Tag: اسپتال

کراچی: شہر قائد کے علاقے ناگن چورنگی کے قریب موبائل وین پر فائرنگ کے نتیجے میں تین افراد جاں بحق ہو گئے۔

ناگن چورنگی کے قریب پولیس موبائل سے مماثلت رکھنے والی گاڑی پر نامعلوم ملزمان نے فائرنگ کردی جس کے باعث گاڑی میں سوار دو افراد اور ایک بچی شدید زخمی ہوگئی۔

اسپتال منتقل کے دوران دونوں افراد زخموں کی تاب نہ لاتے ہوئے راستے میں دم توڑ گئے۔ جابحق افراد کی شناخت عابد اور عتیق کے نام سے کی گئی جبکہ بچی کی شناخت تشبیہ کے نام سے ہوئی ہے۔

ابتدائی تفتیش کے دوران پولیس حکام کی جانب سے کہا گیا ہے کہ مقتول عابد سٹی وارڈن تھا جبکہ پولیس کا کہنا ہے کہ حملے کا نشانہ بننے والی گاڑی پولیس موبائل سے مماثلت رکھتی ہے جس پر نمبر پلیٹ نہیں لگی ہے۔

پولیس حکام کا کہنا ہے کہ انج اور چیچس نمبر کی مدد سے گاڑی کی شناخت کی کوشش کی جارہی ہے۔ تاہم اب تک یہ معلوم نہیں ہوسکا ہے کہ حملے کا نشانہ بننے والی گاڑی پولیس موبائل ہے یا کوئی نجی گاڑی ہے یہ بات تحقیات کے بعد ہی سامنے لائی جاسکے گی۔

اداکارہ میرا نے فلاحی اسپتال کے منصوبے کے لئےسے زمین مانگ لی، کہتی ہیں نہ سیاست نہ شادی، ابھی صرف فلاحی کام کرنے کا ارادہ ہے۔لاہور میں گورنر پنجاب چودھری محمد سرور سے ملاقات کے بعد میڈیا سے گفتگو کرتے ہوئے اداکارہ میرا کا کہنا تھا کہ گورنر پنجاب نے اسپتال کی تعمیر کے لئے کمیٹی بنادی ہے جو زمین کی خریداری کے لئے جلد ہی مناسب جگہ کی نشاندہی کرے گی،

ان کا کہنا تھا کہ اسپتال کا منصوبہ انتہائی سنجیدہ اور انسان دوست ہے، میڈیا بھی اس حوالے سے سنجیدگی کا مظاہرہ کرے، اداکارہ میرا نے کہا کہ گورنر پنجاب انتہائی خدا ترس اور مثبت شخص ہیں، جن سے ملاقات کرکے خوشی ہوئی۔

ان کا کہنا تھا کہ ابھی ان کا سیاست میں آنے کا کوئی ارادہ نہیں، پاکستان میں غریب آدمی کے علاج معالجہ کی مناسب سہولیات موجود نہیں ہیں، اسپتال کی تعمیر کے لئے وزیراعلیٰ شہباز شریف سمیت تمام لوگوں سے ملاقات کروں گی۔ شادی کے سوال پر ان کا کہنا تھا کہ ابھی ان کا شادی کا کوئی ارادہ نہیں ہے۔