ARYNews.tv | Urdu – Har Lamha Bakhabar

Tag: اسکول ٹیچر

  • اسکول ٹیچر سے زیادتی کرنے والا ملزم بری ، رہا کرنے کا حکم

    اسکول ٹیچر سے زیادتی کرنے والا ملزم بری ، رہا کرنے کا حکم

    لاہور : لاہور ہائیکورٹ نے اسکول ٹیچر سے زیادتی کے ملزم کی 14سال سزا کالعدم قرار دیتے ہوئے ملزم امجد علی کو رہا کرنے کا حکم دے دیا۔

    تفصیلات کے مطابق لاہور ہائی کورٹ نے اسکول ٹیچر سے زیادتی کے ملزم کی سزا کے خلاف درخواست پر سماعت ہوئی، جسٹس امجد رفیق نے آٹھ صفحات پر مشتمل تحریری فیصلہ جاری کردیا۔

    لاہور ہائیکورٹ نے شک کا فائدہ دیتے ہوئے ملزم کی 14سال سزا کالعدم قرار دے دی اور امجد علی کو رہا کرنے کا حکم دے دیا۔

    تحریری فیصلے میں کہا کہ وقوعہ کی ایف آئی آر 5روز بعد درج ہوئی ، متاثرہ اسکول ٹیچر نے 3روز تک کسی کو وقوع کے بارے میں نہیں بتایا ، متاثرہ خاتون نے پولیس کو واقعے کی فوری اطلاع بھی نہیں کی۔

    تاخیر سے مقدمہ درج کرنے پر شک و شبہات پیدا کرتا ہے ، لیڈی ڈاکٹر کے مطابق بھی کوئی نمونہ متاثرہ خاتون کےجسم سے نہیں ملا ، گواہوں کے بیانات میں تضاد پایا گیا ،پراسکیوشن کیس کو ثابت کرنے میں ناکام رہی۔

    ملزم امجد علی کے خلاف تھانہ شور کورٹ میں 2016 میں مقدمہ درج کیا گیا ، عدالت ملزم کی 14سال کی سزا کالعدم قرار دیتی ہے۔

  • ’مس وینزویلا‘ کا تاج اسکول ٹیچر نے اپنے سر سجا لیا

    ’مس وینزویلا‘ کا تاج اسکول ٹیچر نے اپنے سر سجا لیا

    وینزویلا میں سالانہ مقابلے حسن کے دوران اسکول ٹیچر نے ’’مس وینزویلا‘‘ کا تاج اپنے سر سجا لیا۔

    غیر ملکی خبر رساں ادارے کے مطابق لاطینی امریکا کے ملک وینزویلا میں سالانہ مقابلہ حسن کا انعقاد کیا گیا جس میں اسکول ٹیچر مارکیوس نے ’مس وینزویلا‘ کا تاج اپنے سر سجا لیا۔

    رپورٹ کے مطابق مس وینزویلا‘ کا مقابلہ چند دن سے جاری تھا، فائنل میں اسکول ٹیچر مارکیوس نے ملک کی دیگر ریاستوں سے آنے والی دوشیزاؤں کو مقابلہ حسن میں ہرادیا۔

    رپورٹ میں بتایا گیا کہ مس وینزویلا منتخب ہونے والی امرکیوس کا تعلق وینزویلا کی ریاست امیزوناس ہے۔

  • اسکول ٹیچر نے 10 سالہ طالبہ پر تشدد کرکے ہاتھ کی ہڈی توڑ دی

    اسکول ٹیچر نے 10 سالہ طالبہ پر تشدد کرکے ہاتھ کی ہڈی توڑ دی

    قادر پور ران: ملتان کے علاقے قادر پور ران میں ایک ٹیچر نے 10 سالہ طالبہ پر تشدد کرکے ہاتھ کی ہڈی توڑ دی ، بچی کو آر ایچ سی سینٹر منتقل کردیا گیا۔

    تفصیلات کے مطابق ملتان کے علاقے قادر پور ران میں کے ایک اسکول میں ٹیچر نے 10سالہ طالبہ کو تشدد کا نشانہ بنایا ، یونیفارم نہ پہنننے پر تشدد کیا گیا۔

    ٹیچر کے تشدد سے 10 سالہ سمیرا نامی طالبہ کے ہاتھ کی ہڈی ٹوٹ گئی ، جس کے بعد بچی کو آر ایچ سی سینٹر منتقل کردیا گیا ہے۔

    خیال رہے ملک میں اسکولوں میں جسمانی سزا کے واقعات میں اضافہ ہو رہا ہے، اس معاملے کی اہمیت کو محسوس کرتے ہوئے سندھ میں جمعرات کو اسکولوں میں طلباء کو جسمانی سزا دینے پر پابندی لگائی گئی۔

    سندھ کے اسکولوں کو خلاف ورزی کی صورت میں رجسٹریشن منسوخ کرنے کی تنبیہ کی گئی ہے اور والدین کو ہدایت کی گئی ہے کہ وہ ایسے واقعات کی بروقت اطلاع صوبائی محکمہ تعلیم کو فوری کارروائی کے لیے دیں۔

    اس سے قبل پولیس نے جہلم میں ایک سکول ٹیچر کو دو لڑکیوں پر تشدد کرتے ہوئے ویڈیو وائرل ہونے کے بعد گرفتار کر لیا تھا۔

  • سندھ میں اساتذہ کی تنخواہوں میں تاخیر و بدعنوانی، صوبائی وزیر کا نوٹس

    سندھ میں اساتذہ کی تنخواہوں میں تاخیر و بدعنوانی، صوبائی وزیر کا نوٹس

    کراچی: صوبائی وزیر تعلیم سردار شاہ کا کہنا ہے کہ میرٹ پر آنے والے اساتذہ کے ساتھ بدسلوکی برداشت نہیں کی جائے گا، نئے بھرتی اساتذہ کی تنخواہوں اور واجبات کی ادائیگی میں رشوت طلب کرنے والوں کے خلاف کارروائی ہوگی۔

    تفصیلات کے مطابق صوبہ سندھ کے وزیر تعلیم سردار شاہ نے اساتذہ کی تنخواہوں میں تاخیر اور بدعنوانی کی شکایات پر نوٹس لے لیا۔

    صوبائی وزیر نے ملوث افسران کے خلاف کارروائی کرنے اور نوکری سے برخاست کرنے کی وارننگ دی ہے۔

    سردار شاہ کا کہنا تھا کہ نئے بھرتی کیے جانے والے اساتذہ کی تنخواہوں اور واجبات کی ادائیگی میں رشوت طلب کی جا رہی ہے۔

    انہوں نے کہا کہ تعلقہ ایجوکیشن آفس ہدایات دے کہ مجرمانہ عمل سے اجتناب برتا جائے، میرٹ پر آنے والے اساتذہ کے ساتھ ایسا سلوک برداشت نہیں کیا جائے گا۔

  • شادی سے انکار پر نوجوان نے ٹیچر کو آگ لگا دی

    شادی سے انکار پر نوجوان نے ٹیچر کو آگ لگا دی

    وزو: الجزائر کے مشرقی صوبے میں نوجوان نے اسکول ٹیچر کو پیٹرول چھڑک کر آگ لگا دی۔

    تفصیلات کے مطابق الجزائز کے مشرقی صوبے  تیزی ورو میں ایک نوجوان نے شادی سے انکار کرنے پر اسکول ٹیچر پر پیٹرول چھڑک کر آگ لگا دی، جس سے خاتون کا جسم 60 فیصد تک جھلس گیا۔

    فرانسیسی زبان کی ٹیچر 28 سالہ ریما عنان کو ان کے ہمسائے نے شادی کی بات کی تھی تاہم ریما نے معذرت کرتے ہوئے شادی سے انکار کر دیا تھا۔

    گزشتہ روز ریما اسکول سے گھر واپس جا رہی تھی کہ ہمسائے نے ریما کو بس پر سوار ہوتے دیکھا تو اس پر حملہ کر دیا اور پھر پیٹرول چھڑک کر آگ لگا دی۔

    ریما عنان کو فوری طور پر اسپتال لے جایا گیا، جہاں ڈاکٹر نے بتایا کہ ان کے جسم کا 60 فیصد حصہ جھلس گیا ہے، ان کا علاج الجزائر میں نہیں ہو سکتا۔

    جس کے بعد ریما کو فوری طور پر فضائی ایمبولینس کے ذریعے اسپین لے جایا گیا، سوشل میڈیا پر ریما عنان کے یورپ میں علاج کے لیے امدادی مہم بھی چلائی جا رہی ہے۔

    ریما کے چچا زاد بھائی کا کہنا تھا کہ ’’شادی سے انکار کے بعد ہمسایہ ریما کو تنگ کرتا رہتا تھا، ریما نے اس کی وجہ سے فرانس جانے کا فیصلہ کر لیا تھا۔‘‘

    ان کا مزید کہنا تھا کہ حملے کے بعد ریما درد سے کراہ رہی ہے، وہ مسلسل  کہہ رہی تھی کہ اس نے مجھے جلا دیا، میرا مستقبل تباہ کر دیا۔

  • اسلام آباد: دارُالحکومت کو یہ نام ایک اسکول ٹیچر نے دیا تھا

    اسلام آباد: دارُالحکومت کو یہ نام ایک اسکول ٹیچر نے دیا تھا

    سطحِ مرتفع پوٹھوہار میں مارگلہ پہاڑی کے دامن میں واقع شہر اسلام آباد اپنی خوب صورتی کے علاوہ دنیا بھر میں پاکستان کے دارُالحکومت کی حیثیت سے پہچانا جاتا ہے۔ اس شہر کے شمال مشرق میں مشہور سیّاحتی اور پُرفضا مقام مری واقع ہے اور جنوب مغرب میں ٹیکسلا کہوٹہ، جنوب مشرق میں اٹک کا علاقہ ہے۔ اسلام آباد کا جڑواں شہر پنڈی ہے۔

    چار موسموں سردی، گرمی، خزاں اور بہار کے علاوہ یہاں‌ برسات کا موسم بھی آتا ہے اور خوب بارشیں ہوتی ہیں۔ 2001ء میں یہاں دس گھنٹوں کے دوران 620 ملی میٹر بارش ریکارڈ کی گئی تھی جسے 100 سال کے دوران ہونے والی ریکارڈ بارش کہا گیا تھا۔

    یہ تو وفاقی دارُالحکومت کے محلِ وقوع اور آب و ہوا کے بارے میں‌ مختصر معلومات تھیں، جو شاید آپ کے علم میں‌ بھی ہوں، لیکن کیا آپ یہ بھی جانتے ہیں کہ اس شہر کا نام کس نے تجویز کیا تھا؟

    یہ بات ہے 24 فروری 1960ء کی جب وفاقی کابینہ کا اجلاس منعقد ہوا اور اس میں نئے دارُالحکومت کے لیے موصول نام اور اس سے متعلق تجاویز پر غور کیا گیا، اس اجلاس میں اعلان کیا گیا کہ ملک کے وفاقی دارالحکومت کا نام اسلام آباد ہوگا۔

    اس اجلاس سے قبل حکومت کو اس حوالے سے کئی نام اور تجاویز موصول ہوچکی تھیں اور اب ان میں سے ایک کا انتخاب کرنا تھا۔ ایک اسکول ٹیچر قاضی عبدالرحمٰن نے ملک کے دارُالحکومت کا نام اسلام آباد تجویز کیا تھا۔ ان کا تجویز کردہ نام متعلقہ کمیٹی تک پہنچا اور پھر سرکاری اجلاس میں کئی ناموں کے ساتھ یہ نام بھی سب کے سامنے رکھ دیا گیا۔

    قاضی عبدالرّحمٰن کا تعلق عارف والا سے تھا جنھیں یہ اعزاز حاصل ہوا کہ اس روز اجلاس میں ان کا تجویز کردہ نام ملک کے دارُالحکومت کے طور پر آباد کیے گئے نئے شہر کے لیے منظور کرلیا گیا۔

  • رحم دلی بانٹنے والی مشہور اسکول ٹیچر کی موت نے لوگوں کو اداس کر دیا

    رحم دلی بانٹنے والی مشہور اسکول ٹیچر کی موت نے لوگوں کو اداس کر دیا

    ٹیکساس: ملکی سطح پر اپنے اسکول کے بچوں کی ایک ویڈیو سے مشہور ہونے والی ٹیچر نے کرونا انفیکشن سے لڑتے ہوئے جان ہار دی۔

    امریکی میڈیا کے مطابق ریاست ٹیکساس کے شہر الپاسو کی مشہور استانی کرونا کی وجہ سے جان ہار گئیں، انھوں نے 2018 میں اپنے اسکول کے بچوں کی ایک دل موہ لینے والی ویڈیو بنا کر سوشل میڈیا پر شیئر کی تھی، ویڈیو وائرل ہونے کی وجہ سے وہ امریکا بھر میں مشہور ہو گئی تھیں۔

    35 سالہ زیلین بلانکس نے دو سال قبل ایلمنٹری اسکول میں پہلی جماعت کے بچوں کی ایک ویڈیو بنائی، بچوں کو گڈ مارننگ یا گڈ بائی میں سے ایک کا انتخاب کر کے ایک دوسرے کے گلے لگنا تھا، یا ہاتھ ملانا تھا، یا تالی بجانی تھی یا مکے لڑانے تھے۔

    ٹویٹر پر یہ ویڈیو شیئر کرتے ہوئے زیلین بلاکس نے لکھا کہ ہفتے کے اختتام کا یہ کتنا خوب صورت طریقہ ہے، انھوں نے مقامی میڈیا کو بتایا تھا کہ وہ بچوں کو یہ محسوس کرانا چاہتی تھیں کہ وہ ایک محفوظ جگہ پر پڑھ رہے ہیں اور محفوظ ماحول میں سیکھ رہے ہیں۔

    دلوں کو موہ لینے والی اور بچوں کی اس پسندیدہ ٹیچر کا 20 اکتوبر کو کرونا وائرس کا ٹیسٹ مثبت آ گیا تھا، شروع میں ان کی طبیعت خراب ہوئی لیکن علاج سے سنبھل گئی، اور وہ اپنا خیال خود رکھنے لگیں لیکن پھر ان کی طبعیت اچانک بہت خراب ہو گئی اور انھیں آئی سی یو میں منتقل کرنا پڑا۔

    آخر کار 9 ہفتے آئی سی یو میں گزارنے اور دو ماہ کرونا وائرس سے لڑتے لڑتے انھوں نے پیر 28 دسمبر کو جان ہار دی۔

    اسکول کی پرنسپل کرسٹینا سانشے شاویرا نے میڈیا کو بتایا کہ وہ ہمیشہ رحم دلی بانٹتی تھی، وہ بہت زیادہ پیار کرنے والی شخصیت تھی، ان کے چھوٹے چھوٹے اقدامات نے بھی بہت سے لوگوں کو ان کا گرویدہ کر دیا تھا۔

    انھوں نے مزید بتایا کہ اسکول کے بچے ان کے ساتھ بہت مطمئن اور خوش رہتے تھے، یہ اس ویڈیو میں بھی دیکھا جا سکتا ہے۔

  • سبق یاد نہ کرنے پر اسکول ٹیچر جلاد بن گیا ، پہلی کلاس کے طالب علم پر بدترین تشدد

    سبق یاد نہ کرنے پر اسکول ٹیچر جلاد بن گیا ، پہلی کلاس کے طالب علم پر بدترین تشدد

    اٹک : سبق یاد نہ کرنےپر اسکول ٹیچرجلاد بن گیا ، 6 سال کے طالبعلم پرشدید تشدد کیا ، پولیس نے اسکول ٹیچراعجاز کو گرفتار کرکے مقدمہ درج کرلیا گیا۔

    تفصیلات کے مطابق اٹک میں سبق یاد نہ کرنے پر اسکول ٹیچر نے پہلی کلاس کے طالب علم پر بدترین تشدد کرتے ہوئے ڈنڈوں،گھونسوں،لاتوں کی بارش کردی
    6 سال کاعبدالرحمان گورنمنٹ ہائی اسکول نمبر 2حضرو میں زیرتعلیم ہے۔

    متاثرہ بچہ تحصیل اسپتال حضرو منتقل کردیا گیا ہے اوروالدین نے وزیراعلیٰ سے انصاف کی اپیل کی ہے جبکہ پولیس نے پولیس اسکول ٹیچراعجاز کو گرفتار کرکے مقدمہ درج کرلیا ہے۔

    مزید پڑھیں : اسکول ٹیچر کا طالب علم پر وحشیانہ تشدد، بازو توڑ دیا

    یاد رہے گذشتہ سال نومبر میں گجرانوالہ کے علاقے ایمن آباد میں سرکاری اسکول ٹیچر نے آٹھویں جماعت کے طالب علم کو وحشیانہ تشدد کا نشانہ بنایا تھا ، جس سے طالب علم اصغر کا بازو ٹوٹ گیا تھا۔

    خیال رہے کہ اساتذہ کا طالب علموں پر تشدد کوئی نئی بات نہیں اس سے قبل بھی ملک کے مختلف شہروں میں اس طرح کے واقعات پیش آچکے ہیں، رواں سال اپریل میں صوبہ پنجاب کے شہر سرگودھا میں اسکول ٹیچر نے تیسری جماعت کی 8 سالہ طالبہ کو تشدد کا نشانہ بناتے ہوئے اس کے بال کاٹ دیے تھے۔

  • سندھ میں ایک لاکھ اساتذہ پڑھانے اسکول جاتے ہی نہیں: وزیر تعلیم کا انکشاف

    سندھ میں ایک لاکھ اساتذہ پڑھانے اسکول جاتے ہی نہیں: وزیر تعلیم کا انکشاف

    کراچی: سندھ کے وزیر تعلیم سید سردار شاہ نے انکشاف کیا ہے کہ صوبے میں ایک لاکھ اساتذہ اسکولوں میں پڑھاتے ہی نہیں ہیں۔

    تفصیلات کے مطابق سندھ میں شعبہ تعلیم کی بد حالی کے حوالے سے وزیر تعلیم نے بڑا انکشاف کیا ہے، سردار شاہ نے بتایا کہ ایک لاکھ اساتذہ ایسے ہیں جو پڑھانے کے لیے اسکول جاتے ہی نہیں۔

    وزیر تعلیم کا کہنا تھا کہ سندھ میں اسکولوں میں صرف 34 ہزار اساتذہ پڑھاتے ہیں، جب کہ تعداد ایک لاکھ 34 ہزار ہے۔

    سید سردار شاہ نے کہا کہ ایسے اساتذہ کو نکالنا چاہتے ہیں لیکن اپوزیشن معاہدہ کرے کہ نہ پڑھانے والے اساتذہ کو نکالنے پر احتجاج نہیں کیا جائے گا۔

    دریں اثنا، چیف سیکریٹری سندھ کی زیر صدارت کلچر ایڈوائزری کمیٹی کا اہم اجلاس منعقد ہوا جس میں صوبے میں مختلف مقامات کو ثقافتی ورثہ قرار دینے سمیت اہم ایجنڈا پیش کیا گیا۔

    سیکریٹری ثقافت نے کہا کہ صوبے کے مختلف اضلاع کے 603 مقامات کا سروے کیا گیا، سروے کے بعد 504 مقامات ثقافتی ورثہ قرار دینے کی سفارشات منظور کی گئی ہیں۔

    اجلاس میں اسٹیٹ گیسٹ ہاؤس کو 5 اسٹار ہوٹل بنانے کی درخواست پر غور کیا گیا، چیف سیکریٹری نے ہدایت کی کہ محکمہ ثقافت اسٹیٹ گیسٹ ہاؤس کا دورہ کر کے سفارشات تیار کرے۔

    ایڈوائزری کمیٹی نے خالق دینا ہال کے ایم سی سمیت دیگر عمارات کی بحالی کی بھی منظوری دی، اجلاس میں پارسی کالونی کو تاریخی رہایشی کالونی قرار دیا گیا۔

  • ہیکرز کے مزید دو شکار، اسکول ٹیچرز کے اکاؤنٹس خالی کر دیے

    چشتیاں/ جھنگ: ہیکرز نے دو مزید شہریوں کے بینک اکاؤنٹس خالی کر دیے، چشتیاں اور جھنگ میں دو سرکاری اسکول ٹیچرز کے اکاؤنٹس سے مجموعی طور پر 6 لاکھ سے زائد رقم نکالی گئی۔

    تفصیلات کے مطابق ملک بھر میں بینک اکاؤنٹ ہیکرز کی وارداتیں عروج پر پہنچ گئیں، پنجاب کے شہروں چشتیاں اور جھنگ کے سرکاری اسکول ٹیچرز محمد یوسف اور رفیق ندیم کے اکاؤنٹ ہیک کر لیے۔

    [bs-quote quote=”ہیکر نے بینک کے ہیلپ لائن نمبر سے کال کر کے پن کوڈ مانگا۔” style=”style-7″ align=”left” color=”#dd3333″ author_name=”رفیق ندیم” author_job=”سرکاری اسکول ٹیچر”][/bs-quote]

    متاثرہ اسکول ٹیچرز رفیق نے بتایا کہ انھیں ہیکرز نے بینک کے ہیلپ لائن نمبر سے کال کر کے پن کوڈ مانگا تھا، کال کرنے والوں کے پاس اکاؤنٹ کی مکمل معلومات تھیں۔

    اسکول ٹیچر کا کہنا تھا کہ ہیکرز نے اے ٹی ایم کوڈ حاصل کر کے اکاؤنٹ سے 4 لاکھ 20 ہزار روپے نکال لیے۔ متاثرہ ٹیچر نے دہائی دی کہ بینک برانچ کا عملہ تعاون نہیں کر رہا، کوئی بات سننے کو تیار نہیں۔

    چشتیاں کے بزرگ ٹیچر محمد یوسف کے اکاؤنٹ سے ہیکرز نے 2 لاکھ 33 ہزار روپے نکالے، بزرگ استاد نے بیٹی کی شادی کے لیے پیٹ کاٹ کر پیسے جمع کیے تھے۔ دونوں کیسز میں جعل سازوں نے جعلی بینک افسر بن کر کالز کیں اور اکاؤنٹ کی تفصیل اور پن کوڈ مانگا، چشتیاں میں خاتون نے بینک آفیشل بن کر فون کیا۔

    یہ بھی پڑھیں:  اے ٹی ایم استعمال کرنے والے ہوشیار، انیس ہزار سے زائد افراد کا بینک ڈیٹا چوری

    خیال رہے کہ گزشتہ روز ایف آئی اے نے 19 ہزار سے زائد پاکستانیوں کا بینک ڈیٹا چوری ہونے کا انکشاف کیا تھا اور کہا تھا کہ ہیک شدہ کارڈز ڈارک ویب پر فروخت کیے جا رہے ہیں۔ تاہم اسٹیٹ بینک آف پاکستان نے بینکوں کے ڈیٹا کی چوری سے متعلق ایف آئی اے رپورٹس کی تردید کرتے ہوئے کہا کہ اب تک ڈیٹا چوری کے کوئی شواہد نہیں ملے۔

    جب کہ گزشتہ روز ہیکرز نے چنیوٹ کے شہری کا بینک اکاؤنٹ ہیک کر کے زندگی بھر کی کمائی لوٹی، عبد اللہ کے اکاؤنٹ سے ہیکر نے پونے 6 لاکھ روپے اپنے اکاؤنٹ میں ٹرانسفر کیے۔ جب کہ دو روز قبل ہیکر نے ریٹائرڈ سائنس دان کے اکاؤنٹ سے بھی 30 لاکھ روپے نکال لیے تھے۔