ARYNews.tv | Urdu – Har Lamha Bakhabar

Tag: اضافے کا امکان

  • صارفین کے لیے بری خبر، بجلی کتنی مہنگی ہونے کا امکان ہے؟

    صارفین کے لیے بری خبر، بجلی کتنی مہنگی ہونے کا امکان ہے؟

    اسلام آباد: بجلی صارفین کے لیے ماہانہ بنیادوں پر بجلی 1 روپے27 پیسے فی یونٹ تک مہنگی ہونے کا امکان ہے، سی پی پی اے نے اپریل کی فیول ایڈجسٹمنٹ کی مد میں اضافے کی درخواست جمع کرادی۔

    تفصیلات کے مطابق سی سی پی اے کی درخواست پر نیپرا کل سماعت کریگا، نیپرا سی پی پی اے کی درخواست پر سماعت کے بعد فیصلہ سنائے گا۔

    سی سی پی اے کی درخواست میں کہا گیا ہے کہ اپریل میں 10 ارب51 کروڑ 30 لاکھ یونٹس بجلی پیدا کی گئی، اپریل میں بجلی کمپنیوں کو 10 ارب 19 کروڑ 60 لاکھ یونٹس بجلی فراہم کی گئی۔

    بجلی کی فی یونٹ لاگت 8.94 پیسے، ریفرنس لاگت 7.68 روپے تھی، پانی سے21.94 فیصد، مقامی کوئلے سے 14.51 فیصد بجلی پیدا کی گئی۔

    درآمدی کوئلے سے 10.02، فرنس آئل سے 0.97 فیصد بجلی کی پیداوار رہی، مقامی گیس سے8.01، درآمدی ایل این جی سے20.52 فیصد بجلی کی پیداوار رہی جبکہ اپریل میں جوہری ایندھن سے 17.91 فیصد بجلی پیدا کی گئی۔

    دوسری جانب جماعت اسلامی نے شہر قائد میں بجلی کی بدترین لوڈشیڈنگ پر عدالت سے رجوع کرلیا، جس میں استدعا کی گئی کے الیکٹرک کوبجلی کی ناجائز بندش سے روکا جائے۔

    کراچی میں بجلی کی لوڈشیڈنگ کے حوالے سے جماعت اسلامی نے سندھ ہائیکورٹ میں درخواست دائرکردی۔

    سٹی کونسل کے اپوزیشن لیڈر ایڈووکیٹ سیف الدین کی طرف سے جمع کرائی گئی درخواست میں فوری سماعت کا مطالبہ کیا گیا ہے۔ دائر درخواست میں کہا گیا کہ کے الیکٹرک کوبجلی کی ناجائزبندش سے روکا جائے۔

    بجلی چوری کیخلاف مقدمہ کے اندراج سے متعلق حکومتی بل مسترد

    سیف الدین ایڈووکیٹ کا کہنا تھا کہ شہر میں شدید گرمی کے باعث ہیٹ ویوکاخطرہ موجود ہے اور انٹرمیڈیٹ امتحانات کے دوران لوڈشیڈنگ طلبہ کی تعلیم پر اثر انداز ہورہی ہے۔ درخواست میں استدعا کی گئی کہ کے بجلی صارفین کی سہولت کے لیے کے الیکٹرک کو بجلی کی بلا تعطل فراہمی اور نیپرا قوانین کا پابند کیا جائے۔

  • کراچی میں ہیٹ ویو کا آغاز، درجہ حرارت میں بھی اضافے کا امکان

    کراچی میں ہیٹ ویو کا آغاز، درجہ حرارت میں بھی اضافے کا امکان

    محکمہ موسمیات کا کہنا ہے کہ کراچی میں آج (جمعرات) سے اگلے پانچ روز تک ہیٹ ویو کی لپیٹ میں رہنے کا امکان ہے۔

    تفصیلات کے مطابق پی ایم ڈی نے آج سے کراچی والوں کے لیے ہیٹ ویو کنڈیشن الرٹ جاری کر دیا ہے جبکہ ہوا میں نمی کا تناسب 70 سے 80 فیصد تک رہنے کا امکان ہے۔

    محکمہ موسمیات کے مطابق نمی زیادہ ہونے سے درجہ حرارت 4 سے 6 ڈگری زیادہ محسوس ہوگا جبکہ دن بھر پارہ 36 ڈگری رہنے کا امکان ہے جو کہ محسوس 40 ڈگری تک ہوگا۔

    محکمہ موسمیات کا یہ بھی کہنا ہے کہ ملک کے بیشتر شہروں میں ہیٹ ویو کی صورتحال کا امکان ہے لیکن کراچی میں سمندری ہوائیں بحال ہونے کے باعث ہیٹ ویو کا فی الحال امکان نہیں ہے۔

    محکمہ موسمیات کے مطابق اسلام آباد میں موسم گرم اور خشک، درجہ حرارت 39 ڈگری سینٹی گریڈ تک پہنچنے کا امکان ہے۔

      20 مئی کے دوران سندھ، جنوبی پنجاب، بلوچستان میں غیر معمولی گرمی کا خدشہ ہے جبکہ اسلام آباد، خیبرپختونخوا، گلگت بلتستان، بالائی پنجاب اور کشمیر میں شدید گرمی کا امکان ہے۔

    شدید گرمی کے باعث بچوں، خواتین اور بزرگوں کو احتیاطی تدابیر اختیار کرنے کی ہدایت کی گئی ہے۔

  • پٹرولیم مصنوعات کی قیمتوں میں بڑے اضافے کا امکان

    پٹرولیم مصنوعات کی قیمتوں میں بڑے اضافے کا امکان

    اسلام آباد: ملک میں 15 اگست سے پٹرولیم مصنوعات کی قیمتوں میں اضافے کا امکان ظاہر کیا جارہا ہے، ذرائع کے مطابق عالمی مارکیٹ میں پٹرولیم مصنوعات کی قیمتوں میں اضافے کے باعث قیمتوں میں اضافہ ممکن ہے۔

    اے آر وائی نیوز کے مطابق بین ا لاقوامی مارکیٹ میں پٹرولیم مصنوعات کی قیمتوں میں اضافے سے خام تیل کی قیمت 86 ڈالر سے 91ڈالر فی بیرل تک تجاوز کرچکی ہے، جبکہ خام تیل پر دو ڈالر فی بیرل پریمیئم چارجز الگ ہیں۔

    تیار پٹرول اور ڈیزل کی فی بیرل قیمت 97 ڈالر سے 102 ڈالر تک بڑھ چکی ہے، اگر قیمت یہی رہی تو ملک میں پٹرول کی قیمت میں 15روپے فی لیٹر اضافہ ہوسکتا ہے، جبکہ ڈیزل کی قیمت بھی 20فی لیٹر بڑھ سکتی ہے۔

    اے آر وائی نیوز کے مطابق پی ڈی ایم کی اتحادی حکومت میں پٹرول، بجلی اور گیس کی قیمتوں میں ریکارڈ اضافہ ہوا صرف بجلی اور گیس کی مد میں صارفین پر 1800 ارب روپے سے زائد کا اضافی بوجھ ڈالا گیا۔

    حکومت نے سوا سالہ اقتدار کے دوران پٹرولیم مصنوعات 129 روپے 25 پیسے فی لیٹر تک مہنگی کیں جب کہ بجلی کے بنیادی ٹیرف میں 15 روپے 41 پیسے تک فی یونٹ اضافہ کیا گیا اسی طرح گیس کے نرخوں میں بھی 112 فیصد تک اضافہ کیا گیا جس کے باعث ان کی قیمتوں نے تاریخ کی بلندیوں کو چھو لیا۔

    بات کی جائے پٹرولیم مصنوعات کی تو پٹرول کی فی لیٹر قیمت میں 123 روپے 9 پیسے کا اضافہ کیا گیا جب کہ ہائی اسپیڈ ڈیزل 129 روپے 25 پیسے فی لیٹر مہنگا کیا گیا۔

    گزشتہ سال بجلی صارفین پر 3.39 روپے فی یونٹ اضافی سر چارج الگ عائد کیا گیا تھا۔ گیس صارفین پر 310 ارب سے زائد کا اضافی بوجھ ڈالا گیا۔

  • یکم اگست سے پٹرول کی قیمت میں اضافے کا امکان

    یکم اگست سے پٹرول کی قیمت میں اضافے کا امکان

    اسلام آباد : یکم اگست سے پٹرول کی قیمت میں 5 روپے  فی لیٹر اضافے کا امکان ہے ، ‌اوگرا نے سمری تیار کرکے پٹرولیم ڈویژن ارسال کردی‌‌‌ ہے۔

    تفصیلات کے مطابق اوگرا نے پٹرولیم مصنوعات کی قیمتوں میں اضافے کی سمری حکومت کو ارسال کر دی، سمری میں ہائی اسپیڈڈیزل کی قیمت میں 5 روپے 65 پیسے اور پٹرول کی قیمت میں 5 روپے 15 پیسے فی لیٹر اضافے کی تجویز دی گئی ہے۔

    اوگرا نے مٹی کے تیل کی قیمت میں 5 روپے 38 پیسے اور لائٹ ڈیزل کی قیمت میں 8 روپے 90 پیسے اضافے کی سفارش کی ہے۔

    قیمتوں میں اضافے کی منظوری وزیراعظم دیں گے، اطلاق یکم اگست سے ہوگا۔

    مزید پڑھیں : حکومت کا پیٹرولیم مصنوعات کی قیمتیں برقراررکھنے کا فیصلہ

    یاد گذشتہ ماہ جولائی میں حکومت نے پیٹرولیم مصنوعات کی قیمتیں برقرار رکھنے کا فیصلہ کیا تھا جبکہ اوگرا نے 28 جون کو پیٹرولیم مصنوعات کی نئی قیمتوں کے حوالے سے سمری پیٹرولیم ڈویژن کو ارسال کی تھی، جس میں پیٹرول کی فی لیٹر قیمت 77 پیسے کم کرنے کی تجویز تھی۔

    اوگرا کی جانب سے ہائی اسپیڈ ڈیزل کی قیمت میں 2 روپے 30 پیسے، لائٹ ڈیزل آئل کی قیمت میں 26 پیسے اضافے جبکہ مٹی کے تیل کی قیمت میں 2 روپے 94 پیسے کمی کی سفارش کی گئی تھی۔

  • کراچی میں شمال مشرقی ہوائیں چلنےسےسردی کی شدت میں اضافے کا امکان

    کراچی میں شمال مشرقی ہوائیں چلنےسےسردی کی شدت میں اضافے کا امکان

    کراچی : محکمہ موسمیات کا کہنا ہے کہ کراچی میں شمال مشرقی ہوائیں چلنےسےسردی کی شدت میں اضافےکاامکان ہے، ہوا 8 کلومیٹر فی ناٹیکل میل کی رفتار سے چل رہی ہے، بارش کاامکان نہیں، مطلع جزوی ابرآلود رہےگا۔

    تفصیلات کے مطابق کراچی سرد ہوائوں کی لپیٹ میں ہے، محکمہ موسمیات کا کہنا ہے کہ شمال مشرقی ہوائیں چلنےسےسردی کی شدت میں اضافےکاامکان ہے، آج کم سے کم درجہ حرارت 10 ڈگری ریکارڈ کیا گیا جبکہ زیادہ سے زیادہ درجہ حرارت 23 ڈگری تک رہنے کا امکان ہے۔

    محکمہ موسمیات کا کہنا ہے کہ شہر کا موجودہ درجہ حرارت 18 ڈگری سینٹی گریڈ ہے ، ہوا 8 کلومیٹر فی ناٹیکل میل کی رفتارسےچل رہی ہے جبکہ بارش کاامکان نہیں،مطلع جزوی ابرآلودرہےگا۔

    دوسری جانب لاہورسمیت پنجاب میں شدید دھند کی لہربرقرار ہے، جس کے باعث قومی شاہراہوں اورموٹرویز پر شدیددھند سےحد نگاہ کم ہونےسےسفر دشوار ہوگیا ہے جبکہ شمالی علاقوں میں برفباری اور بارش کے بعد موسم شدید سرد ہے۔

    بلوچستان میں بھی سردی کی شدت برقرار ،قلات میں درجہ حرارت منفی چھ ریکارڈ کیا گیا جبکہ کالام میں درجہ حرارت منفی تیرہ اسکردو میں منفی بارہ تک گرگیا۔

  • پٹرول کی قیمت میں 6روپے 30پیسے فی لیٹر اضافے کا امکان

    پٹرول کی قیمت میں 6روپے 30پیسے فی لیٹر اضافے کا امکان

    اسلام آباد : یکم اکتوبر سے ملک بھر میں  پٹرول کی قیمت میں چھ روپے تیس پیسے فی لیٹر  اضافے کا امکان ہے۔

    تفصیلات کے مطابق ذرائع وزارت پٹرولیم کا کہنا ہے کہ یکم اکتوبر سے پٹرولیم مصنوعات کی قیمتوں میں 10روپے فی لیٹر تک اضافے کا امکان ہے، جس میں پیٹرول کی قیمت میں6 روپے 30پیسے فی لیٹر اور ہائی اسپیڈ ڈیزل کی قیمت میں 8 روپے50پیسے فی لیٹر اضافہ متوقع ہے۔

    ذرائع کے مطابق ہائی اسپیڈڈیزل کی قیمت میں 8 روپے 50پیسے فی لیٹر، لائٹ ڈیزل آئل کی قیمت 4روپے فی لیٹر اور مٹی کاتیل 10روپےفی لیٹر مہنگا ہونے کا امکان ہے۔

    یاد رہے گذشتہ ماہ حکومت نے مہنگائی سے بے حال عوام کو ریلیف دینے کے لیے پٹرولیم مصنوعات کی قیمتوں میں کمی کا اعلان کرتے ہوئے پیٹرول فی لیٹر2.41پیسے کم کردیا تھا۔

    مزید پڑھیں : پیٹرولیم مصنوعات کی قیمتوں میں کمی کا اعلان

    جس کے بعد پیٹرول دو روپے41 پیسے کم ہونے کے بعد 92.83 روپے فی لیٹر ہوگیا تھا جبکہ لائٹ اسپیڈ ڈیزل کی قیمت46پیسے کم ہونے کے بعد 106روپے57پیسے تک پہنچ گئی تھی۔

    اس کے علاوہ ہائی اسپیڈ ڈیزل کی قیمت میں6روپے37 پیسے کی کمی ، مٹی کے تیل کی قیمت میں 46پیسے کی کمی، مٹی کے تیل کی نئی قیمت83روپے50پیسے ہوگئی تھی۔

  • پیٹرول اورمٹی کے تیل کی قیمت میں ہوشربا اضافے کا امکان

    پیٹرول اورمٹی کے تیل کی قیمت میں ہوشربا اضافے کا امکان

    اسلام آباد : پیٹرولیم مصنوعات کی قیمتوں میں اضافے کی سمری وزارت پیٹرولیم کو ارسال کردی گئی، پیٹرول کی قیمت میں 4 روپے 16 پیسے فی لیٹر اضافے کی  تجویز دی گئی ہے۔ حکومت نے مٹی کاتیل ریکارڈ مہنگا کرنےکی تیاری کرلی، اے آر وائی نیوز نےاصل کہانی کا پتہ لگالیا.

    تفصیلات کے مطابق حکومت نے آئندہ ماہ پیٹرول کی قیمتوں میں اضافے کا عندیہ دے دیا ہے اس حوالے سے سمری وزارت پیٹرولیم کو ارسال کردی گئی ہے۔

    مذکورہ سمری میں پیٹرول کی قیمتوں میں اضافے کی تجویز دی گئی ہے کہ پیٹرول کی قیمت میں 4 روپے 16 پیسے فی لیٹر، ہائی اسپیڈ ڈیزل کی قیمت میں 5 روپے 29 پیسے فی لیٹر اضافہ کیا جائے۔

    اوگرا نے مٹی کا تیل 16 روپے 71 پیسےفی لیٹر کا تاریخی اضافہ تجویز کیا ہے، اس وقت مٹی کا تیل 43 روپے اور ہائی اسپیڈ ڈیزل  77  روپے فی لیٹر فروخت کیا جارہا ہے،

    قیمتوں میں مذکورہ اضافے کی منظوری سے پیٹرول کی نئی قیمت 72.20 روپے فی لیٹر، ہائی اسپیڈ ڈیزل کی قیمت81.51 ، لائٹ اسپیڈ ڈیزل کی قیمت 59.89 روپے فی لیٹر، مٹی کے تیل کی قیمت 59.69 اور ایچ او بی سی 89.21 روپے فی لیٹر ہوجائے گی۔

    مزید پڑھیں: پیٹرول کی قیمت میں ایک روپے 77 پیسے کا اضافہ

    حکومت نے اس سے پندرہ روز قبل پیٹرول کی فی لیٹر قیمت میں ایک روپے 77 پیسے جبکہ ڈیزل کی قیمت میں دو روپے فی لیٹر کا اضافہ کیا تھا۔

    ذرائع کا کہنا ہے کہ سیکریٹری پٹرولیم نے وزیرخزانہ اسحاق ڈار کو طیارے میں بریفنگ دی ہے، مٹی کے تیل کی ہائی اسپیڈ ڈیزل میں بڑے پیمانے پرملاوٹ کا انکشاف ہوا ہے۔

    مافیا ملاوٹ کر کے عوام کو دونوں ہاتھوں سے لوٹ رہی ہے،مٹی کاتیل مہنگا ہونے سے نقصان عوام کا ہی ہوگا، ذرائع کے مطابق سردیاں ختم ہونے کے بعد ملاوٹ کرنے والی مافیا کیخلاف کریک ڈاؤن ہوگا۔

    واضح رہے کہ وفاقی حکومت کی جانب سے اوگرا سمیت 5 ریگولیٹری اتھارٹیز کو متعلقہ وزارتوں کے ماتحت کردیا گیا ہے۔