Tag: اسکول پرنسپل

کراچی : گلشن حدید کے غیر رجسٹرڈ نجی اسکول کے پرنسپل کی جانب سے مختلف خواتین سے نا زیبا وڈیو سامنے آنے کے بعد انتظامیہ نے اسکول کو سیل کردیا۔

تفصیلات کے مطابق کراچی کے علاقے گلشن حدید میں نجی اسکول پرنسپل کی خواتین سے مبینہ زیادتی کے اسکینڈل کی تحقیقات کے لئے محکمہ تعلیم کی جانب سے تشکیل دی گئی کمیٹی نجی اسکول پہنچی۔

ڈپٹی ڈائریکٹر پرائیوٹ اسکولز قربان علی بھٹو نے کہا کہ واقعہ انتہائی شرمناک ہے،مکمل تحقیقات ہوں گی ، اسکول سے وابستہ لوگوں کے بیان ریکارڈ کریں گے۔

قربان علی بھٹو کا کہنا تھا کہ کل ہی ڈپٹی کمشنر ملیر کو خط لکھا کہ اسکول کوسیل کیا جائے، اب کوشش ہے اسکول کے طلباکو کسی اور اسکول میں داخل کرائیں۔

محکمہ تعلیم کی جانب سے ڈپٹی کمشنر ملیر کو لیٹر بھیجنے کی روشنی میں اسسٹنٹ کمشنر بن قاسم کی سربراہی میں ٹیم نے پہنچ کر اسکول کو سیل کردیا گیا ہے۔

یاد رہے گذشتہ روز گلشن حدید میں اسکول پرنسپل کی اپنی ٹیچرز اور اسٹاف سے زیادتی کرنے کا واقعہ سامنے آیا تھا، ملزم ویڈیو بناکر خواتین کی مجبوری کا فائدہ اٹھاتا اور بلیک میل بھی کرتا تھا، جسے علاقہ مکینوں کی مدد سے گرفتار کیا گیا۔

پولیس نے بتایا کہ ملزم کے موبائل سے پچیس سے زائد ویڈیو بھی برآمد ہوئی ہیں، سارے معاملے پر چار رکنی کمیٹی تشکیل دے دی گئی ہے۔

نگران وزیر داخلہ بریگیڈیر (ر) حارث نواز نے بھی نوٹس لیکر ملزم کو انجام تک پہنچانے کی یقین دہانی کرائی ہے۔

کراچی : ایس ایس پی ملیر حسن سردار نے اہم انکشاف کیا ہے کہ خواتین سے مبینہ زیادتی کرنے والے پرنسپل سے برآمد ویڈیوز میں نظر آنے والی خواتین کا تعلق ٹیچنگ اسٹاف سے ہے۔

تفصیلات کے مطابق کراچی میں گلشن حدید کے نجی اسکول میں پرنسپل کی خواتین سے مبینہ زیادتی کے اسکینڈل کے حوالے سے ایس ایس پی ملیر حسن سردار نے بتایا ہے کہ ویڈیو میں نظر آنے والی خواتین کا تعلق ٹیچنگ اسٹاف سے ہے جبکہ اسکول پرنسپل نے گذشتہ روز ٹیچنگ اسٹاف ہونے کی تردید کی تھی۔

ایس ایس پی ملیر کا کہنا تھاکہ جو خواتین انٹرویوز دینے آتی تھی ملزم ان کو بھی ٹریپ کرتا تھا، کیس میں مذید گرفتاریاں اور اہم انکشافات متوقع ہیں۔

حسن سردار نے کہا کہ موبائل فون سے 25 ویڈیوز ملی تھی، 25 ویڈیوز چار خواتین کی ہیں جو الگ وقتوں میں بنائی گئی، ہائی پروفائل کیس ہے کسی ملزم کو رعایت نہیں ملے گی۔

ان کا کہنا تھا کہ اسکول اسٹاف کے بیانات قلمبند کیے جائیں گے اور ہر زاویے سے کیس کی تفتیش کو آگے بڑھایا جائے گا۔

دوسری جانب ایس ایس پی انویسٹگیشن ملیر علی مردان کا کہنا ہے کہ کیس میں مذید 3 ملزمان ہیں جن کو تلاش کر رہے ہیں،ملزم علی، کاشف اور شکیل اپنے ٹھکانوں پر موجود نہیں ہیں ، ملزمان کے پاس کیمروں تک رسائی تھی ،تینوں ملزمان مفرور ہیں۔

علی مردان نے کہا کہ زیادتی کا نشانہ بننے والی خواتین کو بلیک میل کیا جاتا تھا، کیمرہ لگانے والے اور ساتھی ان کو فون کرتے تھے،ایک ملزم کی جانب سے نازیبا ویڈیو وائرل کی گئی، جلد گھناونے عمل میں ملوث لزمان کو گرفتار کرلیں گے۔