Tag: اسٹیٹ بینک آف پاکستان

کراچی: اسٹیٹ بینک آف پاکستان نے بینکوں کے نئے اوقات کار جاری کر دیے ہیں۔

تفصیلات کے مطابق اسٹیٹ بینک کی جانب سے جاری کردہ اوقات کے مطابق تمام بینک اور مالیاتی ادارے پیر سے جمعہ صبح 9 بجے سے شام ساڑھے پانچ بجے تک کھلیں رہیں گے۔

اسٹیٹ بینک کے مطابق بینکوں اور مالیاتی اداروں میں ظہر کی نماز اور کھانے کا وقفہ دوپہر ایک سے 2 بجے تک ہوگا جبکہ جمعے کی نماز کا وقفہ دوپہر ایک سے ڈھائی بجے تک ہوگا۔

کرونا کے معیشت پر اثرات، گورنراسٹیٹ بینک کا اہم بیان سامنے آگیا

اس سے قبل گزشتہ ہفتےگورنراسٹیٹ بینک رضا باقر کا کہنا تھا کہ کہ کروناوائرس کی وبا سے عوامی صحت کا بحران پیدا ہوا اور ملک میں معاشی بحران کا سامنا بھی ہے۔

یاد رہے کہ رواں سال 28 مئی کو اسٹیٹ بینک آف پاکستان نے بینکوں کے نئے اوقات کار جاری کیے تھے جس کے مطابق تمام بینک اور مالیاتی ادارے پیر سے جمعرات صبح 10 سے سہ پہر ساڑھے 4 بجے اور جمعے کو صبح 10 بجے سے ایک بجے تک کھلے ہوں گے۔

کراچی:اسٹیٹ بینک آف پاکستان نے کرونا وائرس کے معیشت پر اثرات سے متعلق رپورٹ جاری کی ہے جس میں کہا گیا ہے کہ موجودہ صورت حال میں زرمبادلہ کے ذخائر گھٹ سکتے ہیں۔

تفصیلات کے مطابق اسٹیٹ بینک آف پاکستان کا کرونا کے معیشت پر اثرات سے متعلق جاری رپورٹ میں کہنا ہے کہ عالمی معیشت متاثر ہونے سے ترسیلات زر میں کمی ہوئی جبکہ تیل کی کم قیمتوں کا درآمدی ممالک کو فائدہ ہوا۔

رپورٹ میں کہا گیا ہے کہ مقامی سطح پر کاروباری سرگرمیاں متاثر ہوئیں،عوام کی قوت خرید اور بیرونی سرمایہ کاری کم ہوگئی،معاشی سست روی سے محصولات میں کمی ریکارڈ کی گئی۔

اسٹیٹ بینک کے مطابق لاک ڈاؤن سے فیکٹروں اور کاروباروی طبقے کا کیش فلو متاثر ہوا،یہی صورتحال جاری رہی تو کمپنیوں کا دیوالیہ نکل سکتا ہے،کمپنیاں دیوالیہ ہونے سے بینکوں کی آمدنی متاثر ہوگی جبکہ کاروبار بند ہونے سے بےروزگاری میں اضافہ ہوگا۔

رپورٹ میں بتایا گیا ہے کہ موجودہ صورتحال میں زرمبادلہ کے ذخائرگھٹ سکتے ہیں،حالات ایسے رہے تو روپے کی قدر میں کمی کاخدشہ ہے۔کرونا کی وجہ سے معاشی ترقی کی شرح اور بجٹ متاثر ہوگا۔

اسٹیٹ بینک کی جاری کردہ رپورٹ میں کہا گیا ہے کہ معیشت میں بہتری کے حکومت نے کئی اقدامات اٹھائے،درآمدات میں کمی اور برآمدات میں اضافہ ہوا۔

رپورٹ کے مطابق 10 میں سے 4 افراد غربت میں زندگی بسر کر رہے ہیں،پاکستان کے قرضوں میں اضافہ ہو رہا ہے۔اسٹیٹ بینک نے بتایا کہ عوام کی قوت خرید کم ہونے سے جی ڈی پی متاثر ہوگی،کمپنیوں کی آمدنی میں کمی سے بے روزگاری بڑھے گی۔

کراچی: اسٹیٹ بینک آف پاکستان کے زرمبادلہ کے ذخائر8.7 کروڑ ڈالر اضافے کے بعد 12.59 ارب ڈالر کی سطح پر پہنچ گئے۔

تفصیلات کے مطابق اسٹیٹ بینک آف پاکستان کے جاری کردہ اعداد وشمار کے مطابق سرکاری ذخائر میں8.7 کروڑ ڈالر کا اضافہ ہوا، اور زرمبادلہ کے سرکاری ذخائر 12.59 ارب ڈالر کی سطح پر آگئے۔

اعداد و شمار کے مطابق کمرشل بینکوں کے ذخائر9.1 کروڑ ڈالر کمی سے 6.15 ارب ڈالر ہوگئے، جبکہ زرمبادلہ کے مجموعی ذخائر 18 ارب 74 کروڑ ڈالر ہوگئے ہیں۔

اس سے قبل 13 فروری کو اسٹیٹ بینک آف پاکستان کے جاری کردہ اعداد وشمار میں بتایا گیا تھا کہ ملکی زرمبادلہ کے ذخائر 15 کروڑ 70 لاکھ ڈالر اضافے کے بعد 12 ارب 43 کروڑ ڈالر کی سطح پر پہنچ گئے۔

زرمبادلہ کے ذخائر18ارب8کروڑ ڈالر ہوگئے، اسٹیٹ بینک اعلامیہ

یاد رہے کہ رواں سال کے آغاز پر اسٹیٹ بینک آف پاکستان کی جانب سے رپورٹ جاری کی گئی تھی جس میں بتایاگیا تھا کہ ایک ہفتے کے دوران ملکی زرمبادلہ کے ذخائر میں 48 کروڑ 62 لاکھ ڈالر کا اضافہ ہوا۔ ایک ہفتے میں ہونے والے اضافے کے بعد بعد ملکی زرمبادلہ ذخائر 18 ارب 8 کروڑ ڈالر تک پہنچ گئے تھے۔

کراچی: اسٹیٹ بینک آف پاکستان نے ملک میں حالیہ ہونے والی بین الاقوامی سرمایہ کاری کو پاکستان پر بڑھتے ہوئے اعتماد کا مظہر قرار دے دیا۔

تفصیلات کے مطابق اسٹیٹ بینک کے ترجمان نے کہا ہے کہ پاکستان کی قرضہ مارکیٹ میں بین الاقوامی سرمایہ کاروں کی جانب سے سرمایہ کاری کے مضمرات کے بارے میں کئی غلط فہمیاں ہیں، طویل عرصے سے جاری بین الاقوامی سرمایہ کاری اور حالیہ ہونے والی سرمایہ کاری میں فرق ہے۔

ترجمان کا کہنا ہے کہ طویل عرصے سے بین الاقوامی سرمایہ کار پاکستان کی ایکویٹی منڈیوں میں سرمایہ کاری کر رہے ہیں، اسے پورٹ فولیو سرمایہ کاری کہا جاتا ہے، یہ سرمایہ کار ہماری مالی منڈیوں میں سرمایہ لاتے اور نکالتے رہتے ہیں جس سے پاکستانی معیشت کے لیے کوئی مسئلہ پیدا نہیں ہوا۔

اسٹیٹ بینک ترجمان کے مطابق دوسری طرف حال ہی میں بین الاقوامی سرمایہ کاروں نے حکومت پاکستان کے جاری کردہ قرضہ آلات میں سرمایہ کاری شروع کر دی ہے، جو پاکستان پر بڑھتے ہوئے اعتماد کا مظہر ہے، جیسا کہ آئی ایم ایف، ایشیائی ترقیاتی بینک اور عالمی بینک اور ریٹنگ ایجنسیوں سمیت بین الاقوامی مالیاتی اداروں نے بھی تصدیق کی ہے کہ ہمارے اصلاحاتی پروگرام کے نتایج برآمد ہونا شروع ہو چکے ہیں۔

ترجمان نے کہا کہ بین الاقوامی سرمایہ کاروں کی جانب سے حکومتی سیکورٹیز میں سرمایہ کاری سے مقامی مارکیٹ میں گہرائی لانے میں مدد ملتی ہے، جب کہ نجی شعبے کے لیے رقوم کی فراہمی کے سلسلے میں بھی بینکوں کو مدد ملتی ہے، دوسری طرف اس سرمایہ کاری سے منسلک خطرات بھی محدود ہیں۔