اسلام آباد : آئی ایم ایف نے اسٹیشنری پر ٹیکس ختم کرنےکی اجازت دینےسےانکارکردیا، بجٹ میں اسٹیشنری آئٹمز پردس فیصد سیلز ٹیکس عائد کیا ہے۔
تفصیلات کے مطابق حکومت پاکستان کی اسٹیشنری پر ٹیکسزمیں کمی پر آئی ایم ایف کو منانے کی کوششیں جاری ہے، ذرائع نے بتایا کہ آئی ایم ایف کیساتھ اسٹیشنری کے ٹیکس پر ورچوئل مذاکرات ناکام ہوگئے۔
آئی ایم ایف بچوں کے پین، اسٹیپلراور مارکر پرٹیکس کی شرط پر بضد ہے جبکہ کیلکو لیٹر،شارپنرز، ایریزرپر بھی ٹیکس برقرار رہے گا۔
آئی ایم ایف کا کہنا ہے کہ بچوں کے آرٹ سپلائیز،اسٹکی نوٹس ، ہائی لائٹرز،پنچنگ مشینز،پینسل باکس پر بھی ٹیکس برقرار رہے گا۔
وفاقی حکومت نے بجٹ میں اسٹیشنری آئٹمزپر10فیصدسیلزٹیکس لگا رکھاہے، ٹیکس بڑھنے سے جولائی میں اسٹیشنری آئٹمزکی قیمتوں میں بڑااضافہ ریکارڈ کیا گیا۔
10فیصد سیلزٹیکس کے باعث اسٹیشنری آئٹمز15فیصدمہنگی ہو چکی ہیں، ایف بی آرکی جانب سےآئی ایم ایف سےاسٹیشنری پرطویل مذاکرات کئے گئے، آئی ایم ایف نےسیلز ٹیکس شرط بڑےپیمانےپر اسٹیشنری درآمد ہونے پر رکھی ہے۔
پاکستان چین، ہانگ کانگ ودیگر ملکوں سے بڑےپیمانےپر اسٹیشنری درآمدکرتاہے، پاکستان کے 850سےزائد امپورٹرز اسٹیشنری امپورٹ کرتےہیں،ذرائع
