پاکستان شوبز انڈسٹری کی معروف اداکارہ و ماڈل مریم نور کے یہاں پہلے بچے کی پیدائش ہوئی ہے۔
اداکارہ مریم نور نے فوٹو اینڈ شیئرنگ ایپ انسٹاگرام اسٹوری پر خوشی کی خبر شیئر کی ہے، جس میں انہوں نے مداحوں کو بتایا کہ ان کے ہاں بیٹے کی پیدائش ہوئی ہے۔
اداکارہ مریم نور نے اسٹوری شیئر کرتے ہوئے بیٹے کی نعمت ملنے پر اللّٰہ تعالیٰ کا شکر بھی ادا کیا ہے، ساتھ ہی بتایا کہ انہوں نے اپنے بیٹے کا نام ’ نائل اسماعیل‘ رکھا ہے۔
View this post on Instagram
مریم نور نے پوسٹ کے کیپشن میں لکھا کہ میرے باغ کا سب سے قیمتی پھول کھل گیا ہے، ہم اپنے اس چھوٹے اور پیارے بیٹے کو خوش آمدید کہتے ہیں۔
اداکارہ مریم نور نے اپنے اہلِ خانہ اور چاہنے والوں کی انسٹا اسٹوریز کو بھی ری شیئر کیا ہے جس میں انہیں اسپتال میں دیکھا جا سکتا ہے جبکہ ایک تصویر میں ان کے ننھے بیٹے کو بھی دیکھ سکتے ہیں۔
اس سے قبل اداکارہ مریم نور نے فوٹو اینڈ شیئرنھ ایپ انسٹاگرام پر بچے کی پیدائش سے قبل کروایا گیا فوٹو شوٹ شیئر کیا تھا، جس میں انہوں نے سفید میکسی میں دیکھا جاسکتا ہے۔
View this post on Instagram
ڈراموں میں اپنی اداکاری کے جوہر دکھانے والی اداکارہ مریم نور سال 2022 میں اسماعیل بٹ نامی شخص کے ساتھ رشتہ ازدواج میں منسلک ہوئیں تھیں۔
واضح رہے کہ مریم نور نے اے آر وائی ڈیجیٹل کے ڈرامہ سیریل ’تقدیر‘ میں زونی کا کردار نبھایا تھا جس کی دیگر کاسٹ میں سمیع خان، علیزے شاہ، خالد انعم، صبا فیصل، عالیہ علی ودیگر شامل تھے۔
