Tag: اسکریننگ

لاہور: ایئر پورٹس پر مسافروں کی کرونا وائرس اسکریننگ کا طریقہ کار تبدیل کر دیا گیا۔

اے آر وائی نیوز کے مطابق محکمہ صحت پنجاب کو فلائٹس کی اسکریننگ کے لیے نیا طریقہ کار موصول ہو گیا، جس کے تحت اب بغیر علامات والے مسافروں کو ایئر پورٹ سے گھر جانے کی اجازت ہوگی۔

این سی او سی کے اجلاس میں فیصلہ ہوا ہے کہ نظرثانی شدہ قواعد کے مطابق کرونا وائرس کے علامات والے مسافروں کو گھر جانے کی اجازت نہیں ہوگی، ایئر پورٹ پر موجود محکمہ صحت کی ٹیمیں مسافروں کا معائنہ کریں گی۔

بغیر علامات والے مسافر اپنے گھروں میں 14 دن قرنطینہ رہیں گے جب کہ کرونا علامات والے مسافر ٹیسٹ رپورٹ آنے تک حکومتی قرنطینہ مرکز میں رہیں گے۔

قواعد کے مطابق علامات والے مسافروں کو منفی رپورٹ آنے پر ہی گھر جانے کی اجازت ہوگی، مثبت رپورٹ آنے والے مریض خود گھر یا اسپتال میں آئسولیٹ ہوں گے، دیگر صوبوں سے تعلق رکھنے والے مثبت مریض مسافر 14 دن قرنطینہ میں رہنے کے بعد اپنے صوبے کو سفر کر سکیں گے۔

نئی گائیڈ لائنز میں کہا گیا ہے کہ 20 جون سے تمام ایئر لائنز جو پاکستان کے لیے روٹین کے مطابق پروازیں چلاتی ہیں، کو پاکستان کے لیے اندرونی ٹریفک آپریٹ کرنے کی اجازت ہوگی، جن کی تعداد ملک کے اندر ہفتے میں 200 سے 275 فلائٹس ہیں۔

اسلام آباد: ترجمان وزارت صحت کا کہنا ہے کہ کرتارپور پر بھارت سے آئے مسافروں کو اسکریننگ کے بعد آنے کی اجازت ہوگی۔

تفصیلات کے مطابق وزیراعظم عمران خان کی ہدایت پر قومی رابطہ کمیٹی کا ڈاکٹر ظفر مرزا کی زیرصدارت اجلاس ہوا جس میں ویڈیو لنک کے ذریعےصوبوں کے وزرائے اعلیٰ نے اجلاس میں شرکت کی۔ ڈی جی آئی ایس پی آر بھی اجلاس میں شریک ہوئے۔

ترجمان وزارت صحت کا کہنا تھا کہ اجلاس میں قومی سلامتی کمیٹی کے فیصلوں پر عملدرآمد کاجائزہ لیاگیا، قومی سلامتی کمیٹی اجلاس کے فیصلوں پر فوری عملدرآمد ہوگیا۔

ترجمان کا کہنا تھا کہ کرتارپور پر بھارت سے آئے مسافروں کی اسکریننگ کے بعد آنے کی اجازت ہوگی۔ انہوں نے کہا کہ یہ ایک قومی چیلنج ہے، نمٹنے کے لیے قومی ایکشن پلان پرعملدرآمدیقینی بنایا جا رہا ہے۔

ترجمان وزارت صحت نے کہا کہ عوام کو تحفظ دینے کے لیے مل کر ہرممکن وسائل بروئے کار لا رہے ہیں، وفاق،صوبے، متعلقہ ادارے کسی بھی صورتحال سے نمٹنے کے لیے تیار ہیں۔

انہوں نے کہا کہ تمام لینڈ کراسنگ 2 ہفتے کے لیے بند ہیں، پوائنٹس آف انٹریز کو مزید بہتر اور مضبوط بنایا جا رہا ہے،عوام کو خوفزدہ ہونےکی ضرورت نہیں، احتیاطی تدابیر اور ذمہ داری کا مظاہرہ کرنا چاہیے۔

ترجمان کے مطابق پاکستان میں اب تک کرونا کے 29 کیس رپورٹ ہوئے، گلگت بلتستان میں کرونا کی تشخیص کی سہولت فراہم کی جا رہی ہے۔ انہوں نے مزید کہا کہ کرونا سے متعلق معلومات کے لیے ہیلپ لائن 1166 پر رابطہ کریں۔