ARYNews.tv | Urdu – Har Lamha Bakhabar

Tag: اسکالر شپ پروگرام

  • ہونہار میرٹ اسکالر شپ پروگرام : بی ایس کرنے پر طلباء کے لئے بڑی خبر

    ہونہار میرٹ اسکالر شپ پروگرام : بی ایس کرنے پر طلباء کے لئے بڑی خبر

    لاہور : ہونہار میرٹ اسکالر شپ پروگرام کی منظوری کے بعد بی ایس کرنے پر طلبا کے لیے بڑی خبر آگئی اور تعلیم کا حصول اور آسان ہوگیا۔

    تفصیلات کے مطابق وزیر اعلیٰ مریم نواز نے پنجاب ہونہار میرٹ اسکالر شپ پروگرام کی منظوری دے دی ، وزیراعلیٰ پنجاب نے اسکالر شپ کی تعداد 4 ہزار سے بڑھا کر 25 ہزارکرنےکی ہدایت بھی کی۔

    سرکاری اور 8 منتخب نجی جامعات سے بی ایس کرنے پر طلبا کی 100 فیصد فیس اسکالر شپ سے ادا ہوگی۔

    مریم نواز نے جہلم،وہاڑی اوربہاولنگرمیں نئی یونیورسٹیوں کےفوری قیام کی منظوری دیتے ہوئے لیپ ٹاپ اسکیم کے فوری اجرا کیلئے ہدایات جاری کیں۔

    طلبا کی کم تعداد والے کالجز میں نئے ڈسپلن متعارف کرنےکافیصلہ کرتے ہوئے کہا کہ جاب مارکیٹ کی ضروریات سےمنسلک ڈسپلن متعارف کرائے جائیں گے۔

    ڈویژنل ڈائریکٹرزاورپرنسپل کی تعیناتی کیلئےآن لائن پورٹل سسٹم متعارف کرانے کا بھی فیصلہ کیا گیا۔

    مریم نواز شریف کی ہدایت پر سرکاری کالجز میں نئی بسوں کی فراہمی کا پلان پیش کیا گیا اور پرائیویٹ پبلک پارٹنر شپ کے تحت یونیورسٹیوں کے قیام کی سفارشات کا جائزہ لیا گیا، جس کے بعد پرائیویٹ سیکٹر کو یونیورسٹیوں کےقیام کیلئےحکومتی سطح پرسہولت دینے پر اتفاق ہوا۔

    نجی یونیورسٹیو ں کےامورکاجائزہ لینےکیلئےاعلیٰ سطح کی وزارت کمیٹی قائم کرنے اور تعلیمی بورڈزکےامورمیں ریفارمز کیلئے پنجاب بورڈ کوآرڈی نیشن کمیشن کے قیام کا فیصلہ کیا گیا۔

    پنجاب کے 90 کالجز میں ایم ڈی ،ای کیٹ فری کلاسزپروگرام پر وزیراعلیٰ نے اظہار مسرت کرتے ہوئے کہا کہ مفت ایم ڈی او رای کیٹ کلاسز کا دائرہ کار بتدریج بڑھایا جائے۔

  • ‘ احساس انڈر گریجویٹ اسکالر شپ پروگرام طلبا میں مقبول’

    ‘ احساس انڈر گریجویٹ اسکالر شپ پروگرام طلبا میں مقبول’

    مردان: معاون خصوصی ڈاکٹرثانیہ نشتر کا کہنا ہے کہ احساس  انڈرگریجویٹ اسکالرشپ پروگرام طلبا میں مقبول ہے اور 119یونیورسٹیوں کے طلبا احساس پروگرام سے مستفید ہورہے ہیں۔

    تفصیلات کے مطابق مردان میں معاون خصوصی ڈاکٹرثانیہ نشتر نے ویمن یونیورسٹی میں خطاب کرتے ہوئے کہا احساس اسکالرشپ پروگرام احسان نہیں فرض ہے، انڈرگریجویٹ اسکالرشپ پروگرام طلبامیں مقبول ہے، 119یونیورسٹیوں کےطلبااحساس پروگرام سے مستفید ہورہے ہیں اور یہ اسکالرشپ پروگرام ملک کی تاریخ کا سب سےبڑاپروگرام ہے۔

    ثانیہ نشتر کا کہنا تھا کہ احساس اسکالرشپ پروگرام میں شفافیت کو اولیت حاصل ہے، کے پی میں سروے کیلئے مقامی اساتذہ معاونت کررہےہیں، ضلعی انتظامیہ ، پولیس نے معلومات اکٹھی کرنے میں مدد کی۔

    معاون خصوصی نے کہا کہ شفاف اورقواعدوضوابط کےمطابق مستحق افرادکا تعین کیاجاتاہے، حکومت احساس پروگرام میں بلامعاوضہ رجسٹریشن کررہی ہے جبکہ احساس پروگرام کے تحت مستحق افراد کیلئے73فیصد سروے مکمل ہوچکاہے۔

    ان کا کہنا تھا کہ احساس پروگرام میں ڈیٹاکی شفاف طریقےسےجانچ پڑتال کی جاتی ہے ، اس پروگرام کیلئےبراہ راست فنڈنگ وزارت خزانہ سے ہوتی ہے ، وہ ، معذور،یتیم اورجن کا ذریعہ معاش نہیں وہ پروگرام کے حق دار ہیں۔

  • اسکالر شپ پروگرام سے ملک کا بہترین ٹیلنٹ سامنے آئے گا،وزیراعظم

    اسکالر شپ پروگرام سے ملک کا بہترین ٹیلنٹ سامنے آئے گا،وزیراعظم

    اسلام آباد: وزیراعظم عمران خان کا کہنا ہے کہ اسکالر شپ پروگرام سے ملک کا بہترین ٹیلنٹ سامنے آئے گا۔

    تفصیلات کے مطابق وفاقی دارالحکومت اسلام آباد میں احساس انڈر گریجویٹ وظائف پروگرام کے آغاز کی تقریب سے خطاب کرتے ہوئے وزیراعظم عمران نے کہا کہ ثانیہ نشتر کو احساس پروگرام کی مبارکباد دیتا ہوں۔

    وزیراعظم کا کہنا تھا کہ میرا رول ماڈل ریاست مدینہ ہے، ریاست مدینہ دنیا کاسب سے اچھا نظام تھا، ریاست مدینہ کا ماڈل دنیا کی تاریخ کا سب سے کامیاب ماڈل تھا۔

    انہوں نے کہا کہ انسانی معاشرہ اپنے کمزور طبقے کا خیال رکھتا ہے، کمزور طبقہ ریاست کی ذمہ داری ہے، ہمارا روڈ میپ ریاست مدینہ کا ہے، مدینہ کی ریاست بہت زیادہ امیر نہیں تھی۔

    عمران خان کا کہنا تھا کہ مدینہ کی ریاست کے پاس وسائل نہیں تھے لیکن احساس تھا، انسانوں اور حیوانوں کے معاشرے میں فرق صرف احساس کا ہے۔ انہوں نے کہا کہ ہمارے وسائل پر ایک چھوٹے سے ایلیٹ طبقے نے قبضہ کرلیا ہے۔

    وزیراعظم پاکستان نے کہا کہ پاکستان کا اصل نظریہ جو تھا ہم اس پر عمل کر رہے ہیں، نظریہ تھا جو پیچھے رہ گئے ہیں ان کو آگے لانا، ایک لاکھ 70 ہزار بچوں کو ہنر سکھا رہے ہیں،یہی بچے آئندہ آنے والے سالوں میں پاکستان کو اوپر اٹھائیں گے۔

    انہوں نے کہا کہ پنجاب میں 60 لاکھ خاندانوں کوصحت کارڈ دے چکے ہیں، ہیلتھ کارڈ کے ذریعے7 لاکھ20 ہزار روپے تک علاج مفت ہوگا، غریب لوگوں کے پاس علاج کے لیے پیسے نہیں ہوتے۔

    عمران خان کا کہنا تھا کہ اسکالر شپ پروگرام سے ملک کا بہترین ٹیلنٹ سامنے آئے گا، تمام اسکالر شپ مکمل طور پر میرٹ پر ہے۔