Tag: اسٹیٹ بینک آف پاکستان

کراچی : رواں مالی سال کے گیارہ ماہ میں اوورسیز پاکستانیوں نے 35 ارب ڈالر کی ریکارڈ ترسیلات زر وطن بھجوا کر نیا ریکارڈ قائم کردیا۔

تفصیلات کے مطابق اوورسیز پاکستانیوں نے ترسیلات بھیجنے کا نیا ریکارڈ بنادیا اور رواں مالی سال کے گیارہ ماہ میں پینتیس ارب ڈالر کی ریکارڈ ترسیلات زر وطن بھجوائیں۔

اسٹیٹ بینک آف پاکستان کی جانب سے کہا گیا کہ ترسیلات زر کی آمد میں تقریباً 29 فیصد اضافہ ہوا جبکہ مئی میں اوورسیز پاکستانیوں نے 3 ارب 70 کروڑ ڈالر وطن بھیجے۔

مئی میں ترسیلات زر میں سالانہ بنیاد پر 16 فیصد اور ماہانہ بنیاد پر 13.7 فیصد اضافہ ریکارڈ کیا گیا۔

https://urdu.arynews.tv/dollar-currency-rate-pakistan-today/

رپورٹ کے مطابق سعودی عرب میں مقیم پاکستانی مئی میں اکیانوے کروڑ انتالیس لاکھ ڈالرز وطن بھیج کر پہلے نمبر پر رہے جبکہ 75 کروڑ42 لاکھ ڈالر وطن بھیج کر یو اے ای میں مقیم پاکستانی دوسرے نمبر پر آئے۔

برطانیہ میں مقیم پاکستانیوں نے انسٹھ کروڑ ڈالرز کا زرمبادلہ بھیج کر تیسری پوزیشن حاصل کی۔

اسٹیٹ بینک کے مطابق امریکا میں مقیم پاکستانیوں نے مئی میں ساڑھے اکتیس کروڑ ڈالر کا زرمبادلہ وطن بھیجا۔

انٹرنیشنل مونیٹری فنڈ کی جانب سے پاکستان کو قرض کی پہلی قسط موصول ہونے پر زرِمبادلہ کے ذخائر میں نمایا اضافہ ہوگیا۔

تفصیلات کے مطابق اسٹیٹ بینک آف پاکستان نے بتایا کہ ملکی زرِمبادلہ کے ذخائر میں اضافہ ہوگیا ہے، پاکستان کے زرمبادلہ کے ذخائر بڑھ کر 15.98 ارب ڈالرز ہوگئے ہیں، اس وقت مرکزی بینک کے پاس زرِمبادلہ کے ذخائر 10.7 ارب ڈالرز ہوگئے ہیں۔

اسٹیٹ بینک کا مزید کہنا تھا کہ آئی ایم ایف سے قرض کی پہلی قسط ملنے پر زرِمبادلہ کے ذخائر بڑھے، کمرشل بینکوں کے پاس 5.28 ارب ڈالرز کے ذخائر موجود ہیں۔

خیال رہے کہ گزشتہ ہفتے پاکستانی معیشت کے لیے بڑی خوشخبری آئی تھی، عالمی مالیاتی فنڈ (آئی ایم ایف) کے ایگزیکٹیو بورڈ نے پاکستان کیلیے 7 ارب ڈالرز کے بیل آؤٹ پیکج کی منظوری دی تھی۔

پاکستان کیلیے آئی ایم ایف قرض پروگرام کی مدت 37 ماہ ہوگی جبکہ اس کی پہلی قسط 30 ستمبر تک پاکستان کو ملنے کے امکانات ظاہر کیے گئے تھے، قرض کی منظوری کے ساتھ بیرونی ادائیگیوں کا دباؤ بھی ختم ہوگیا ہے۔

اسٹیٹ بینک آف پاکستان نے کہا ہے کہ بلندشرح سود اور مستحکم کرنسی کے سبب اسٹیٹ بینک کے ٹی بلز میں غیرملکی سرمایہ کاری بڑھ گئی۔

تفصیلات کے مطابق اسٹیٹ بینک نے اپنے بیان میں بتایا کہ 10 مئی 2024 تک ٹی بلز آکشن میں 3 کروڑ 56 لاکھ ڈالرز کی سرمایہ کاری آئی، رواں مالی سال 10 مئی تک ٹی بلز میں غیرملکی سرمایہ کاری 19 کروڑ 40 لاکھ ڈالرز رہی،

اسٹیٹ بینک کا مزید کہنا تھا کہ مالی سال 20-2019 کے ماہ جنوری میں ٹی بلز میں غیر ملکی سرمایہ کاری 61 کروڑ 20 لاکھ ڈالرز تھی۔

مالی سال 20-2019 کے دوران پاکستانی ٹی بلزمیں ایک ارب 40 کروڑ ڈالرز کے قریب انویسٹمنٹ آئی تھی۔

اس حوالے سے ماہرمعاشیات کا کہنا ہے کہ آئی ایم ایف سے نئے پروگرام پر معاہدے کے بعد ٹی بلز میں مزید سرمایہ کاری کا امکان ہے۔

اسٹیٹ بینک آف پاکستان نے کہا ہے کہ کرنٹ اکاؤنٹ خسارے سے پھر سرپلس میں آگیا ہے، فروری میں کرنٹ اکاؤنٹ میں بہتری آئی۔

تفصیلات کے مطابق اس سال کے آغاز میں 30 کروڑ ڈالر سے زائد کے خسارے میں رہنے والا کرنٹ اکاؤنٹ فروری 2024 میں پھر سے سرپلس میں آگیا ہے۔

اسٹیٹ بینک نے کہا کہ فروری 24 میں کرنٹ اکاؤنٹ 12 کروڑ80 لاکھ ڈالر سرپلس رہا۔ جنوری میں کرنٹ اکاؤنٹ خسارہ 30 کروڑ 30 لاکھ ڈالر تھا۔

رواں سال 8 ماہ میں کرنٹ اکاؤنٹ خسارہ 99 کروڑ 90 لاکھ ڈالررہ گیا ہے، گزشتہ سال 8 ماہ میں کرنٹ اکاؤنٹ خسارہ 3 ارب 84 کروڑ 60 لاکھ ڈالر تھا۔