Tag: اسکالر شپ

لاہور : وزیراعلیٰ پنجاب انٹرن شپ پروگرام کا دوسرا مرحلہ شروع ہوگیا، جس میں گریجویٹ انٹرنز کو ماہانہ 60 ہزار روپے اسکالر شپ ملے گی۔

تفصیلات کے مطابق ینگ ایگریکلچر گریجویٹس کیلئے وزیراعلیٰ پنجاب انٹرن شپ پروگرام کا دوسرا مرحلہ شروع ہوگیا۔

2ہزار ایگریکلچر گریجویٹ انٹرنز کو ماہانہ 60 ہزار روپے اسکالر شپ ملے گی اور اس کے لئے بی ایس سی ایگریکلچراور بی ایس سی (آنرز) ایگریکلچر ل انجینئرنگ کرنے والے طلبہ اہل قرار دیے گئے ہیں۔

گریجویٹس متعلقہ ضلع میں درخواست ڈپٹی ڈائریکٹر زراعت کے آفس میں جمع کرواسکتے ہیں۔

مزید پڑھیں : طلبا کے لیے 6 کروڑ 10 لاکھ روپے کی اسکالر شپ کا اجرا

بی ایس سی ایگریکلچر اوربی ایس سی ایگریکلچرل انجینئرنگ گریجویٹس کے لئے ہر ضلع کا کوٹہ مقرر کیا گیا ہے جبکہ انٹرن شپ پروگرام کیلئے ایگری کلچرل ہیلپ لائن 0800-17000 بھی فعال ہیں۔

اس حوالے سے وزیراعلیٰ پنجاب مریم نواز نے کہا کہ پنجاب میں کسان کارڈ پروگرام نے کامیابی کے نئے ریکارڈ قائم کر دیے، کاشتکاروں کی معاونت کےساتھ ساتھ نوجوانوں کو باعزت روزگار بھی مل رہا ہے۔

ان کا مزید کہنا تھا کہ کاشتکار بھائیوں کیلئے گرین ٹریکٹرز اور ٹیوب ویل سولرائزیشن پروگرام کامیابی سے جاری ہے، ایک ہی چھت تلے فراہم کرنے کے لئے ماڈل ایگریکلچر مال لارہے ہیں۔

اسلام آباد : ہائر ایجوکیشن کمیشن کی اسکالرشپ لے کر مفرور طلبا کیخلاف ایکشن کا فیصلہ کرلیا گیا ، سرکاری وظائف پر جانیوالوں سے 1.5 ارب روپے وصول کرنے ہیں۔

تفصیلات کے مطابق چیئرمین پی اے سی جنید اکبر کی زیر صدارت اجلاس ہوا، اجلاس میں ہائر ایجوکیشن کمیشن کی اسکالرشپ لے کر مفرور طلبا کیخلاف ایکشن کا فیصلہ کیا گیا۔

آڈٹ اعتراض اٹھایا گیا کہ سرکاری وظیفے پر باہرجاکرپڑھنے والےواپس نہیں آتے، سرکاری وظائف پرجانیوالوں سے1.5ارب روپےوصول کرنےہیں، یہ

چیئرمین پی اے سی نے کہا کہ یہ طلبا سرکاری وظائف پر باہر پڑھنے جاتے ہیں اور پھر غائب ہوجاتے ہیں اور پڑھنے کے بجائے باہرجاکر نوکریوں میں لگ جاتےہیں۔

جنید اکبر کا کہنا تھا کہ سرکاری وظائف پر پڑھنے کےبجائے نوکریاں کرنیوالوں کیخلاف کارروائی کی جائے اور سرکاری وظیفے پر مفرور طلبا کے نام میڈیا میں شائع کریں۔

انھوں نے کہا کہ سرکاری وظیفے پر مفرور طلبا کے پاسپورٹ منسوخ کیے جائیں اور مفرور طلبا کیخلاف ایف آئی آر درج کریں۔

اسلام آباد : متحدہ عرب امارات نے پاکستانی طالبِ علموں کے لیے بڑا اعلان کردیا ، جس کے تحت طلبا یو اے ای کے بہترین تعلیمی اداروں میں تعلیم حاصل کرسکیں گے۔

تفصیلات کے مطابق اعلیٰ تعلیم کی فراہمی کیلئے متحدہ عرب امارات نے طالبِ علموں کیلئے اسکالر شپ کا اعلان کردیا۔

بلوچستان کے مختلف اضلاع سےطلبا کو تحریری امتحانات کے بعد منتخب کیا گیا ، منتخب کیے گئے 25 طالبِ علموں میں 5 طالبات بھی شامل ہیں۔

اسکالرشپ حاصل کرنےوالے طلبا متحدہ عرب امارت کےبہترین تعلیمی اداروں میں تعلیم حاصل کریں گے۔

اس اسکالرشپ کا مقصد پاکستان بالخصوص بلوچستان کے نوجوانوں کو عالمی سطح پر تعلیم حاصل کرنے کے مواقع فراہم کرنا ہے۔

اسکالر شپ حاصل کرنے والے طلبا و طالبات نے اعلیٰ تعلیم کے مواقع فراہم کرنے پر حکومت پاکستان ،متحدہ عرب امارات اورپاک فوج ک اشکریہ ادا کیا۔

طلباو طالبات کہنا تھا کہ یہ اسکالرشپ ان کے تعلیمی سفر میں ایک سنگِ میل کی حیثیت رکھتا ہے ، وہ اس موقع سے مستفید ہو کے اپنے ملک اور صوبے کا نام روشن کریں گے ۔

اسلام آباد : پاکستان سے اسکالر شپ پر فرانس جانے والے طلب علم کی جعل سازی سامنے آگئی، عدالت نے ایچ ای سی کو مستقبل کے لئے سخت شرائط رکھنے کا حکم دے دیا۔

تفصیلات کے مطابق ایچ ای سی کی غفلت سے اسکالر شپ حاصل کرنے کیلئے طالب علم کی جعل سازی سامنے آگئی ، اسکالر شپ پر فرانس جانے والے پی ایچ ڈی اسکالر عمران تاج کی بطور ضامن گارنٹی جعلی نکلی۔

عمران تاج نےاسکالر شپ حاصل کرنے کے لیے جعلی دستاویزات کا سہارا لیا، اسلام آباد ہائیکورٹ نے ایچ ای سی کو ضامن سے ڈھائی کروڑ ریکور کرنے سے روک دیا ہے۔

جسٹس محسن اختر کیانی نے 12صفحات پر مشتمل تحریری فیصلہ جاری کردیا ، جس میں سول جج ویسٹ نے ایچ ای سی کے حق میں ریکوری کا فیصلہ کالعدم قرار دے دیا۔

عدالت نے ایچ ای سی کو اسکالر شپ پالیسی میں اصلاحات لانے کی ہدایت کرتے ہوئے گائیڈ لائنز جاری کردی۔

اسلام آبادہائیکورٹ نے اسکالر شپ کیلئے ایچ ای سی کو سخت شرائط رکھنے کا حکم دیتے ہوئے کہا کہ عمران تاج نے پی ایچ ڈی کیلئے 2 جون 2005 کو اوورسیز اسکالر شپ میں اپلائی کیا، 26 دسمبر 2005 کو عمران تاج کا ایچ ای سی سےمعاہدہ ہوا، تحریری فیصلہ

عمران تاج نے گارنٹی جمع کرائی اسکالر شپ مکمل ہونے کے بعد 4 سال ملک میں خدمات سرانجام دے گا تاہم عمران تاج اسکالرشپ مکمل کرنے کے بعد معاہدےکے مطابق فرانس سے واپس نہیں آیا، ضامن کے طور پر عبدالوحید نامی شخص کی پراپرٹی کے دستاویزات جمع کرائے گئے تھے۔

تحریری حکم میں کہا ہے کہ ضامن نےگارنٹی دستاویزات کو جعلی قراردیا، عبدالوحید نے کہاکہ اس نے دستاویزات پر دستخط نہیں کیے، ایف آئی اے کو دستخطوں کے موازنے کاکہا گیا جس نے14 ستمبر2023 کو رپورٹ پیش کی۔

عدالت کا کہنا تھا کہ رپورٹ کےمطابق عبدالوحیداوراس کی طرف سے بطور ضامن جمع کرائی گئی دستاویزات میں فرق ہے اور دستخطوں میں اسپیڈ، روانی، پین پریشر اور ہچکچاہٹ کا فرق پایا گیا، ٹرائل کورٹ نےدستاویزات پر موجود دستخطوں کی تصدیق کرانے کی کوشش نہیں کیا، عمران تاج نے جعلی دستاویزات جمع کرائے اور ایچ ای سی نے ان کی تصدیق نہیں کرائی۔

حکم نامے میں کہا گیا ہے کہ ایچ ای سی کے پاس کوئی اختیار نہیں کہ وہ ضامن سے ریکوری کرے، ہائیرایجوکیشن کمیشن پی ایچ ڈی اسکالر اور متعلقہ حکام کیخلاف کریمنل پراسیکیوشن کرسکتاہے اور کمیشن عمران تاج کیخلاف مقدمہ درج کرا سکتا ہے۔