پاکستان نے کیتھولک عیسائیوں کے روحانی پیشوا پوپ فرانسس کے انتقال پر افسوس کا اظہار کرتے ہوئے عالمی امن کیلیے انکی کاوشوں کو سراہا ہے۔
ترجمان دفتر خارجہ کے جاری بیان کے مطابق پوپ فرانسس عالمی امن اور بین المذاہب ہم آہنگی اور ہمدردی کے داعی تھے۔ جنہوں نے مظلوموں کے حق میں آواز بلند کی۔
بیان میں مزید کہا گیا ہے کہ پوپ فرانسس نےعالمی مذاہب میں اتحاد کے لیے بے مثال خدمات انجام دیں۔ پاکستان انسانیت کے لیے انکی خدمات کو قدر کی نگاہ سے دیکھتا ہے۔
ترجمان دفتر خارجہ نے کہا کہ پاکستان دکھ کی اس گھڑی میں مسیحی بھائیوں کے ساتھ ہے۔ پوپ فرانسس کا ورثہ نسلوں کو انسانیت کا درس دیتا رہے گا۔
واضح رہے کہ پوپ فرانسس آج 88 سال کی عمر میں انتقال کر گئے۔ وہ طویل عرصہ سے علیل تھے اور گزشتہ دنوں ہی ایک ماہ اسپتال میں رہنے کے بعد ڈسچارج ہوئے تھے۔
https://urdu.arynews.tv/choosing-a-successor-after-the-death-of-pope-francis-procedure/
