Tag: اسپتال

اسلام آباد: وزیراعظم عمران خان نے اسپتالوں، مراکز صحت میں افرادی قوت کی کمی کو پورا کرنے کا حکم دے دیا۔

تفصیلات کے مطابق وزیراعظم عمران خان نے وفاقی دارالحکومت میں صحت کی سہولیات پر شکایات کا سخت نوٹس لیتے ہوئے سیکرٹری صحت کو سرکاری اسپتالوں کی انتظامیہ کو فعال بنانے کی ہدایت کر دی۔

وزیراعظم پاکستان نے اسپتالوں ،مراکز صحت میں افرادی قوت کی کمی کو پورا کرنے کا بھی حکم دے دیا۔ انہوں نے کہا کہ سہولیات کی فراہمی میں کوتاہی برداشت نہیں کی جائے گی، صحت کی سہولیات اور ادویات کی فراہمی پر خصوصی توجہ دی جائے۔

کم آمدنی والے اور غربا کے لیےصنعتوں کا فروغ ترجیح ہے،وزیراعظم

یاد رہے کہ گزشتہ روز وفاقی دارالحکومت اسلام آباد میں وزیراعظم عمران خان کی زیرصدارت اجلاس ہوا جس میں بجلی اورگیس کی قیمتوں میں کمی کے لیے حکومتی اقدامات کا جائزہ لیا گیا تھا۔

وزیراعظم کا کہنا تھا کہ کم آمدنی والے اور غربا کے لیےصنعتوں کا فروغ ترجیح ہے۔ عمران خان کا کہنا تھا کہ ماضی کی حکومتوں نے مہنگے اور غیرمنطقی معاہدے اور انتظامات کیے، نتیجے میں مہنگی بجلی اورگردشی قرضے کی صورت سامنے آئی۔

لندن : میاں نواز شریف کے ذاتی معالج ڈاکٹر عدنان کا کہنا ہے کہ چند دنوں میں نوازشریف کو اسپتال میں داخل کیا جائے گا۔

تفصیلات کے مطابق لندن میں میڈیا سے گفتگو کرتے ہوئے سابق وزیراعظم کے ذاتی معالج ڈاکٹر عدنان نے کہا کہ کارڈیک پی ای ٹی اسکین میں دل کی پیچیدہ بیماری کی تشخیص ہوئی۔

ڈاکٹر عدنان کا کہنا تھا کہ چند دنوں میں نوازشریف کو اسپتال میں داخل کیا جائے گا، دل کی شریانوں میں بندش ختم کرنے کے لیے آپریشن کیا جائے گا، کارڈیو ویسکولر ٹیم نے آپریشن کے انتظامات مکمل کر لیے ہیں۔

نواز شریف کو اگلے ہفتے اسپتال میں داخل کیا جائے گا، حسین نواز

اس سے قبل گزشتہ ہفتے مسلم لیگ ن کے قائد کے بیٹے حسین نواز کا کہنا تھا کہ نواز شریف کو اسپال میں داخل کیا جائے گا جہاں اینجوگرام کے ذریعے دل کی بند شریانوں کا جائزہ لیا جائے گا۔

حسین نواز کا کہنا تھا کہ انجیوگرام ٹیسٹ میں استعمال ہونے والی ادویات کا گردوں پر اثر پڑتا ہے، گردوں میں تکلیف پر شریانوں کے لیے استعمال ہونے والی ادویات کی مقدار کو کم رکھا جائے گا۔

یاد رہے کہ گزشتہ سال نومبر میں سابق وزیراعظم نوازشریف اپنے بھائی شہباز شریف اور ذاتی معالج ڈاکٹر عدنان کے ہمراہ ایئر ایمبولینس میں علاج کے لیے لندن پہنچے تھے۔

لاہور: لاہور ہائی کورٹ نے اسپتالوں کا فضلہ نہ اٹھانے کے خلاف درخواست پر صوبائی وزیر صحت ڈاکٹر یاسمین راشد کو 29 جنوری کو طلب کر لیا۔

تفصیلات کے مطابق چیف جسٹس لاہور ہائی کورٹ مامون رشید شیخ نے اسپتالوں کا فضلہ نہ اٹھانے کے خلاف درخواست پر سماعت کے دوران ریمارکس دیے کہ محکمہ صحت نے کئی ادارے بنا کر لمبے لمبے نام کیوں رکھے ہیں، اتنے لمبے نام رکھنے کا مقصد کیا ہے، اتنے لمبے نام لکھنے سے سیاہی اور وقت ضائع ہوتا ہے۔

چیف جسٹس نے ریمارکس دیے کہ اسپتالوں کے فضلےکے معاملے پر محکمہ ماحولیات کیوں سویا پڑا ہے، بتایا جائے اسپتال کے فضلے کو ری سائیکل کر کے سرنجیں پھر مارکیٹ میں کیسے آ رہی ہیں۔

انہوں نے کہا کہ سرکاری اسپتالوں کی مشینری کی درآمد پر ٹیکس کیوں ادا کرنا پڑتا ہے، اسپتالوں کی مشینری کام نہیں کرتیں اسے چلانے کے لیے کوئی قانون سازی کیوں نہیں کی۔

سیکرٹری سپیشلائزڈ ہیلتھ نے کہا کہ ملتان اور ساہیوال کے اسپتالوں میں فضلہ ٹھکانے لگانے کے پلانٹس موجود نہیں، پانچ نئے پلانٹس ایک ماہ تک خرید لیے جائیں گے۔

عدالت نے صوبائی وزیر صحت ڈاکٹر یاسمین راشد کیس کو طلب کرتے کیس کی مزید سماعت 29 جنوری تک ملتوی کر دی۔

لاہور: وزیراعلیٰ پنجاب سردار عثمان بزدار کا کہنا ہے کہ 28 سال کے بعد پنجاب میں پہلی بار اسپتال بن رہے ہیں، ایک سال کے اندر 9 اسپتال بنائے جا رہے ہیں۔

تفصیلات کے مطابق وزیراعلیٰ پنجاب نے کہا کہ ہم عوام کی زندگیوں میں آسانیاں پیدا کر رہے ہیں، ماضی کی حکومتوں نےعوام کو مشکلات کی دلدل میں دھکیلا ہوا تھا۔

وزیراعلیٰ پنجاب نے کہا کہ ترقیاتی منصوبوں کی لمبی فہرست ہے، ایک سال کے اندر 9 اسپتال بنائے جا رہے ہیں، 28 سال کے بعد پنجاب میں پہلی بار اسپتال بن رہے ہیں۔

سردار عثمان بزدار نے کہا کہ ہم نے ہر سیکٹرمیں کام کیا ہے، صحافیوں کو پنجاب حکومت ہیلتھ کارڈ میں شامل کرے گی، ڈویژنل سطح پر صحافی کالونی کا اجرا کریں گے۔

انہوں نے کہا کہ پنجاب کے پسماندہ علاقوں کی ترقی بنیادی ہدف ہے، 28 سال کے بعد پنجاب میں پہلی بار اسپتال بن رہے ہیں، ایک سال کے اندر 9 اسپتال بنائے جا رہے ہیں۔

ہنر مند نوجوان ہر ریاست کا اثاثہ ہوتے ہیں: عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار نے تقریب سے خطاب کرتے ہوئے کہا تھا کہ ہنر مند نوجوان پروگرام کے لیے ڈیڑھ ارب رکھے گئے ہیں۔ ایک لاکھ نوجوانوں کو مارکیٹ ڈیمانڈ کے مطابق جدید کورسز کروائیں گے۔

اسلام آباد: سپریم کورٹ کے حکم کی روشنی میں ملک کے 4 بڑے اسپتالوں کو وفاق کے زیر انتظام کرنے کا عمل شروع ہوگیا۔

تفصیلات کے مطابق سپریم کورٹ کی جانب سے جناح اسپتال ،این آئی سی وی ڈی، این آئی سی ایچ اور شیخ زید اسپتال کو وفاق کے تحت چلانے کے فیصلے پر عمل کرتے ہوئے وزارت صحت نے مذکورہ اسپتالوں کا ریکارڈ طلب کرلیا ہے۔

وزارت صحت نے انتظامی کنٹرول کیلئےاسپتالوں کے اثاثوں، ملازمین اور بجٹ کی تفصیلات مانگ لیے ہیں۔

یہ بھی پڑھیں: وفاقی اسپتالوں کی صوبوں کو متقلی غیر آئینی قرار، سپریم کورٹ کا تفصیلی فیصلہ

سپریم کورٹ نے جناح اسپتال (جے پی ایم سی) اور این آئی سی وی ڈی کی سندھ کو منتقلی غیر آئینی قرار دیتے ہوئے این آئی سی ایچ اور این ایم پی کی صوبے کو منتقلی بھی غیر آئینی قرار دیا تھا۔

فیصلہ کے مطابق سندھ اسمبلی کا منظور شدہ این آئی سی وی ڈی ایکٹ2014 غیر آئینی ہے، اس کے علاوہ شیخ زید اسپتال لاہور کی صوبائی حکومت کو منتقلی غیر آئینی قرار دیتے ہوئے کہا گیاکہ شیخ زید اسپتال صوبے کو دینے کا فیصلہ وزیراعظم نے کیا تھا کابینہ نے نہیں۔

فیصلہ میں مزید کہا گیا کہ این آئی سی ایچ1990میں جے پی ایم سی سے الگ ہوکر وفاق کو منتقل ہوا، اٹھارہویں ترمیم عمل درآمد کمیشن نے اپنی حدود سے تجاوز کیا تھا، جے پی ایم سی اور این آئی سی وی ڈی کا وفاقی ادارے ہونا پہلے سے تسلیم شدہ ہے۔

اسلام آباد : پیپلزپارٹی کی رہنما سینیٹر شیری رحمان کا کہنا ہے کہ آصف زرداری کی صحت خراب ہے فوری دوسرے اسپتال منتقل کر رہے ہیں، آصف زرداری عدالتوں سے یقیناً سرخرو ہوں گے۔

تفصیلات کے مطابق میڈیا سے گفتگو کرتے ہوئے سینیٹر شیری رحمان نے کہا کہ آصف زرداری کو کچھ دیر میں اسپتال سے منتقل کیا جائے گا۔ انہوں نے کہا کہ آصف زرداری عدالتوں کا سامنا کرچکے ہیں، آصف زرداری عدالتوں سے یقیناً سرخرو ہوں گے۔

پیپلزپارٹی کی رہنما نے کہا کہ ذاتی معالج تک رسائی ملی، نیب کوعدالت نے کہا رپورٹس دیکھیں۔ ذرائع کے مطابق سابق صدر کو ضیا الدین اسپتال کے بجائے این آئی سی وی ڈی منتقل کرنے کا امکان ہے۔

آصف علی زرداری کو رہا کردیا گیا

واضح رہے کہ احتساب عدالت نے سابق صدر آصف علی زرداری کی ضمانت پر رہائی کی روبکار جاری کرتے ہوئے انہیں رہا کر دیا ہے۔ آصف زرداری پمز اسپتال میں زیر علاج تھے جنہیں آج اڈیالہ جیل حکام نے رہائی کی روبکار جاری کی۔

اسلام آباد ہائی کورٹ نے جعلی بینک اکاؤنٹس اور منی لانڈرنگ کیس میں سابق صدر آصف علی زرداری کی طبی بنیادوں پر ضمانت منظور کرتے ہوئے ایک کروڑ روپے کے مچلکے جمع کرانے کا حکم دیا تھا۔