Tag: اظہار یکجہتی

  • واہگہ: شاہ محمود قریشی زیرو لائن عبور کر گئے

    واہگہ: شاہ محمود قریشی زیرو لائن عبور کر گئے

    لاہور: افواج پاکستان سے اظہار یکجہتی کیلئےآنےوالےسابق وزیر خارجہ شاہ محمود قریشی غلطی سے واہگہ بارڈر پر زیرو لائن عبور کر گئے۔

    سابق وزیر خارجہ اور تحریک انصاف کے رہنما شاہ محمود قریشی واہگہ بارڈر پر زیرو لائن عبور کرکے بھارتی حدود میں داخل ہوگئے، بھارتی فوجی اور صحافی سے ہاتھ ملایا، بھارتی فوجی نے سیلوٹ بھی کیا۔

    تاہم پاکستان رینجرز نے انہیں مزید آگے بڑھنے سے روک دیا جس پر وہ واپس پاکستانی حدود میں آ گئے، اس موقع پر شاہ محمود قریشی نے کہا کہ وہ بغیر ویزے کے بھارت جا کر واپس آ گئے ہیں۔

  • اے آر وائی معطل: صحافتی تنظمیوں کا اظہار مزمت

    اے آر وائی معطل: صحافتی تنظمیوں کا اظہار مزمت

     اسلام آباد: صحافتی تنظیموں نے اے آروائی نیوز کے لائسنس کی معطلی فیصلے کیخلاف ملک گیراحتجاج کا اعلان کردیا۔

    صحافتی تنظیموں نے اے آروائی نیوزکیخلاف فیصلے کوصحافت پرقدغن قرار دیا، صدرپی ایف یوجے راناعظیم کہتے ہیں ملک بھرمیں احتجاج کریں گے۔

    اے آر وائی نیوز کے اینکر پرسن کاشف عباسی کا کہنا تھا کہ ایسا فیصلہ پہلی بار نہیں کیا گیا اس سے قبل بھی پیمرا ایسے اقدام کرچکا ہے ، ان کا مزید یہ کہنا تھا کہ حکومتی نمائندوں دوہرا رویہ اپنایا ہوا ہے ۔

    راولپنڈی اسلام آباد یونین آف جرنلسٹس کے صدرشکیل احمد نے کہاجمہوری حکومت نے آمریت کی دور تازہ کردی۔

    سینئر صحافی افضل بٹ نے کہا ریاستی جبر کے بجائے چینل دیکھنے یانہ دیکھنے کافیصلہ ناظرین پرچھوڑ دیاجائے۔

    اس موقع پر پی ایف یو جے کے صدر رانا عظیم کا کہنا تھا کہ پیمرا کا فیصلہ آزادی صحافت پر حملہ ہے، صحافتی برادری اے آر وائی نیوز کے ساتھ ہیں۔

    انہوں نے کہا کہ پی ایف یو جے ملک بھر کی صحا فی تنظیموں اور پر یس کلبس کے عہدیدادروں نے پیمرا کے فیصلے کیخلاف بھر پور احتجا ج کا اعلان کرتے ہو ئے اس عزم کا اظہار کیا ہے کہ انہوں نے ما ضی میں بھی آمروں کیخلاف بھر پور جدو جہد کی ہے اور وہ آج پیمرا کے صحافی دشمن فیصلے کیخلاف بھر پور جدو جہد کا اعلان کر تے ہیں۔

    اے آروائی کی ممکنہ بندش کے خلاف پی ایف یوجے کی کال پر لاہورمیں مظاہرہ بھی کیا گیا  صحافتی قیادت نے اڑتالیس گھنٹے کا الٹی میٹم دیتے ہوئے کہا کہ اگر اے آر وائی نیوز پر پابندی ختم کرنے کے ساتھ ساتھ پولیس گردی کے مرتکب اہلکاروں کے خلاف کاروائی عمل میں نہ لائی گئی تو صحافی برادری ملک گیر مظاہروں کا سلسلہ شروع کردے گی۔

  • عوام کو دہشت گردوں کے رحم و کرم پرچھوڑدیا گیا ہے، خالد مقبول صدیقی

    عوام کو دہشت گردوں کے رحم و کرم پرچھوڑدیا گیا ہے، خالد مقبول صدیقی

    ایم کیو ایم کے رہنما ڈاکٹر خالد مقبول صدیقی نے کہا ہے اٹھارہ کروڑ عوام کو دہشتگردوں کے رحم وکرم پر چھوڑ دیا گیا ہے دہشتگردی اور دہشتگردوں کے خاتمے کےلیے مضبوط اور مربوط قومی سلامتی پالیسی بنانا ہوگی۔

    دہشتگردوں کیخلاف اور شہدا سے اظہار یکجہتی کے لیے آج ایم کیوایم کی جانب سے یوم خراج عقیدت منایا گیا اس موقع پر خطاب کرتے ہوئے ڈاکٹر خلاد مقبول صدیقی کا کہنا تھا پاکستان تمام مذاہب و فرقوں کے حقوق ، محبت اور سلامتی کےلیے بنا تھا،آج پاکستان میں تمام مذاہب، فرقے عبادت گاہیں دہشتگردی کا نشانہ ہیں ۔

    ان کا کہنا تھا دہشتگر د پاکستانی شہریوں کو اپنی نفرت کا نشانہ بنا رہےہے، ۔۔الطاف حسین اور کراچی کے عوام دہشتگردوں کیخلاف متحد ہیں۔