پاکستان ریلوے نے عیدالاضحیٰ پر 5 اسپیشل ٹرینیں چلانے کا اعلان کیا ہے، آج کراچی سے عیدالاضحیٰ کے موقع پر پہلی اسپیشل ٹرین اپنی منزل کی جانب روانہ ہوگئی۔
تفصیلات کے مطابق کراچی سے لاہور روانہ ہونے والی اسپیشل ٹرین میں 2 اے سی، 8 اکنامی کوچز شامل تھیں۔ اسپیشل ٹرین میں 750 مسافروں کی گنجائش موجود ہے۔
واضح رہے کہ پاکستان ریلوے نے عیدالاضحیٰ پر 5 خصوصی ٹرینیں چلانے کا اعلان کیا ہے، خصوصی ٹرینیں 2 سے 4 جون کے درمیان مختلف شہروں سے چلائی جائیں گی۔
پہلی خصوصی ٹرین آج 2 جون کو کراچی کینٹ سے دوپہر 1 بجے لاہور کیلئے روانہ ہوئی۔
دوسری خصوصی ٹرین 3جون کو کوئٹہ سے صبح 10 بجے پشاور کینٹ کیلئے روانہ ہوگی۔
تیسری خصوصی ٹرین 3جون کو لاہور سے شام 5 بجے کراچی کینٹ کیلئے روانہ ہو گی۔
چوتھی خصوصی ٹرین 3جون کو کراچی سٹی سے رات 8بجے راولپنڈی کیلئے روانہ ہو گی۔
پانچویں خصوصی ٹرین 4 جون کو کراچی کینٹ سے رات 8 بجے لاہور کیلئے روانہ ہو گی۔
ٹرین سے 10 سالہ بچی اغوا، سب کو لسی پلا کر بے ہوش کیا گیا
ترجمان کے مطابق پہلی، دوسری اور چوتھی ٹرینوں کیلئے کوچز ورکشاپس سے فراہم کی جائیں گی۔ تیسری اور پانچویں ٹرینوں کیلئے پہلے سے دستیاب عیداسپیشل ٹرینوں کی ریک استعمال کی جائے گی۔
