Tag: اسپتالوں

لاہور : سیکرٹری صحت پنجاب نے جنرل اسپتال کی ہیڈ نرس کو نوکری سے فارغ کردیا، نرس نے ملازمین کو اسپتال میں کام روکنے پر اکسایا۔

تفصیلات کے مطابق اسپتالوں کے آوٹ ڈور بند کرنے والے عملے کے خلاف کاروائی شروع کردی گئی۔

سیکرٹری صحت پنجاب نے جنرل اسپتال کی ہیڈ نرس کو نوکری سے فارغ کردیا، جاری مراسلے میں کہا کہ ہیڈ نرس خالدہ تبسم نے اوپی ڈی بند کرواکر مریضوں کو مشکل میں ڈالا اور دیگر ملازمین کو اسپتال میں کام روکنے پر اکسایا۔

مراسلے میں کہنا تھا کہ اسپتال کی انتظامیہ کے احکامات کی خلاف ورزی کی گئی، ہیڈ نرس نے اسپتال میں ریلیوں کا انعقاد کیا، اسپتال کا کام متاثر ہوا۔

محکمہ صحت پنجاب نے کہا کہ ہیڈ نرس خالدہ تبسم نے گرینڈ ہیلتھ الائنس کے دھرنے میں محکمے کے مخالف تقاریر بھی کیں، پیڈ ایکٹ کے تحت ہیڈ نرس خالدہ تبسم کو نوکری سے برخاست کیا ہے۔

خیال رہے گرینڈ ہیلتھ الائنس ہسپتالوں میں آوٹ ڈور ہڑتال جاری ہے، سرکاری ٹیچنگ ہسپتالوں میں معمول کے آپریشن بھی رک گئے ،علاج معالجے کی بدترین بندش سے مریض پریشان ہوگئے جبکہ آپریشن نہ ہونے کی وجہ سے انسانی زندگیاں خطرے میں پڑگئیں۔

کراچی : پاکستان کے اسپتالوں اور لیبارٹریز کو درکار اہم طبی آلات کی قلت کا خدشہ پیدا ہوگیا ، جس سے صحت کے شعبے میں بڑا بحران جنم لے سکتا ہے۔

تفصیلات کے مطابق بانی رکن محمد عمر ہیلتھ کیئر ڈیوائسز ایسوسی ایشن آف پاکستان نے خبردار کیا ہے کہ ڈریپ کی جانب سے میڈیکل ڈیوائسز کی رجسٹریشن کی توسیع نہ ہونے سے امپورٹرز نئے آلات منگوانے سے قاصر ہیں۔

ہیلتھ کیئر ڈیوائسز ایسوسی ایسن کا کہنا تھا کہ فوری اقدامات نہ لیے گئے تو صحت کے شعبے میں بڑا بحران جنم لے سکتا ہے۔

بانی رکن محمد عمر نے بتایا کہ ملک میں 90 فیصد طبی آلات درآمد کیے جاتے ہیں، رجسٹریشن کے پیچیدہ عمل کے باعث میڈیکل ڈیوائسز قانونی منظوری سے محروم ہیں۔

انھوں نے خبردار کیا جان بچانے والے آلات کی قلت سے سرجریز اور اہم طبی پراسیجرز رُک سکتے ہیں، سرجریز اور اہم طبی پراسیجرز کے تعطل سے مریضوں کی زندگیاں خطرے میں پڑ جائیں گی۔

محمد عمر کا کہنا تھا کہ اسپتالوں میں سرنج سے لے کر بڑی ٹیسٹنگ مشینوں تک کی کمی واقع ہو رہی ہے، مطالبہ ہے کہ مسئلے کو ہنگامی بنیادوں پر حل کیا جائے، رجسٹریشن کے عمل کو آسان بنایا جائے اور فوری طور پر ٹائم لائن میں توسیع دی جائے۔

اسلام آباد : وفاقی دارلحکومت میں‌ ہیٹ ویو کے خدشے کے پیش نظر تمام اسپتالوں میں ایمرجنسی ہیٹ ویو ریسپانس سینٹرقائم کرنے کی ہدایت کردی ہے۔

تفصیلات کے مطابق اسلام آباد میں گرمی کی شدت میں اضافے کیساتھ ہیٹ ویو کا خدشہ ہے، اس کے پیش نظر وزارت صحت نے اسپتالوں کومراسلہ ارسال کردیا۔

جس میں تمام اسپتالوں میں ایمرجنسی ہیٹ ویوریسپانس سینٹرقائم کرنے کی ہدایت کی ہے، مراسلے میں کہا ہے کہ
آئندہ چندروزمیں شدید گرمی اور ہیٹ ویو کی وجہ بن سکتی ہے، ہیٹ ویوسے باڈی ٹیمپریچر 103 سے 106 تک جا سکتا ہے۔

فوری طبی امدادناملنےسےہیٹ ویوسےموت بھی واقع ہوسکتی ہے، علامات میں پسینہ، گرم سرخ، خشک جلد ، سر درد ، جسم کا درجہ حرارت بڑھنا شامل ہیں۔

وزارت صحت کی شہریوں کوپانی زیادہ سےزیادہ استعمال کرنےکی ہدایت کرتے ہوئے کہا ہے کہ ہیٹ ویوکےپیش نظر دن کے اوقات میں باہر جانے سے گریز کریں۔

مراسلے کے مطابق سوفٹ ڈرنکس،چائےاورچینی کےاستعمال سے گریز کریں جبکہ شہریوں کو چھتری، ٹوپی، ہلکے رنگ کے ہوا دار اور ڈھیلے کپڑے پہننے کی ہدایت کی ہے۔