ساہیوال میں بدنامِ زمانہ ڈاکو بلا سی سی ڈی کے ساتھ مبینہ مقابلے میں زخمی حالت میں پکڑا گیا ہے۔
تفصیلات کے مطابق سی سی ڈی کی ٹیم اشتہاریوں کی موجودگی کی اطلاع پر گرفتاری کیلئے جارہی تھی، راستے میں 3 ملزمان نے اہلکاروں پر فائرنگ کردی۔
پولیس کی جوابی کارروائی اور فائرنگ کے تبادلے میں ایک ڈاکو ساتھیوں کی فائرنگ سے زخمی ہوا، زخمی گرفتار ڈاکو کی شناخت محمد بلال عرف بلا کے نام سے ہوئی۔
ساہیوال کی پولیس ٹیم کا گرفتار ڈاکو سے متعلق کہنا تھا کہ اشتہاری ڈاکو تقریباً 40 مقدمات میں ملوث ہے۔
https://urdu.arynews.tv/gujrat-ccd-muqabla/
دوسری جانب کراچی میں گزشتہ رات چار پولیس مقابلے ہوئے، سرجانی حسن بروہی گوٹھ روڈ پر پولیس اور ڈاکوؤں میں مقابلہ میں زخمی سمیت دو ڈاکو جان شیر عرف راجا، اویس کو گرفتار کیا گیا۔
جوہرآباد بلاک پندرہ میں پولیس نے اسٹریٹ کرمنلز کے ساتھ مقابلے میں ایک زخمی ملزم کو گرفتار کرلیا جس کی شناخت امان اللہ کے نام سے ہوئی ہے، ملزم سے اسلحہ اور دو موبائل فون برآمد ہوا۔
پاپوش نگرپولیس کے مبینہ مقابلے میں ایک زخمی ڈاکو دوست محمد کو گرفتار کرلیا گیا، گرفتار ڈاکو سے اسلحہ، چھینے گئے موبائل فون اور کار برآمد ہوا۔
