Tag: اسکواڈ

سابق کپتان مصباح الحق نے کہا کہ ہماری ٹیم کے ساتھ ایک مین اور بہترین اسپنر  ہونا چاہیے تھا۔

اے سپورٹس کے پروگرام ’دی پویلین‘ میں مصباح الحق سے صارف نے ایکس کے ذریعے سوال کیا کہ ’ کیا اسپنر ابرار احمد کو ریزور رکھنے کا فیصلہ صحیح تھا؟ جس پر سابق کپتان مصباح الحق نے کہا کہ ابرار احمد کو اسکواڈ میں ہونا چاہیے تھا۔

سابق کپتان مصباح الحق نے کہا کہ میٹنگ میں یہ پوائنٹ اٹھایا تھا کہ ورلڈ کپ اسکواڈ میں ایک مین اسپنر ہونا چاہیے، کیوں کہ ہمارا مقابلہ ہر ایک ٹیم سے ہونا ہے۔

 

View this post on Instagram

 

A post shared by ASports (@asportstv.pk)

انہوں نے کہا کہ ایشیا کپ میں ہم نے دیکھا ہمارے اسپنر کی اچھی پرفارمنس نہیں تھی اس لیے میں سمجھتا ہوں کہ ابرار احمد کو اسکواڈ میں ہونا چاہیے تھا۔

’’ لیکن یہ میری اور محمد حفیظ کی رائے تھی فیصلہ ٹیم مینجمنٹ اور کپتان نے کرنا تھا، اس حوالے سے مینجمنٹ اور کپتان کیا سوچتے ہیں اس کی اہمیت زیادہ تھی‘‘۔

آسٹریلیا کے خلاف اسامہ اور شاداب میں سے کون کھیلے گا؟ اہم خبر آگئی

واضح رہے کہ ایشیا کپ کے بعد ورلڈ کپ میں بھی مسلسل ناکامی اور تنقید کے بعد پاکستان ٹیم کے نائب کپتان شاداب خان کو میگا ایونٹ میں آسٹریلیا کے خلاف میچ میں ڈراپ کر دیا گیا تھا انکی جگہ اسامہ میر کو ٹیم میں شامل کیا گیا تھا۔

لیکن اسامہ میر بھی اپنے ورلڈ کپ کے پہلے میچ میں اچھی کارکردگی نہیں دکھا سکے، انہوں نے ایک اہم کیچ ڈارپ کیا ساتھ ہی مخالف ٹیم نے ان کی گیند پر چوکوں چھکوں کی برسات کی۔

قومی ٹیم کے سابق فاسٹ بولر محمد عامر نے بھارت کیخلاف میچ کیلئے قومی ٹیم میں ایک تبدیلی کا مشورہ دیا ہے۔

پاکستانی ٹیم کے سابق فاسٹ بولر محمد عامر نے نجی ٹی وی کے پروگرام میں اپنی رائے کا اظہار کرتے ہوئے کہا کہ میرا خیال ہے کہ بھارت میں جاری آئی سی سی ورلڈ کپ 2023 کے قومی ٹیم کے کمبی نیشن میں ایک تبدیلی کی جانی چاہیے۔

شو میں محمد عامر سے سوال کیا گیا کہ اگر وہ ٹیم مینجمنٹ کا حصہ ہوتے تو وہ بھارت کے خلاف میچ میں کیا تبدیلیاں لائیں گے جس پر انہوں نے کہا کہ میں اس بارے میں بات نہیں کروں گا کہ کس کو ٹیم سے باہر کیا جائے لیکن میں اسامہ میر کو ٹیم کمبی نیشن میں لانے کی کوشش کروں گا کیونکہ ٹیم کو مڈل اوورز میں وکٹوں کی ضرورت ہوتی ہے اور وہ اس قسم کا بولر ہے جو فارم میں ہے اور وکٹیں لے رہا ہے۔

شبمن گل کے بعد معروف بھارتی کمنٹیٹر بھی ڈینگی کا شکار

محمد عامر نے کہا کہ لیگ اسپنر اسامہ میر کو گرین شرٹس کی پلیئنگ الیون کا حصہ ہونا چاہیے، لیکن انہوں نے اس کھلاڑی کا نام نہیں بتایا جس کی جگہ اسامہ کو ٹیم میں شامل کیا جانا چاہیے۔

انہوں نے مزید کہا کہ اسامہ میر تھوڑی بیٹنگ بھی کر سکتے ہیں اس لیے میرا خیال ہے کہ ٹیم کو بھارت کے خلاف میچ میں اسامہ میر کو اسکواڈ میں شامل کرنا چاہیے۔

واضح رہے کہ آئی سی سی کرکٹ ورلڈکپ 2023 کا سب سے بڑا مقابلہ دنیا کے سب سے بڑے کرکٹ اسٹیڈیم نریندر مودی اسٹیڈیم احمد آباد میں ہفتے کو ہونے جا رہا ہے جس میں پاکستان اور بھارت کی کرکٹ ٹیمیں آمنے سامنے ہوں گی۔

ممبئی: بھارتی کرکٹ ٹیم کے فاسٹ بولر جسپریت بمراہ کے اچانک ٹیم کو چھوڑ کر اپنے وطن بھارت واپس لوٹنے کی وجہ سامنے آگئی۔

گزشتہ روز یہ خبریں سامنے آئی تھیں کہ بمراہ سری لنکا میں موجود بھارتی اسکواڈ کو چھوڑ کر فوری طور پر بھارت چلے گئے ہیں جب کہ اس کی وجہ نہیں بتائی گئی تھی۔

جسپریت بمراہ بھارتی اسکواڈ کو چھوڑ کر اچانک ممبئی کیوں روانہ ہوئے؟

تاہم اب بھارتی بولر جسپریت بمراہ نے فوٹو اینڈ شیئرنگ ایپ انسٹگرام پر اعلان کیا کہ ان کے ہاں پہلے بیٹے کی پیدائش ہوئی ہے۔

 

View this post on Instagram

 

A post shared by jasprit bumrah (@jaspritb1)

انہوں نے اپنے اور اہلیہ سنجنا کے ہاتھ کے ہمراہ نومولود کے ہاتھ کی تصویر شیئر کی اور کیپشن میں لکھا کہ پیر کی صبح بیٹے کی پیدائش ہوئی جس کا نام ’انگد جسپریت بمراہ‘ رکھا گیا ہے۔

خیال رہے کہ بھارت کے فاسٹ بولر جسپریت بمراہ اور سنجنا گنیسن کی شادی مارچ 2021 میں ہوئی تھی۔

واضح رہے کہ ایشیا کپ میں آج پیر کو نیپال اور بھارت کی ٹیمیں انٹرنیشنل کرکٹ میں پہلی بار آمنے سامنے ہیں، جس میں بمراہ شامل نہیں ہوں گے۔

نیپال کے خلاف میچ بھارت کے لیے مرو یا مارو کی صورت اختیار کرگیا ہے، سپر فور میں جگہ بنانے کے لیے بلیو شرٹس کے لیے یہ میچ جیتنا لازمی ہے۔

اسلام آباد: ’’ناروے کپ‘‘ کیلئے پاکستان اسٹریٹ چائلڈ فٹبال کے اسکواڈ کا اعلان کردیا گیا۔

 ناروے کپ میں فارورڈز کھیلنے کیلئے طفیل شنواری، فیصل، شامیر علی اور سعود، مڈ فیلڈرز کے لیئے عبدالوھاب، محمد علی، علی آصف، احمد رضا جبکہ ڈیفینڈرز کیلئے محمد عدیل، عابد علی، عبید اللہ، اسد ناصر شامل ہیں۔

گول کیپر عبداللہ اور ساحل گل  بھی ناروے کپ کیلئے اسکواڈ کا حصہ ہیں، پاکستان اسٹریٹ چائلڈ فٹبال ٹیم  27 جولائی کو ناروے کیلئے روانہ ہورہی ہے۔

قومی ٹیم اپنا پہلا میچ 30 جولائی کو ناروے کے کلب فریگ اوسلو  کے خلاف کھیلے گی۔

قومی ٹیم کی کپتانی طفیل شنواری کریں گے جنہیں قطر ورلڈ کپ میں سب سے زیادہ گول کرنے کا اعزاز حاصل ہے۔

واضح رہے کہ 30 ممالک سے اسٹریٹ چائلڈ ٹیمیں ایونٹ میں حصہ لیں گی، ناروے کپ 29 جولائی سے اوسلو میں شروع ہوگا۔

یاد رہے کہ قومی ٹیم نے ناروےکپ 2015 میں دوسری اور 2016 میں تیسری پوزیشن حاصل کی تھی۔