ARYNews.tv | Urdu – Har Lamha Bakhabar

Tag: اسٹیون اسمتھ

  • وانکھیڈے اسٹیڈیم میں نصب مجسمہ ٹنڈولکر کے بجائے اسمتھ سے مشابہ نکلا

    وانکھیڈے اسٹیڈیم میں نصب مجسمہ ٹنڈولکر کے بجائے اسمتھ سے مشابہ نکلا

    بھارتی منتظمین ورلڈکپ میں ایک کے بعد ایک گُل کھلا رہے ہیں، اس بار ممبئی کے وانکھیڈے اسٹیڈیم میں ٹنڈولکر کے مجسمے کو اسٹیون اسمتھ کے مشابہ بنا ڈالا۔

    سری لنکا اور بھارت کے درمیان میچ سے قبل وانکھیڈے اسٹیڈیم میں لٹل ماسٹر سچن ٹنڈولکر کے مجسمے کی نقاب کشائی کی گئی۔ تاہم منتظم کی لاپروائی کے باعث یہ مجسمہ بھارتی بیٹر سے زیادہ آسٹریلین بیٹر اسٹیون اسمتھ سے مشابہت رکھتا ہے۔

    https://twitter.com/stevsmith49/status/1720004108340605317?ref_src=twsrc%5Etfw%7Ctwcamp%5Etweetembed%7Ctwterm%5E1720004108340605317%7Ctwgr%5E812d6badafc317b77202bcf538e15e44ef9dfbc0%7Ctwcon%5Es1_c10&ref_url=https%3A%2F%2Fwisden.com%2Fseries-stories%2Fcricket-world-cup-2023%2Fsachin-tendulkar-or-steve-smith-newly-unveiled-trophy-in-wankhede-stadium-confuses-fans

    اس مجسمے کو دیکھنے کے بعد عوام کا کافی مزاحیہ ردعمل سامنے آرہا ہے۔ مجسمے میں سچن کو سیدھی ڈرائیو کھیلتے ہوئے دکھایا گیا ہے جبکہ انکا بلا کاندھے سے اوپر موجود ہے۔ ایک نظر میں یہ مجسمہ ہوبہو اسمتھ کی شکل کا لگ رہا ہے۔

    مجسمے کی اسمتھ سے غیر معمولی مماثلت فوراً ہی سوشل میڈیا صارفین بھانپ گئے۔ اسٹیو اسمتھ کے نام سے کئی جعلی اکاؤنٹس بھی میدان میں آگئے اور اس مجسمے پر اپنی رائے دینے لگے۔

    کرکٹ کمیونٹی، شائقین، صحافی اور دیگر بہت سے لوگ بھی اس نئے نصب کیے گئے مجسمے کے کو دیکھ کر اپنی حیرانی کا اظہار کیے بنا نہ رہ سکے۔

    واضح رہے کہ ممبئی کرکٹ ایسوسی ایشن (ایم سی اے) نے یکم نومبر کو وانکھیڈے اسٹیڈیم میں ایک رنگا رنگ تقریب منعقد کی تھی جس میں سچن ٹنڈولکر کے ایک عظیم الشان مجسمے کی نقاب کشائی کی گئی جو سچن ٹنڈولکر کے اسٹینڈ کے قریب واقع ہے۔

  • گرمی سے بے حال اسمتھ کے لیے گراؤنڈ میں کرسی آگئی، دلچسپ ویڈیو

    گرمی سے بے حال اسمتھ کے لیے گراؤنڈ میں کرسی آگئی، دلچسپ ویڈیو

    بھارت اور آسٹریلیا کے درمیان ہونے والے تیسرے ون ڈے میچ میں گرمی نے اسمتھ کا بھرکس نکال دیا، انھیں آرام کرنے کے لیے گراؤنڈ میں کرسی منگوانا پڑی۔

    راجکوٹ میں کینگروز اور میزبان کے درمیان تیسرا میچ کافی گرم موسم میں کھیلا گیا جس کی وجہ سے بیٹنگ کے دوران اسٹیون اسمتھ کو بریک لینا پڑا، گرائونڈ میں ان کے لیے کرسی بھی منگوائی گئی جس پر ان کے بیٹھنے اور برف سے سر کے مساج کی ویڈیو سوشل میڈیا پر وائرل ہوگئی۔

    یہ واقعہ اننگز کے 28 ویں اوور کے بعد پیش آیا جب آسٹریلوی بیٹر گرمی سے نڈھال دکھائی دیے جب کہ اس دوران بھارتی کرکٹر ویرات کوہلی میدان میں مستی کرتے دکھائی دیے۔

    کرسی پر آرام اور برف سے مساج کے بعد بھی اسمتھ کی طاقت بحال نہ ہوسکی اور وہ کچھ ہی دیر بعد محمد سراج کے ہاتھوں آؤٹ ہوئے جنہوں نے انھیں ایل بی ڈبلیو کیا۔

    آسٹریلوی بیٹر نے اپنی اننگز کے دوران ون ڈے کرکٹ میں پانچ ہزار رنز بھی مکمل کیے۔ اسمتھ نے اپنی مذکورہ اننگز میں آٹھ چوکوں اور ایک چھکے کی مدد سے 74 رنز بنائے۔ آسٹریلیا نے اس میچ میں بھارت کے خلاف 66 رنز سے کامیابی حاصل کی۔

  • بھارتی بولر بے بس، آسٹریلوی بلے باز کی پے در پے دوسری سینچری، انڈیا کو پہاڑ جیسا ہدف مل گیا

    بھارتی بولر بے بس، آسٹریلوی بلے باز کی پے در پے دوسری سینچری، انڈیا کو پہاڑ جیسا ہدف مل گیا

    سڈنی: آسٹریلیا اور بھارت کے درمیان جاری دوسرے ون ڈے انٹرنیشنل میچ میں بیٹسمین اسٹیون اسمتھ کے آگے بھارتی بولر بے بس ہو گئے۔

    تفصیلات کے مطابق آج بھارت کے خلاف دوسرے ون ڈے میچ میں بھی آسٹریلوی بلے باز اسٹیون اسمتھ نے پے در پے دوسری سینچری جُڑ دی ہے۔

    آسٹریلوی بیٹسمین نے شان دار بلے بازی کا مظاہرہ کرتے ہوئے 62 گیندوں پر 100 کا ہندسہ عبور کیا۔ 27 نومبر کو پہلے میچ میں بھی انھوں نے 66 گیندوں پر 4 چھکوں اور 11 چوکوں کی مدد سے 105 رنز بنائے تھے۔

    Wow! Our top five all scored 50+, with Smith getting a ton!

    Great batting lads!

    Check out the scorecard here: cricketa.us/AUSvIND20-2

    Posted by Australian Men’s Cricket Team on Saturday, November 28, 2020

    31 سالہ مڈل آرڈر بلے باز نے آج 64 گیندوں کا سامنا کیا اور 104 رنز بنائے، ان کی اننگز میں 2 چھکے اور 14 چوکے شامل تھے، وہ پانڈیا کی گیند پر محمد شامی کے ہاتھوں کیچ آؤٹ ہوئے۔

    آئی پی ایل کے شیر آسٹریلیا میں ڈھیر، بھارت کوعبرتناک شکست

    واضح رہے کہ آج آسٹریلیا میں سڈنی کرکٹ گراؤنڈ میں بھارت اور میزبان ٹیم کے درمیان 3 ون ڈے میچز کی سیریز کا دوسرا میچ جاری ہے، آسٹریلیا نے پہلے بیٹنگ کرتے ہوئے بھارت کو ایک بار پھر پہاڑ جیسا ہدف دیتے ہوئے 4 وکٹوں پر 389 کا اسکور بنا لیا ہے۔

    آج آسٹریلوی اننگ کی خاص بات یہ تھی کہ 5 کھلاڑیوں نے پچاس کا ہندسہ عبور کیا، ڈیوڈ وارنر نے 83 رنز کی اننگ کھیلی، آرن فنچ نے 60 رنز بنائے، اسٹیون اسمتھ 104 رنز پر آؤٹ ہوئے، مارنس لبوشین نے 70 رنز بنائے جب کہ گلین میکسوئل نے 63 رنز کی اننگ کھیلی۔

    آسٹریلیا کی ٹیم نے پہلے ون ڈے میں بھارت کو 66 رنز سے عبرت ناک شکست دی تھی، 6 وکٹوں پر 374 رنز کے ہدف کے تعاقب میں انڈیا ٹیم صرف 308 رنز بنا سکی تھی، آسٹریلیا کے بلے باز اسٹیون اسمتھ کو 105 رنز بنانے پر مین آف دی میچ کے اعزاز سے نوازا گیا۔

  • خود کو انوکھی سزا دینے والے آسٹریلوی کھلاڑی

    خود کو انوکھی سزا دینے والے آسٹریلوی کھلاڑی

    برسبین: پاکستان کے خلاف پہلے ٹیسٹ میچ میں کم رنز بنانے پر اسٹیون اسمتھ نے خود کو انوکھی سزا دی۔

    تفصیلات کے مطابق میچ میں کم اسکور کرنے یا پھر غلطی سے آؤٹ ہونے پر کھلاڑیوں کو ندامت تو ہوتی ہے لیکن اسٹیون اسمتھ وہ واحد بلے باز ہیں جو خود کو سزا بھی دیتے ہیں۔

    ایسا ہی کچھ ہوا پاکستان اور آسٹریلیا کے درمیان کھیلے جانے والے پہلے ٹیسٹ میچ میں جہاں قومی ٹیم کے باصلاحیت بولر یاسر شاہ نے اسٹیون اسمتھ کو 7 رنز کے انفرادی اسکور پر آؤٹ کیا جس کے بعد اسمتھ کو مایوسی ہوئی۔

    ٹیسٹ کے نمبر ایک بیٹسمین آسٹریلیا کے اسٹیون اسمتھ کا کہنا ہے کہ برسبین ٹیسٹ میں پاکستان کے خلاف صرف سات رنز پر آؤٹ ہونے پر خود کو سزا دی اور گراؤنڈ سے ہوٹل تک پیدل گیا۔

    انہوں نے دلچسپ انداز میں کہا کہ جب وہ رنز نہیں کرتے تب خود کو سزا دیتے ہیں اور جب رنز کرتے ہیں تو اپنے آپ کو چاکلیٹ کا تحفہ دیتے ہیں۔

    خیال رہے کہ یاسر شاہ نے آسٹریلیا کی بیٹنگ لائن میں ریڑھ کی ہڈی سمجھے جانے والے اسٹیون اسمتھ کو ٹیسٹ میں ساتویں مرتبہ آؤٹ کیا۔ اپنے ایک انٹرویو میں اسٹیون اسمتھ نے کہا تھا کہ وہ اب یاسر شاہ کے خلاف مزید احتیاط کریں گے اور پوری کوشش کریں گے کہ کوئی غلطی نہ کریں۔

  • ایشز، آسٹریلیا کو آخری ٹیسٹ میں شکست، سیریز 2-2 سے برابر، ٹرافی پر کینگروز کا قبضہ برقرار

    ایشز، آسٹریلیا کو آخری ٹیسٹ میں شکست، سیریز 2-2 سے برابر، ٹرافی پر کینگروز کا قبضہ برقرار

    اوول: انگلش ٹیم کے ایشیز سیریز کے پانچویں اور آخری ٹیسٹ میچ میں آسٹریلیا کو 135 رنز سے شکست دے دی، سیریز 2-1 سے برابر ہوگئی جبکہ ٹرافی پر کینگروز کا قبضہ برقرار ہے۔

    تفصیلات کے مطابق انگلش ٹیم نے دوسری اننگز میں 329 رنز بنائے اور کینگروز کو جیت کے لیے 399 رنز کا ہدف دیا، ہدف کے تعاقب آسٹریلوی ٹیم چوتھے روز 263 رنز پر ڈھیر ہوگئی، میتھیو ویڈ کی سنچری بھی آسٹریلیا کو شکست سے نہ بچاسکی۔

    ہدف کے تعاقب میں آسٹریلیا نے اپنی دوسری اننگز شروع کی تو 29 رنز پر دونوں اوپنر پویلین لوٹ گئے، مارکس ہیرس 9 اور ڈیوڈ وارنر 11 رنز بنا کر اسٹیورٹ براڈ کا نشانہ بنے۔

    ون ڈاؤن پر آنے والے مارنس لبوچنجے 14 رنز پر لیچ کو وکٹ دے بیٹھے، اسٹیو اسمتھ کو 23 رنز پر براڈ نے نشانہ بنایا، میتھیو ویڈ نے 117 رنز کی شاندار اننگز کھیلی انہیں جو روٹ نے اسٹمپڈ آؤٹ کرایا۔

    مچل مارش 24 اور آسٹریلوی کپتان ٹم پین 21 رنز بناسکے، نیتھن لائن 1 اور جوش ہیزل ووڈ بغیر کوئی رن بنائے اسپنر لیچ کا نشانہ بنے، پیٹرل سڈل 13 رنز بنا کر ناٹ آؤٹ رہے۔

    انگلش فاسٹ بولر اسٹیورٹ اور لیچ نے 4، 4 کھلاڑیوں کو پویلین کی راہ دکھائی، جو روٹ کے حصے میں دو وکٹ آئیں۔

    اس سے قبل انگلش ٹیم اپنی دوسری اننگز میں 329 رنز بنا کر آؤٹ ہوگئی تھی، اوپنر جو ڈینلی نے 94 اور بین اسٹوکس نے 67 رنز کی شاندار اننگز کھیلی تھی۔

    انگلینڈ نے اپنی پہلی اننگز میں 294 اور دوسری اننگز میں 329 رنز بنائے جبکہ آسٹریلوی ٹیم پہلی اننگز میں 225 رنز پر ڈھیر ہوئی اور دوسری اننگز میں 263 رنز بناسکی۔

    پانچ میچوں کی سیریز 2-2 سے برابر ہوگئی ہے، سیریز کا ایک میچ ڈرا ہوگیا، سیریز برابر ہونے کے باوجود آسٹریلوی ٹیم کا ٹرافی پر قبضہ برقرار ہے۔

  • ایشز سیریز، اسمتھ نے انگلش بولرز کا بھرکس نکال دیا، ڈبل سنچری جڑ دی

    ایشز سیریز، اسمتھ نے انگلش بولرز کا بھرکس نکال دیا، ڈبل سنچری جڑ دی

    اولڈ ٹریفورڈ: ایشیز سیریز کے چوتھے ٹیسٹ میچ میں آسٹریلوی بلے باز اسٹیون اسمتھ نے انگلش بولرز کا بھرکس نکالتے ہوئے ڈبل سنچری جڑ دی۔

    تفصیلات کے مطابق ایشیز سیریز میں گردن پر گیند لگنے کے بعد واپسی کرنے والے آسٹریلوی بلے باز اسٹیون اسمتھ نے انگلش بولرز کے ناک میں دم کردیا اور سیریز میں تیسری سنچری بنا ڈالی، آسٹریلوی نے اپنی اننگز 497 رنز 8 کھلاڑی آؤٹ پر ڈیکلیئر کردی، دن کے اختتام پر انگلینڈ نے ایک وکٹ کے نقصان کے 23 رنز بنائے ہیں۔

    ایشیز سیریز میں آسٹریلیا نے گزشتہ روز ٹاس جیت کر پہلے بیٹنگ کا فیصلہ تو اوپنر ڈیوڈ وارنر بغیر کوئی رن بنائے اسٹیورٹ براڈ کا شکار بنے، دوسرے اوپنر ہیرس بھی 13 رنز بنا کر براڈ کا نشانہ بنے۔

    اسٹیو اسمتھ اور لباچنگے نے ٹیم کا اسکور آگے بڑھایا اور سو رنز کی شراکت داری قائم کی پھر لباچنگے 67 رنز بنا کر اسمتھ کا ساتھ چھوڑ گئے لیکن اسمتھ دوسرے اینڈ پر ڈٹے رہے اور 211 رنز کی شاندار اننگز کھیل کر آؤٹ ہوئے۔

    اسمتھ نے کیریئر کی 26 ویں سنچری بنائی ہے وہ کلینڈر ایئر میں ویرات کوہلی کو پیچھے چھوڑتے ہوئے سب سے زیادہ رنز بنانے والے کھلاڑی بن گئے ہیں، یاد رہے کہ اسمتھ نے آئی سی سی ٹیسٹ رینکنگ میں بھی بھارتی کپتان ویرات سے پہلی پوزیشن چھین لی تھی۔

    آسٹریلوی کپتان ٹم پین نے سیریز میں اپنی پہلی نصف سنچری اسکور کی وہ 58 رنز بنا کر اوورٹن کا نشانہ بنے جبکہ فاسٹ بولر مچل اسٹارک نے جارحانہ 54 رنز کی ناقابل شکست اننگز کھیلی۔

    انگلش بولرز اسٹیورٹ براڈ نے تین کھلاڑیوں کو پویلین بھیجا جبکہ اسپنر لیچ اور فاسٹ بولر اوورٹن نے دو، دو وکٹیں اپنے نام کیں۔

    واضح رہے کہ پانچ میچوں کی سیریز 1-1 سے برابر ہے، سیریز کا ایک میچ ڈرا ہوگیا تھا۔

  • بال ٹیمپرنگ،اسٹیون اسمتھ اور ڈیوڈ وارنر پرایک سال کی پابندی

    بال ٹیمپرنگ،اسٹیون اسمتھ اور ڈیوڈ وارنر پرایک سال کی پابندی

    سنڈنی : آسٹریلیوی ٹیم کے کپتان اسٹیون اسمتھ اور نائب کپتان ڈیوڈ وارنر پر جنوبی افریقہ کے خلاف ٹیسٹ میچ میں بال ٹمپرنگ کرنے کے جرم میں ایک سال کے لیے کرکٹ کھیلنے کی پابندی عائد کردی گئی ہے۔

    تفصیلات کے مطابق 24مارچ کو کیپ ٹاؤن میں جنوبی افریقہ اور آسٹریلیا کے درمیان کھیلے جانے والے تیسرے ٹیسٹ میچ کے دوران آسٹریلوی ٹیم کے کپتان اسٹینون اسمتھ، نائب کپتان ڈیوڈوارنر اور بلّے باز کیمرون بینکرافٹ بال ٹمپرنگ کرتے ہوئے پکڑے گئے تھے۔

    آسٹریلوی کرکٹ بورڈ کے سربراہ جیمز سدر لینڈ کا کہنا ہے کہ آسٹریلوی ٹیم کے کپتان اسٹیون اسمتھ اور نائب کپتان وارنر کے خلاف بال ٹمپرنگ ثابت ہونے کے جرم میں ایک سال کے لیے کرکٹ کھلینے پر پابندی عائد کردی گئی ہے۔

    آسٹریلوی کرکٹ بورڈ کے مطابق کینگروز ٹیم کے مایہ ناز بلّے باز کیمرون بینکرافٹ پر بھی 9 ماہ کی پابندی عائد کرکے تینوں کھلاڑیوں کو پابندی سے آگاہ کردیا گیا ہے۔ جبکہ اسٹینون اسمتھ اور ڈیوڈوارنر پر انڈین پریمیئر لیگ کھیلنے پر پابندی ہوگی۔

    خیال رہے کہ آسٹریلوی کرکٹ بورڈ کے سربراہ جیمز سدر لینڈ نے چند روز قبل ٹیسٹ میچ کے دوران آسٹریلوی ٹیم کے کپتان اسمتھ اور نائب کپتان وارنر کی جانے والی بال ٹمپرنگ کا اعتراف کرنے بعد کپتانی چھوڑنے کا اعلان کردیا تھا۔

    بال ٹمپرنگ میں ملوث آسٹریلوی کپتان اسٹیون اسمتھ مستعفی

    یاد رہے کہ آئی سی سی کی جانب سے بال ٹمپرنگ ثابت ہونے پر آسٹریلوی کپتان اسٹیو اسمتھ پر میچ فیس کا سو فیصد جرمانہ اور ایک ٹیسٹ میچ کی پابندی عائد کی گئی تھی جبکہ کیمرون بینکرافٹ پر میچ فیس کا 75 فیصد جرمانہ اور تین پوائئنٹس میں بھی کمی کردی گئی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • میلبورن ٹیسٹ : آسٹریلوی کپتان نے یاسرشاہ کو خطرناک قرار دے دیا

    میلبورن ٹیسٹ : آسٹریلوی کپتان نے یاسرشاہ کو خطرناک قرار دے دیا

    میلبورن : آسٹریلوی ٹیم نے میلبورن ٹیسٹ کیلئے پاکستانی لیگ اسپنر یاسر شاہ کو خطرناک قرار دے دیا جبکہ مڈل آرڈر بیٹسمین اسد شفیق ٹیم کی کامیابی کے لئے پرعزم ہیں۔

    تفصیلات کے مطابق آسٹریلوی ٹیم کے کوچ ڈیرن لیہمن اور کپتان اسٹیون اسمتھ نے اپنے کھلاڑیوں کو خبردار کردیا ہے کہ میلبورن میں یاسرشاہ آسٹریلوی ٹیم کیلیے مشکلات کھڑی کرسکتے ہیں۔

    ان کا کہنا ہے کہ میلبورن کے گراؤنڈ میں وکٹ ٹرن ہوتی ہے۔ اس میں یاسر شاہ کا کردار اہم ہوسکتا ہے۔ کھلاڑیوں کو بہت محتاط ہوکر کھیلنا ہوگا۔

    یاسر خطرناک بولر ہیں وہ وکٹیں لینا جانتے ہیں ہم انہیں آسان نہیں لے سکتے۔ دریں اثناء برسبین ٹیسٹ کے ہیرو اور پاکستان کے مڈل آرڈر بیٹسمین اسد شفیق نے کہا ہے کہ ہم دوسرے میچ کی اہمیت جانتے ہیں ہماری ٹیم صرف جیت کیلئے میدان میں اترے گی۔

    انہوں نے کہا کہ آسٹریلیا کے خلاف باکسنگ ڈے ٹیسٹ کیلئے بہت پرجوش ہیں۔ انہیں امید ہے کہ ٹیم دوسرے ٹیسٹ میں اچھا کھیل پیش کرے گی۔

     مزید پڑھیں : یاسر شاہ کی تیز ترین 100 وکٹیں، مخالف ٹیم 357 پر آؤٹ

    اسد شفیق نے لیگ اسپنر یاسر شاہ کی بھی تعریف کی اور کہا کہ میلبورن کی کنڈیشنز میں وہ آسٹریلیا کیلئے مشکل بولر ثابت ہوں گے۔

    مزید پڑھیں: مصباح الحق اور یاسر شاہ کا نام لارڈز آنر بورڈ پر درج کردیا گیا

    ادھر کیوریٹر نے بیٹسمینوں کو محتاط رہنے کی ہدایت کردی۔ کہتے ہیں کہ پہلا سیشن سکون سے کھیلیں تو پھر بیٹنگ کرنا آسان ہوجائے گی۔ جلد بازی نقصان دے سکتی ہے۔

    مزید پڑھیں : برمنگھم ٹیسٹ : یاسر شاہ نے 120 سالہ ریکارڈ توڑ دیا