ARYNews.tv | Urdu – Har Lamha Bakhabar

Tag: اضافہ

  • کراچی : دودھ کی قیمتوں میں اضافہ کرنیوالے ڈیری فارمرز کیخلاف کارروائی

    کراچی : دودھ کی قیمتوں میں اضافہ کرنیوالے ڈیری فارمرز کیخلاف کارروائی

    کراچی : ڈیری فارمرز کا دودھ کی قیمتوں میں ازخود اضافے کا اعلان کردیا، دودھ کی فی لیٹر قیمت 90 روپے مقرر کردی، اسسٹنٹ کمشنر نے اجلاس پر چھاپہ مارکر متعدد افراد کو گرفتار کرلیا۔

    تفصیلات کے مطابق کراچی میں ڈیری فارمرز ایسوسی ایشن کا غیر قانونی اجلاس منعقد کیا گیا، اجلاس میں ڈیری فارمرز نے ازخود دودھ کی فی لیٹر قیمت میں پانچ روپے کا اضافہ کرتے ہوئے90روپے فی لیٹر مقرر کردی۔

    بعد ازاں اطلاع ملنے پر اسسٹنٹ کمشنر نے ڈیری فارمرز کے اجلاس پر چھاپہ مارا، چھاپے کے دوران دودھ کےاضافی نرخ کا اعلان کرنیوالے ڈیری فارمرز فرار ہونے میں کامیاب ہوگئے، تاہم اجلاس کے بعض شرکاء کو سکھن تھانے کی پولیس نے گرفتار کر کے لاک اپ کردیا۔

    بعد ازاں ڈیری فارمرز کا ایک گروپ اسسٹنٹ کمشنر کے چھاپے کیخلاف سکھن تھانے پہنچ گیا، ڈیری فارمرز کے گروہ نے گرفتارافراد کو پولیس سے چھڑالیا۔

    واضح رہے کہ کمشنر کراچی نے دودھ کی قیمتوں میں اضافہ کرنیوالوں کیخلاف کارروائی کا حکم دے رکھا ہے اور قیمتوں سے متعلق کمشنر نے7 فروری کو اجلاس طلب کر رکھا ہے۔

    دودھ کی قیمت 120روپے فی لیٹرمقررکرنے کا مطالبہ

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

  • پیٹرولیم مصنوعات کی قیمتوں میں 10 روپے اضافے کا امکان

    پیٹرولیم مصنوعات کی قیمتوں میں 10 روپے اضافے کا امکان

    اسلام آباد: حکومت نے عوام کو نئے سال کا تحفہ دینے کی تیاری کرتے ہوئے پیٹرولیم مصنوعات کی قیمتوں میں 10 روپے اضافے کے لیے کمر کس لی۔

    تفصیلات کے مطابق پیٹرولیم مصنوعات کی قیمتوں میں 10 روپے فی لیٹر تک اضافے کا امکان ہے۔

    ذرائع پیٹرولیم ڈویژن کے مطابق پیٹرول 5 روپے 20 پیسے جبکہ ہائی اسپیڈ ڈیزل کی قیمت میں 4 روپے 50 پیسے فی لیٹر کا اضافہ متوقع ہے۔

    اسی طرح لائٹ ڈیزل کی قیمت میں 6 روپے فی لیٹر جبکہ مٹی کا تیل 10 روپے مہنگا ہونے کا امکان ہے۔

    ذرائع کا کہنا ہے کہ عالمی مارکیٹ میں خام تیل کی قیمت میں اضافہ ہوگیا ہے۔ خام تیل کی قیمت 2 ڈالر فی بیرل بڑھ گئی جس کے بعد خام تیل کی قیمت 58 ڈالر سے بڑھ کر 60 ڈالر فی بیرل ہوگئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عید قریب آتے ہی سبزیوں کی قیمتوں میں ہوشربا اضافہ

    عید قریب آتے ہی سبزیوں کی قیمتوں میں ہوشربا اضافہ

    کراچی – لاہور: عید قرباں کے قریب آتے ہی منافع خوروں نے سبزیوں کی قیمتوں میں من مانا اضافہ کردیا۔ شہری سبزیوں کی قیمتیں بڑھنے سے پریشان ہوگئے۔

    تفصیلات کے مطابق منافع خور سبزی فروشوں نے حسب معمول عید کے قریب آتے ہی قیمتوں میں دگنا اضافہ کردیا۔

    ٹماٹر، پیاز، لہسن ، ادرک سمیت کئی سبزیوں کی قیمتیں آسمان پر پہنچ گئیں۔

    کراچی اور لاہور میں ٹماٹر لگ بھگ سو روپے فی کلو گرام فروخت کیا جارہا ہے۔ پیاز کی قیمت کو بھی پر لگ گئے۔ لہسن، ادرک دیڑھ سو سے ڈھائی سو روپے فی کلو گرام فروخت کیا جارہا ہے جبکہ دھنیہ نایاب ہوگیا ہے۔

    شہریوں کا مطالبہ ہے کہ انتظامیہ منافع خوروں کے خلاف سخت کارروائی کرے تاکہ عید قرباں شہریوں کی جیب پر بھاری نہ پڑے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • صدر ممنون حسین کی تنخواہ میں 6 لاکھ روپے کا اضافہ

    صدر ممنون حسین کی تنخواہ میں 6 لاکھ روپے کا اضافہ

    اسلام آباد: بجٹ کے بعد صدرممنون حسین کی تنخواہ چھ لاکھ اضافےکے بعد سولہ لاکھ روپے ماہانہ ہوگئی۔

    تفصیلات کےمطابق گزشتہ روز وفاقی وزیرخزانہ اسحاق ڈار کی طرف سے پیش کیے گئے بجٹ میں صدر مملکت کی تنخواہ میں اضافے کا بھی اعلان کیا گیا جبکہ وزیراعظم کے دفتر کا بجٹ 91 کروڑ 67 لاکھ روپے سالانہ کر دیا گیا ہے۔

    دستاویز کے مطابق ایوان صدر کےلیے 95 کروڑ 96 لاکھ روپے مختص کیے گئے ہیں جس میں سے ایوان صدرکے ملازمین کی تنخواہوں اورمراعات کیلیے 65 کروڑ 33 لاکھ روپے مختص کیے گئے ہیں۔

    ممنون حسین کے صوابدیدی فنڈز کےلیے 10 لاکھ روپے،ایوان صدر کے باغیچوں کےلیے 4 کروڑ13 لاکھ روپے،گاڑیوں کےلیے 3 کروڑ 97 لاکھ روپے، ڈسپنسری کےلیے 2 کروڑ 12 لاکھ روپے جبکہ صدر مملکت کے بیرون ممالک دوروں کےلیے 1کروڑ32 لاکھ روپے مختص کیے گئے ہیں۔

    پانچ ہزار 310 ارب کا بجٹ پیش، تنخواہ و پنشن میں‌ 10 فیصد اضافہ

    واضح رہےکہ گزشتہ روز وفاقی حکومت نے 5 ہزار 310 ارب روپے کا بجٹ پیش کیا تھا جس میں سرکاری ملازمین کی تنخواہوں اور پنشن میں 10 فیصد اضافہ کیاگیا۔

  • آئندہ بجٹ میں تنخواہوں اور پنشن میں اضافے کا امکان

    آئندہ بجٹ میں تنخواہوں اور پنشن میں اضافے کا امکان

    اسلام آباد: آئندہ مالی سال کے بجٹ 18-2017 میں سرکار ی ملازمین کے لیے تنخواہوں اور پنشن میں 15 فیصد اضافے کا امکان ہے۔ ساتھ ہی کم از کم تنخواہ 15 ہزار کیے جانے کے بھی امکانات ہیں۔

    تفصیلات کے مطابق بجٹ کی تیاری آخری مراحل میں داخل ہوگئی ہے۔ رواں مال سال کے بجٹ میں سرکاری ملازمین کی تنخواہوں اور پنشن میں اضافے متوقع ہیں۔

    ذرائع کے مطابق تنخواہوں کی ادائیگی کے لیے مختص رقم 45 فیصد اضافے کے ساتھ 395 ارب روپے تک ہوسکتی ہے۔

    پنشن کی رقم 30 ارب روپے اضافے کے ساتھ 275 ارب روپے متوقع ہے۔ اس کے علاوہ سرکاری ملازمین کے الاؤنسز بھی بڑھائے جانے کا امکان ہے۔

    ذرائع کا کہنا ہے کہ حکومت سالانہ ترقیاتی بجٹ میں بھی اضافے کی کوششوں میں مصروف ہے۔ ترقیاتی بجٹ ساڑھے 8 سو ارب تک ہوسکتا ہے۔ لوڈ شیڈنگ پر قابو پانے کے لیے زیادہ فنڈز توانائی سیکٹر کے لیے مختص کیے جانے کی امید ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مرغی کی قیمت میں ہوش ربا اضافہ

    مرغی کی قیمت میں ہوش ربا اضافہ

    ملک بھر میں مہنگائی کا جن بوتل سے باہر آگیا۔ مرغی کے ساتھ ٹماٹر، آلو اور پیاز کی قیمتوں کو بھی پر لگ گئے۔ قیمتوں میں ہوش ربا اضافے سے عوام کو شدید مشکلات کا سامنا ہے۔

    ملک بھر میں ناجائز منافع خوروں نے مرغی کی قیمتوں میں من مانا اضافہ کردیا ہے۔ حکومتی نرخ 190 روپے مقرر ہونے کے باوجود مختلف شہروں میں مرغی کی قیمت ساڑھے 3 سو روپے فی کلو تک وصول کی جارہی ہے۔

    مرغی کے ساتھ سبزیاں بھی مہنگی کردی گئی ہیں۔ قلت کے سبب ملک بھر میں ٹماٹر کی قیمت کو بھی پر لگ گئے ہیں۔ ادارہ برائے شماریات کے مطابق ٹماٹر کی قیمت میں انسٹھ فیصد اضافہ ہوا۔

    مزید پڑھیں: گزشتہ ماہ مہنگائی میں اضافہ

    مختلف شہروں میں ٹماٹر 115 روپے سے لے کر 150 روپے تک فروخت ہو رہا ہے۔ لہسن، ادرک، آلو، پیاز اور ہری مرچ کی قیمتیں بھی آسمان سے باتیں کر رہی ہیں۔

    وزیر اعظم نے ہوش ربا مہنگائی کا نوٹس لیا ہے تاہم عوام ابھی بھی قیمتوں میں کمی کے منتظر ہیں۔

  • بنگلہ دیشی بخوشی مہنگی چائے خریدنے پر راضی

    بنگلہ دیشی بخوشی مہنگی چائے خریدنے پر راضی

    ڈھاکہ: بنگلہ دیش میں معیاری چائے کی طلب میں اضافے کے بعد چائے کی قیمتوں میں یکلخت اضافہ ہوگیا تاہم اس کی فروخت میں کوئی کمی نہیں آئی، اور بنگلہ دیشیوں نے معیاری چائے پینے کے لیے اضافی رقم دینا بھی گوارا کرلیا۔

    دو ہفتوں قبل بنگلہ دیش میں چائے (پتی) کی قیمت 118 ٹکا تھی۔ تاہم ملک میں اچانک معیاری چائے کی طلب میں اضافہ ہوگیا۔ طلب میں اضافے کے ساتھ ہی چائے کی قیمت میں بھی اضافہ ہوگیا لیکن اس کی فروخت پر کوئی اثر نہیں پڑا۔

    tea-1

    بنگلہ دیشیوں نے بہترین چائے کے لیے زائد قیمت بھی خوشی خوشی ادا کردی اور جلد ہی چائے کی رسد میں کمی واقع ہوگئی۔

    واضح رہے کہ بنگلہ دیش چائے کی پیداوار کرنے والے اہم ممالک میں سے ایک ہے اور یہاں کی کئی ریاستوں میں لوگوں کا ذریعہ معاش چائے کی پیداوار اور اس کی برآمدات سے منسلک ہے۔

    چائے کی تجارت بنگلہ دیش کی سب سے زیادہ زرمبادلہ کمانے والی دوسری بڑی تجارت ہے۔ بنگلہ دیشیوں کی اکثریت پٹ سن کی زراعت اور اس کی تجارت سے وابستہ ہے اور یہ بنگلہ دیش کی سب سے بڑی نقد آور فصل ہے۔

  • رواں ماہ زرمبادلہ کے ذخائر میں خاطر خواہ اضافہ ہوا، اسٹیٹ بینک

    رواں ماہ زرمبادلہ کے ذخائر میں خاطر خواہ اضافہ ہوا، اسٹیٹ بینک

    اسلام آباد : اسٹیٹ بینک آف پاکستان کے ترجمان کا کہنا ہے کہ اتحادی سپورٹ فنڈکی مد میں35کروڑ ڈالر مل گئے ہیں جس کے باعث زرمبادلہ کے ذخائر 22 ارب ڈالر سے تجاوز کرگئے ۔

    تفصیلات کے مطابق پاکستان میں زرمبادلہ کے ذخائر میں خاطر خواہ اضافہ دیکھنے میں آیا ہے جس کے بعد زرمبادلہ کے ذخائر کا حجم 22 ارب 15 کروڑ تک پہنچ گیا ہے جب کہ گزشتہ چند ماہ سے زرمبادلہ کے ذخائر میں کمی کا رجحان دیکھنے میں آرہا ہے جس کے معیشت میں منفی اثرات رونما ہو رہے تھے۔

    اسٹیٹ بینک آف پاکستان کی جانب سے جاری کیے گئے بیان میں خوشخبری سنائی گئی ہے کہ رواں ماہ زرمبادلہ کے ذخائر میں نمایاں اضافہ دیکھنے میں آیا ہے جس کے باعث کاروباری سرگرمیوں اور در آمدادت و بر آمدات میں اضافے کی امید کی جا رہی ہے جو کہ معیشت کی بحالی میں مددگار ثابت ہو گی۔

    اسٹیٹ بینک آف پاکستان کے مطابق زرمبادلہ کےذخائر میں اضافے کی وجہ اتحادی سپورٹ فنڈ کی مد میں ملنے والی 35 کروڑ ڈالر کی خطیر رقم ہے جس کے وجہ سے زرمبادلہ کاحجم 22 ارب 15کروڑ ڈالر تک پہنچ گئی ہے جس سے کاروباری سرگرمیوں پر مثبت اثر پڑے گا۔

  • چین کا دفاعی اخراجات میں7فیصد اضافےکااعلان

    چین کا دفاعی اخراجات میں7فیصد اضافےکااعلان

    بیجنگ :چین نے رواں برس کے دوران دفاعی اخراجات میں 7 فیصد اضافے کا اعلان کردیا۔یہ اعلان امریکہ کی جانب سے دفاعی اخراجات میں دس فیصد اضافے کےاعلان کےبعد سامنے آیاہے۔

    تفصیلات کےمطابق چین کی جانب سےدفاعی اخراجات میں اضافے کا اعلان بیجنگ میں سالانہ نیشنل پیپلز کانگریس (این پی سی) کےانعقاد سے قبل کیاگیاہے۔ چین نےگذشتہ کئی سالوں میں اپنی معیشت کے بڑھنے کے ساتھ تیزی سے اپنی فوج کوجدید ہتھیاروں سے لیس کیا ہے۔

    خیال رہےکہ چینی فوج نے گذشتہ ماہ بھی فوجی مشقوں میں جدید ڈی ایف 16 میڈیم رینج بیلسٹک میزائل کے استعمال کی ویڈیو جاری کی تھی۔

    چین کی حکومت کے ترجمان فو ینگ کا کہنا ہے کہ چین رواں برس اپنے مجموعی جی ڈی پی کا ایک اعشاریہ تین فیصد دفاع پر خرچ کرے گا۔انہوں نےکہاکہ چین کی فوج کی توجہ دفاع اور ایشیا میں استحکام کے لیے فوج کی تشکیل پر مرکوز ہے۔

    ترجمان فو ینگ کامزید کہنا تھا کہ ملک کے وزیراعظم لی کی چیانگ اتوار کو پارلیمنٹ میں دفاعی اخراجات کے بارے میں تفصیلات فراہم کریں گے۔

    مزید پڑھیں:ڈونلڈ ٹرمپ کی دفاعی بجٹ میں 10فیصداضافے کی تجویز

    یاد رہےکہ گزشتہ ماہ امریکی صدر ڈونلڈ ٹرمپ نے دفاعی بجٹ میں دس فیصدیعنیٰ 54ارب ڈالر کااضافے کرنےکااعلان کیا تھا۔

    واضح رہےکہ خطے میں جہاں سرحدی تنازعات شدت اختیار کر رہے ہیں وہاں چین کے دفاعی اخراجات میں اضافے اور بحری قوت کو مضبوط بنانا خطے میں تشویش کا باعث ہے۔

  • گزشتہ ماہ مہنگائی میں اضافہ

    گزشتہ ماہ مہنگائی میں اضافہ

    اسلام آباد: ملک میں فروری کے مہینے میں مہنگائی میں اضافہ ریکارڈ کیا گیا۔ کھانے پینے کی اہم اشیا کی قیمتوں میں اضافہ دیکھنے میں آیا۔

    تفصیلات کے مطابق فروری کے مہینے میں مہنگائی میں اضافے کی شرح 4.22 فیصد رہی۔

    ادارہ شماریات کے مطابق فروری میں مہنگائی کی شرح میں 0.28 فیصد اضافہ ہوا جبکہ مالی سال کے پہلے 8 ماہ میں مہنگائی کی شرح 3.9 فیصد رہی۔

    اعداد و شمار کے مطابق چنے کی قیمت میں 44 فیصد اضافہ ہوا۔ لہسن اور آلو 32 فیصد مہنگے ہوئے۔ اس کے علاوہ مرغی، مٹر، ٹماٹر اور کینو بھی مہنگے ہوئے۔

    دوسری جانب پیاز، ککڑی، دال ماش اور دال مونگ کی قیمت میں کمی ریکارڈ کی گئی۔