ARYNews.tv | Urdu – Har Lamha Bakhabar

Tag: اسٹیٹ بینک

  • اسٹیٹ بینک نے عیدالفطر پر 154 ارب روپے مالیت کے نئے کرنسی نوٹ جاری کئے

    اسٹیٹ بینک نے عیدالفطر پر 154 ارب روپے مالیت کے نئے کرنسی نوٹ جاری کئے

    کراچی : اسٹیٹ بینک نے عیدالفطر کے موقع پر ایک سو ارب روپے مالیت کے نئے کرنسی نوٹ جاری کئے۔

    اس کے علاوہ ایس بی پی بی ایس سی نے کمرشل بینکوں کی 150 نامزد برانچوں میں اپنے کاﺅنٹرز بھی قائم کئے تھے، جہاں سے عوام کو نئے کرنسی نوٹ جاری کئے گئے، بینک کے اعلامیہ کے مطابق عیدالفطر کے موقع پر نئے کرنسی نوٹوں کے لئے عوام کی بلند طلب کو پورا کرنے کی خاطر ایس بی پی بی ایس سی نے ملک بھر میں کمرشل بینکوں کی برانچوں کے بڑے نیٹ ورک کو بھرپور انداز میں استعمال کیا اور تمام کمرشل بینکوں کو بڑی تعداد میں نئے کرنسی نوٹ جاری کئے گئے۔

    اعلامیے کے مطابق عوام کو کمپیوٹرائزڈ قومی شناختی کارڈ/اسمارٹ کارڈ دکھانے پر فی کس بیس ہزار روپے مالیت کے نوٹ دیئے گئے، اسٹیٹ بینک کی جانب سے 100 روپے نوٹ سے کم مالیت کے نوٹوں کی مد میں 31 ارب روپے جبکہ 123 ارب روپے کے دیگر کرنسی نوٹ جاری کئے گئے تا کہ کمرشل بینکوں کی اے ٹی ایم ضروریات پوری کی جاسکیں۔

  • غیرملکی کمپنیوں نے ایک ارب دس کروڑ ڈالرمنافع اپنے ممالک میں منتقل کیا

    غیرملکی کمپنیوں نے ایک ارب دس کروڑ ڈالرمنافع اپنے ممالک میں منتقل کیا

    کراچی : گذشتہ مالی سال 2013-14ءکے پہلے گیارہ ماہ (جولائی تا مئی 2013-14) کے دوران پاکستان میں سرمایہ کاری کرنے والی غیرملکی کمپنیوں نے ایک ارب10کروڑ ڈالرکا منافع اپنے ممالک میں منتقل کیا ، جوگذشتہ مالی سال کے اسی عرصہ کے دوران اپنے ممالک کو بھیجے جانے والے منافع سے 14.5فیصد زائد ہے،

    اسٹیٹ بینک کی رپورٹ کے مطابق صرف مئی 2014ءکے دوران گذشتہ سال کے ماہ مئی کے مقابلہ میں منتقل کئے جانے والے منافع کی شرح میں 5.4فیصد اضافہ ریکارڈ کیا گیا ، رپورٹ کے مطابق ملک میں سرمایہ کاری کرنے والی غیرملکی کمپنیوں نے مئی 2014ءکے دوران 17کروڑ 17 لاکھ ڈالرکا منافع منتقل کیا جبکہ مئی 2013ءکے دوران 16کروڑ 29 لاکھ ڈالر کا منافع منتقل کیا گیا تھا،

    اسٹیٹ بینک کے مطابق مالی سال 2013-14ءکے پہلے گیارہ مہینوں کے دوران ملک میں کی جانے والی براہ راست غیرملکی سرمایہ کاری منتقل کئے گئے منافع سے 17.7فیصد زائد رہی ہے اور جولائی تا مئی 2013-14ءکے دوران پاکستان میں ایک ارب30کروڑ ڈالر کی براہ راست غیرملکی سرمایہ کاری کی گئی۔

  • عید الفطر:اسٹیٹ بینک کی جانب سے بینکنگ سسٹم کو چونسٹھ ارب روپے کی فراہمی

    عید الفطر:اسٹیٹ بینک کی جانب سے بینکنگ سسٹم کو چونسٹھ ارب روپے کی فراہمی

    کراچی :عید کی تعطیلات میں ملک بھر رقم کی قلت کو دور کرنے کیلئے اسٹیٹ بینک کی جانب سے چونسٹھ ارب روپے جاری کئے گئے، عید کے موقع پر بینکوں میں روپےکی قلت کو دور کرنےکیلئے اسٹیٹ بینک نے بینکنگ سسٹم کو چونسٹھ ارب روپے فراہم کئے۔

    اسٹیٹ بینک نے یہ رقم بینکنگ سسٹم کو گیارہ روز کیلئے فراہم کی ہے۔ تعطیلات سے ایک روز پہلے پیر کو ملک بھر میں بینکوں میں صارفین کا رش دکھائی دیا۔ رمضان المبارک میں بھی اسٹیٹ بینک کی جانب سے بینکنگ سیکٹر کو رقم کی فراہمی کا سسلسلہ جای رہا۔ اسٹیٹ بینک نے جولائی میں تین سو بیالیس ارب پچاس کروڑ روپے فراہم کئے۔

  • عید الفطر کے موقع پر 157 ارب روپے مالیت کے نئے نوٹ جاری

    عید الفطر کے موقع پر 157 ارب روپے مالیت کے نئے نوٹ جاری

    کراچی: اسٹیٹ بینک آف پاکستان اس سال عید الفطر کے موقع پر ایک سو ستاون ارب روپے مالیت کے نئے نوٹ جاری کردئیے۔

    عید کے موقع پر عوام کو نئے اور کرارے نوٹوں کی فراہمی ممکن بنانے کیلئے اسٹیٹ بینک نے ایک سو ستاون ارب روپے کے نئے نوٹ جاری کر دئے جو کہ گزشتہ سال کی نسبت سترہ ارب روپے زیادہ ہیں، نئے نوٹوں میں دس، بیس اورپچاس روپے مالیت کے نوٹ زیادہ تعداد میں ہیں جبکہ پانچ سو، ایک ہزار اور پانچ ہزار کے نئے نوٹ بھی جاری کئےگئے ہیں ۔اسٹیٹ بینک نے عید سے قبل اور عید کی تعطیلات کے دوران اے ٹی ایم میں کیش کی فراہمی جاری رکھنے کی ہدایات بھی جاری کی ہیں۔

  • اسٹیٹ بینک نے 22جولائی تک 87 ارب روپے مالیت کے نوٹ جاری کیے

    اسٹیٹ بینک نے 22جولائی تک 87 ارب روپے مالیت کے نوٹ جاری کیے

    کراچی : اسٹیٹ بینک نے 22جولائی تک 87 ارب روپے مالیت کے نوٹ جاری کیے ہیں۔

    اسٹیٹ بینک نے ماہ رمضان المبارک میں عوام کو نئے کرنسی نوٹ کے اجرا کے سلسلے میں مزید سہولت فراہم کرنے کا فیصلہ کیا ہے۔ اس مقصد کے لیے جمعرات 24 جولائی سے رمضان کے آخری یوم کار تک اپنے کاؤنٹرز سے عوام کو نئے نوٹ جاری کرنا شروع کریں گے۔

    انتظامات کے تحت ہر فرد کو صرف کاؤنٹر پر اصل کمپیوٹرائزڈ قومی شناختی کارڈ یا اسمارٹ کارڈ دکھانے پر 10 روپے مالیت کے تین پیکٹ اور 20، 50 اور 100 روپے مالیت کے ایک ایک پیکٹ دیے جائیں گے۔

    کمرشل بینکوں کی 150 مخصوص برانچوں سے 10 اور 20 روپے کے نوٹوں کا فی کس کوٹا بڑھا کر 2 پیکٹ اور 50 اور 100 روپے کا ایک ایک پیکٹ کردیا گیا ہے۔

  • عید کی تعطیلات کے دوران اے ٹی ایم میں کیش کی فراہمی کو یقینی بنایاجائے، اسٹیٹ بینک

    عید کی تعطیلات کے دوران اے ٹی ایم میں کیش کی فراہمی کو یقینی بنایاجائے، اسٹیٹ بینک

    کراچی: اسٹیٹ بینک نےبینکوں کو ہدایت کی ہےکہ عید کی تعطیلات کے دوران اے ٹی ایم میں کیش کی فراہمی کو یقینی بنانے کیلئے تمام ضروری اقدامات کریں۔

    اسٹیٹ بینک نے بینکوں کو ہدایت کی ہےکہ عید تعطیلات میں اے ٹی ایمزمیں کیش کی چوبیس گھنٹےدستیابی، اے ٹی ایمزکی مسلسل نگرانی اوراے ٹی ایم میں کیش کی فراہمی کو یقینی بنانےکے لیے زیادہ سے زیادہ وسائل استعمال کریں۔ بینکوں کو یہ ہدایت بھی کی گئی ہےکہ اے ٹی ایم سے متعلق شکایات درج کرانےکیلئےچوبیس گھنٹےکی خصوصی رابطہ سروس قائم کریں، ہیلپ ڈیسک کےنمبر تمام اے ٹی ایم بوتھس پر نمایاں طورپر آویزاں کئے جائیں، اسٹیٹ بینک نے بینکوں سے کہا ہے کہ ہیلپ ڈیسک کے یہ نمبرزچوبیس گھنٹے آپریشنل رہنا چاہئیں۔

  • اسٹیٹ بینک مانیٹری پالیسی کا اعلان آج کرے گا

    اسٹیٹ بینک مانیٹری پالیسی کا اعلان آج کرے گا

    کراچی : اسٹیٹ بینک مانیٹری پالیسی کا اعلان آج کرے گا، جس میں آئندہ دو ماہ کیلئے شرح سود کا تعین کیا جائے گا ۔

             اسٹیٹ بینک نے مہنگائی کے اعداد وشمار کو دیکھتے ہوئے اعلان کردہ گزشتہ تین مانیٹری پالیسیوں میں شرح سود کو دس فیصد پر برقرار رکھا ہوا ہے جبکہ اقتصادی ماہرین کے مطابق ایک مرتبہ پھر شرح سود کودس فیصد پر برقرار رکھا جاسکتا ہے ۔

    ملکی معاشی اشاریوں میں بتدریج بہتری کے باوجود مہنگائی کی رفتار میں مسلسل اضافے کی وجہ سے شرح سود میں تبدیلی کی گنجائش کم ہے، جون میں مہنگائی کی شرح آٹھ اعشاریہ دو فیصد رہی لیکن ماہ رمضان میں قیمتوں میں بے پناہ اضافے سے یہ خدشات پیدا ہورہے ہیں کہ جولائی میں مہنگائی ایک بار پھر بے لگام ہوسکتی ہے۔

  • عوام 30ستمبر تک 1، 2، 5، 10، 25 اور 50 پیسے کے اعشاری سکے تبدیل کرا لیں، اسٹیٹ بینک

    عوام 30ستمبر تک 1، 2، 5، 10، 25 اور 50 پیسے کے اعشاری سکے تبدیل کرا لیں، اسٹیٹ بینک

    کراچی : اسٹیٹ بینک نے عوام کو یاد دہانی کرائی ہے کہ وہ اسٹیٹ بینک اور کمرشل مائیکروفنانس بینکوں کی شاخوں سے 30 ستمبرء تک 1، 2، 5، 10، 25 اور 50 پیسے کے اعشاری سکے تبدیل کرا لیں۔

    عوام کی آگاہی کے لیے اسٹیٹ بینک نے کمرشل اورمائیکرو فنانس بینکوں کو ہدایت کی ہے کہ وہ اعشاری سکوں کے تبادلے سے متعلق پوسٹرزاپنی شاخوں میں نمایاں مقامات پر لگائیں، وفاقی حکومت پہلے ہی مطلع کر چکی ہے کہ یکم اکتوبر سے 1، 2، 5، 10، 25 اور 50 پیسے کے سکوں کی قانونی حیثیت ختم ہو جائے گی، تاہم 30 ستمبر 2014ء تک ان سکوں کا تبادلہ کیا جا سکتا ہے۔

  • گورنمنٹ سکیورٹیزکی بولی میں حصہ لینے کیلئے گیارہ پرائمری ڈیلرزمنتخب

    گورنمنٹ سکیورٹیزکی بولی میں حصہ لینے کیلئے گیارہ پرائمری ڈیلرزمنتخب

    اسٹیٹ بینک نے رواں مالی سال میں گورنمنٹ سکیورٹیز کی بولی میں حصہ لینے کےلئے گیارہ پرائمری ڈیلرز کو منتخب کر لیا ہے
    اسٹیٹ بینک کے اعلامیہ کے مطابق این آئی بی بینک،حبیب بینک، نیشنل بینک، سٹینڈرڈ اینڈ چارٹرڈ بینک، یونائیٹڈ بینک، پاک اومان انویسٹمنٹ کمپنی، فیصل بینک، ایم سی بی بینک اور سٹی بینک این اے( پاکستان آپریشنز) کو منتخب کیا گیا ہے ، جو پاکستان انوسٹمنٹ بانڈز اور ٹریژی بلز کی بولی میں حصہ لینے کے اہل ہوں گے، ان اداروں کا چناﺅ ان کی کارکردگی کی بنیاد پر کیا گیا ہے، گزشتہ مالی سال کے دوران این آئی بی بینک، حبیب بینک اور نیشنل بینک تین بہترین پرائمری ڈیلرز رہے ہیں

  • بنکوں کے 11ماہ میں 334ارب کے زرعی قرضے

    بنکوں کے 11ماہ میں 334ارب کے زرعی قرضے

    Zaree-Qarzy-01