Tag: اسپیکر قومی اسمبلی

اسلام آباد : اسپیکر قومی اسمبلی ایاز صادق نے اضافی تنخواہ لینے سے انکار کرتے ہوئے معاملہ وزیراعظم پر چھوڑ دیا۔

تفصیلات کے مطابق تنخواہ میں اضافے پر وزیر دفاع خواجہ آصف کی تنقید کے بعد اسپیکر قومی اسمبلی نے وزیراعظم شہباز شریف کو خط لکھ دیا۔

ذرائع نے بتایا خط میں اسپیکر قومی اسمبلی نے تنخواہ کا معاملہ وزیراعظم پرچھوڑدیا اور مؤقف اپنایا میرا تنخواہ سے کوئی تعلق نہیں، نہ دلچسپی ہے۔

ذرائع اسپیکرآفس کا کہنا تھا کہ تنخواہ بڑھانے کا فیصلہ وفاقی کابینہ اور وزیراعظم کا اختیار ہے، بے شک میری تنخواہ نہ بڑھائیں، میرا کوئی مطالبہ نہیں۔

ذرائع نے کہا کہ اسپیکر نے خواجہ آصف کے الزامات کا جواب دینے سے گریز کیا اور اضافی تنخواہ لینے سے انکار کردیا۔

ذرائع کا کہنا ہے کہ تنخواہ کے معاملے پر حتمی فیصلہ اب وزیراعظم شہباز شریف کریں گے،ذرائع

یاد رہے وزیر دفاع خواجہ آصف نے اسپیکر کی تنخواہ ساڑھے 21 لاکھ ہونے پر اسے مالی فحاشی قرار دیا تھا جب کہ وزیراعظم نے بھی اس معاملے کا نوٹس لیا تھا۔

اسلام آباد : پارلیمانی کمیٹی برائے متاثرہ سرکاری ملازمین نے اسپیکر قومی اسمبلی راجہ پرویز اشرف کو خط میں بڑے بیورو کریٹس کے خلاف توہین پارلیمنٹ کارروائی کی سفارش کردی۔

تفصیلات کے مطابق اسپیکر قومی اسمبلی راجہ پرویز اشرف کو توہین پارلیمنٹ کارروائی کیلئے پہلی درخواست موصول ہوگئی ، اسپیکر کو پارلیمانی کمیٹی برائےمتاثرہ سرکاری ملازمین کی جانب سے درخواست بھیجی گئی۔

کمیٹی نےعارضی ملازمین سےمتعلق سفارشات پرعمل نہ ہونے پر درخواست کی ، چیئرمین متاثرہ ملازمین کمیٹی نے اسپیکر قومی اسمبلی کے نام خط لکھا۔

جس بتایا گیا کہ 10وزارتوں، اداروں کےافسران توہین پارلیمنٹ کے مرتکب قرار دیئے گیے ہیں ، کمیٹی نے بڑےبیوروکریٹس کے خلاف توہین پارلیمنٹ کارروائی کی سفارش کردی۔

ذرائع کا کہا تھا کہ خط میں 10وزارتوں، اداروں کے افسران کیخلاف توہین پارلیمنٹ کارروائی کی سفارش کی گئی جبکہ سیکرٹری داخلہ، سیکرٹری توانائی ، سیکرٹری، ڈی جی سول ایوی ایشن اور سی ای او پی آئی اے کے خلاف بھی توہین پارلیمنٹ کارروائی کی سفارش کی۔

کمیٹی کی جانب سے سیکرٹری سائنس و ٹیکنالوجی ، سیکرٹری کابینہ ڈویژن، صدر نیشنل بینک ، سیکرٹری تعلیم، ڈی جی ایف ڈی ای ، :سیکرٹری ریلوے، جی ایم ایچ آر ، سی ای او اسٹیل مل، ایم ڈی یوٹیلٹی اسٹورز سی ای او کے الیکٹرک اور سی ای اوز سمیت ڈی جی پیمرا سہیل آصف کے خلاف توہین پارلیمنٹ کارروائی کی سفارش کی گئی۔

خط میں بتایا گیا کہ خصوصی پارلیمانی کمیٹی متاثرہ ملازمین کے 72 اجلاس منعقد ہوئے تھے، متاثرہ ملازمین کمیٹی نے 5 لاکھ سے زائد ملازمین کیلئے احکامات جاری کئےتھے۔

متاثرہ ملازمین کمیٹی نے ہزاروں عارضی ملازمین کی مستقلی کی سفارش کرتے ہوئے ہزاروں برطرف ملازمین کی بحالی کےاحکامات جاری کئے، اسپیکر قومی اسمبلی متاثرہ ملازمین کمیٹی احکامات پر رولنگ دے چکے ہیں

اسلام آباد : اسپیکرقومی اسمبلی راجہ پرویز اشرف نے یونان میں کشتی حادثے میں پاکستانیوں کے ڈوبنے کے واقعے کا نوٹس لیتے ہوئے مطالبہ کیا تحقیقات کرکے ذمے داران کو سزا دی جائے۔

تفصیلات کے مطابق اسپیکر قومی اسمبلی راجہ پرویز اشرف کی زیرصدارت قومی اسمبلی کا اجلاس ہوا، جس میں مولانا عبدالاکبر چترالی نے نقطہ اعتراض اٹھاتے ہوئے کہا کہ لیبیا سے یونان جاتے 310 پاکستانی سمندر میں ڈوب گئے، وزیرداخلہ اس حوالے سے ایوان کو اعتماد میں لیں۔

مولاناعبدالاکبر چترالی نے مطالبہ کیا کہ کشتی حادثے کے واقعے کی تحقیقات کرائی جائے۔

اجلاس کے دوران اسپیکر قومی اسمبلی نے کشتی حادثے میں پاکستانیوں کے ڈوبنے کے واقعے کا نوٹس لیتے ہوئے کہا کہ تحقیقات کرکےذمے داران کو سزا دی جائے۔

خیال رہے یونان میں ڈوبنے والی تارکین وطن کی کشتی میں سوار بارہ پاکستانیوں کو بچالیا گیا ہے جبکہ مختلف ملکوں کے ساڑھے سات سو میں سے اٹھہتر افراد کی لاشیں نکال لی گئیں اور مزید ساڑھے پانچ کا اب تک کچھ پتا نہ چل سکا۔

ترجمان دفترخارجہ کا کہنا ہے ایسے حادثات میں شناخت بڑاچیلنج ہوتی ہے، ڈی این اے کےذریعےشناخت کی جارہی ہے۔