Tag: اسٹیڈیم

پاکستان اور ویسٹ انڈیز کے درمیان دو ٹیسٹ میچوں کی سیریز کے میچز اسٹیڈیم میں دیکھنے والے خواہشمند شائقین کیلیے بڑی خوشخبری ہے۔

ویسٹ انڈیز 19 سال کے طویل عرصہ کے بعد ٹیسٹ سیریز کھیلنے پاکستان آئی ہے اور پاکستانی شائقین ویسٹ انڈین اسٹارز کو اپنے میدانوں کھیلتا دیکھنے کے لیے بے تاب ہیں۔

جو شائقین کرکٹ اسٹیڈیم جا کر میچز اپنے اسٹار کرکٹرز کو ایکشن میں دیکھنا چاہتے ہیں۔ ان کے لیے خوشخبری ہے کہ آج سے سیریز کے ٹکٹ کی فروخت شروع ہو رہی ہے۔

پاکستان کرکٹ بورڈ نے سیریز کے لیے ٹکٹوں کی فروخت کا اعلان کر دیا ہے۔ آج دوپہر 12 بجے سے شائقین کرکٹ ٹکٹ خرید سکیں گے۔ تاہم فرسٹ کلاس اور جنرل انکلوژرز میں تماشائیوں کا داخلہ مفت ہوگا۔

پی سی بی نے ٹکت کی کم سے کم قیمت 100 روپے رکھی ہے۔ وی آئی پی کا 150 جب کہ گیلری انکلوژر کا ٹکٹ 500 روپے میں دستیاب ہوگا۔

واضح رہے کہ ٹیسٹ سیریز کے دونوں میچز ملتان میں کھیلے جائیں گے۔ پہلا میچ 17 سے 21 جنوری جب کہ دوسرا میچ 25 سے 29 جنوری تک کھیلا جائے گا۔ اس سے قبل ویسٹ انڈیز کی ٹیم پاکستان شاہینز کے خلاف تین روزہ میچ آج سے پنڈی کرکٹ اسٹیڈیم میں کھیلا جا رہا ہے۔

احمدآباد: آئی سی سی کرکٹ ورلڈ کپ میں سب سے بڑے ٹاکرے کے لیے پاکستان کرکٹ ٹیم ہوٹل سے احمد آباد کے نریندر مودی اسٹیڈیم پہنچ گئی۔

پاکستان اور بھارت کے درمیان میگا ایونٹ میں میچ سے قبل تقریب منعقد ہوگی، جس میں بھارتی اداکاروں سمیت بھارتی گلوکار بھی سروں کا جادو جگائیں گے۔

دوسری جانب پاک بھارت میچ دیکھنے کے لیے نریندر مودی اسٹیڈیم کے باہر گہما گہمی ہے، مداحوں کی بڑی تعداد اسٹیڈیم کے باہر موجود ہے۔

آج کے میچ کے لیے فینز کو پاک بھارت ٹاکرے کا شدت سے انتظار ہے، ویڈیو میں دیکھا جاسکتا ہے کہ ہر طرف نیلی جرسیاں پہنے بھارتی شائقین نظر آرہے ہیں اس کے علاوہ چند پاکستانی فینز بھی اسٹیڈیم پہنچ گئے ہیں۔

برازیلین سپر اسٹار نیمار جونیئر ریاض کے اسٹیڈیم میں منعقدہ ایک شاندار تقریب میں پہلی مرتبہ اپنے مداحوں کے سامنے آئے جہاں الہلال  کلب نے اسٹار پلیئر کو متعارف کرایا۔

تفصیلات کے مطابق نیمار سعودی کلب الہلال میں شامل ہونے والے نئے عالمی شہرت یافتہ سپر اسٹار بن گئے اس سے قبل فٹبالر کا ریاض پہنچے تو کنگ خالد انٹر نیشنل ایئرپورٹ پر الہلال فٹبال کلب کی انتظامیہ نے ان کا استقبال کیا۔

نیمار نے اس تقریب میں  گفتگو کرتے ہوئے کہا کہ یہ دلچسپ ہے، دوسری ٹیموں میں اعلی معیار کے کھلاڑیوں سے ملنا آپ کو خوش کرتا ہے اور مزید بہتر کھیلنے کی ترغیب دیتا ہے۔

سعودی کلب نے نیمار کو 6 گنا زیادہ رقم دے کر خرید لیا

انہوں نے کہا کہ جب ہم رونالڈو، بینزیما اور فرمینو کا سامنا کرتے ہیں تو ہمارا جوش وخروش اور بھی بڑھ جاتا ہے میں ا س لیگ میں شامل ہونے پر خوش ہوں ان اسٹارز کا سامنا کرنا شاندار ہوگا۔

نیمار نے مزید کہا کہ میں سعودی عرب آکر خوش ہوں اور مجھے امید ہے کہ اس عظیم کلب کے ساتھ چیمپیئن شپ جیتوں گا۔

واضح رہے کچھ دن پہلے الہلال نے برازیل کے فٹبال اسٹار نیمار جونیئر سے معاہدہ کیا تھا۔

عرب نیوز کے مطابق ریاض میں الہلال کے 68 ہزار افراد کی گنجائش والے اسٹیڈیم میں دو دیگر فٹبال اسٹارز برازیلین اسٹار میلکم اور مراکش کے گول کیپر یاسین بونو کے ساتھ  نیمار کا استقبال کیا گیا۔

یادر رہے نیمار نے 2017 میں بارسلونا سے قطر کی  ملکیت کے کلب پیرس سینٹ جرمین میں 242 ملین ڈالر کی عالمی ریکارڈ فیس کے ساتھ شمولیت اختیار کی اور مسلسل انجریز کے باجود 173 میچوں میں 118 گول سکور کیے۔

بھارت کے نوجوان وکٹ کیپر بلےباز رشبھ پنت خوفناک کار حادثے کے کچھ 4 ماہ بعد انڈین پریمئیر لیگ (آئی پی ایل) کا میچ دیکھنے کیلئے اسٹیڈیم پہنچ گئے۔

آئی پی ایل کی انتظامیہ نے سماجی رابطے کی سائٹ ٹوئٹر پر وکٹ کیپر بیٹر رشبھ پنت کی ویڈیو شیئر کی، جس میں دیکھا جاسکتا ہے کہ وہ بیساکھی کے سہارے چل رہے ہیں۔

دہلی کیپیٹلز کے کپتان رشبھ پنت اپنی فرنچائز اور گجرات ٹائٹنز کا میچ دیکھنے کیلئے اسٹیڈیم آئے تھے تاہم انکی ٹیم کو 6 وکٹوں سے ہار کا سامنا کرنا پڑا تھا۔

Look who's here supporting the @DelhiCapitals – RP 17 🤌🤌#TATAIPL pic.twitter.com/56Dd0Tw7NE

— IndianPremierLeague (@IPL) April 4, 2023

واضح رہے کہ گزشتہ سال دسمبر میں رشبھ پنت کار حادثے میں شدید زخمی ہوگئے تھے، جس کے باعث وہ آئی پی ایل اور ٹیم انڈیا سے باہر ہوگئے تھے۔

کار حادثے کے بعد رشبھ پنت کی چلنے کی کوشش، پہلی تصاویر منظر عام پر

کرکٹر کی گاڑی کو 29 اور 30 دسمبر کی درمیانی صبح اتراکھنڈ سے دہلی جاتے ہوئے حادثہ پیش آیا تھا،جس میں انکی گاڑی فٹ پاتھ سے ٹکرا کر مکمل طور پر تباہ ہوگئی تھی تاہم کرکٹر کو شدید چوٹیں آئیں تھیں۔