Tag: اسپین

میڈرڈ: اسپین میں ریستوران کی مالک کاکہناہےکہ 160افراد ان کے ریستوران میں ہزاروں یوروں کا کھاناکھاکربل اداکیے بغیر فرار ہوگئے۔

تفصیلات کےمطابق اسپین کے ریستوران ال رینکون ڈی پیپن کی مالک لورا ایرئیس کاکہناہےکہ 160افراد پر متشمل گروپ نے انہیں بتایا کہ وہ شادی کی ایک تقریب کا انعقاد کرناچاہتے ہیں اور اس کے لیےسادہ ساکھانا منگوایا۔

ریستوران کی مالک نے کہاکہ گروپ نے ایک ہزار یورو بکنگ کےوقت ادا کیےلیکن کھانے اور مشروبات کی مد میں دس ہزار یورو کا بل بنا۔انہوں نےکہاکہ کھاناکھانے کےپانچ منٹ کے اندر تمام افراد اچانک غائب ہوگئے۔

لورا ایرئیس نےان کے ریستوران میں ہونے والی اس واردات سے پولیس کو آگاہ کردیا پےاورانہوں نےکہاکہ یہ لوگ تصویروں سے پہچانےجاسکتے ہیں۔

خیال رہےکہ تین روز قبل اسپین کے ریستوارن میں اسی طرح کی واردات ہوئی تھی اوریہ دونوں ریستوان دس کلو میٹر کے فاصلے پر واقع ہیں۔

مزید پڑھیں:اسپین کے ریستوران میں 120افراد کھاناکھاکرفرار

یاد رہےکہ گذشتہ ہفتے اسپین کے شمالی مغربی علاقے بیمبائبرمیں ایک ریستوران کے مالک کے مطابق 120 کے قریب افراد اس کے ریستوران میں کھانا کھانے کے بعد بل ادا کیے بغیر فرار ہو گئے۔

واضح رہےکہ اینٹونیو روڈرج نے کہا تھاکہ وہ گذشتہ 35 برس سے یہ کاروبار کر رہے ہیں لیکن اس سے قبل ان کے ساتھ کبھی ایسا واقعہ پیس نہیں آیا تھا۔

میڈرڈ: اسپین میں ایک شخص کا کہناہےکہ 120افراد اس کے ریستوران میں کھاناکھاکےبل اداکیے بغیرفرار ہوگئے۔

تفصیلات کےمطابق اسپین کے شمال مغربی علاقے بیمبائبر میں ریستوران کےمالک اینٹونیو روڈرج کاکہناہےکہ کہرومینیائی نسل کےلوگوں نے پہلے ہی سے 950 ڈالر کی رقم ادا کر کے کارمین ریستوران بک کروایا تھا لیکن کھانا کھانے کے بعد ابھی ڈیزرٹ باقی تھا کہ بقایا رقم ادا کیے بغیر ہی سب بھاگ گئے۔

اینٹونیو روڈرج کےمطابق سب کچھ ایک منٹ کے وقفے میں ہی ہوا۔ہوٹل میں کھانا کھانے کے لیے آنے والے افراد پہلے سے ہی منصوبہ بندی کرکے آئے تھے اور فرارہوگئے۔

ریستوران مالک کاکہناہےکہ ہوٹل میں کھاناکھانے والے افراد کو 2000یورو ادا کرنے تھےانہوں نے اس حوالے سے پولیس کو بھی آگاہ کیاہےتاہم پیسہ مل جائےگا اس کی انہیں امید نہیں ہے۔

مقامی اخبار کے مطابق پولیس حکام کا کہناہےکہ ابھی تک کھانا کھانے والے گروپ میں سے کسی سے بھی رابطہ نہیں ہو پایا ہے۔

واضح رہےکہ اینٹونیو روڈرج نے کہا کہ وہ گذشتہ 35 برس سے یہ کاروبار کر رہے ہیں لیکن اس سے قبل ان کے ساتھ کبھی ایسا واقعہ پیس نہیں آیا تھا۔

بارسلونا: اسپین کے شہربارسلونا میں ہزاروں افراد نے مظاہرے کے دوران حکومت سے مطالبہ کیا ہےکہ بڑی تعداد میں تارکین وطن کو اسپین آنے کی اجازت دی جائے۔

تفصیلات کےمطابق اسپین کے شہر بارسلونا میں ایک لاکھ 60 ہزار افراد نےتارکین وطن کے حق میں احتجاج کرتےہوئے حکومت سےمطالبہ کیا ہےکہ شام جیسے جنگ زدہ ممالک سے بڑی تعداد میں تارکین وطن کوملک میں آنےدیا جائے۔

مظاہرین نے احتجاج کے دوران حکومت مخالف پلے کارڈزاٹھا رکھے تھے جن پر الزام عائد کیا گیا تھا کہ حکومت تارکین وطن کے مسئلے پر پیچھے ہٹ رہی ہے۔

تارکین وطن کے لیے کیے جانے والے مظاہرےمیں شامل افراد نے کہا کہ حکومت نے 2015 میں 17 ہزار تارکین وطن کو قبول کرنے کا اعلان کیا تھا لیکن اب وہ اپنے وعدے کو پورا نہیں کر رہی۔

بارسلونا میں اس احتجاج کا انعقاد’ہمارا گھر آپ کا گھر‘ نامی تنظیم نے کیا تھا اور مقامی میڈیا کے مطابق منتظمین کا کہنا ہے کہ مظاہرے میں تین لاکھ افراد نے حصہ لیا۔

یاد رہےکہ اسپین کی حکومت نے اپنے وعدے کے مطابق 2015میں 17ہزار افراد کی بجائے صرف 1100افراد کو ملک میں آنے کی اجازت دی تھی۔

واضح رہےکہ اسپین کے علاوہ یورپی اتحاد کے دوسرے ممالک نےبھی اتنی تعداد میں تارکین وطن کو قبول نہیں کیا جس کا انہوں نے اعلان کیا تھا تاہم جرمنی نے 2015 میں آٹھ لاکھ 90 ہزار اور 2016 میں دو لاکھ 80 ہزار تارکین وطن کو پناہ دی۔

بارسلونا : اسپین کے جنوب مغربی علاقےمیں او پورینو کے قریب ٹرین پٹری سے اتر جانے سے کم از کم چارافرادجان کی بازی ہارگئے۔

تفصیلات کےمطابق پرتگالی ٹرین میں 60 مسافر سوار تھے جب وہ جمعے کو مقامی وقت کے مطابق صبح ساڑھے نو بجےمقامی ریلوے اسٹیشن کے قریب پٹری سے اتر گئی۔

حادثے میں ایک بوگی پٹری سے مکمل طور پر اتر گئی جبکہ دو جزوی طور پر اتریں۔حادثے کی بعد علاقے میں امدادی کارروائیوں کا آغازکردیا گیا۔

خیال رہے کہ جولائی 2013 میں سپین کے اسی علاقے میں ٹرین کا بدترین حادثہ پیش آیا تھا جب تیز رفتار ٹرین سان تیاگو ڈی کومپوستیلا کے قریب پٹری سے اتر گئی تھی۔

اس حادثے میں 79 افراد ہلاک اور 170 کے قریب زخمی ہوئے تھے اور حادثے کی وجہ ایک موڑ سے قبل ڈرائیور کی جانب سے بریک لگانے میں ناکامی بتائی گئی تھی۔

جمعے کو ہونے والے حادثہ بظاہر ایک موڑ کے دوران ٹرین کے ایک پل کے حصے سے ٹکرانے کے دوران پیش آیا۔ہلاک ہونے والوں میں ٹرین کا پرتگالی ڈرائیور بھی شامل ہے۔

مزید پڑھیں: اٹلی میں دو مسافر ٹرینیں ٹکرانے سے 23افراد ہلاک

یاد رہے کہ رواں سال جولائی میں اٹلی کے جنوبی علاقے میں دو مسافر ٹرینوں میں ٹکر کے نتیجے میں کم از کم 23 افراد جاں بحق اور درجنوں زخمی ہو گئے،حادثہ کوراٹو اور اینڈریا کے علاقوں کے درمیان پیش آیا تھا۔

واضح رہے کہ حادثے میں زخمی ہونے والوں کی صحیح تعداد تاحال واضح نہیں ہے تاہم بہت سارے افراد حادثے کا شکار ہونے والی ٹرین سے باہر نکلنے میں کامیاب رہے۔