Tag: اسٹیٹ بینک

اسٹیٹ بینک آف پاکستان نے کہا ہے کہ مہنگائی توقع سے زیادہ تیزی سے کم ہوئی، اکتوبر میں مہنگائی وسط مدتی ہدف کے قریب پہنچ گئی۔

پاکستان کے مرکزی بینک نے اپنے بیان میں کہا کہ غذائی مہنگائی میں تیزی سے کمی آئی، آئی ایم ایف پروگرام کی منظوری سے غیریقینی کیفیت کم ہوئی، آئندہ چند مہینوں میں مہنگائی میں مزید کمی آسکتی ہے رواں مالی سال 4 ماہ میں ٹیکس وصولی ہدف سےکم رہی۔

اسٹیٹ بینک نے کہا کہ بین الاقوامی سیاسی کشیدگی کی بنا پر تیل کی عالمی قیمتوں میں اتار چڑھاؤ آیا، صنعتی سرگرمی کی رفتار میں مزید اضافہ ہورہا ہے، چاول اور گنے کی پیداوار میں بہتری آئی۔

ٹیکسٹائل، غذا، گاڑیوں سے صنعتوں میں خاصی نمو ہوئی، صنعتی ترقی کی رفتار میں مزید اضافے کی توقع ہے، رواں مالی سال معاشی ترقی 2.5 سے 3.5 فیصد کی حد میں رہےگی۔

مرکزی بینک نے کہا کہ ستمبر میں کرنٹ اکاؤنٹ مسلسل دوسرے ماہ سرپلس رہا، پہلی سہ ماہی میں مجموعی خسارہ کم ہوکر 9.8 کروڑ ڈالر رہ گیا، ترسیلات اور زائد برآمدات نے خسارہ محدود رکھنے میں مدد دی۔

اسٹیٹ بینک آف پاکستان کا مزید کہنا تھا کہ ستمبر میں بیرونی سرمایہ کاری میں معمولی سا اضافہ ہوا، زرِمبادلہ کے ذخائر 25 اکتوبر کو 11.2 ارب ڈالرز تک پہنچ گئے، جون 2025 تک ذخائر 13 ارب ڈالرز تک پہنچنے کی توقع ہے۔

کراچی: اسٹیٹ بینک آف پاکستان نے جاری بیان میں بتایا ہے کہ ایک ہفتے کے دوران اسٹیٹ بینک کے ذخائر میں 11 کروڑ ڈالرز سے زائد کا اضافہ ہوا ہے۔

زرمبادلہ کے ذخائر کے حوالے سے اسٹیٹ بینک نے جو تفصیلات جاری کی ہیں اس کے مطابق ایک ہفتے میں پاکستان کے مرکزی بینک کے ذخائر میں 11 کروڑ 60 لاکھ ڈالرز کا اضافہ ہوگیا ہے۔

اسٹیٹ بینک کے ذخائر بڑھ کر 11 ارب 15 کروڑ ڈالرز پر پہنچ گئے ہیں، اسٹیٹ بینک کے پاس 2 ماہ کے درآمدی بل کے برابر ذخائر ہوگئے۔

کمرشل بینکوں کے ذخائر میں کمی دیکھنے میں آئی ہے جو 8.38 کروڑ ڈالرز کم ہوئے، جس کے بعد کمرشل بینکوں کے ذخائر 4.89 ارب ڈالرز رہ گئے۔

اسٹیٹ بینک نے بتایا کہ ملکی مجموعی زرمبادلے میں 25 اکتوبر کو ختم ہونے والے ہفتے میں 3.19 کروڑ ڈالرز کا اضافہ ہوا، ملکی زرمبادلہ کے ذخائر بڑھ کر 16.04 ارب ڈالرز ہوگئے ہیں۔

کچھ عرصہ پہلے اپنے ایک بیان میں گورنر اسٹیٹ بینک کا کہنا تھا کہ عالمی معیشت دن بہ دن تبدیل ہوتی جا رہی ہے اور بینکنگ سیکٹر میں بھی تبدیلیاں ہو رہی ہیں۔

ان کا کہنا تھا کہ پاکستان کا بینکنگ سیکٹر بہتری کی جانب گامزن ہے، ایس ایم ای فنانسنگ کی جانب ہماری خاص توجہ ہے اور اگلے سال تک کئی بینکس ڈیجیٹل بینکنگ شروع کر دیں گے۔

اسٹیٹ بینک آف پاکستان نے کہا ہے کہ پچھلے ماہ ستمبر میں روشن ڈیجٹل اکاؤنٹس میں کروڑوں ڈالرز جمع کرائے گئے ہیں۔

روشن ڈیجیٹل اکاؤنٹ کے حوالے سے تفصیلات بتاتے ہوئے پاکستانی کے مرکزی بینک کا کہنا تھا کہ ستمبر 2024 میں 11 ہزار 138 روشن ڈیجیٹل اکاؤنٹس کھولے گئے، ستمبر24 میں روشن ڈیجیٹل اکاؤنٹس میں 16.80 کروڑ ڈالرز جمع کرائے گئے۔

روشن ڈیجیٹل اکاؤنٹس کی تعداد ستمبر 2024 تک 7 لاکھ 46 ہزار251 رہی، اکاؤنٹس میں ستمبر 2020 سے ستمبر 2024 تک 8.74 ارب ڈالرز جمع کرائے جا چکے ہیں۔

اسٹیٹ بینک نے بتایا کہ روشن ڈیجیٹل کھاتوں سے ستمبر 2020 ستمبر 2024 کے دوران 1.66 ارب ڈالرز کی رقم نکلوائی گئی ہے۔

روشن ڈیجیٹل کھاتوں میں جمع کرائے گئے 5.55 ارب ڈالرز پاکستان میں استعمال ہوئے ہیں، روشن ڈیجیٹل کھاتوں میں ستمبر 2024 تک واجب ادا جمع رقم 1.53 ارب ڈالرز ہے۔

کراچی: انٹربینک میں روپے کے مقابلے میں ڈالر سستا ہوگیا، اسٹیٹ بینک کی جانب سے امریکی ڈالر کی نئی قیمت جاری کردی گئی۔

آئی ایم ایف کے پروگرام کی منظور کے بعد ڈالر کی گراوٹ کا سلسلہ جاری ہے،اسٹیٹ بینک آف پاکستان نے بتایا کہ انٹر بینک میں امریکی ڈالر 2 پیسے سستا ہوگیا، قیمت میں کمی کے بعد انٹر بینک میں ڈالر 277.71 روپے سے کم ہوکر 277.69 روپے پر بند ہوا۔

پاکستان کیلئے آئی ایم ایف بورڈ نے پچھلے ہفتے سات ارب ڈالرز قرض کی منظوری دی تھی، جس کے بعد امریکی ڈالر 277.84 روپے سے گھٹ کر 277.64 روپے پر آیا تھا۔

امریکی ڈالر اور دیگر کرنسی کی ہفتہ وار جاری ہونے والی رپورٹ میں بتایا گیا تھا کہ آئی ایم ایف بورڈ کی سات ارب ڈالرز قرض کی منظوری کے بعد روپے کی قدر میں بہتری ہوئی۔

اس دوران ایک ہفتے میں انٹر بینک میں ڈالر 20 پیسے سستا ہوا اور ڈالر 277.84 روپے سے گھٹ کر 277.64 روپے پر بند ہوا جبکہ اوپن مارکیٹ میں ڈالر 55 پیسے سستا ہوا تھا۔

دریں اثنا اسٹیٹ بینک نے کہا ہے کہ ڈپازٹ پروٹیکشن کارپوریشن نے گارنٹی کی رقم بڑھاکر 10 لاکھ روپے تک کردی ہے، اہل ڈپازٹرز کیلئے گارنٹی کی رقم 5 لاکھ سے بڑھا کر 10 لاکھ روپےکی گئی۔

اسٹیٹ بینک کا کہنا تھا کہ اس کا اطلاق یکم اکتوبر سے ہوگا، فیصلہ کارپوریشن کے بورڈ آف ڈائریکٹرز نے کیا ہے، گارنٹی کی رقم سے اب تقریباً 96 فیصد اہل ڈپازٹرز کو مکمل تحفظ مل جائے گا۔

ڈپازٹ پروٹیکشن اسکیم کا مقصد ڈپازٹرز کے مفادات کا تحفظ کرنا اور بینکاری کے شعبے پر صارف کے اعتماد میں مزید اضافہ کرنا ہے۔

https://urdu.arynews.tv/dollar-currency-rate-pakistan-today/

اسلام آباد : اسٹیٹ بینک حکام نے آئی ایم ایف سے لئے گئے قرض کے حوالے سے تفصیلات بتادیں کہ کہاں کہاں استعمال ہوتا ہے؟

سینیٹ کی اقتصادی امور کمیٹی میں آئی ایم ایف قرض کے استعمال کا معاملہ زیر بحث آیا، چیئرمین کمیٹی سیف اللہ ابڑو نے اجلاس سے خطاب کرتے ہوئے کہا ہم بار بار آئی ایم ایف کے پاس قرض کیلئے جا رہے ہیں،یہ بتایا جائے کہ آئی ایم ایف سے لیا گیا قرض کہاں کہاں استعمال ہوتا ہے؟

اسٹیٹ بینک حکام نے اجلاس کوبریفنگ دیتے ہوئے کہا آئی ایم ایف قرض معیشت کو چلانے کیلئے استعمال ہوتا ہے، یہ قرض صرف بیلنس آف پیمنٹ کیلئے استعمال ہو سکتا ہے۔

مرکزی بینک حکام کا کہنا تھا کہ بیلنس آف پیمنٹ کے علاوہ کسی اور چیز پر قرض استعمال نہیں کر سکتے، ہم تب ہی آئی ایم ایف کے پاس جاتے ہیں بیلنس آف پیمنٹ کی ضرورت ہو، ضرورت کے بغیر آئی ایم ایف کے پاس نہیں جایا جا سکتا۔

حکام نے مزید بتایا کہ قرض بیلنس آف ٹریڈ میں ڈیبٹ سروسنگ کیلئے استعمال ہوتا ہے، آئی ایم ایف کے انفلوز صرف سپورٹ کیلئے آتے ہیں۔

حکام نے اجلاس کو بتایا سوائے اسٹیٹ بینک کے آئی ایم ایف فنڈ کوئی اور استعمال نہیں کر سکتا، آئی ایم ایف کا قرض صرف اسٹیٹ بینک کو ملتا ہے حکومت کو نہیں۔