Tag: اظہر علی

قومی کرکٹر شاداب خان نے بتایا ہے کہ چیمپئنز ٹرافی میں کوہلی کا کیچ ڈراپ ہونے پر اظہر علی کو حوصلہ دیا۔

قومی ٹیم کے لیگ اسپنر شاداب خان نے کوہلی کا کیچ کیسے لیا، شاداب خان کو آٹھ سال بعد بھی ایک ایک سیکنڈ یاد ہے، انہوں نے بتایا کہ اظہر علی سے کیچ ڈراپ ہوا تو حوصلہ دیا تھا۔

انہوں نے کہا کہ کیچ ڈراپ ہونے پر واپس جاتے ہوئے سوچا اب کیا ہوگا لیکن اگلے ہی بال پر میرے ہاتھ میں کیچ آگیا، کیسے آیا، کس طرح لیا، پتہ نہیں۔

شاداب خان نے کہا کہ جشن منا کر بولنگ سے پہلے ہی تھک چکا تھا۔

واضح رہے کہ چیمپئنز ٹرافی 2017 کے فائنل میں سرفراز احمد کی کپتانی میں پاکستان نے پہلی بار ٹرافی اپنے نام کی تھی جبکہ پاکستان نے بھارت کو شکست دی تھی۔

View this post on Instagram

A post shared by ICC (@icc)

چیمپئنز ٹرافی کے فائنل میں شاندار بولنگ پر محمد عامر کو میچ کا بہترین کھلاڑی قرار دیا گیا تھا۔ محمد عامر نے روہت شرما، روہت شرما کو پویلین کی راہ دکھائی تھی۔

اب آٹھ سالوں بعد چیمپئنز ٹرافی کا آغاز 19 فروری سے پاکستان کی میزبانی میں ہورہا ہے پاکستان اپنا پہلا میچ 19 فروری کو ہی نیوزی لینڈ کے خلاف کھیلے گی۔

یاد رہے کہ چیمپئنز ٹرافی کے لیے 7 ٹیمیں اپنے 15 رکنی اسکواڈ کا اعلان کرچکی ہیں پاکستان واحد ٹیم ہے جسے ابھی اسکواڈ کا اعلان کرنا ہے جس کی آخری تاریخ 11 فروری ہے۔

سابق قومی کرکٹر اظہر علی کا کہنا ہے کہ بابر اعظم، شاہد آفریدی کی طرح مقبول کھلاڑی ہیں۔

پاکستان کے سابق کپتان اظہر علی نے اسٹار بلے باز بابر اعظم کو لیجنڈ آل راؤنڈر شاہد آفریدی کے بعد سب سے مقبول قومی کرکٹر قرار دے دیا۔

حالیہ انٹرویو میں اظہر علی نے کہا کہ انہوں نے کئی بار بابر کی کپتانی پر تنقید کی لیکن کبھی بھی ان کی بیٹنگ کی مہارت پر سوال نہیں اٹھایا۔

انہوں نے کہا کہ اب بھی کہتا ہوں کہ بابر نے اتنے عرصے تک کپتانی کی انہیں اس عرصے میں ایک اور ٹیم بنانا چاہیے تھی لیکن جب بیٹنگ کی بات آتی ہے تو میں کہتا ہوں بابر بیٹنگ میں مہارت رکھتے ہیں۔

سابق کپتان نے کہا کہ آپ کسی ٹورنامنٹ میں اچھا نہیں کھیلتے لیکن بابر واحد کھلاڑی ہیں جنہوں نے اپنی بیٹنگ سے ملک کا نام روشن کیا ہے۔

اظہر علی نے دعویٰ کیا کہ بابر پاکستان کا واحد کھلاڑی ہے جو ہجوم کو جنون میں مبتلا کرتا ہے اور سابق آل راؤنڈر شاہد آفریدی کے ساتھ مماثلت رکھتا ہے جو اپنی ہارڈ ہٹنگ کی صلاحیتوں کے لیے مشہور ہیں۔

انہوں نے کہا کہ میرے خیال میں بابر نے جس طرح دنیا اور بھارت میں اپنا نام بنایا ہے میرا مطلب ہے کہ ایک عام روایتی بلے باز کو ہجوم سے داد مل رہی ہے میں نے شاہد بھائی کے بعد پہلا شخص دیکھا ہے۔

قومی کرکٹ ٹیم کے سابق کپتان اظہر علی کو پاکستان کرکٹ بورڈ میں بڑا عہدہ دے دیا گیا ہے۔

سابق کپتان اظہر علی جو پہلے ہی قومی سلیکشن کمیٹی کے رکن ہیں۔ اب انہیں پاکستان کرکٹ بورڈ نے یوتھ ڈیولمپنٹ کا سربراہ مقرر کر دیا ہے۔

پی سی بی کا کہنا ہے کہ اظہر علی کا تجربہ اور وژن نوجوانوں کی کرکٹ کی ترقی وکامیابی میں اہم کردار ادا کرے گا۔

پی سی بی کے اس حوالے سے جاری پریس ریلیز میں کہا گیا ہے کہ پاکستان کرکٹ کے مستقبل کی تشکیل کیلئے نوجوانوں کی کرکٹ کی جامع حکمت عملی کو ڈیزائن اور نافذ کرنا، مضبوط گراس روٹ کرکٹ ڈھانچہ، ریجنل کرکٹ ایسوسی ایشنوں کے ساتھ مل کر ایج گروپ کے پروگراموں کو مضبوط کرنا، پی سی بی کے پاتھ وے پروگرام کے تحت ابھرتے ہوئے کرکٹرز کی تعلیم وتربیت، سیمینارز اور کلینک کا انعقاد خواہشمند کھلاڑیوں کیلئے آف فیلڈ ڈیولپمنٹ کے بارے میں آگاہی پیدا کرنا شامل ہے۔

دوسری جانب اظہر علی نے اپنی تقرری پر کہا کہ اس اہم کردار کو نبھانے پر فخر محسوس کرتا ہوں اور پرجوش ہوں۔ ان کا یہ بھی کہنا تھا کہ مستقبل کے اسٹارز کی تشکیل میں گراس روٹ کرکٹ کی ترقی اہم کردار ادا کرتی ہے۔

اظہر علی کا انٹرنیشنل کرکٹ کیریئر 2010 سے 2022 تک 12 سالوں پر محیط ہے۔ اس دوران انہوں نے 97 ٹیسٹ اور 53 ون ڈے میں پاکستان کی نمائندگی کی جب کہ 9 ٹیسٹ اور 31 ون ڈے میچوں میں قومی ٹیم کی کپتانی بھی کی۔

سابق کپتان پاکستان کرکٹ ٹیم اظہرعلی نے کہا ہے کہ اگر محمد رضوان زخمی ہوجاتے ہیں تو کیا ٹیم کے پاس اس کا بیک اپ پلان موجود ہے؟

اے آر وائی کے پروگام میں اظہار خیال کرتے ہوئے اظہرعلی کا کہنا تھا کہ ٹیم میں بیک اب پلان سے متعلق کافی عرصے سے بحث ہورہی ہے۔ ٹیم میں بیک اپ کے لیے کھلاڑیوں کو تیار رکھنا چاہیے تھا۔

اظہرعلی نے کہا کہ ایک اننگز کی بنیاد پر کسی کی پرفارمنس کو جانچا نہیں جاسکتا، سرفراز احمد کے تجربے سے فائدہ حاصل کرنا چاہیے تھا۔

انھوں نے کہا کہ نئےکھلاڑیوں کو ورلڈ کپ سے پہلے کھلانا چاہیے تھا۔ آسٹریلیا کے خلاف میچ کے لیے کنڈیشن دیکھ کر فیصلہ کرنا پڑے گا۔ اسپن کا شعبہ دیکھنا پڑے گا۔

اظہرعلی نے کہا کہ شاداب کو آرام دینا چاہیے، اسامہ میر کو موقع دینا چاہیے۔ امام الحق کو مزید میچ کھلانے چاہیے پھر بہتر فیصلہ ہوسکے گا۔ امام الحق نے آج آغاز اچھا کیا، آگے تحمل سے کام لینا چاہیے تھا۔