Tag: اسکول کی چھٹیاں

پشاور: محکمہ تعلیم نے پہاڑی علاقوں میں سردیوں کی چھٹیوں میں دس مارچ تک کی توسیع کردی ہے، موسمِ سرما کی تعطیلات فروری کے اختتام پر ختم ہوتی ہیں۔

تفصیلات کے مطابق  ملک کےبالائی علاقوں میں ہونے والی بارشوں اور برف باری کے سبب  محکمہ تعلیم نے سردیوں کی چھٹیوں میں توسیع کرنے کا نوٹی فکیشن جاری کردیا ہے۔

محکمہ موسمیاست کے مطابق خیبرپختونخوا، گلگت بلتستان، آزاد کشمیرکے پہاڑوں پر برفباری  اور بارشوں کا سلسلہ مارچ شروع ہونے کے باوجود تاحال جاری ہے جس کے سبب نظام زندگی مشکلات کا شکار ہے۔

پہاڑی اوردوردرازعلاقوں میں  طلبہ و طالبات کی مشکلات کو پیشِ نظر رکھتے ہوئے یہ فیصلہ کیا گیا ہے۔ یاد رہے کہ پہاڑی علاقوں میں جہاں شدید برف باری اور طویل موسم سرما ہوتا ہے ، وہاں سردیوں کی چھٹیاں تین ماہ تک جاری رہتی ہیں۔

محکمہ موسمیات کی مزید بارشوں اور برف باری کی پیش گوئی

سردیوں کا سلسلہ یکم دسمبر سے شروع ہوتا ہے اور 28 فروری تک جاری رہتا ہے ، تاہم تاحال ہونے والی تیز بارشوں اور برف باری کے سبب اس شیڈول میں دس دن کی توسیع کی گئی ہے۔

یاد رہے کہ گزشتہ 24 گھنٹوں میں بالائی خیبرپختونخوا، بالائی پنجاب، خضدار، کشمیر اور گلگت بلتستان میں چند مقامات پر گرج چمک کے ساتھ بارش اور پہاڑوں پر برفباری ہوئی۔ سب سے زیادہ بارش خیبرپختونخوا کے علاقے  چترال، بالاکوٹ08، دیر، میرکھانی، کاکول05، سیدوشریف، پٹن02، دروش، چراٹ01ملی میٹر ، گلگت بلتستان کے علاقے بگروٹ06،اور چلاس01 ملی میٹر ریکارڈ کی گئی جبکہ بگروٹ میں دو انچ برف باری بھی ہوئی ہے۔

 آج ریکارڈ کیےگئےسرد ترین مقامات کا درجہ حرارت کچھ یوں رہا۔ کالام، بگروٹ منفی06، پاراچنار منفی05، مالم جبہ، سکردو منفی04، گوپس، ہنزہ، استور منفی03ڈگری سینٹی گریڈ ریکارڈ کیا گیا۔