ARYNews.tv | Urdu – Har Lamha Bakhabar

Tag: اسکواڈ کا اعلان

  • سہ فریقی سیریز کے لیے یو اے ای کا اسکواڈ کا اعلان

    سہ فریقی سیریز کے لیے یو اے ای کا اسکواڈ کا اعلان

    متحدہ عرب امارات یو اے ای نے سہ فریقی سیریز کے لیے 15 رکنی اسکواڈ کا اعلان کردیا ہے۔

    رپورٹس کے مطابق ٹی ٹوئنٹی سہ فریقی سیریز 2025 میں متحدہ عرب امارات کی ٹیم کی قیادت تجربہ کار اوپننگ بلے باز محمد وسیم کریں گے۔

    شارجہ کرکٹ اسٹیڈیم میں سہ فریقی سیریز کا آغاز 29 اگست سے ہوگا۔ یو اے ای 30 اگست کو ٹورنامنٹ کے اپنے افتتاحی میچ میں پاکستان کے خلاف میدان میں اترے گی۔

    واضح رہے کہ سیریز میں میزبان متحدہ عرب امارات یو اے ای کے علاوہ پاکستان اور افغانستان کی ٹیمیں شامل ہیں۔

    سہ فریقی سیریز نو ستمبر سے یو اے ای میں کھیلے جانے والے ایشیا کپ 2025 سے قبل تینوں ٹیموں کو تیاری کا مثالی موقع فراہم کرے گی۔

    معروف بھارتی کرکٹر کا ریٹائرمنٹ کا اعلان، مداح افسردہ ہوگئے

    یو اے ای اسکواڈ میں محمد وسیم (کپتان)، علیشان شرافو، آریانش شرما (وکٹ کیپر)، آصف خان، دھرو پراشر، ایتھن ڈی سوزا، حیدر علی، ہرشیت کوشک، جنید صدیق، محمد فاروق، محمد جواد اللہ، محمد زوہیب، راہول چوپڑا (وکٹ کیپر)، روہید خان اور صغیر خان شامل ہیں۔

  • ایشیا کپ کےلیے افغانستان ٹیم کے اسکواڈ کا اعلان کردیا گیا

    ایشیا کپ کےلیے افغانستان ٹیم کے اسکواڈ کا اعلان کردیا گیا

    آئندہ ماہ شیڈول ایشیا کے شوپیس ایونٹ کےلیے افغانستان کرکٹ بورڈ نے اسکواڈ کا اعلان کر دیا، راشد خان قیادت کے فرائض انجام دیں گے۔

    افغانستان کرکٹ بورڈ نے جاری اعلامیے میں بتایا کہ ایشیا کپ کےلیے ٹیم کی قیادت راشد خان کریں گے، ساتھ ہی اسکواڈ میں رحمان اللّٰہ گرباز، ابراہیم زادران، درویش رسولی، صدیق اللّٰہ اتل، عظمت اللّٰہ عمرزئی بھی ایشیا کپ اسکواڈ کےلیے افغان ٹیم کا حصہ ہیں۔

    اس کے علاوہ کریم جنت، محمد نبی، گلبدین نائب، شرف الدین اشرف، محمد اسحاق، مجیب الرحمٰن اور اے ایم غضنفر ، نور احمد، فرید احمد ملک، نوین الحق اور فضل حق فاروقی بھی اسکواڈ میں شامل ہیں۔

    9 ستمبر سے شروع ہونے والے ایونٹ میں افغانستان کی ٹیم گروپ بی میں شامل ہے، جہاں اس کا کے ساتھ بنگلادیش، سری لنکا اور ہانگ کانگ کو رکھا گیا ہے۔

    خیال رہے کہ افغانستان کرکٹ بورڈ (اے سی بی) نے اتوار کو بنگلا دیش کے خلاف تین ون ڈے اور تین میچوں کی ٹی ٹوئنٹی سیریز کے شیڈول کا بھی اعلان کیا ہے۔

    افغانستان کی میزبانی میں ہونے والی سیریز دو اکتوبر سے متحدہ عرب امارات (یو اے ای) میں کھیلی جائے گی جس کے بعد تین اور پانچ اکتوبر کو اگلے میچ کھیلے جائیں گے، اس کے بعد ون ڈے سیریز 8، 11 اور 14 اکتوبر کو ہوگی۔

  • ٹرائی سیریز اور ایشیا کپ کیلیے اسکواڈ کا اعلان، بابر اور رضوان آؤٹ

    ٹرائی سیریز اور ایشیا کپ کیلیے اسکواڈ کا اعلان، بابر اور رضوان آؤٹ

    لاہور(17 اگست 2025): پاکستان کرکٹ بورڈ (پی سی بی) نے آئندہ یو اے ای ٹی ٹوئنٹی سہ فریقی سیریز اور ایشیا کپ 2025 کے لیے 17 رکنی قومی اسکواڈ کا اعلان کردیا۔

    تفصیلات کے مطابق پاکستان، افغانستان اور یو اے ای کی ٹرائی نیشن سیریز اور ایشیا کپ کیلئے 17 رکنی اسکواڈ کا اعلان سلیکٹر اور ڈائریکٹر ہائی پرفارمنس عاقب جاوید اور ہیڈ کوچ مائیک ہیسن نے پریس کانفرنس میں کیا۔

    سلمان علی آغا کو 17 رکنی اسکواڈ کا کپتان برقرار رکھا گیا ہے، اس کے علاوہ اسکواڈ میں فخر زمان، شاہین شاہ آفریدی، حارث رؤف، صائم ایوب، خُوشدل شاہ، حسین طلعت شامل ہیں۔

    اسکواڈ میں محمد نواز، محمد وسیم جونیئر، محمد حارث ، ابرار احمد، فہیم اشرف، حسن علی، حسن نواز،صاحبزادہ فرحان، سلمان مرزا اور سفیان مقیم بھی شامل ہیں۔

    سہ فریقی سیریز میں پاکستان، افغانستان اور میزبان متحدہ عرب امارات شامل ہیں یہ سیریز 29 اگست سے 7 ستمبر تک شارجہ میں کھیلا جائے گا۔ اس کے بعد ایشیا کپ 2025 ابوظہبی اور دبئی میں 9 سے 28 ستمبر تک ہونا ہے۔

    بابر اور رضوان سے متعلق عاقب جاوید نے کہا کہ بابر اعظم اور محمد رضوان اس سے پہلے تین سیریز میں نہیں تھے، بابر اور رضوان دیگر کی طرح کھیلیں گے تو ضرور ٹی ٹوئنٹی کھیلیں گے، ان کے ساتھ کسی کو پرابلم نہیں ہے۔

    انہوں نے کہا کہ اس وقت ہمارے پاس آپشنز اچھے ہیں۔ صائم ، فخر اور صاحبزادہ فرحان ہی ٹاپ آرڈر میں تھے۔ کسی کھلاڑی کو دو تین میچز کی بنیاد پر زیر غور نہ لانے والی بات درست نہیں، ہم یہ نہیں کہہ سکتے کہ اب ہم بابر اور رضوان کو زیر غور کبھی نہیں لائیں گے۔

  • آسٹریلیا کا چیمپئنز ٹرافی کے لیے اسکواڈ کا اعلان

    آسٹریلیا کا چیمپئنز ٹرافی کے لیے اسکواڈ کا اعلان

    پاکستان اور متحدہ عرب امارات میں شروع ہونے والی چیمپئنز ٹرافی کے لیے آسٹریلیا نے بھی اسکواڈ کا اعلان کر دیا، کینگروز ٹیم کی قیادت کے فرائض پیٹ کمنز انجام دیں گے۔

    آسٹریلیا کے اسکواڈ میں الیکس کیری، نیتھن ایلس، ایرون ہارڈی جوش ہیزل ووڈ، بیٹر ٹریوس ہیڈ، جوش انگلس، مارنوس لبوشین اور میچل مارش کو بھی ٹیم میں شامل کیا گیا ہے۔

    اسٹیو اسمتھ، مارکوس اسٹوئنس، گلین میکسویل، میتھیو شارٹ اور ایڈم زمپا بھی چیمپئنز ٹرافی کھیلنے والی ٹیم میں شامل ہیں۔

    واضح رہے کہ گزشتہ روز افغانستان کرکٹ بورڈ (اے سی بی) نے اتوار کو آئی سی سی مینز چیمپئنز ٹرافی 2025 کے لیے اپنے اسکواڈ کا اعلان کیا تھا۔ ٹیم کے اہم اسپنر مجیب الرحمان اسکواڈ میں شمولیت سے محروم رہے ہیں۔

    مجیب ہندوستان میں ہونے والے آئی سی سی مینز کرکٹ ورلڈ کپ 2023 کے لیے افغانستان کے اسکواڈ کا ایک لازمی حصہ تھے تاہم انہیں آٹھ ٹیموں کے ٹورنامنٹ کے لیے آرام دیا گیا ہے وہ انجری سے صحت یاب ہو رہے ہیں۔

    اے سی بی کے عبوری چیف سلیکٹر احمد سلیمان خیل نے کہا کہ جیب الرحمان سلیکشن کے لیے دستیاب نہیں تھے کیونکہ انہیں ان کے ڈاکٹر نے مشورہ دیا ہے کہ وہ ون ڈے میں واپسی سے قبل اپنی مکمل صحت یابی کو یقینی بنانے کے لیے تھوڑی دیر کے لیے ٹی ٹوئنٹی پر توجہ دیں۔ یہی وجہ تھی کہ وہ زمبابوے کے خلاف حال ہی میں ختم ہونے والی ون ڈے سیریز سے محروم رہے۔

    دائیں ہاتھ کے اوپنر ابراہیم زدران نے پچھلے سال ٹخنے کی انجری سے صحت یاب ہونے کے بعد ٹیم میں واپسی کی ہے۔

    افغانستان، جو آٹھ ٹیموں کے ٹورنامنٹ میں پہلی بار شرکت کرے گا، 21 فروری کو کراچی میں جنوبی افریقہ کے خلاف اپنی مہم کا آغاز کرے گا، اس کے بعد وہ بالترتیب 26 اور 28 فروری کو لاہور میں انگلینڈ اور آسٹریلیا کے خلاف کھیلے گی۔

    چیمپئنز ٹرافی 2025 کے لیے افغانستان کا سکواڈ: حشمت اللہ شاہدی (کپتان)، ابراہیم زدران، رحمن اللہ گرباز، صدیق اللہ اتل، رحمت شاہ، اکرام علی خیل، گلبدین نائب، عظمت اللہ عمرزئی، محمد نبی، راشد خان، اے ایم غضنفر، نور احمد، فضل الرحمان، فضل اللہ ملک، نوید زدران۔

    واضح رہے کہ چیمپئنز ٹرافی 2025 پاکستان اور متحدہ عرب امارات میں شیڈول ہے، ایونٹ کا آغاز 19 فروری سے کراچی میں پاکستان اور نیوزی لینڈ کے میچ سے ہوگا۔

  • چیمپئنز ٹرافی کیلیے ایشیائی ملک نے اسکواڈ کا اعلان کر دیا، اہم کھلاڑی ڈراپ

    چیمپئنز ٹرافی کیلیے ایشیائی ملک نے اسکواڈ کا اعلان کر دیا، اہم کھلاڑی ڈراپ

    آئی سی سی چیمپئنز ٹرافی کے لیے انگلینڈ اور نیوزی لینڈ کے بعد ایک ایشیائی ملک نے بھی 15 رکنی اسکواڈ کا اعلان کر دیا ہے۔

    چیمپئنز ٹرافی آئندہ ماہ 19 فروری سے 9 مارچ تک پاکستان میں کھیلی جائے گی۔ ابتدائی اسکواڈ کے اعلان کی ڈیڈ لائن ختم ہونے سے قبل ایک ایشیائی ملک نے بھی ایونٹ کے لیے 15 رکنی اسکواڈ کا اعلان کر دیا ہے۔

    آئی سی سی چیمپئنز ٹرافی کے لیے بنگلہ دیش نے 15 رکنی اسکواڈ کا اعلان کر دیا ہے۔ اس شوپیس ایونٹ میں ٹیم کی قیادت نجم الحسین شانتو کریں گے جب کہ سابق کپتان اور ممتاز آل راؤنڈر شکیب اسکواڈ کا حصہ نہیں ہیں۔

    شکیب الحسن بولنگ ٹیسٹ پاس کرنے میں پھر ناکام ہو گئے جس کے بعد بنگلا دیشی اسٹار آل راؤنڈر پر انٹرنیشنل کرکٹ میں بولنگ کرانے پرپابندی برقرار رہے گی۔

    بنگلہ دیش کی ٹیم ان کھلاڑیوں پر مشتمل ہے۔

    نجم الحسین شانتو (کپتان)، مشفق الرحیم، سومیا سرکار، تنزید حسن، ذاکر علی، تسکین احمد، مستفیض الرحمان، پرویز حسین، نصوم احمد، مہدی حسن، محمود اللہ، تنظیم حسن ثاقب، ناہید رانا اور توحید ہریدائے۔

     

    View this post on Instagram

     

    A post shared by Cric Oval (@cric0val)

    واضح رہے کہ آئی سی سی نے ٹورنامنٹ کے لیے ابتدائی اسکواڈ کے لیے نام دینے کی ڈیڈ لائن 12 جنوری مقرر کی ہے جو آج ختم ہو رہی ہے۔

    انگلینڈ گزشتہ ماہ ہی اپنے 15 رکنی اسکواڈ کا اعلان کر چکا تھا جب کہ آج نیوزی لینڈ نے بھی اپنے اسکواڈ کا اعلان کر دیا ہے۔

    https://urdu.arynews.tv/champions-trophy-new-zealand-announces-15-member-squad/

  • آسٹریلیا کا ورلڈ کپ کیلئے 15 رکنی اسکواڈ کا اعلان

    آسٹریلیا کا ورلڈ کپ کیلئے 15 رکنی اسکواڈ کا اعلان

    کرکٹ آسٹریلیا نے آئی سی سی کرکٹ ورلڈ کپ کے لیے ابتدائی 15 رکنی اسکواڈ کا اعلان کر دیا۔

    کرکٹ آسٹریلیا نے آئی سی سی ورلڈ کپ کے لیے ابتدائی 15 رکنی اسکواڈ کا اعلان کر دیا گیا ہے جبکہ حتمی اسکواڈ کی آئی سی سی کو تصدیق 28 ستمبر کو کی جائے گی۔

    آسٹریلیا کی 15 رکنی ٹیم کی قیادت پیٹ کمنز کریں گے جبکہ فاسٹ بولر شان ایبٹ آسٹریلوی ٹیم کا حصہ ہوں گے۔

    آسٹریلیا کے دیگر کھلاڑیوں میں ایشٹن ایگر، ایلکس کیری، کیمرون گرین، جوش ہیزل ووڈ، ٹریوس ہیڈ، جوش انگلس، مچل مارش، گلین میکسویل، مچل اسٹارک، اسٹیون اسمتھ بھی شامل ہیں۔

    اس کے علاوہ مارکس اسٹوئنس، ایڈم زیمپا، ڈیوڈوارنر بھی ورلڈ کپ کھیلیں گے۔

    واضح رہے کہ آئی سی سی ون ڈے ورلڈکپ رواں سال اکتوبر میں بھارت میں کھیلا جائے گا، ایونٹ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا۔

    بھارت ورلڈکپ کا پہلا میچ 8 اکتوبر کو آسٹریلیا کے خلاف کھیلے گا، جبکہ پاکستان اور بھارت کا میچ 14 اکتوبر کو نریندر مودی اسٹیڈیم میں شیڈولڈ ہے۔

  • بنگلا دیش کا ٹی 20 ورلڈ کپ کے لیے 15 رکنی اسکواڈ کا اعلان، اہم کھلاڑی ڈراپ

    بنگلا دیش کا ٹی 20 ورلڈ کپ کے لیے 15 رکنی اسکواڈ کا اعلان، اہم کھلاڑی ڈراپ

    ڈھاکا: بنگلا دیش نے ٹی 20 ورلڈ کپ کے لیے 15 رکنی اسکواڈ کا اعلان کر دیا، اہم کھلاڑی محمود اللہ کو ڈراپ کر دیا گیا ہے۔

    تفصیلات کے مطابق آسٹریلیا میں ہونے والے ٹی 20 ورلڈ کپ 2022 کے لیے بنگلا دیش نے اپنے 15 رکنی اسکواڈ کا اعلان کر دیا۔

    سابق کپتان محموداللہ اور مشفق الرحمان ٹیم میں جگہ نہیں بنا سکے، شکیب الحسن ٹیم کے کپتان جب کہ نور الحسن سوہان نائب کپتان ہوں گے۔

    دیگر کھلاڑیوں میں شبیر رحمان، مہدی حسن میراز، مصدق حسین، لٹن داس، یاسر علی، مستفیض الرحمان، محمد سیف الدین، تسکین احمد، عبادت حسین، حسن محمود، نجم الحسین شنتو، نسوم احمد، اور عفیف حسین شامل ہیں۔

    اسٹینڈ بائی کھلاڑیوں میں شریف الاسلام، رشاد حسین، شک مہد حسن، اور سومیا سرکار کو رکھا گیا ہے۔

  • انگلینڈ کے خلاف سیریز کے لیے قومی خواتین کرکٹ اسکواڈ کا اعلان

    انگلینڈ کے خلاف سیریز کے لیے قومی خواتین کرکٹ اسکواڈ کا اعلان

    لاہور: انگلینڈ کے خلاف سیریز کے لیے قومی خواتین کرکٹ ٹیم کا اعلان کردیا گیا، 3 ایک روزہ اور 3 ٹی ٹوئنٹی میچوں پر مشتمل سیریز کے لیے علیحدہ علیحدہ اسکواڈ ہے۔

    تفصیلات کے مطابق ایک روزہ اور ٹی ٹوئنٹی سیریز میں شریک قومی اسکواڈز میں 4،4 تبدیلیاں کی گئی ہیں، ایک روزہ اور ٹی ٹوئنٹی خواتین کرکٹ ٹیم کی قیادت بسمہ معروف کریں گی۔

    جبکہ دیگر کھلاڑیوں میں عالیہ ریاض، انعم امین، عروب شاہ، ڈیانابیگ اور فاطمہ ثنا شامل ہیں۔ جویریہ خان، کائنات حفیظ، ناہیدہ خان، نشرہ سندھو، نداڈار اور عمیمہ سہیل کو بھی ٹیم کا حصہ بنایا گیا ہے۔ جبکہ کائنات حفیظ اور رامین شمیم پہلی بار قومی خواتین ایک روزہ کرکٹ ٹیم کا حصہ ہیں۔

    پاکستان ویمنز بمقابلہ انگلینڈ: 20 ممکنہ کھلاڑیوں کی تربیت شروع

    رامین شمیم، سدرہ امین اور سدرہ نواز کو بھی ایک روزہ اسکواڈ میں شامل کیا گیا ہے۔

    ٹی ٹوئنٹی اسکواڈ میں بسمہ معروف (کپتان)، عالیہ ریاض، انعم امین، عروب شاہ، ڈیانا بیگ، فاطمہ ثنا، ارم جاوید، جویریہ خان، ناہیدہ خان اور نداڈار شامل ہیں۔ 15 سالہ لیگ اسپنر عروب شاہ پہلی بار ٹی ٹوئنٹی ٹیم میں شامل ہوئی ہیں، جبکہ آل راؤنڈر نداڈار کی دونوں اسکواڈز میں واپسی ہوئی۔

    خیال رہے کہ انگلینڈ کے خلاف 3ایک روزہ اور3 ٹی 20 انٹرنیشنل میچوں پر مشتمل سیریز ہوگی، سیریز 9تا 20 دسمبر تک ملائیشیا میں شیڈول ہے، پاکستان ویمنز کرکٹ ٹیم 30 نومبر کو ملائیشیا روانہ ہوگی۔

    واضح رہے کہ قومی خواتین کرکٹ ٹیم کی سابق کپتان ثناء میر انٹرنیشنل کرکٹ سے بریک لینے کا اعلان کرچکی ہیں، ان کا کہنا تھا کہ میری نیک خواہشات پاکستان ویمنز کرکٹ ٹیم کے ساتھ ہیں، آئندہ ماہ انگلینڈ کے خلاف ہونے والی سیریز میں شرکت نہیں کروں گی۔

  • پاک آسٹریلیا کرکٹ سیریزکیلیے قومی اسکواڈ کا اعلان

    پاک آسٹریلیا کرکٹ سیریزکیلیے قومی اسکواڈ کا اعلان

    لاہور: آسٹریلیا میں کھیلی جانے والی تین ٹیسٹ میچوں کی سیریز کے لیے پاکستانی کرکٹ ٹیم کا اعلان کردیا گیا ہے نیوزی لینڈ کے خلاف ٹیسٹ سیریز کھیلنے والی ٹیم میں کوئی ردوبدل نہیں کی گئی ہے۔ سیریز کا پہلا ٹیسٹ 15 دسمبر سے برسبین میں کھیلا جائے گا۔

    چیف سلیکٹر انضمام الحق نے اتوار کو کراچی میں اپنے ساتھی سلیکٹرز سے مشاورت کے بعد پیر کو کپتان مصباح الحق سے بھی ملاقات کی جس میں کوئی تبدیلی نہ کرنے پر اتفاق پایا گیا۔

    آسٹریلیا کے دورے کے لیے محمد حفیظ اور کامران اکمل کی ممکنہ شمولیت پر کافی دنوں سے ذرائع ابلاغ میں قیاس آرائیاں جاری تھیں لیکن محمد حفیظ قائد اعظم ٹرافی میں قابل ذکر کارکردگی دکھا کر اپنی واپسی کے امکانات روشن کرنے میں کامیاب نہیں ہوسکے۔

    کامران اکمل قائد اعظم ٹرافی میں چار سنچریوں اور تین نصف سنچریوں کی مدد سے 826 رنز بناچکے ہیں اور انہوں نے صرف بیٹسمین کے طور پر کھیلنے کی خواہش بھی ظاہر کررکھی ہے لیکن چھ سال قبل اپنا آخری ٹیسٹ کھیلنے والے کامران اکمل کی ٹیسٹ کرکٹ میں بیٹنگ اوسط 30 ہے اور اس وقت پاکستانی بیٹنگ لائن میں ان کی جگہ بھی نہیں بنتی دکھائی دیتی۔

    آسٹریلیا کے خلاف ٹیسٹ سیریز کے لیے اعلان کردہ ٹیم ان کھلاڑیوں پر مشتمل ہے۔ مصباح الحق ( کپتان ) اظہرعلی۔ سمیع اسلم۔ اسد شفیق۔ یونس خان۔ سرفراز احمد۔ بابراعظم۔ شرجیل خان۔ محمد رضوان۔ وہاب ریاض۔ محمد عامر۔ سہیل خان۔ راحت علی۔ عمران خان۔ یاسر شاہ اور محمد نواز۔

    پاکستان اور آسٹریلیا کے درمیان پہلا ٹیسٹ 15 دسمبر سے برسبین میں کھیلا جائے گا۔ یہ ڈے نائٹ ٹیسٹ ہوگا۔ دوسرا ٹیسٹ 26 دسمبر سے میلبرن میں ہوگا جبکہ سڈنی تین جنوری سے ہونے والے آخری ٹیسٹ کی میزبانی کرے گا۔

  • پاک سری لنکا ون ڈے سیریز کیلئے اسکواڈ کا اعلان کردیا گیا

    پاک سری لنکا ون ڈے سیریز کیلئے اسکواڈ کا اعلان کردیا گیا

    لاہور: پاکستان کرکٹ بورڈ نے پاک سری لنکا ون ڈے سیریز کیلئے سولہ رکنی اسکواڈ کا اعلان کردیا، پی سی بی کی جانب سے جاری اعلامیے کے مطابق ون ڈے ٹیم کی قیادت اظہر علی کریں گے جبکہ سرفراز احمد وکٹ کیپر ہوں گے۔

    پانچ ایک روزہ میچز کی سیریز 11 سے 26 جولائی تک کھیلی جائے گی۔

    رواں ماہ شروع ہونے والی سیریز کے لیے محمد عرفان کو بھی ٹیم میں شامل کیا گیا ہے۔ دیگر کھلاڑیوں میں احمد شہزاد، محمد حفیظ، مختار احمد، اسد شفیق، شعیب ملک، محمد رضوان، بابر اعظم ، یاسر شاہ، بلال آصف، عماد وسیم، انور علی، محمد عرفان، احسان عادل اور راحت علی شامل ہیں۔

    علاوہ ازیں ان فٹ وہاب ریاض اور حارث سہیل ٹیم سے باہر جبکہ مڈل آرڈر بلے باز عمر اکمل بھی ٹیم میں جگہ نہیں بنا سکے۔

    نوجوان بلے باز صہیب مقصود بھی زخمی ہونے کے باعث ٹیم کا حصہ نہیں بن سکے۔ چیف سلیکٹر ہارون رشید کے مطابق وہاب ریاض اگر فٹ ہو گئے تو انہیں سیریز کے آخری دو میچز کے لئے سری لنکا بھیجا جا سکتا ہے۔

    پاکستان اور سری لنکا کے درمیان پانچ میچ کی سیریز کا پہلا میچ گیارہ جولائی کو دمبولا میں کھیلا جائے گا۔