Tag: اسکاٹ لینڈ یارڈ کی ٹیم

اسلام آباد: عمران فاروق قتل کیس میں اسکاٹ لینڈ یارڈ نے معظم علی کے بعد خالد شمیم سے بھی تفتیش مکمل کرلی،برطانوی ٹیم اہم ملزم محسن علی سے تفتیش کیلئے عید کے بعد پھر پاکستان آئے گی۔

عمران فاروق قتل کی تحقیقات تیزی سے اگے بڑھ رہی ہے، ذرائع کاکہنا ہے مقدمے کی تفتیش کے لیے اسلام آباد آنے والی اسکاٹ لینڈیارڈ کی ٹیم نے دو ملزمان معظم علی اور خالدشمیم سے تفتیش مکمل کرلی ۔

 اب برطانوی پولیس کوتیسرے اور اہم ملزم محسن علی تک رسائی دیئے جانے کاامکان ہے۔

 بتایاجاتا جا رہا ہے کہ برطانوی ٹیم رواں ہفتے لندن واپس روانہ ہوجائے گی۔ اور وزارت داخلہ کی منظوری ملنے پر عید کےبعد دوبارہ پاکستان آئے گی۔۔ اور تیسرے ملزم سے پوچھ گچھ کرے گی۔

اسلام آباد: اسکاٹ لینڈ یارڈ کی ٹیم کی عمران فاروق قتل کیس کے دوسرے ملزم تک رسائی ملنے پر برطانوی ٹیم نے خالدشمیم سے باقاعدہ تفتیش کا آغازکردیا۔

ذرائع کے مطابق عمران فاروق قتل کیس کے دوسرے ملزم خالد شمیم سے باقاعدہ تفتیش کا آغاز کردیا گیا ہے، چوہدری نثار نے گزشتہ روز ملزم تک رسائی دینے کے فیصلے سے آگاہ کیا تھا۔

  ملزم خالد شمیم سے رواں ہفتے ہی تفتیش مکمل ہونے کا بھی امکان ہے، کیس کی تحقیقات کرنے والی اسکاٹ لینڈ یارڈ کی ٹیم کے ارکان کی تعداد چار ہوگئی ہے، ٹیم کے دو اراکین پیر کو اور دو منگل کو اسلام آباد پہنچے تھے۔

ذرائع کے مطابق تفتیش کے دوران ڈائریکٹر ایف آئی اے انعام غنی کی سربراہی میں مشترکہ تحقیقاتی ٹیم بھی موجود ہے، تیسرے اور اہم ملزم محسن سید تک اسکاٹ لینڈ یارڈ کی رسائی کا تاحال کوئی فیصلہ نہیں ہوا۔