ARYNews.tv | Urdu – Har Lamha Bakhabar

Tag: اسکول

  • جامعہ کراچی/پنجاب یونیورسٹی کےتحت کل ہونےوالےامتحانات ملتوی

    جامعہ کراچی/پنجاب یونیورسٹی کےتحت کل ہونےوالےامتحانات ملتوی

    لاہور : پنجاب حکومت نے احتجاج اور مظاہروں کے پیش نظرصوبے میں 2 روز تک تعلیمی ادارے بند رکھنے کا اعلان کیا ہے۔

    تفصیلات کے مطابق صوبہ پنجاب میں امن وامان کی بگڑتی صورت حال کے پیش نظر حکومت پنجاب نے 2 روز تک صوبے کے تمام تعلیمی ادارے بند رکھنے کا اعلان کیا ہے۔

    صوبائی وزیرتعلیم رانا مشہود کا کہنا ہے دھرنوں کی وجہ سے پیر اور منگل کے روز صوبے میں تعلیمی ادارے بند رہیں گے۔

    دوسری جانب پنجاب یونیورسٹی کے زیر اہتمام پیر، منگل کوہونے والے امتحانات بھی ملتوی کردیے گئے۔

    ترجمان پنجاب یونیورسٹی کے مطابق امتحانات کی تاریخ کا اعلان بعد میں کیا جائے گا۔

    ادھروائس چانسلر جامعہ کراچی کا کہنا ہے کہ کراچی یونیورسٹی کے تحت کل ہونے والے امتحانات ملتوی کردیے گئے ہیں، فیصلہ شہر کی صورت حال کے پیش نظر کیا گیا۔

    جامعہ کراچی کے وائس چانسلر کا کہنا ہے کہ امتحانات کی نئی تاریخ کا اعلان بعد میں کیا جائے گا۔

    فیض آباد آپریشن: پولیس اہلکارسمیت 5 افراد جاں بحق‘188 زخمی‘ فوج طلب

    خیال رہے کہ وفاقی دارالحکومت اسلام آباد میں مذہبی جماعت کے دھرنا مظاہرین کو منتشر کرنے کے لیے حکومت کے آپریشن کے بعد ملک بھر میں مذہبی جماعتوں کے کارکنان سراپا احتجاج ہیں۔

    اسلام آباد میں فوج کی تعیناتی پروزارت داخلہ کوجوابی مراسلہ

    یاد رہے کہ وفاقی حکومت نے گزشتہ رات آرٹیکل 245 کے تحت اسلام آباد کی صورتحال کو کنٹرول کرنے کے لیے فوج کو غیر معینہ مدت کے لیے طلب کرتے ہوئے نوٹی فکیشن جاری کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کیلیفورنیا، اسکول میں فائرنگ، 3 افراد جاں بحق، پولیس کے ہاتھوں ملزم ہلاک

    کیلیفورنیا، اسکول میں فائرنگ، 3 افراد جاں بحق، پولیس کے ہاتھوں ملزم ہلاک

    کیلیفورنیا : امریکی ریاست کیلیفورنیا کے اسکول میں فائرنگ سے 3 افراد جاں بحق اور دو طالب علم زخمی ہو گئے ہیں جب پولیس نے جوابی کارروائی میں ملزم کو ہلاک کردیا.

    تفصیلات کے مطابق فائرنگ کا واقع صبح اس وقت پیش آیا جب طالب علم اسکول پہنچ رہے تھے اس دوران نا معلوم شخص نے اسکول میں داخل ہو کر اندھا دھند فائرنگ کردی.

    بین الاقوامی خبر ایجنسی کے مطابق نا معلوم ملزم کی فائرنگ سے تین افراد لقمہ اجل بن گئے جب دو بچے زخمی ہوگئے جنہیں قریبی اسپتال منتقل کیا گیا جہاں زخمیوں کو طبی امداد دی جا رہی ہے.

    فائرنگ کی اطلاع ملتے ہی پولیس نے جائے وقوعہ پر پہنچ کر علاقہ کا محاصرہ کرلیا اور جوابی کارروائی کرتے ہوئے ملزم کو ہلاک کردیا تاہم اب تک ملزم کی شناخت نہیں ہو سکی ہے

    پولیس حکام کی جانب سے اسکول کی تلاشی کا عمل جاری ہے جب کہ واقعہ کی اطلاع ملتے ہی والدین کی بڑی تعداد اسکول پہنچ چکی ہے جنہیں اسکول انتظامیہ کی جانب سے معلومات فراہم کی جا رہی ہیں.

    علاقائی انتظامیہ جاں بحق اور زخمی ہونے والے افراد سے متعلق کسی بھی قسم کی معلومات دینے سے گریزاں نظر آتی ہے جب کہ تاحال پولیس کی فائرنگ سے ہلاک ہونے والے ملزم کی شناخت بھی ظاہر نہیں کی گئی ہے.

    خیال رہے چند ماہ قبل کیلیفورنیا میں ہی ایک اسکول میں فائرنگ کا واقعہ پیش آ چکا ہے جس میں 8 سالہ طالب علم سمیت 3 افراد جاں بحق ہو گئے تھے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امیردبئی کا اسکول کےبچوں کے لیے شاندار تحفہ

    امیردبئی کا اسکول کےبچوں کے لیے شاندار تحفہ

    دبئی: امیر دبئی شیخ راشد المکتوم نےموسمِ گرما کی تعطیلات کے بعد اسکول آنےوالے بچوں کے درمیان اچانک پہنچ کر انہیں حیران کردیا‘ حکمران کو اپنے درمیان پا کر بچوں کے چہرے خوشی سے کھل اٹھے۔

    تفصیلات کے مطابق دبئی کے امیرشیخ راشد المکتوم نے موسمِ گرما کی تعطیلات کے بعد پہلے دن اسکول آنے والے بچوں کے درمیان اچانک پہنچ کر بچوں کے ساتھ ساتھ اساتذہ کو بھی حیران کردیا۔

    دبئی میڈیا آفس نے سماجی رابطے کی ویب سائٹ ٹویٹرپرتصاویرشیئر کی ہیں جس میں دیکھا جا سکتا ہے کہ امیر دبئی شیخ راشد المکتوم اسکول میں بچوں کے ساتھ کس طرح گھل مل گئے ہیں۔

    دبئی میڈیا آفس کی جانب سے شیئر کی گئی تصاویر میں دیکھا جاسکتا ہے کہ امیر دبئی شیخ راشد المکتوم کو اپنے درمیان دیکھ کر بچوں کے چہرے بھی خوشی سے کھل اٹھے۔

    شیخ راشد المکتوم اسکول کے دورے کے دوران نہ صرف بچوں کی کارکردگی کا جائرہ لیتے ہوئے نظر آئےاس کے علاوہ انہوں نے بچوں کو فراہم کی جانے والی سہولیات کا بھی معائنہ کیا۔

    واضح رہے کہ دو ماہ قبل امیر دبئی شیخ راشد المکتوم نے دوسرے رہنماؤں کے ہمراہ اچانک دبئی ایئرپورٹ آکر حیران کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • سکھر: بے قابو ٹرک اسکول کی دیوارسے ٹکراگیا‘ ڈرائیور جاں بحق

    سکھر: بے قابو ٹرک اسکول کی دیوارسے ٹکراگیا‘ ڈرائیور جاں بحق

    سکھر: صوبہ سندھ کے شہر سکھر میں بے قابو ٹرک اسکول کی عمارت سے ٹکرا گیا حادثے کے نتیجے میں ڈرائیور جاں بحق ہوگیا۔

    تفصیلات کے مطابق صوبہ سندھ کے شہر سکھر میں گھنٹہ گھر کے قریب صبح چار بجے کے قریب سامان سے لدا ٹرک بریک فیل ہونے کے باعث اسکول کی دیوار سے ٹکراگیا۔

    ریسکیوحکام کے مطابق حادثے کے نتیجے میں ٹرک ڈرائیور جاں بحق جبکہ دو ہیلپرزخمی ہوگئے۔

    حادثے میں دو منزلہ سرکاری اسکول کی عمارت کو شدید نقصان پہنچا جبکہ ٹرک میں موجود شیشے کے برتن تباہ ہوگئے۔ اس حادثے کے بعد اسکول کو بند کرکے بچوں کو چھٹی دے دی گئی۔

    آزاد کشمیر میں بے قابو ٹرک اسکول میں جا گھسا‘ 3 افراد جاں بحق

    یاد رہے کہ رواں سال 13 جنوری کو آزاد کشمیر کے ایک گاؤں میں ٹرک بے قابو ہوکر اسکول میں جا گھسا تھا جس کے نتیجے میں ایک خاتون ٹیچر اور 2 طالبات جاں بحق ہوگئیں تھی۔

    واضح رہے کہ حادثے میں 40 سالہ ٹیچر رخسانہ بشیر اور 8 سالہ اقراء اور 11سالہ ماریہ زخمی ہوئیں تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسکول کو الوداع کہنے کا انوکھا طریقہ

    اسکول کو الوداع کہنے کا انوکھا طریقہ

    اسکول اور کالج کا آخری دن متضاد کیفیات کا حامل ہوتا ہے۔ اس دن سخت بندشوں میں جکڑے روٹین اور پڑھائی سے آزادی بھی ملتی ہے، جبکہ کئی سال تک وہاں گزارنے کے بعد وہاں سے جاتے ہوئے دل اداس بھی ہوتا ہے۔

    طلبا اپنے اسکول کے آخری دن کو مختلف انداز سے یادگار بناتے ہیں۔ کئی طلبا کچھ ایسا کرتے ہیں جو ان کے اسکول اور پیچھے رہ جانے والے ان کے دیگر جماعتوں کے طلبا کو یاد رہے اور اس کے لیے وہ انوکھے طریقے ڈھونڈتے ہیں۔

    تاہم امریکی ریاست ایریزونا میں ایک ہائی اسکول کے طلبا اپنے اسکول کو نہایت انوکھے انداز سے الوداع کہتے ہیں۔

    اسکول کے آخری دن طلبا تمام سال پڑھی جانے والی کتابوں اور کاغذوں کو جمع کرتے ہیں اور انہیں سیڑھیوں سے نیچے پھینک دیتے ہیں۔

    بیک وقت سینکڑوں طلبہ جب کاغذات نیچے پھینکتے ہیں تو یوں لگتا ہے کہ جیسے سیڑھیوں پر آسمان سے کاغذ برس رہے ہوں اور سیلاب آگیا ہو۔

    اس کے بعد جب سیڑھیاں مکمل طور پر کاغذوں سے بھر جاتی ہیں تو طلبا ان کاغذوں پر پھسلتے ہوئے نیچے آتے ہیں۔

    بعد ازاں ان سیڑھیوں کی صفائی جونیئر طلبا کی ذمہ داری ہوتی ہے جنہیں مزید کچھ وقت اسکول میں گزارنا ہوتا ہے۔

    یقیناً اس ویڈیو کو دیکھ کر آپ کو بھی اپنا اسکول کا آخری دن یاد آجائے گا۔

    ویڈیو بشکریہ: سی این این

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شخصیت سے متعارف کروانے والے رنگین پتھر

    شخصیت سے متعارف کروانے والے رنگین پتھر

    اسکول صرف تعلیم حاصل کرنے اور نصابی کتابیں پڑھنے کی جگہ نہیں بلکہ یہ مقام زندگی کے ہر دور میں سامنے آنے والی مشکلات اور مسائل کا سامنا کرنا اور ان کا حل تلاش کرنا سکھاتا ہے۔

    کسی شخص کی زندگی میں آنے والی کامیابیوں میں اس کے اساتذہ کا بھی کردار ہوتا ہے کہ وہ انہیں دوران تعلیم کیا سکھاتا ہے اور کیسے سکھاتا ہے۔

    امریکی ریاست انڈیانا میں بھی ایک اسکول میں ایسی ہی ایک آرٹ ٹیچر نہایت دلچسپ انداز میں بچوں کو ان کی شخصیت سے متعارف کروا رہی ہیں۔

    جیسیکا موئز نامی اس ٹیچر نے امریکی مصننف لنڈا کرانز کی کتاب ’صرف تم‘ کے خیال پر ایک نہایت انوکھا پروجیکٹ تخلیق کیا۔

    دراصل یہ کتاب ایک ننھی مچھلی کے بارے میں ہے جو اپنے بل بوتے پر پورے سمندر کی خاک چھانتی ہے۔

    اس کے والدین اسے سبق دیتے ہیں کہ اپنے نئے دوستوں سے چوکنا رہو اور اسے نصیحت کرتے ہیں کہ وہ اپنا راستہ خود تلاش کرے یہ سوچے بغیر کہ اس کے آس پاس موجود تمام لوگ کہاں جا رہے ہیں۔

    کتاب کا مرکزی خیال بچوں کو یہ احساس دلانا ہے کہ ہر بچہ اپنی ذات میں مکمل اور منفرد ہے۔

    یہ آرٹ ٹیچر اپنے طلبا کو یہ کتاب پڑھ کر سناتی ہیں اور اس کے بعد وہ ان سے کہتی ہیں کہ کتاب میں موجود مچھلی کی طرح وہ بھی اپنی انفرادی شخصیت ظاہر کریں۔

    ٹیچر کے کہنے کے مطابق ہر بچہ اپنی پسند اور ذہن رسا کے مطابق ایک پتھر پر رنگ اور نقش و نگار تخلیق کرتا ہے۔ ہر بچہ دوسرے بچے سے مختلف رنگین پتھر تیار کرتا ہے اور اس دوران اپنی شخصیت کی انفرادیت پیش کرتا ہے۔

    ان بچوں کے تیار کردہ پتھروں کی تعداد کئی سو تک جا پہنچی ہے اور ان کی مدد سے اسکول کے باہر ایک رنگین رہگزر تیار کی جاچکی ہے جو وہاں سے گزرنے والوں کی توجہ کا مرکز بن جاتی ہے۔

    جیسیکا کا کہنا ہے کہ یہ پروجیکٹ اس خیال کی نفی کرتا ہے، کہ ’ہم اکیلے کچھ بھی نہیں‘۔ یہ پروجیکٹ بچوں کو بچپن سے یہ بات سمجھنے میں مدد دیتا ہے کہ صرف ایک بچے کی شخصیت بھی نہایت منفرد ہے اور دنیا کو بدل سکتی ہے۔

    سوشل میڈیا پر شیئر کیے جانے کے بعد اس پروجیکٹ کو نہایت پسند کیا جارہا ہے اور کئی دوسرے اسکولوں نے بھی ایسے پروجیکٹس شروع کرنے کا فیصلہ کرلیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کورنگی میں کے ڈی اے نے نجی اسکول کی عمارت مسمار کردی

    کورنگی میں کے ڈی اے نے نجی اسکول کی عمارت مسمار کردی

    کراچی: صوبہ سندھ کے دارالحکومت کراچی کے علاقے کورنگی کراسنگ میں نجی اسکول کی عمارت ڈھا دی گئی۔ اسکول میں زیر تعلیم بچے سراپا احتجاج بن گئے اور انصاف کا مطالبہ کیا۔

    تفصیلات کے مطابق کراچی کے علاقے کورنگی کراسنگ میں قائم نجی اسکول آئیڈیل پبلک اسکول کی عمارت کو ڈھا دیا گیا۔ اسکول گرانے کے خلاف طلبہ و طالبات نے احتجاج شروع کردیا۔

    school-4

    احتجاجی طلبا کا کہنا تھا کہ اسکول بلا جواز گرایا گیا ہے۔ وزیر تعلیم سندھ صورتحال کا نوٹس لیں۔

    کوئی اسکول موجود نہیں

    اس بارے میں جب اے آر وائی نیوز نے ڈائریکٹر اینٹی انکروچمنٹ جمیل احمد بلوچ سے گفتگو کی تو انہوں نے بتایا کہ یہاں کوئی اسکول ہی موجود نہیں۔ ’یہ ڈمی اسکول ہے‘۔

    ان کا کہنا تھا کہ نوٹس پر ہم علاقے میں گئے۔ اہل علاقہ سے پوچھا گیا تو انہوں نے کہا کہ یہاں کوئی اسکول نہیں۔ انہوں نے کہا کہ یہ ڈمی لوگوں کے ڈمی بچے ہیں جنہیں یونیفارم پہنا کر کھڑا کر دیا گیا ہے۔

    جمیل احمد کا کہنا تھا کہ اسکول سے متعلق ہمارے پاس کوئی کاغذات نہیں پہنچے۔ ہم نے نوٹس دیا، جس پر ہمیں جعلی کاغذات دکھائے گئے، اس کے بعد ہم نے کارروائی کی۔ جب ہم وہاں گئے تو کوئی بچہ موجود نہیں تھا۔

    انہوں نے کہا کہ انکوائری میں ساری صورتحال واضح ہوجائے گی۔ اسکول کے معاملات دیکھنے والی انتظامیہ صورتحال کا نوٹس لے۔

    اسکول کی رجسٹریشن کا عمل جاری

    دوسری جانب اسکول کی پرنسپل نورین کا مؤقف ہے کہ انہوں نے زمین خرید کر اسکول بنایا تھا۔ ان کے مطابق انہیں کے ڈی اے کی جانب سے کوئی نوٹس موصول نہیں ہوا۔ ’کے ڈی اے نوٹس بھیجتا تو ہم دستاویزات دکھاتے‘۔

    انہوں نے بتایا کہ اسکول کو گزشتہ رات گرایا گیا۔ صبح جب وہ اسکول پہنچے تو انہیں واقعے کا علم ہوا۔

    school-3

    پرنسپل نے اس بات کا اعتراف کیا کہ اسکول کی رجسٹریشن نہیں ہوئی تاہم ان کے مطابق رجسٹریشن کا عمل جاری ہے۔

    انہوں نے حکومت سے نوٹس لینے کی اپیل کرتے ہوئے انصاف فراہم کرنے کا مطالبہ بھی کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پشاورمیں پولیس موبائل کےقریب دھماکہ‘4افراد زخمی

    پشاورمیں پولیس موبائل کےقریب دھماکہ‘4افراد زخمی

    پشاور: خیبرپختونخواہ کے دارالحکومت پشاور میں پولیس موبائل کےقریب دھماکےکے نتیجےمیں3اہلکاروں سمیت4افراد زخمی ہوگئے۔

    تفصیلات کےمطابق پشاور میں سڑک کنارے نصب بم پھٹنے کےنتیجے میں 3سیکیورٹی اہلکاراور 1راہگیرزخمی ہوگئےجبکہ ایک اسکول کےباہر نصب بم کو ناکارہ بنادیا گیا۔

    ترجمان خیبرپختونخوا پولیس کے مطابق پشاور میں شمشتو کے نواحی علاقے خٹک پل کے نزدیک محکمہ انسداد دہشت گردی کی گاڑی کو سڑک کنارے نصب بم کا نشانہ بنایا گیا جس میں 3 سیکیورٹی اہلکاراور1راہگیر زخمی ہوئے۔

    دھماکے کے بعد علاقے کو کلیئر کرالیا گیا جبکہ سرچ آپریشن کا عمل جاری ہے۔

    اسکول کے باہر نصب بم ناکارہ بنادیا گیا

    دوسری جانب صبح سویرے پشاور کےعلاقےارمڑ میں واقع ایک پرائمری اسکول کی عمارت کےقریب تین کلو وزنی بارودی مواد برآمد ہواتھا۔

    خیبرپختونخوا پولیس کے ترجمان کے مطابق بارودی مواد کی نشاندہی پر بم ڈسپوزل اسکواڈ کو طلب کیا گیا۔

    ترجمان کا مزید کہنا تھا کہ بم کو بغیر کسی جانی نقصان کے ناکارہ بنادیا گیا تاہم اس عمل میں اسکول کی عمارت کا کچھ حصہ متاثر ہوا۔

    پشاور میں خود کش حملہ‘ 1شہید‘ 4 زخمی

    واضح رہےکہ رواں سال فروری میں پشاور میں ججز کی گاڑی پر خودکش حملے کے نتیجے میں ڈرائیور جاں بحق جبکہ 4 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کیلیفورنیا، طالب علم نے ہم جماعت کو قتل کر کے خود کو بھی گولی مارلی

    کیلیفورنیا، طالب علم نے ہم جماعت کو قتل کر کے خود کو بھی گولی مارلی

    نیویارک : سین برنارڈینواسکول میں طالب علم نے فائرنگ کر کے اپنے ہم جماعت دوست کو جاں بحق کرکے خود کو گولی مارکر ہلاک کرلیا۔

    تفصیلات کے مطابق دیا امریکہ کی ریاست کیلیفورنیا میں واقع ایک پرائمری اسکول برنارڈینو کے کلاس میں فائرنگ کا واقعہ پیش آیا ہے جس میں دو طالب علموں کی ہلاکت اور دو کے زخمی ہونے کی اطلاعات ہیں۔

    بین الاقوامی خبر رساں ایجنسی کے مطابق پرائمری اسکول کے طالب علم نے کلاس روم میں فائرنگ کر کے اپنے ہم جماعت کو ہلاک کر کے خود کو بھی گولی مار لی جب کہ اندھا دھند فائرنگ کی وجہ سے دو دیگر افراد بھی زخمی ہوئے جنہیں قریبی اسپتال منتقل کیا گیا۔

    اسپتال انتظامیہ کا کہنا ہے کہ دو طالب علم قریب سے گولی لگنے کے باعث موقع پر ہی ہلاک ہو گئے تھے جب کہ دو زخمیوں میں ایک استاد بھی شامل ہیں جنہیں طبی امداد فراہم کی جا رہی ہے۔

    سیکیورٹی حکام کا کہنا ہے کہ نارتھ پارک ایلیمنٹری سکول کو واقعے کے بعد بند کر دیا گیا ہے اور ابتدائی شواہد اکھٹے کیے جا رہے ہیں جس کے بعد تحقیقات کا با قاعدہ آغاز کیا جائے گا تاہم اب تک کی حاصل معلومات سے اندازہ لگایا جا سکتا ہے کہ یہ معاملہ خودکشی کا ہے۔

  • کراچی: سولجر بازار میں تاریخی اسکول منہدم، ایس ایچ او معطل

    کراچی: سولجر بازار میں تاریخی اسکول منہدم، ایس ایچ او معطل

    کراچی: صوبہ سندھ کے دارالحکومت کراچی میں لینڈ مافیا نے سنہ 1928 میں تعمیر ہونے والے تاریخی اسکول پر بلڈوزر چلا کر اسے منہدم کردیا۔ معاملے پر غفلت برتنے پر تھانہ سولجر ہاؤس کے ایس ایچ او کو معطل کردیا گیا۔

    تفصیلات کے مطابق لینڈ مافیا نے کراچی کے علاقے سولجر بازار میں قائم قدیم  اور قومی ورثہ قرار دیئے گئے سرکاری اسکول کی زمین پر قبضہ کرنے کے لیے بھاری مشنیری کے ساتھ اسکول پر دھاوا بول دیا۔

    بلڈوزر کی مدد سے اسکول کی چار دیواری سمیت کئی کلاسز کو منہدم کردیا گیا۔ جماعت اسلامی کے رہنما محمد حسین محنتی نے الزام لگایا کہ قبضہ مافیا نے پولیس کے ساتھ مل کر اسکول ڈھانے کی کوشش کی۔

    اسکول انتظامیہ کا کہنا ہے کہ قبضہ مافیا پہلے بھی کئی بار اسکول گرانے کی کوشش کرچکی ہے۔

    تاریخی اسکول کے منہدم ہونے کے باوجود آج پیر کی صبح طلبا بستے اٹھائے چلے آئے اور ملبے پر بیٹھ کر پڑھائی شروع کردی۔

    واقعے کے بعد ای ایس پی ایسٹ فیصل چاچڑ نے تھانہ سولجر ہاؤس کے ایس ایچ او کو معطل کردیا۔

    آئی جی سندھ کا نوٹس

    آئی جی سندھ پولیس اے ڈی خواجہ نے قدیم اسکول کو گرائے جانے کا نوٹس لیتے ہوئے واقعے کی تحقیقات کے لیے انکوائری کمیٹی قائم کرنے کا حکم دے دیا۔

    اسکول گرانے کے عمل میں پولیس اہلکاروں کے ملوث ہونے کی خبر نشر ہونے کے بعد اے ڈی خواجہ نے انکوائری افسر آفتاب پٹھان کو واقعے میں ملوث پولیس اہلکاروں کے خلاف فوری تحقیقات کا حکم دیتے ہوئے کہا کہ ذمے داران کے خلاف تفصیلی رپورٹ تین دن میں پیش کی جائے۔

    پولیس تحفظ دینے میں ناکام

    صوبائی وزیر تعلیم جام مہتاب ڈہر کا کہنا تھا کہ سرکاری املاک کا تحفظ پولیس کی ذمہ داری ہے لیکن پولیس اسکول کو تحفظ دینے میں ناکام رہی۔ اسکول گرانے کے وقت ہیڈ ماسٹر اکیلے وہاں موجود تھے۔

    جام مہتاب کا کہنا تھا کہ تعلیمی ادارے کو گرانا سنگین جرم ہے۔ واقعہ میں ملوث مافیا کے خلاف ایسا ایکشن لیں گے کہ آئندہ کوئی ایسی جرات نہیں کرے گا۔

    انہوں نے کہا کہ وہ اس اسکول کو ماڈل اسکول بنا کر اسے مثالی تعلیمی ادارہ بنائیں گے۔

    ڈپٹی میئر کا دورہ

    دوسری جانب ڈپٹی میئر کراچی ارشد وہرا نے سولجر بازار میں گرائے گئے اسکول کا معائنہ کرنے کے بعد میڈیا سے گفتگو میں واقعے کے خلاف اسمبلی میں قرارداد جمع کروانے کا اعلان کیا۔

    انہوں نے کہا کہ لینڈ مافیا نے رات کی تاریکی میں قیمتی اور تاریخی زمین پر قبضہ کرنے کی کوشش کی۔ انہوں نے حکومت سندھ پر تنقید کرتے ہوئے کہا کہ تعلیم اور صحت پر حکومت سندھ کی کوئی توجہ نہیں۔

    ڈپٹی میئر نے اسکول کی دوبارہ تعمیر کا اعلان بھی کیا۔

    بعد ازاں سیکریٹری تعلیم نے اسکول کی تعمیر نو کے لیے محکمہ ورکس کو بھی طلب کرلیا۔ محکمہ ورکس کے عملے نے دیوار کی تعمیر کے لیے تعمیراتی سامان اسکول پہنچا دیا۔

    اسکول کی تاریخ

    کراچی کے مصروف ترین علاقے میں کئی ایکڑ پر پھیلے اس اسکول کا سنگ بنیاد جنگ عظیم دوم میں بچ جانی والی ایک خاتون جفل ہرسٹ نے رکھی۔

    سنہ 1928 میں قائم ہونے والے اسکول میں ایک ہزار سے زائد طلبا و طالبات زیر تعلیم ہیں۔ اس قدیم سکول سے کئی نامور شخصیات بھی تعلیم حاصل کر چکی ہیں۔

    بعد ازاں سنہ 1974 میں اسے گورنمنٹ اسکول کا درجہ دیا گیا۔ سندھ حکومت نے اسکول کی عمارت کی تزئین و آرائش دیکھتے ہوئے اسے قومی ورثہ قرار دیا۔

    طویل عرصہ گزر جانے کے بعد اسکول کی عمارت خستہ حالی کا شکار ہونے لگی اوراب بڑی بڑی عمارتوں سے گھرا یہ اسکول لینڈمافیا کے نشانے پر ہے۔