اسلام آباد: مسلم لیگ ن کی رہنما ماروی میمن کا کہنا ہے کہ اسٹیٹ بنک کے گورنر طارق باجوہ کی برطرفی بارش کا پہلا قطرہ ہے، گورنراسٹیٹ بنک کوحکومتی احکامات پرعملدرآمد میں بارباررکاوٹ بننے کے سبب ہٹایا گیا ہے۔
تفصیلات کے مطابق اپنے ٹویٹرپیغام میں ماروی میمن کا کہنا تھا کہ ملک کی’ہروزارت میں میں ایسے لوگ موجود ہیں، عمران خان وزارتوں میں موجود ایسے لوگوں کی صفائی کریں گے‘۔
اپنے پیغام میں ان کا مزید کہنا تھا کہ’طارق باجوہ کی برطرفی بارش کاپہلاقطرہ ہے، ایسےلوگوں کی صفائی کےبعدشایدبہترگورننس کی شروعات ہوگی۔ ماروی میمن کا کہنا تھا کہ مسلم لیگ ن اور پیپلزپارٹی نےکئی سالوں سےمیری باری،تمہاری باری کی ،باریاں لگاکردونوں پارٹیوں نےاپنےلوگ سسٹم میں پھیلارکھےہیں‘۔
Baarish ka pehla katra.There r more within each ministry.Ik wil purge n then maybe we can c governance start.Amazing ghaflat for 8 months. Remember ppp n esp pmln r super experienced n entrenched everywhere.Since we had years of govt in r hands-decaaaades of ‘my turn ur turn’ https://t.co/MQ8qvBwxRG
— Marvi Memon (@marvi_memon) May 5, 2019
ماروی میمن نے اس ٹویٹ کے ساتھ اے آروائی نیوز کا سوشل میڈیا پر گردش کرنے والا ویڈیو کلپ بھی شیئر کیا تھا جس میں اسٹیٹ بنک کے سابق گورنرطارق باجوہ کی برطرفی کی وجوہات بیان کی گئی ہیں۔
ذرائع کے مطابق سابق گورنراسٹیٹ بینک طارق باجوہ اہم معلومات لیک کرنے میں ملوث تھے۔ وہ مفرورسابق وزیرخزانہ اسحاق ڈار کے بہت قریب تھے۔ طارق باجوہ حکومتی احکامات پرعملدرآمد میں بار بار رکاوٹ بنتے رہے، اقتصادی معاملات سے متعلق وزیراعظم کے احکامات کو بھی نظر اندازکیا گیا۔
طارق باجوہ نے کاروباری افراد کوواجب الادا رقم کی ادائیگی کے واؤچر جاری کرنے سے بھی انکار کیا، 400ارب روپے کے واؤچرجاری کرنے کی منظوری وفاقی کابینہ نے دی تھی۔طارق باجوہ نے حکومت کو بغیربتائے روپے کی قدر کم کی تھی، وزیراعظم عمران خان نے کہا تھا کہ ڈالرکی قدر میں اضافے کا ٹی وی سے علم ہوا۔
طارق باجوہ نے پاکستان بناؤ سرٹیفکیٹ کے اجرا کے روزشرح سود بڑھا دی تھی، ان کے اقدام پر وزیراعظم عمران خان اوروزرا نے اظہارناراضی کیا تھا۔
