Tag: اشتہاری ملزم

اسلام آباد: ایف آئی اے نے سات سال سے سنگین جرائم میں مطلوب اشتہاری ملزم کو عمان سے گرفتار کرلیا۔

وفاقی تحقیقاتی ادارے (ایف آئی اے) انٹرپول نے بڑی کارروائی کرتے ہوئے سنگین جرائم میں مطلوب اشتہاری ملزم عمان سے گرفتار کرلیا۔

ایف آئی اے کے مطابق ملزم کو عمان سے گرفتار کر کے اسلام آباد ائیرپورٹ منتقل کر دیا گیا ملزم عمران علی پنجاب پولیس کو مطلوب تھا ملزم سال 2017 میں قتل کر کے بیرون ملک فرار ہو گیا تھا ملزم کے خلاف تھانہ سٹی حسن ابدال میں قتل کی دفعات کے تحت مقدمہ درج تھا۔

ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا، ملزم کو بعد ازاں پنجاب پولیس کے حوالے کر دیا گیا ملزم کی حوالگی انٹرپول اسلام آباد کی انٹرپول مسقط کے ساتھ قریبی رابطہ کاری کی وجہ سے ممکن ہوئی۔

کراچی: قتل کے مقدمے میں مطلوب اشتہاری ملزم کو یو اے ای سے گرفتار کرلیا گیا، ملزم سال 2022 میں قتل کرکے بیرون ملک فرار ہو گیا تھا۔

تفصیلات کے مطابق ایف آئی اے انٹرپول نے کارروائی کرتے ہوئے سنگین جرائم میں مطلوب اشتہاری ملزم کو گرفتار کرلیا، اشتہاری ملزم پنجاب پولیس کو قتل کے مقدمات میں مطلوب تھا۔

ملزم محمد ندیم کو یو اے ای سے گرفتارکر کے لاہور ایئرپورٹ منتقل کر دیا گیا ہے ، ترجمان ایف آئی اے نے بتایا کہ ملزم سال 2022 میں قتل کرکے بیرون ملک فرار ہو گیا تھا۔

ملزم کیخلاف پیر محل تھانہ، ٹوبہ ٹیک سنگھ میں قتل کی دفعات کےتحت مقدمہ درج تھا ، جس کے بعد ایف آئی اے این سی بی انٹرپول پاکستان نےملزم کی گرفتاری کیلئےریڈ نوٹس جاری کیا تھا۔

ترجمان کے مطابق ملزم کو لاہور ایئرپورٹ پر متعلقہ پولیس حکام کے حوالےکر دیا گیا ہے، ملزم کی حوالگی انٹرپول اسلام آبادکی انٹرپول ابوظہبی کےرابطہ کاری کی وجہ سے ممکن ہوئی۔

اسلام آباد: وفاقی تحقیقاتی ادارے (ایف آئی اے) انٹرپول پاکستان نے کارروائی کرتے ہوئے سنگین جرائم میں مطلوب اشتہاری ملزم کو کویت سے گرفتار کرلیا۔

ترجمان ایف آئی اے کے مطابق اشتہاری ملزم کو کویت سے گرفتار کر کے اسلام آباد ائرپورٹ منتقل کر دیا گیا گرفتار ملزم اعجاز احمد پنجاب پولیس کو مطلوب تھا۔

ترجمان کا بتانا ہے کہ ملزم گجرانوالہ پولیس کو قتل کی دفعات کے تحت درج مقدمے میں مطلوب تھا انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔

بعد ازاں ایف آئی اے امیگریشن اسلام آباد نے ملزم کو متعلقہ پولیس حکام کے حوالے کر دیا، ترجمان نے بتایا کہ ملزم کی حوالگی انٹرپول اسلام آباد کی انٹرپول کویت کے ساتھ قریبی رابطہ کاری کی وجہ سے ممکن ہوئی۔

دوسری جانب ایف آئی اے امیگریشن نے ملتان ایئرپورٹ پر جعلی سفری دستاویزات پر سعودی عرب جانے والے مسافر کو آف لوڈ کردیا، ملزم طاہر کے پاسپورٹ پر پُرتگال، استونیہ کے جعلی ویزے لگے ہوئے تھے، ابتدائی تفتیش کے مطابق مسافر نے 2 مختلف ایجنٹوں سے جعلی  ویزے حاصل کئے۔

ترجمان نے بتایا کہ جعلی ویزوں کے حصول کے لئے ملزم نے ایجنٹ کو 12 لاکھ ادا کئے تھے، ملزم کو مزید قانونی کارروائی کیلئے اینٹی ہیومن ٹریفکنگ سرکل ملتان منتقل کردیا گیا۔

لاہور: ایف آئی اے انٹرپول پاکستان نے سنگین جرم میں مطلوب اشتہاری ملزم عنایت اللہ کو گرفتار کر لیا۔

تفصیلات کے مطابق ایف ترجمان کا کہنا ہے کہ آئی اے انٹرپول پاکستان نے سنگین جرم میں مطلوب اشتہاری ملزم عنایت اللہ کو گرفتار کر لیا۔

ترجمان ایف آئی اے کے مطابق گرفتار ملزم کے خلاف قتل کی دفعات کے تحت مقدمہ درج ہے، ایف آئی اے این سی بی انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔

ترجمان کا بتانا ہے کہ اشتہاری عنایت اللہ کو اسلام آباد ایئرپورٹ سے گرفتار کیا گیا،  گرفتار ملزم پنجاب پولیس کو مطلوب تھا ملزم کے خلاف رحیم یار خان میں مقدمہ درج  ہے۔

ترجمان ایف آئی اے کا بتانا ہے کہ ایف آئی اے امیگریشن نے ملزم کو متعلقہ پولیس حکام کے حوالے کر دیا۔

اسلام آباد : نیب اور اینٹی کرپشن کیسز میں نامزد ملزم منظور قادر کینیڈا سے واپسی کیلئے تیار ہے، عدالت نے 17 جولائی تک منظور قادر کو گرفتار کرنے سے روک دیا۔

تفصیلات کے مطابق جعلی بینک اکاؤنٹ نیب کیس کا ایک اوراشتہاری ملزم وطن واپسی کیلئے تیار ہیں ، پلاٹ الاٹمنٹ ریفرنس میں نامزد منظورقادر کینیڈا سے وطن واپسی آرہے ہیں۔

منظورقادر نے 15 روزہ حفاظتی ضمانت کیلئے اسلام آبادہائی کورٹ سے رجوع کیا ، جسٹس محسن اختر کیانی اور جسٹس سردار اعجاز اسحاق خان نے منظور قادر کی درخواست پر سماعت کی۔

منظور قادر کی جانب سے سینئیر وکیل فاروق ایچ نائیک پیش ہوئے، فاروق ایچ نائیک نے جعلی اکاؤنٹ نیب کیس نیب کو واپس ہوگیا دوسرا کیس کراچی میں ہے، کراچی میں اینٹی کرپشن میں کیس ہے دونوں کیسزمیں گرفتاری سےروکاجائے۔

عدالت نے استفسار کیا درخواست گزار کب واپس آرہے ہیں ، جس پر وکیل نے بتایا کہ درخواست گزار 13 جولائی کو کینیڈا سے واپس آئیں گے ٹکٹ بھی ہوچکا،وطن واپسی پر گرفتاری سے روک کر حفاظتی ضمانت منظور کی جائے۔

اسلام آباد ہائی کورٹ نے منظور قادر کو دو کیسز میں گرفتار نہ کرنے کا حکم دیتے ہوئے 17 جولائی تک اسلام آباد ہائیکورٹ پیش ہونے کی ہدایت کردی۔

عدالت نے کہا کہ دونوں کیسز میں الگ الگ ضمانتی مچلکے جمع کرانے ہوں گے۔

خیال رہے جعلی بینک اکاؤنٹ نیب کیس کے ملزم منظورقادرسابق چیئرمین سندھ بلڈنگ کنٹرول اتھارٹی رہ چکے ہیں۔