیار ہونے والے اسٹنٹ سے متعلق معلومات طلب کرلیں۔ چیف جسٹس ثاقب نثار کا کہنا تھا کہ درآمد کردہ اسٹنٹ 6 سے 7 لاکھ روپے میں ڈالا جاتا ہے۔ مقامی سطح پر تیار اسٹنٹ کی قیمت 50 ہزار روپے تک ہوگی۔

    چیف جسٹس نے کہا کہ مریض کے دل کی شریانیں کھولنے کے لیے غیر معیاری اور غیر رجسٹرڈ اسٹنٹ نہ ڈالا جائے۔ صحت کے معاملے پر حکومتی کوتاہی برداشت نہیں کریں گے۔ اس معاملے پر عدالت اپنی ہر ذمہ داری پوری کرے گی۔

    چیف جسٹس نے مزید کہا کہ آپریشن تھیٹر میں مریض زندگی اور موت کی کشمکش میں ہوتا ہے، چاہتا ہے کہ زندگی بچ جائے۔ اس کااستحصال نہیں ہونا چاہیئے۔

    حکومتی وکیل رانا وقار نے عدالت کو بتایا کہ اسٹنٹ میں استعمال ڈیوائسز کو رجسٹرڈ کرنے کے قوانین نرم کیے ہیں۔

    کیس کی مزید سماعت اپریل کے آخری ہفتے تک ملتوی کردی گئی۔

    اس سے قبل سماعت میں چیئر مین ہارٹ پیشنٹ سوسائٹی نے عدالت کو آگاہ کیا تھا کہ پاکستان میں تیار اسٹنٹ تجرباتی مراحل میں ہے۔