ARYNews.tv | Urdu – Har Lamha Bakhabar

Tag: اسپتال منتقل

  • شاہ محمود قریشی کی اڈیالہ جیل میں طبعیت ناساز ، اسپتال منتقل

    شاہ محمود قریشی کی اڈیالہ جیل میں طبعیت ناساز ، اسپتال منتقل

    اسلام آباد : پاکستان تحریک انصاف کے وائس چیئرمین شاہ محمود قریشی کو اڈیالہ جیل میں طبعیت خراب ہونے پر اسپتال منتقل کردیا گیا، ان کو پتے میں تکلیف محسوس ہوئی ہے۔

    تفصیلات کے مطابق پاکستان تحریک انصاف کے وائس چیئرمین شاہ محمود قریشی کی اڈیالہ جیل میں طبعیت ناساز ہوگئی ،جس کے بعد جیل انتظامیہ نے جج ابوالحسنات ذوالقرنین سے انہیں پمز منتقل کرنے کی اجازت مانگی۔

    جیل انتظامیہ کی جانب سے درخواست میں کہا گیا کہ ڈاکٹرنےایڈوائس کی ہے شاہ محمود قریشی کے ٹیسٹ کروانے ہیں، اڈیالہ جیل میں ڈاکٹر کی ایڈوائس پر پمز منتقل کرنے کی اجازت دی جائے۔

    جج ابوالحسنات ذوالقرنین نے پمزاسپتال منتقل کرنے کیلئے جیل انتظامیہ کی درخواست منظور کرلی، جیل انتظامیہ کے مطابق شاہ محمود قریشی کو پتے میں تکلیف محسوس ہوئی ہے، وہ سائفر کیس میں جوڈیشل ریمانڈ پر اڈیالہ جیل میں ہیں۔

    یاد رہے منگل کو خصوصی عدالت نے پاکستان تحریک انصاف (پی ٹی آئی) کے چیئرمین اور وائس چیئرمین شاہ محمود قریشی کے خلاف توہین عدالت کیس کی سماعت 7 نومبر تک ملتوی کردی تھی۔

  • نارتھ ناظم آباد میں 3 سالہ بچہ نالے میں گر کر جاں بحق

    نارتھ ناظم آباد میں 3 سالہ بچہ نالے میں گر کر جاں بحق

    کراچی: شہر قائد کے علاقے نارتھ ناظم آباد بلاک ایف کے قریب 3 سال کا بچہ نالے میں گر کر جاں بحق ہوگیا۔

    اے آر وائی نیوز کے مطابق کراچی کے علاقے نارتھ ناظم آباد بلاک ایف کے قریب 3 سال کا بچہ نالے میں گر کر جاں بحق ہوگیا جس کی لاش نکا کر قریبی اسپتال منتقل کردی گئی ہے۔

    پولیس کا اس حوالے سے کہنا ہے کہ نارتھ ناظم آباد بلاک ایف میں  نالے میں گیس بھر جانے سے دھماکہ ہوا، نالے کے قریب کھیلتا 3 سالہ بچہ گڑھے میں گر کر جاں بحق ہوگیا۔

    پولیس نے بتایا کہ ریسکیوٹیموں نے مشینری کی  مدد سے بچے کی لاش نکال لی ہے، لواحقین بچے کی  لاش کو ضابطے کی کارروائی کے بغیر گھر لے گئے۔

     پولیس کا کہنا ہے کہ جا ں بحق 3 سالہ محمد اجمل کوثر نیازی کالونی کا رہائشی  تھا۔

  • گینگسٹر لارنس بشنوئی کی جیل میں طبیعت بگڑ گئی، اسپتال منتقل

    گینگسٹر لارنس بشنوئی کی جیل میں طبیعت بگڑ گئی، اسپتال منتقل

    پنجاب: کانگریس لیڈر سدھو موسے والا کے قتل کے ملزموں میں سے ایک گینگسٹر لارنس بشنوئی کی جیل میں طبیعت بگڑ گئی۔

    بھارتی میڈیا رپورٹس کے مطابق بھارت کے معروف پنجابی گلوکار سدھو موسے والا کے قتل کا منصوبہ بنانے کے الزام اور سلمان خان کو مسلسل قتل کرنے کی دھمکیاں دینے والے گینگسٹر لارنس بشنوئی کی جیل میں طبیعت بگڑ گئی۔

    رپورٹس کے مطابق لارنس بشنوئی کی بھٹنڈا جیل میں طبیعت ناساز ہوگئی جس کے بعد اسے اسپتال منتقل کردیا گیا، بشنوئی کے وکیل کے مطابق ملزم کو پچھلے کچھ دنوں سے تیز بخار ہے اور پیٹ میں انفیکشن ہے۔

    وکیل کا کہنا ہے کہ بشنوئی نے یرقان کی شکایت بھی کی جس کے بعد اس کی طبیعت مزید بگڑ گئی۔

    سدھو موسے والا کو کس نے قتل کیا؟ گینگسٹر بشنوئی نے آخرکار منہ کھول لیا

    واضح رہے کہ سدھو موسے والا کو 29 مئی 2022 کو ضلع مانسا کے گاؤں جواہرکے میں نامعلوم حملہ آوروں نے فائرنگ کرکے قتل کیا، اس واقعے میں سدھو کی گاڑی پر 30 گولیاں برسائی گئیں جس کے نتیجے میں سدھو موقع پر ہلاک ہوگئے جب کہ ان کی گاڑی میں موجود دو افراد شدید زخمی ہوئے۔

    بعد ازاں گینگسٹر لارنس بشنوئی نے اعتراف کیا تھا کہ سدھو موسے والا کا قتل اس کے گینگ نے کیا ہے تاہم اب لارنس بشنوئی بالی وڈ کے سپر اسٹار سلمان خان کو قتل کرنے کیلئے منصوبہ بندی کرنے کا انکشاف کردیا ہے۔

    گینگسٹر لارنس بشنوئی کا سلمان خان کو قتل کرنے سے متعلق اہم انکشاف

    لارنس بشنوئی نے نیشنل انویسٹی گیشن ایجنسی حکام کے سامنے اس بات کا انکشاف کیا تھا کہ وہ سُپر اسٹار کے قتل کی منصوبہ بندی کر چکا تھا۔

    گینگسٹر نے بتایا تھا کہ سلمان خان کا نام میرے 10 اہم ٹارگیٹس کی فہرست میں تھا، ہم ممبئی میں اداکار کی رہائشگاہ کی ریکی بھی کر چکے تھے لیکن مجھے گرفتار کرلیا گیا۔

  • علیزے شاہ کی طبیعت خراب، اسپتال منتقل

    علیزے شاہ کی طبیعت خراب، اسپتال منتقل

    پاکستانی اداکارہ علیزے شاہ کی طبیعت خرابی کے باعث اسپتال میں داخل کرایا گیا ہے۔

    اداکارہ نے خود اس بات کی تصدیق کی ہے انہوں نے  اپنی انسٹاگرام اسٹوری پر اپنی اسپتال سے تصویر شیئر کی ہے اور بتایا کہ’فوڈ پوائزننگ کی وجہ سے میری طبیعت خراب ہوگئی ہے‘۔

    علیزے شاہ نے انسٹاگرام استوری کے ذریعے اپنے مداحوں سے صحت یابی کی دعا کی گزارش کی، ساتھ ہی اپنی والدہ کی تصویر بھی لگائی اور لکھا کہ جب میں  بیمار ہوتی ہوں تو والدہ کو پریشان دیکھ کر دل ٹوٹ جاتا ہے۔

    علیزے شاہ پاکستان کی بہترین اداکارہ، ماڈل ہیں،  وہ پاکستان میں بہت کم عرصے میں شہرت کی بلندیوں پر پہنچنے والی اداکارہ ہیں۔

    بیر کھائیں اور یہ بیماری دور بھگائیں

    علیزے شاہ کی شہرت میں اس وقت بے پناہ اضافہ ہوا جب انہوں نے آئی ایس پی آر کے ڈرامہ سیریل عہد وفا میں اپنی شاندار اداکاری سے لوگوں کے دل جیت لیے۔

  • کراچی: اعظم بستی کے قریب فلیٹ میں زہریلی گیس بھر جانے سے 4 سالہ بچی جاں بحق

    کراچی: اعظم بستی کے قریب فلیٹ میں زہریلی گیس بھر جانے سے 4 سالہ بچی جاں بحق

    کراچی کے علاقے محمود آبا اعظم بستی کے  فلیٹ میں کیڑے مار دوار کے استعمال سے متاثر ہوکر ایک بچی ہلاک، ماں اور چار بچے بے ہوش ہوگئے۔

    اے آر وائی نیوز کے مطابق کراچی کے علاقے اعظم بستی سو فٹ روڈ پر واقع  بخاری ٹاور کے فلیٹ میں کیڑے مار دوا کے استعمال سے  متاثر ہوکر چار سالہ  بچی ہلاک، ماں اور چار بچے بے ہوش ہوگئے، متاثرہ بچوں کو قومی ادارہ برائے امراض اطفال  جبکہ بچی کی لاش  اور خاتون کو جناح اسپتال منتقل کیا گیا۔

    ہلاک ہونے والی بچی کی شناخت ریچل دختر شہزاد کے نام سے ہوئی جبکہ بے ہوش ہونے والے بچوں میں کرسٹینا، پیٹر، اسرائیل اور فرسٹینا شامل ہیں، متاثرہ بچوں کی عمریں ساڑھے تین سال سے دس سال کے درمیان ہیں۔

     متاثرہ سب سے چھوٹی بچی کی حالت تشویشناک ہے جبکہ دیگر کی حالت خطرے سے باہر ہے۔

    پولیس کے مطابق متاثرہ بچوں کے والد شہزاد  کا کہنا ہے کہ دو دن پہلے گھر  کے کمرے میں پھٹ کر بکھرنے والی  کیڑےمار دوا  استعمال کی گئی تھی ، دوا کے استعمال کے لیئے کمرہ بند کر دیا گیا تھا۔

     گزشتہ شام کمرہ کھول کر صفائی کی گئی، صفائی کے دوران ہی اہل خانہ کی طبعیت بگڑنے لگی تھی جسے ہم نے نظرانداز کر دیا، رات کو اہلیہ کی طبعیت بگڑنے پر اسپتال لے جانے کا کہا لیکن اس نے صبح اسپتال جانے کا کہا، رات بھر بچوں کی طبعیت مزید بگڑتی گئی۔

     بچوں کو الٹیاں بھی آئی صبح ریچل کی حالت تشویشناک ہونے پر بیوی بچوں کو اسپتال لے کر پہنچا تاہم ریچل جانبر نہ ہوسکی۔

  • آصف زرداری کو اسپتال منتقل کرنے کی تیاریاں مکمل

    آصف زرداری کو اسپتال منتقل کرنے کی تیاریاں مکمل

    کراچی : شریک چیئرمین پیپلزپارٹی اور سابق صدر آصف زرداری کو آج کلفٹن میں واقع نجی اسپتال منتقل کیا جائے گا، اسپتال میں تیاریاں مکمل کرلی گئیں  جبکہ  اسپتال کےفورتھ فلورپرعام افرادکاداخلہ ممنوع ہیں۔

    تفصیلات کے مطابق پیپلزپارٹی کے شریک چیئرمین  اورسابق صدر آصف زرداری کےچیک اپ کےلئےمیڈیکل بورڈ کے ڈاکٹرزبلاول ہاؤس پہنچ گئے، طبی معائنے کے بعد آصف زرداری کو اسپتال منتقل کیا جائے گا ، جس کے لئے کلفٹن میں واقع ضیاالدین اسپتال میں تیاریاں مکمل کرلی گئیں ہیں۔

    بلاول ہاؤس سےضیاالدین اسپتال کلفٹن تک سیکیورٹی کے سخت انتظامات کئے گئے ہیں ، اسپتال کےفورتھ فلورپرعام افرادکاداخلہ ممنوع ہیں ، چوتھی منزل پر صرف مخصوص اسٹاف کی رسائی ہے جبکہ بلاول ہاؤس ترجمانوں نے سابق صدرکےطبی معائنے سے متعلق بتانے سے گریز کیا۔

    مزید پڑھیں : آصف علی زرداری خصوصی طیارے سے کراچی پہنچ گئے

    گزشتہ روزآصف علی زرداری خصوصی طیارےسےکراچی پہنچے تو بہن فریال تالپورسے ملنے ان کی رہائش گاہ گئے، شریک چیئرمین پیپلزپارٹی اور فریال تالپورمیں پارٹی امورسمیت دیگراہم امورپرتبادلہ خیال کیا گیا۔

    ملاقات میں بلاول بھٹوزرداری،بختاوراور آصفہ بھٹو بھی موجود تھے، آصف زرداری کا اس موقع پر کہنا تھا کہ جمہوریت کی مضبوطی کیلئے سیاستدانوں کوقربانی دینی پڑتی ہے، اٹھارویں ترمیم کی وجہ سے صوبوں کوحقو ق مل رہےہیں، ملک میں جمہوریت کو نقصان پہنچانے نہیں دیں گے۔

    یاد رہے کہ اسلام آباد ہائی کورٹ نے منی لارنڈرنگ اور پارک لین کے مقدمات میں 11دسمبر کو آصف زرداری کی طبی بنیادوں پر ضمانت منظور کی تھی، سابق صدر کو احتساب عدالت میں ایک کروڑ روپے کے مچلکے جمع کرانے کے بعد رہا کیا گیا، جبکہ پیشی کی اگلی تاریخ 17 دسمبر ہے۔

  • معروف اداکارہ ذہین طاہرہ دل کا دورہ پڑنے پر اسپتال منتقل

    معروف اداکارہ ذہین طاہرہ دل کا دورہ پڑنے پر اسپتال منتقل

    کراچی: معروف پاکستانی اداکارہ ذہین طاہرہ کو دل کا دورہ پڑنے پر اسپتال منتقل کردیا گیا۔

    تفصیلات کے مطابق معروف اداکارہ ذہین طاہرہ کو دل کا دورہ پڑنے کراچی کے نجی اسپتال منتقل کردیا گیا، شوبز کمیونٹی اور اہل خانہ نے ان کی جلد صحت یابی کے لیے دعا کی اپیل کی ہے۔

    [bs-quote quote=”شوبز کمیونٹی اور اہل خانہ نے ان کی جلد صحت یابی کے لیے دعا کی اپیل کی ہے” style=”style-8″ align=”left”][/bs-quote]

    کراچی سے تعلق رکھنے والی ذہین طاہرہ پی ٹی وی کی تاریخ کی سب سے سینئر اور بزرگ اداکارہ ہیں وہ ابتدا سے ہی تی وی اسکرین پر چھائی رہی ہیں۔

    ویٹرن اداکارہ اب تک سات سو سے زائد ڈراموں میں اداکاری کے جوہر دکھاچکی ہیں، انہیں پی ٹی وی کے سب سے مقبول ترین ڈرامے خدا کی بستی میں کام کرنے کا اعزاز بھی حاصل ہے۔

    علاوہ ازیں دل دیا دہلیز، انوکھا بندھن، خالہ خیرن، جینا اسی کا نام ہے، چاندنی راتیں، شمع، زینت، عروسہ، عجائب خانہ، راستے دل کے اور دیگر لاتعداد کاسیک ڈراموں میں جلوہ گر ہونے کا موقع پر بھی ملا۔

    ذہین طاہرہ حال ہی میں اے آر وائی ڈیجیٹل کے ڈرامے ببن خالہ کی بیٹیاں میں شاندار اداکاری کرتی ہوئی دکھائی دیں، اس کے علاوہ ایک ایئر کنڈیشن کا اشتہار بھی کیا۔

  • پشاور میں پولیو ویکسی نیشن سے بچوں کی طبیعت خراب، مشتعل افراد نے مرکز صحت نذر آتش کردیا

    پشاور میں پولیو ویکسی نیشن سے بچوں کی طبیعت خراب، مشتعل افراد نے مرکز صحت نذر آتش کردیا

    پشاور: بڈھ پیر ماشو خیل میں پولیو کے قطرے پینے سے 700 سے زائد بچوں کی طبعیت خراب ہونے پر اسپتال منتقل کردیا گیا، مشتعل افراد نے مرکز صحت نذر آتش کردیا۔

    تفصیلات کے مطابق پشاور میں مبینہ طور پر پولیو ویکسی نیشن سے بچوں کی طبیعت بگڑنے پر اسپتال منتقل کردیا گیا، مشتعل مظاہرین نے ڈی ایچ او اسپتال کی دیواریں گرادیں اور عمارت کو آگ لگادی، اسپتال میں آگ لگنے کے باعث سلنڈر پھٹ گیا۔

    ترجمان حیات آباد میڈیکل کمپلیکس کا کہنا ہے کہ پرائمری اسکول نمبر ایک بڈھ پیر ماشوخیل سے بچوں کو اسپتال لایا گیا، بچوں کو سردرد، قے اور متلی کی شکایت تھی، تمام بچوں کی حالت خطرے سے باہر ہے۔

    پشاور کے لیڈی ریڈنگ اسپتال میں مبینہ طور پر پولیو ویکسی نیشن سے متاثرہ بچوں کی تعداد 700 تک جاپہنچی ہے، سٹی اسپتال میں بھی سو سے زائد متاثرہ بچوں کو لایا گیا ہے۔

    ایک اسکول کی ٹیچر نے دعویٰ کیا ہے کہ صبح نو بجے پولیو ویکسین پلائی گئی جس کے بعد بچوں کی طبیعت بگڑی۔

    دوسری جانب ایمرجنسی آپریشن سینٹر کا کہنا ہے کہ اسکول کے بچوں کی حالت پولیو ویکسین سے نہیں بگڑی بلکہ گرمی کی وجہ سے خراب ہوئی، پولیو ویکسین میں مسئلہ ہوتا تو صرف ایک اسکول کے اندر ہی بچوں کی حالت کیوں خراب ہوئی۔

    ہنگامہ آرائی پر قابو پانے کے لیے پولیس کی بھاری نفری پہنچ گئی، ایس ایس پی آپریشنز کا کہنا ہے کہ ہنگامہ آرائی کرنے والوں کے خلاف کارروائی ہوگی۔

  • علاج نہیں کراؤں گا، نواز شریف نے والدہ کو بھی نہ کردی

    علاج نہیں کراؤں گا، نواز شریف نے والدہ کو بھی نہ کردی

    لاہور : سابق وزیراعظم کی صاحبزادی مریم نواز کا کہنا ہے کہ دادی، میرے اصرار پر بھی دل کی تکلیف ، خراب طبیعت کے باوجود میاں صاحب اسپتال جانے کوراضی نہیں۔

    تفصیلات کے مطابق سابق وزیراعظم کی صاحبزادی مریم نواز نے سماجی رابطے کی ویب سائٹ ٹوئٹر پر اپنے پیغام میں کہا دل کی تکلیف،خراب طبیعت کےباوجودمیاں صاحب اسپتال جانےکوراضی نہیں، دادی، میرے اصرار پر کہا اسپتال گھمانے اور علاج کے نام پر تضحیک کا نشانہ بننےکو تیار نہیں۔

    اس سے قبل مریم نواز نے ایک ٹوئٹ میں کہا تھا کہ نوازشریف سے ملنےدادی کیساتھ کوٹ لکھپت جیل جارہی ہوں امید ہے نواز شریف اسپتال منتقل ہونے کے لئے راضی ہوجائیں گے، ہوسکتا ہے وہ بات مان لیں کیونکہ دادی کی بات نہیں ٹالتے۔

    گذشتہ روز سابق وزیراعظم کی صاحبزادی مریم نواز نے دعویٰ کیا تھاکہ نوازشریف کو گزشتہ ایک ہفتے کے دوران 4 بار انجائنا کا درد اٹھا مگر حکومت انہیں کوئی طبی امداد فراہم نہیں کررہی۔

    مزید پڑھیں : حکومت کا نواز شریف کو جیل سے اسپتال منتقل کرنے کا فیصلہ، سابق وزیر اعظم کا انکار: ذرائع

    اپنے ٹویٹ میں مریم نواز نے بتایا تھاکہ نوازشریف نےکہا آئندہ وہ اپنی تکلیف کاذکریاشکایت نہیں کریں گے، تین بار وزیراعظم رہنے والے شخص کے ساتھ حکومت بے حسی کا مظاہرہ کررہی ہے۔

    بعد ازاں زیراعظم عمران خان نے انسانی ہمدردی کی بنیاد پر نوازشریف کو فوری طور پر پنجاب انسٹیٹیوٹ آف کارڈیالوجی منتقل کرنے کی ہدایت جاری کی تھی تاہم نواز شریف نے جیل سے اسپتال منتقل ہونے سے انکار کر دیا تھا۔

    خیال رہے 25 فروری کو اسلام آباد ہائی کورٹ نے طبی بنیادوں پرضمانت پررہائی سے متعلق فیصلہ سنایا تھا، فیصلے میں سابق وزیر اعظم نواز شریف کی درخواست ضمانت کو مسترد کرتے ہوئے کہا تھا نوازشریف کوایسی کوئی بیماری لاحق نہیں جس کاعلاج ملک میں نہ ہوسکے، عدالتی فیصلے کے بعد نوازشریف کو جناح اسپتال سے ایک بار پھر کوٹ لکھپت جیل منتقل کردیا گیا تھا۔

    واضح رہے گزشتہ برس 24 دسمبر کو سابق وزیر اعظم نواز شریف کے خلاف العزیزیہ اسٹیل ملز اور فلیگ شپ ریفرنسز کا فیصلہ سنایا گیا تھا، فیصلے میں نواز شریف کو العزیزیہ ریفرنس میں مجرم قرار دیتے ہوئے 7 سال قید کی جرمانے کا حکم سنایا تھا جبکہ فلیگ شپ ریفرنس میں انہیں بری کردیا گیا تھا۔

  • نواز شریف کی اسپتال منتقلی، لاہور پولیس نے سیکورٹی پلان ترتیب دے دیا

    نواز شریف کی اسپتال منتقلی، لاہور پولیس نے سیکورٹی پلان ترتیب دے دیا

    لاہور: سابق وزیرِ اعظم نواز شریف کی اسپتال منتقلی کے سلسلے میں لاہور پولیس نے مکمل سیکورٹی پلان تشکیل دے دیا ہے۔

    تفصیلات کے مطابق نواز شریف کو اسپتال منتقل کیے جانے کے لیے لاہور پولیس نے سیکورٹی پلان ترتیب دے دیا، نواز شریف کے کمرے کو سب جیل ڈکلیئر کر دیا جائے گا۔

    [bs-quote quote=”تمام ڈاکٹرز اور رشتہ داروں کی 3 جگہ چیکنگ کی جائے گی۔” style=”style-7″ align=”left” color=”#dd3333″ author_job=”پولیس سیکورٹی پلان”][/bs-quote]

    پولیس کے مطابق نواز شریف کے وارڈ کے باہر جیل عملہ تعینات ہوگا، صرف حکومت کے معین کردہ ڈاکٹرز کے بورڈ کو کمرے تک رسائی ہوگی۔

    پولیس کا کہنا ہے کہ تمام ڈاکٹرز اور رشتہ داروں کی 3 جگہ چیکنگ کی جائے گی، سیکورٹی کے سربراہ ایس پی ماڈل ٹاؤن علی وسیم ہوں گے۔

    پولیس کے مطابق اسپتال میں 3 شفٹوں میں اہل کار تعینات کیے جائیں گے، ایک ڈی ایس پی، 2 انسپکٹر اور 80 اہل کار ایک شفٹ میں ہوں گے۔

    یہ بھی پڑھیں:  نوازشریف کوامراض قلب کےاسپتال میں منتقل کیا جائے: میڈیکل بورڈ

    خیال رہے کہ 8 فروری کو میاں نواز شریف کا معائنہ کرنے والے خصوصی میڈیکل بورڈ نے سفارش کی تھی کہ نواز شریف عارضہ قلب میں مبتلا ہیں، انھیں ہمہ وقت ماہرامراض قلب کی ضرورت ہے، اس لیے انھیں امراض قلب کے اسپتال منتقل کیا جائے۔

    میڈیکل بورڈ نے تجویز دی تھی کہ نواز شریف کے بلڈ پریشر اور شوگر کے باقاعدہ چارٹ بنائے جائیں، ان کو کم نمک، کم چکنائی، کم پروٹین والی غذا استعمال کرنی چاہیے۔