Tag: اسکولز

لاہور: محکمہ تعلیم پنجاب نے اسکولز کھولنے سے متعلق ایس او پیز تیار کر لیے۔

محکمہ تعلیم پنجاب نے اسکولز کھولنے سے متعلق ایس او پیز تیار کر لیے ہیں جس کے مطابق ایک کلاس میں 20 سے زائد بچے نہیں بیٹھائے جائیں گے،جگہ کی قلت والے اسکولز میں مارننگ،ایوننگ شفٹوں میں بچوں کو پڑھایا جائے گا۔

محکمہ تعلیم پنجاب کے مطابق ایک ڈیسک پر3 کی بجائے 2 طلبا کے بیٹھنے کی گنجائش ہوگی، بچوں کوحساب،انگریزی،سائنس مضامین پڑھائیں جائیں گے اور باقی مضامین کا کام گھروں میں کرنے کے لیے دیا جائے گا۔

محکمہ تعلیم پنجاب کی جانب سے تیار کیے گئے ایس او پیز کے مطابق ہر اسکول میں بچوں کے ہاتھ سینیٹائزر سے دھونے کا انتظام لازم کیا جائے گا، سینیٹائزر اسکولز اپنے بجٹ سے خریدنے کے پابند ہوں گے۔

ایس او پیز کے مطابق تمام اسکولز میں اسمبلی،بریک نہیں ہوگی،ہرقسم کے فنکشن پر پابندی ہوگی، اسکول میں داخل ہونے سے قبل ہر بچے، اساتذہ کا بخار چیک کیا جائے گا،اسکولز میں بچے اور اساتذہ کا بخار چیک کرنے کے لیے الگ سے عملہ رکھا جائے گا۔

محکمہ تعلیم پنجاب کا کہنا ہے کہ صبح اسکول لگنےسے پہلے تمام کلاس رومز میں جراثیم کش اسپرے کرنا لازم ہوگا۔

کراچی: آل پاکستان پرائیویٹ اسکولز فیڈریشن نے یکم جون سے اسکولز کھولنے کا مطالبہ کردیا۔

تفصیلات کے مطابق صدرآل پاکستان پرائیوٹ اسکولز کاشف مرزا نے حکومت سے اپیل کی ہے کہ اسکولز ایس اوپیز کے تحت یکم جون سے کھولے جائیں، 15جولائی تک تعلیمی اداروں کو بند رکھنا تعلیم دشمنی ہے۔

انہوں نے کہالاک ڈاؤن کے باعث 2کروڑ طلبا کے تعلیمی نقصان کا ازالہ ناممکن ہے، 15جولائی تک 50تعلیمی ادارے بند اور 10لاکھ افراد بےروزگار ہوجائیں گے، ٹیچرز کی تنخواہیں فکس اور90 فیصد اسکول کی عمارتیں کرائے پر ہیں۔

کاشف مرزا کا کہنا تھا کہ وزیر اعظم پاکستان پرائیویٹ اسکولز کیلئے تعلیمی ریلیف پیکیج کا اعلان کریں۔

عید کے فوری بعد اسکول کھولنے کی اجازت، آل پرائیوٹ اسکولز ایسوسی ایشن کا بڑا مطالبہ

قبل ازیں آل پرائیوٹ اسکولز مینجمنٹ ایسوسی ایشن کی جانب سے کراچی پریس کلب پر پریس کانفرنس کا انعقاد کیا گیا جس میں پرائیویٹ سکول مینجمینٹ نے ایس او پی کے تحت عید کے بعد تمام پرائیویٹ اسکول کھولنے اور یوٹیلیٹی بلز، وفاقی، صوبائی ٹیکسز سے 6ماہ کے لیے استثنیٰ قرار دیے جانے کا مطالبہ کیا گیا۔

خیال رہے کہ چیئرمین پرائیویٹ اسکول مینجمنٹ طارق شاہ کا پریس کانفرنس کے دوران کہنا تھا کہ کرونا وائرس کے باعث سندھ بھر کی تعلیمی ادارے بند کیے گئے، سندھ حکومت نے چھ ماہ اسکول بند کرنے کی بات کر کے بے چینی پیدا کردی ہے ہم نے والدین کو فیسوں میں بیس فیصد رعایت بھی دی لیکن چند اسکول ایسے ہیں جو رعایت نہیں دے رہے، ٹیکسز کا بوجھ بھی پرائیوٹ اسکول کا برداشت کر رہے ہیں۔

کراچی: وزیر تعلیم سندھ سعید غنی نے اعلان کیا ہے کہ صوبے بھر میں اسکولز 16 مارچ سے ہی کھلیں گے۔

تفصیلات کے مطاب وزیراعلیٰ سندھ سید مراد علی شاہ کی زیر صدارت کورونا وائرس سے متعلق اہم اجلاس ہوا جس میں پی ایس ایل میچز اور اسکولوں کی چھٹیوں پر غور کرنے کے بعد فیصلہ کیا گیا کہ کراچی سمیت صوبے بھر کے اسکولز 16 مارچ بروز پیر سے ہی کھلیں گے۔

اجلاس کے بعد میڈیا سے بات کرتے ہوئے وزیرتعلیم سندھ سعید غنی نے اعلان کیا کہ تمام اسکولوں کی چھٹیاں 15 مارچ سے ختم ہوجائیں گی اور 16 مارچ سے اسکولوں میں تدریس شروع ہو گی۔

یہ بھی پڑھیں: نزلہ، بخار میں مبتلا افراد میچ دیکھنے نہ جائیں، وزیراعلیٰ سندھ

انہوں نے کہا کہ تمام اسکولز اعلان کردہ تاریخ پر کھولے جائیں اور درس و تدریس کا عمل شیڈول کے تحت چلایا جائے۔

واضح رہے کہ سندھ میں کورونا وائرس کے مریضوں کی تعداد 13 ہے، تمام متاثرہ افراد بیرون ملک کا سفر کر کے لوٹیں ہیں اور اب تک مہلک وائرس کا کسی ایک شخص سے دوسرے میں منتقل ہونے کا کوئی کیس سامنے نہیں آیا۔

دوسری جانب وزیراعلیٰ سندھ کا کہنا ہے کہ کراچی میں پی ایس ایل کے میچز شیڈول کے مطابق ہوں گے تاہم وہ افراد میچ دیکھنے نہ آئیں جنہیں نزلہ زکام اور بخار ہے۔

کراچی: وزیر تعلیم سندھ سعید غنی نے کالجز کے بعد صوبے بھر کے اسکولوں میں بھی صبح کی اسمبلی لازمی قرار دے دی۔

تفصیلات کے مطابق تعلیم کا قلمدان سنبھالتے ہی سعید غنی نے صوبے بھر کے کالجز اور اسکولوں میں صبح کی اسمبلی لازمی کروانے کے احکامات جاری کردیے۔

اس سلسلے میں سیکرٹری تعلیم کو ہدایت کرتے ہوئے وزیر تعلیم نے کہا کہ صوبےبھر اسکولز میں صبح اسمبلی لازمی طور پر کی جائے گی اور تمام طلبہ یونیفارم میں کلاسز لینےکے پابندہوں گے۔

یہ بھی پڑھیں: سندھ کے کالجز اور تعلیمی سیشن سے متعلق اہم اعلانات

وزیرتعلیم نے ڈائریکٹریٹر اور ضلعی افسران کو نگرانی کر کے سیکریٹریٹ میں رپورٹ دینےکی ہدایت کی ہے جب کہ اسٹاف کو بھی مکمل حاضری کی پابندی کرنے کے احکامات جاری کرتے ہوئے کہا ہے کہ وہ خود تعلیمی اداروں کے سرپرائز وزٹ کریں گے۔

واضح رہے کہ چند روز قبل وزیر تعلیم نے کراچی سمیت سندھ بھر کے کالجز میں صبح ساڑھے 8 بجے اسمبلی لازمی قرار دیتے ہوئےکالج انتظامیہ اور عملے کو ہدایات پر سختی سے عمل کرانے کا پابند کیا تھا۔

لاہور: صدرآل پاکستان پرائیویٹ اسکولز ایسوسی ایشن کاشف مرزا قاتلانہ حملے میں بال بال بچ گئے۔

تفصیلات کے مطابق نامعلوم مسلح افراد نے صدرآل پاکستان پرائیویٹ اسکولز ایسوسی ایشن کاشف مرزا کی گاڑی پر فائرنگ کردی، واقعہ اقبال ٹاؤن میں پیش آیا جہاں موٹر سائیکل سوار مسلح افراد نے کاشف مرزا کی گاڑی کو نشانہ بنایا۔

مسلح ملزمان نے گاڑی پر براہ راست فائرنگ کی جس سے تین گولیاں کاشف مرزا کو لگیں اور انہیں زخمی حالت میں اسپتال منتقل کردیا گیا ہے جہاں انہیں طبی امداد دی جارہی ہے۔

معلوم ہوا ہے کہ قاتلانہ حملے میں کاشف مرزا کی جان بچ گئی ہے، انہیں بازو اور ٹانگ پر 3 گولیاں لگی ہیں اور ان کی حالت خطرے سے باہر ہے۔

اے آر وائی نیوز سے بات کرتے ہوئے انہوں نے بتایا کہ موٹرسائیکل سوار مسلح افراد نے ان کی گاڑی پر اندھا دھند فائرنگ کی تاہم خوش قسمتی سے ان کی جان بچ گئی۔

دوسری جانب نے جائے وقوعہ سے شواہد اکٹھے کرنا شروع کردیے ہیں اور شہریوں سے معلومات حاصل کی جارہی ہیں، فوری طور پر پولیس نے زخمی کاشف مرزا کا بیان ریکارڈ نہیں کیا ہے۔

اسلام آباد: پرائیویٹ اسکولز ایسوسی ایشن نے آزادی مارچ کے پیش نظر کل وفاقی دارالحکومت اسلام آباد کے تمام نجی اسکولز بند رکھنے کا اعلان کردیا۔

تفصیلات کے مطابق پرائیویٹ اسکولز ایسوسی ایشن کے سیکرٹری عبدالوحید خان کا کہنا ہے کہ دھرنے کے باعث کسی بھی ناخوشگوار واقع کے پیش نظر کل بروز جمعرات اسلام آباد کے تمام نجی اسکولز بند رکھے جائیں گے۔

سیکریٹری پرائیویٹ اسکولزایسوسی ایشن کا کہنا ہے کہ بچوں کی سیکیورٹی ہم سب کی بنیادی ذمہ داری ہے اس لیے دھرنےکی وجہ سے بچوں کی سیفٹی کی خاطر اسکول میں چھٹی کافیصلہ کیا گیا۔

سیکریٹری کا مزید کہنا تھا کہ پرسوں یعنی جمعہ کے روز اسکولزکھولنے کا فیصلہ صورتحال کو مدنظر رکھتے ہوئے کل شام تک کیا جائے گا۔

دوسری جانب آئی جی اسلام آبادنے آزادی مارچ کے حوالے سے مختص جگہ کا دورہ کیا اور سیکیورٹی انتظامات کاجائزہ لیا۔

آئی جی نے آزادی مارچ ریلی کے منتظمین سےملاقات بھی کی اور فول پروف سیکیورٹی مہیا کرنے کی یقین دہانی کرائی۔