ARYNews.tv | Urdu – Har Lamha Bakhabar

Tag: اضافہ

  • ڈونلڈ ٹرمپ کی دفاعی بجٹ میں 10فیصداضافے کی تجویز

    ڈونلڈ ٹرمپ کی دفاعی بجٹ میں 10فیصداضافے کی تجویز

    واشنگٹن : امریکی صدر ڈونلڈٹرمپ کی کوشش ہےکہ سال 2018 کےامریکی دفاعی بجٹ میں 10 فیصد یعنیٰ 54ارب ڈالر کااضافہ کیاجائے جس کےلیےانہوں نے کوششیں تیز کردیں ہیں۔

    تفصیلات کےمطابق گزشتہ روز مختلف سرکاری ایجنسیوں کو بجٹ کا مسودہ بھیجا گیا تھا۔تجویز کردہ مسودے میں ماحولیاتی بجٹ اور غیر ملکی امداد میں کمی کی گئی ہے۔

    وائٹ ہاؤس کے بجٹ عہدیدار کاکہناہےکہ امریکی صدر کی جانب سے سال 2018کےدفاعی بجٹ میں 54ارب اضافےاورغیردفاعی اخراجات سےاتنی ہی رقم کم کرنے کی تجویز پیش کریں گے۔

    دوسری جانب امیکی صدرٹرمپ کے پلان میں بڑے فلاحی پروگراموں جیسے سوشل سیکورٹی اور میڈی کیئرمیں کوئی تبدیلی نہیں کی گئی،جبکہ ریپبلکن پارٹی نے ان میں اصلاحات کا مطالبہ کیا ہے۔

    خیال رہےکہ صدر ٹرمپ آج ملک کےتعمیری ڈھانچے کے بارے میں کانگریس کے سامنے اپنی تقریر میں بتائیں گےکہ ہمیں انفراسٹرکچر پر بہت توجہ دینی ہے۔

    یاد رہےکہ گزشتہ سال صدر ٹرمپ نے اپنی انتخابی مہم میں کہا تھا کہ وہ دفاعی اخراجات میں اضافہ کریں گے اور فلاحی پروگراموں کو محفوظ رکھیں گے۔

    واضح رہےکہ گزشتہ روزوائٹ ہاؤس میں ریاستی گورنرزسے خطاب کے دوران صدر ٹرمپ نے کہا تھاکہ ’ہم نے کم وسائل کے ساتھ زیادہ کام کرنا ہے،اور حکومت کو کم خرچ پر چلانا ہے اور احتساب کرنا ہے۔‘

  • پیٹرولیم مصنوعات کی قیمتوں میں اضافے کا امکان

    پیٹرولیم مصنوعات کی قیمتوں میں اضافے کا امکان

    اسلام آباد: آئندہ 15 روز کے لیے پیٹرولیم مصنوعات کی قیمتوں میں 16 روپے 71 پیسے تک اضافے کا امکان ہے۔

    تفصیلات کے مطابق حکومت نے پھر عوام پر پیٹرول بم گرانے کی تیاری کرلی۔

    وزارت پیٹرولیم ذرائع کے مطابق پیٹرول کی قیمت میں 1 روپے 91 پیسے اضافے کی سفارش کی گئی ہے۔ ڈیزل کی قیمت میں 2 روپے 3 پیسے اضافہ تجویز کیا گیا ہے۔

    مٹی کے تیل اور لائٹ ڈیزل آئل کی قیمتوں میں بھی ہوشربا اضافے کا امکان ہے۔ مٹی کے تیل کی قیمت میں 16 روپے 71 پیسے جبکہ لائٹ ڈیزل 12 روپے 53 پیسے مہنگا کرنے کی تجویز دی گئی ہے۔

    ذرائع کے مطابق یہ قیمتیں آئندہ 15 روز کے لیے نافذ العمل کی جائیں گی۔ حتمی قیمتوں کا اعلان آج رات کیا جائے گا۔

  • صدر کے اختیارات میں توسیع‘ترک پارلیمنٹ نے منظوری دے دی

    صدر کے اختیارات میں توسیع‘ترک پارلیمنٹ نے منظوری دے دی

    انقرہ : ترک پارلیمنٹ نےصدر کے اختیارات بڑھانے سے متعلق نئے قانون کی منظوری دے دی ہے۔

    تفصیلات کےمطابق ترکی کی پارلیمنٹ نے نئے قانون کی ابتدائی منظوری دے دی ہے جس کے تحت صدر کے اختیارات میں اضافی ہوجائےگا۔

    ترکی میں رواں ہفتے کے اختتام پر دوسرے مرحلے میں نئے قانون کے لیے ووٹنگ ہوگی اور منظوری کی صورت میں ریفرنڈم ہوگا۔

    ترک پارلمینٹ سے منظور ہونے والے نئے قانون کے متعلق ناقدین کا کہناہے کہ اس قانون کی مدد سے صدر اپنے اختیارات میں اضافہ کرنا چاہتے ہیں،جبکہ اردگان کا کہناہےکہ نیا قانون امریکہ اور فرانس کےمماثل ہوگا۔

    خیال رہےکہ نئے قانون کےمطابق ترک صدر کو وزرا کو ہٹانے اور منتخب کرنےسمیت یہ حق بھی حاصل ہوگا کہ وہ وزیراعظم کے عہدے کو ختم کردے اور نائب صدر کاعہدہ متعارف کرائیں۔

    یاد رہے کہ گزشتہ ہفتے ترک پارلیمنٹ میں سی ایچ پی اور حکمراں جماعت اے کے پی کے اراکین کے درمیان اس وقت ہاتھا پائی ہوئی جب اپوزیشن کے اراکین کی جانب سے سیشن کی ریکارڈنگ کی کوشش کی گئی تھی۔

    واضح رہےکہ گزشتہ روز رات گئے بل کی حتمی شقوں پر ابتدائی منظوری دی گئی،ریپبلکن پارٹی سی ایچ پی کی جانب سے نئے قانون کی شدید مخالفت کی تھی۔

  • کراچی میں دودھ کی قیمت میں اضافہ

    کراچی میں دودھ کی قیمت میں اضافہ

    کراچی: شہر قائد میں دودھ فروشوں کی من مانیاں عروج پر پہنچ گئیں۔ دودھ فروشوں نے دودھ کی قیمت میں از خود اضافہ کر دیا۔ قیمتوں کے اس اضافے پر انتظامیہ نے تاحال کوئی ایکشن نہیں لیا۔

    تفصیلات کے مطابق ڈیری فارمرز نے ایک بار پھر من مانی کرتے ہوئے دودھ کی قیمت میں 4 روپے فی لیٹر اضافہ کر دیا جس کے بعد دودھ کی ہول سیل قیمت 75 روپے جبکہ ریٹیل میں 85 روپے ہوگئی۔

    عوام کا کہنا ہے کہ گراں فروش دودھ عوام کی پہنچ سے دور کرنا چاہتے ہیں۔

    دوسری جانب دودھ فروشوں کا کہنا ہے کہ کاروباری لاگت بڑھنے کے باعث قیمتوں میں اضافہ کیا گیا ہے۔

    دودھ فروشوں کی اس من مانی پر انتظامیہ تاحال خاموش ہے اور ان کے خلاف کوئی ایکشن نہیں لیا گیا۔

  • امریکہ کو اپنی جوہری صلاحیت میں اضافہ کرناچاہیے،ڈونلڈ ٹرمپ

    امریکہ کو اپنی جوہری صلاحیت میں اضافہ کرناچاہیے،ڈونلڈ ٹرمپ

    واشنگٹن : نومنتخب امریکی صدر ڈونلڈ ٹرمپ کا کہناہے کہ امریکہ کواپنی جوہری صلاحیت بڑھانی چاہیے۔

    تفصیلات کےمطابق نومنتخب امریکی صدر ڈونلڈ ٹرمپ کا کہناہے کہ امریکہ کو اپنی جوہری صلاحیت کو اس وقت تک بڑھانا چاہیے جب تک دنیا جوہری ہتھیاروں کے بارے میں ہوش نہیں سنبھالتی۔

    ڈونلڈ ٹرمپ کے اس بیان سے چند گھنٹے قبل ہی روسی صدر ولادی میر پیوٹن نے کہا تھا کہ روس کو اپنی عسکری جوہری صلاحیت بڑھانی چاہیے۔

    نومنتخب امریکی صدر کے ترجمان جیسن ملر نے بعد میں اس بیان کی وضاحت کرتے ہوئے کہا کہ نو منتخب صدر جوہری ہتھیاروں کے پھیلاو کے خطرے اور اس کے روک تھام کی شدید ضرورت کی طرف اشارہ کر رہے تھے۔

    آرمز کنٹرول اسوسی ایشن کا کہنا ہے کہ امریکہ کے پاس 7100 جبکہ روس کے پاس 7300 جوہری وار ہیڈ ہیں۔

    یاد رہے کہ حال ہی میں روسی صدر پیوٹن نے اپنے عسکری مشیران سے ملاقات کی اور 2016 کا جائزہ لیاتھا۔انہیں بتایا گیا ہے کہ روس کسی بھی ممکنہ دشمن سے زیادہ طاقتور ہے۔

    واضح رہے کہ ڈونلڈ ٹرمپ نے انتخابی مہم کے دوران ڈونلڈ ٹرمپ نے جوہری ہتھیاروں کے پھیلاؤ کو دنیا کا سب سے بڑا مسئلہ قرار دیا تھا۔

  • ملک بھر میں انڈوں اور مرغی کی قیمت میں ہوش ربا اضافہ

    ملک بھر میں انڈوں اور مرغی کی قیمت میں ہوش ربا اضافہ

    اسلام آباد: سردیوں کا آغاز ہوتے ہی ملک بھر میں انڈوں اور مرغی کی قیمتیں آسمان سے باتیں کرنے لگیں۔ حکومت مرغی اور انڈے مقررہ قیمتوں پر فروخت کروانے میں ناکام ہوگئی۔

    ملک کے مختلف علاقوں میں مرغی کے گوشت کی قیمت 300 روپے فی کلو تک جا پہنچی ہے۔ انڈوں کی قیمت میں بھی ہوش ربا اضافہ دیکھا جا رہا ہے۔

    حکومت نے مرغی کے گوشت کی قیمت 240 روپے فی کلو مقرر کی ہے تاہم اس ریٹ پر کہیں مرغی دستیاب نہیں۔ انڈوں کی قیمت بھی 130 روپے فی درجن جا پہنچی ہے۔ ریٹیلرز کی من مانیاں جاری ہیں۔

    مارکیٹ ذرائع کے مطابق مرغی اور انڈوں کی قیمت میں اضافہ ربیع الاول اور سردیوں کے باعث کیا گیا ہے۔

  • پنجاب کے مختلف شہروں میں موسم سرما کی پہلی بارش

    پنجاب کے مختلف شہروں میں موسم سرما کی پہلی بارش

    لاہور : پنجاب کے مختلف شہروں میں موسم سرما کی پہلی بارش کے باعث سردی کی شدت میں بھی اضافہ ہو گیا ہے۔

    تفصیلات کےمطابق پنجاب کے مختلف شہروں میں موسم سرما کی پہلی بارش سے جہاں دھند اور اسموگ کی شدت میں کمی آئی ہے وہیں تیز ہواؤں کے ساتھ ہونے والی برسات کے باعث سردی کی شدت میں بھی اضافہ ہو گیا ہے۔

    پنجاب میں گجرات،حافظ آباد چکوال، کامونکی، ننکانہ صاحب، پنڈی بھٹیاں،سکھیکی، جہلم ،لاہور اور قرب و جوار کے علاقوں میں تیز ہوائوں کے ساتھ ہونے والی بارش سے موسم خوشگوار ہوگیا۔

    دوسری جانب بالائی علاقوں میں بھی سردی بڑھ گئی وادی نیلم کی بالائی وادی کے علاقے گریز میں رات بھر برف باری جاری رہی،جس کے بعد یخ بستہ ہواؤں نے موسم کو مزید ٹھنڈا کردیا ہے۔

    محکمہ موسمیات نے فاٹا، گلگت بلتستان، کشمیر، کوہاٹ، بنوں، راولپنڈی، مالاکنڈ، ہزارہ، پشاور، گوجرانوالہ اور لاہور میں بھی بارش کی نوید سنائی ہے۔فیصل آباد،سرگودھا اور ساہیوال ڈویژن میں بھی چند مقامات پر تیز ہواو ں کے ہلکی بارش کا امکان ہے۔

  • ڈونلڈ ٹرمپ کوہلیری کلنٹن پر برتری حاصل ہوگئی

    ڈونلڈ ٹرمپ کوہلیری کلنٹن پر برتری حاصل ہوگئی

    واشنگٹن : امریکہ میں ریپبلکن پارٹی کے صدارتی امیدوارڈونلڈٹرمپ کوپہلی بارحریف امیدوارہلیری پرسروے میں سبقت حاصل ہوگئی۔

    تفصیلات کےمطابق امریکی صدارتی الیکشن میں ایک ہفتے سے بھی کم وقت رہ گیا ہے اور ایک نئے نیشنل پول کے مطابق پہلی بار رپبلکن جماعت کے صدارتی امیدوار ڈونلڈ ٹرمپ کو ایک پوائنٹ کی برتری حاصل ہو گئی ہے۔

    امریکی نیشنل سروے کے مطابق ریپبلکن پارٹی کے صدارتی امیدوار ڈونلڈ ٹرمپ کو 46 فیصد پوائنٹس جبکہ ان کی حریف ہلیری کلنٹن کو 45فیصد پوائنٹس ملے ہیں۔

    خیال رہے کہ 8نومبر کو ہونے والے انتخابات سے قبل دونوں ڈونلڈ ٹرمپ اور ہلیری کلنٹن نے اپنی انتخابی مہم تیز کر دی ہے۔دونوں نے گزشتہ روز انتخابی ریاستیں فلوریڈا، پنسلوینیا اور وسکونسن کے دورے کیےہیں۔

    ہلیری کلنٹن کی مقبولیت میں کمی کی ایک وجہ ایف بی آئی نے2001 میں سابق صدر بل کلنٹن کی کی جانے والی تفتیش کے 129 دستاویزات جاری کر دیے ہیں۔

    یاد رہےایف بی آئی نےیہ دستاویزات فریڈم آف انفارمیشن ایکٹ کے تحت دی گئی درخواست پر عام کیے ہیں۔یہ تحقیق 2005 میں بند کر دی گئی تھی۔

    ہلیری کلنٹن کی ٹیم نے ان دستاویزات کو ایسے وقت منظر عام پر لانے پر سوالات اٹھائے ہیں جب انتخابات میں ایک ہفتے سے بھی کم وقت رہ گیا ہے۔انہوں نے امریکی تفتیشی ادارے ایف بی آئی کے ڈائریکٹر کوشدید تنقید کا نشانہ بنایا ہے۔

    یاد رہے کہ اس سے قبل ہلیری کلنٹن نے ای میل کے استعمال کے متعلق نئی تحقیقات پر ایف بی آئی کے ڈائریکٹر جیمز کومی پر دوہرے معیار برتنے کا الزام لگایاتھا۔

    مزید پڑھیں: اگر ٹرمپ کو شکست ہوئی تو وہ شاید نتائج کو تسلیم کرنے سے انکار کردیں،ہلیری کلنٹن

    واضح رہے کہ گزشتہ ہفتے ہلیری کلنٹن نے فلوریڈا میں انتخابی مہم سے خطاب کرتے ہوئے کہاتھاکہ اگرڈونلڈ ٹرمپ کو انتخابات میں شکست ہوئی تو وہ نتائج ماننے سے انکار کردیں گے۔

  • پیٹرول کی قیمت میں اضافے کا امکان

    پیٹرول کی قیمت میں اضافے کا امکان

    اسلام آباد : یکم نومبر سے پیٹرولیم مصنوعات کی قیمتوں میں اضافے کا امکان ہے۔ پیٹرول کی فی لیٹر قیمت میں دو روپے 29 پیسے اضافہ کے ساتھ 66 روپے 56 پیسے ہوجائے گی، اوگرا نے پیٹرولیم مصنوعات کی قیمتوں میں اضافے کی سمری وزارت خزانہ کو ارسال کردی۔

    تفصیلات کے مطابق حکومت نے آئندہ ماہ سے پیٹرولیم مصنوعات کی قیمتیں بڑھانے کا فیصلہ کرلیا ہے، اوگرا نے پٹرولیم مصنوعات قیمتوں کی سمری وزارت خزانہ کو ارسال کردی ہے۔

    مذکورہ سمری میں پیٹرول کی فی لیٹر قیمت میں دو روپے 29 پیسے اضافے کی سفارش کی گئی ہے جبکہ مٹی کا تیل 6 روپے 75 پیسے، ہائی اسپیڈ ڈیزل 6 روپے، لائٹ اسپیڈ ڈیزل 6 روپے 40 پیسے اضافے کی تجویز دی گئی ہے اوگرا نے سمری وزارت خزانہ کو ارسال کردی۔

    منظوری کی صورت میں پیٹرولیم مصنوعات کی قیمتوں میں اضافہ یکم نومبر سے نافذ العمل ہوگا۔ پیٹرول کی فی لیٹر قیمت میں دو روپے 29 پیسے اضافہ کے ساتھ 66 روپے 56 پیسے ہوجائے گی۔

    یاد رہے کہ گزشتہ ماہ حکومت نے پیٹرولیم مصنوعات کی قیمتوں میں اضافے کے سمری مسترد کردی تھی اور پیٹرول ڈیزل اور مٹی کے تیل کی قیمت برقرار رکھنے کا فیصلہ کیا تھا۔

    گزشتہ ماہ پیٹرول کی فی لیٹر قیمت چونسٹھ روپے ستائیس پیسے کی سطح پر برقرار تھی جبکہ مٹی کے تیل کی قیمت تینتالیس روپے پچیس پیسے، لائٹ ڈیزل تینتالیس روپے چونتیس پیسے تھی۔

  • ستمبر کا تیسرا ہفتہ: مہنگائی کی شرح میں0.43 فیصد کمی

    ستمبر کا تیسرا ہفتہ: مہنگائی کی شرح میں0.43 فیصد کمی

    اسلام آباد : مالی سال 2015-16ء کے تیسرے ماہ (ستمبر 2016ء ) کے تیسرے ہفتے کے دوران مہنگائی کی شرح میں 0.43 فیصد کمی ریکارڈ کی گئی جبکہ کم آمدنی والے طبقے کے لئے قیمتوں کے حساس اشاریئے میں 0.38 فیصد کمی دیکھنے میں آئی۔

    پاکستان بیورو شماریات کے اعداد و شمار کے مطابق 23 ستمبر کو ختم ہونے والے ہفتے کے دوران گندم ،آٹا،چنے کی دال ،ویجی ٹیبل گھی ،چینی ،گڑ ،ملک پاؤڈ، سمیت 8 اشیائے ضروریہ کی قیمتوں میں اضافہ ہوا، زندہ مرغی ،انڈے، ٹماٹر، ایل پی جی ،کیلے، لہسن ،پیاز ،دال مونگ ،دال مسور ، دال ماش، آلو ، باسمتی چاول ،سرخ مرچ ،سمیت13 اشیائے ضروریہ کی قیمتوں میں کمی ریکارڈ کی گئی۔

    ادارہ شماریات کے مطابق پٹرول ،ہائی سپیڈ ڈیزل ،مٹی کاتیل ، بجلی کے نرخ ، مٹن ،تازہ دودھ ، دھی ،چائے ،کپڑے، اری چاول، خوردنی تیل، بیف ،مسٹرڈ آئل ، نمک ، گیس نرخ ، اورکھلا گھی سمیت 32 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.40، 0.43 ،0.44 اور 0.43 فیصد کمی ریکارڈ کی گئی ۔