اسلام آباد: رواں مالی سال 2014-15ءمیں اگست کے دوران تمباکو کی برآمدات میں 5 لاکھ ڈالر سے زائد کا اضافہ ریکارڈ کیا گیا ۔
ادارہ برائے شماریات پاکستان کے اعدادوشمار کے مطابق گزشتہ مالی سال میں ماہ اگست کے دوران تمباکو کی برآمد سے 6 لاکھ 83 ہزار ڈالر کا زرمبادلہ کمایا گیا تھا جبکہ رواں مالی سال کے اسی عرصہ کے دوران تمباکو کی برآمدات سے تقریباً 12 لاکھ ڈالر کا قیمتی زرمبادلہ کمایا گیا ۔
کراچی: مالی سال دو ہزارتیرا چودہ میں اسٹیٹ بینک کے منافع میں بتیس فیصد سے زائد اضافہ ریکارڈ کیا گیا۔اسٹیٹ بینک کے اعداد وشمار کے مطابق گزشتہ مالی سال انٹرسٹ انکم بڑھنے سے مرکزی بینک کے منافع میں اضافہ ہوا۔
اعداد و شمار کے مطابق مالی سال دو ہزار تیرا چودہ میں اسٹیٹ بینک کا منافع بیتیس فیصد سے بڑھ کر تین سو گیارہ ارب اسی کروڑ روپے تک پہنچ گیا۔ جو گزشتہ سال دوسو پینتیس ارب نوے کروڑ روپے تھا۔
اسٹیٹ بینک ریویو کے مطابق اسٹیٹ بینک کے منافع میں اضافے کی بنیادی وجہ ریگیولیٹر اصلاحات ہیں۔ اسٹیٹ بینک کے مطابق مائیکرو فنانسنگ کے شعبے میں واضح بہتری ریکارڈ کی گئی ہے۔