Tag: اظہر علی

لاہور: قومی کرکٹ ٹیم کے وارم اپ میچ کے پہلے روز کا کھیل ختم ہوگیا، ٹیم ون نے 5 وکٹوں کے نقصان پر 320 رنز بنالیے، کپتان اظہر علی بغیر کوئی رن بنائے آؤٹ ہوگئے۔

تفصیلات کے مطابق قومی ٹیم آپس میں وارم اپ میچ کھیل رہی ہے، جس کا مقصد بنگلادیش کے ٹکراؤں کے دروان اچھی فارم میں واپس آنا ہے، ٹیم ون اور ٹو نے اچھا کھیل پیش کیا۔

ٹیم ون کے شان مسعود اور بابر اعظم نے شاندار سنچریاں اسکور کیں۔

Pakistan Test Team Camp 2020!
Practice Match – Stumps Day One. @shani_official and @babarazam258 hit centuries to help Team 1 reach 320-5.
For Team 2 @iMusaKhan picked two wickets. pic.twitter.com/7M4m93Kl16

— Pakistan Cricket (@TheRealPCB) January 30, 2020

شان مسعود 103 اور بابر اعظم 101 رنز بناکر ریٹائرڈ ہوئے۔ محمدرضوان 45 اور فہیم اشرف 21رنز بناکر وکٹ پر موجود ہیں۔ جبکہ کپتان اظہر علی بغیر کوئی رن بنائے آؤٹ ہوئے۔ ٹیم ٹو کے محمد موسیٰ نے2 اور بلال آصف نے ایک کھلاڑی کو آؤٹ کیا۔ تجزیہ کاروں کا کہنا ہے کہ بنگلادیش کے خلاف ٹیم اچھا پر فارم کرے گی۔

پاک بنگلہ دیش ٹیسٹ سیریز، بی سی بی نے اہم اعلان کردیا

واضح رہے کہ پاکستان اور بنگلہ دیش کے درمیان 2 ٹیست میچز کی سیریز کا پہلا میچ 7 فروری کو راولپنڈی میں کھیلا جائے گا، ٹیسٹ میچز کے لیے قومی ٹیم کا اعلان آئندہ چند روز میں کیا جائے گا۔

ٹیسٹ سیریز میں فواد عالم کو موقع دئیے جانے کا قوی امکان ہے، فواد عالم ڈومیسٹک کرکٹ میں عمدہ پرفارم کرکے قومی ٹیم کے 16 رکنی اسکواڈ میں شامل ہوئے تھے۔

لاہور: قومی ٹیسٹ کرکٹ ٹیم کے کپتان اظہر علی نے کہا ہے کہ ماضی کو بھلا کر آئندہ اچھی کرکٹ کھیلنے کی کوشش کریں گے، دو ٹیسٹ میں مسلسل اننگز سے شکست پر شرمندہ ہیں۔

تفصیلات کے مطابق دورۂ آسٹریلیا میں ناکامی پر کپتان اظہر علی نے شرمندگی کا اظہار کر دیا ہے، انھوں نے میڈیا سے گفتگو کرتے ہوئے کہا کہ مثبت سوچ کے ساتھ آسٹریلیا گئے لیکن بد قسمتی سے نتیجہ توقعات کے مطابق نہیں آیا، ینگ بولنگ اٹیک پرفارم نہیں کر سکا۔

انھوں نے کہا کہ اچھی اوپننگ پارٹنر شپس ملیں لیکن بد قسمتی سے آگے نہیں لے جا سکے، دس سال بعد پاکستان میں ٹیسٹ کرکٹ بحال ہو رہی ہے، سری لنکا کی مضبوط ٹیم ہے، جیتنے کے لیے محنت کرنا ہوگی۔

اظہر علی کا کہنا تھا کہ بابر اعظم اور محمد رضوان نے دورۂ آسٹریلیا میں اچھے کھیل کا مظاہرہ کیا، بولنگ اٹیک ینگ تھا، توقعات کے مطابق پرفارم نہیں کر سکا، میں سمجھتا ہوں کھلاڑیوں نے مجموعی طور پر فائٹ کی، نسیم شاہ کی بولنگ دیکھ کر لگتا ہے اس کا مستقبل روشن ہے، شاہین آفریدی نے بھی اچھی بولنگ کی۔

یہ بھی پڑھیں:  دورۂ آسٹریلیا کے بعد کھلاڑی وطن واپس پہنچ گئے

کپتان نے کہا کہ اب تمام کھلاڑی پہلی بار پاکستان میں ٹیسٹ کرکٹ کھیلیں گے، ماضی کو بھلا کر آئندہ اچھی کرکٹ کھیلنے کی کوشش کریں گے، کافی چیزیں ہیں جن پر آنے والے سیریز میں توجہ دینا ہوگی، مستقبل میں بولنگ کا شعبہ اچھا ہو جائے گا، مجھے پرفارم کو برقرار رکھنے کے لیے رنز بنانے کی ضرورت ہے، محنت کر رہا ہوں مجھ سمیت تمام بیٹسمینوں کو علم ہے کہ رنز بنانے ہیں۔

اظہر علی کا کہنا تھا کہ آسٹریلیا سے شکست پر مایوسی ہوئی ہے، دو ٹیسٹ میں مسلسل اننگز سے شکست پر شرمندہ ہیں، ایسا نہیں کہ گیند میرے بلے پر نہیں آ رہی یافٹ ورک نہیں چل رہا، مجھے ہر چیز کا علم ہے، بس رنز کی ضرورت ہے، کبھی کبھی آپ کی قسمت چلتی ہے تو کبھی پرفارمنس کام آتی ہے۔

انھوں نے مزید کہا کہ کسی کی ذاتی زندگی پر کوئی بات کریں تو پہلے تصدیق کرنی چاہیے، میرا 3 سال کا بیٹا انگلینڈ میں پڑھ رہا تھا اسے بھی واپس لے آیا ہوں، وارنر کے لیے جو پلان تھا ہم بدقسمتی سے اس پر عمل درآمد نہیں کر سکے، وارنر پر گیم پلان کے تحت اٹیک کیا تھا لیکن اس نے آسانی سے کاؤنٹر کر دیا، اپنی کارکردگی میں بہتری لانے کی کوشش کر رہا ہوں، حارث سہیل سے پرفارم نہیں ہوا اس لیے امام الحق کو موقع دیا گیا۔