واشنگٹن: ڈیموکریٹس سے تعاون پر ریپبلکنز نے برہم ہو کر ہاؤس اسپیکر کیون مک کارتھی کو عہدے سے ہٹا دیا۔
امریکی میڈیا رپورٹس کے مطابق امریکی ایوان نمائندگان نے کیون مک کارتھی کو اسپیکر شپ سے ہٹا دیا ہے، مک کارتھی کا کہنا ہے کہ وہ اب دوبارہ اسپیکر کے عہدے کا انتخاب نہیں لڑیں گے۔
امریکا کی 234 سالہ تاریخ میں پہلی بار ایوان نے اسپیکر کے خلاف ووٹ دے کر اس طرح کسی اسپیکر کو عہدے سے ہٹایا، ری پبلکن اکثریت والے ایوان میں اسپیکر کے خلاف 210 کے مقابلے میں 216 ووٹ آئے۔ ہاؤس اسپیکر کو ایسے وقت فارغ کیا گیا ہے جب الیکشن میں ایک سال باقی ہے۔
ایوان نمائندگان میں ڈیموکریٹس سے تعاون پر سخت گیر ریپبلکن اراکین مک کارتھی سے سخت ناراض تھے، ری پبلکن پارٹی کے میٹ گیٹس نے اسپیکر کو عہدے سے ہٹانے کی تحریک پیش کی تھی۔
Interim Speaker Patrick McHenry agressively slams the gavel as he and 200+ other Republicans fume over Kevin McCarthy's ousting.
Where was this anger as millions of migrants poured over the southern border?
Where was this anger as US debt rises over $33T?
Where was this anger… pic.twitter.com/ewW2nvroZN
— Collin Rugg (@CollinRugg) October 3, 2023
سابق ہاؤس اسپیکر کیون مک کارتھی کا کہنا تھا کہ حکومتی شٹ ڈاؤن کو روکنے کے لیے دو طرفہ بات چیت پر انھیں کوئی افسوس نہیں ہے، انھوں نے کہا ’’میں اسپیکر کے انتخاب میں دوبارہ حصہ نہیں لوں گا۔‘‘
ری پبلکن پارٹی کے پیٹرک مک ہینری نے قائم مقام اسپیکر کا عہدہ سنبھال لیا ہے۔
