Tag: اظہر علی

لاہور:قومی ٹیسٹ کرکٹ ٹیم کے کپتان اظہر علی نے کہا ہے کہ کپتانی شارٹ ٹرم نہیں ہے اتنا وقت ہے کہ کارکردگی دکھا سکوں۔

تفصیلات کے مطابق قومی ٹیسٹ کرکٹ ٹیم کے کپتان اظہر علی نے لاہور میں میڈیا سے گفتگو کرتے ہوئے کہا کہ سرفراز میری نمبر ون چوائس ہوگا پر کبھی کھلاڑی کو ریسٹ چاہئے ہوتا ہے۔

انہوں نے کہا کہ سرفراز کی صلاحیتوں پر یقین ہے امید ہے وہ جلد ٹیم میں کم بیک کریں گے۔

اظہر علی نے کہا کہ مصباح کے ساتھ اچھی انڈراسٹینڈنگ ہے، بولنگ میں نئے چہرے دکھائی دیں گے۔

"My target besides winning is to introduce and groom young talent that will serve Pakistan for a long time” – @AzharAli_

Watch live: https://t.co/uVtLkpAEvt

— Pakistan Cricket (@TheRealPCB) October 18, 2019

ٹیسٹ ٹیم کے کپتان کا کہنا تھا کہ ’’آسٹریلیا میں ہمارا ریکارڈ اچھا نہیں، کھلاڑیوں کو جارحانہ حکمتِ عملی اپنانے کا مشورہ دوں گا، کینگروز کو اُن کے ہوم گراؤنڈ پر شکست دینے کے لیے مثبت انداز سے کھیلنا ضروری ہوگا‘‘۔

اظہر علی نے کہا کہ ٹیم کمبی نیشن کے مطابق جس نمبر پر ضرورت پڑی بیٹنگ کروں گا، نوجوان کھلاڑیوں کے ساتھ بہترین کرکٹ کھیلنے کی کوشش کریں گے۔

انہوں نے کہا کہ آسٹریلیا کو ان کے ملک میں کھیلنا آسان نہیں ہے، ذہن میں شکست کا خوف رکھے بغیر مثبت کرکٹ کھیلیں گے۔

اظہر علی نے مزید کہا کہ کل سے قذافی اسٹیڈیم میں کیمپ لگ رہا ہے، تجربے کے ساتھ کارکردگی کی بھی ضرورت ہوتی ہے، ٹیسٹ چیمپئن شپ میں کوئی ٹیم آسان نہیں ہے۔

لاہور: پی سی بی نے سرفراز احمد کو ٹیسٹ اور ٹی ٹوینٹی کی کپتانی سے ہٹاتے ہوئے اظہرعلی کو ٹیسٹ جبکہ بابراعظم کو ٹی ٹوینٹی کا کپتان مقرر کردیا۔

تفصیلات کے مطابق پاکستان کرکٹ بورڈ نے سرفراز احمد کو قومی ٹیسٹ ٹیم کی کپتانی سے ہٹاتے ہوئے اظہر علی کو قیادت سونپ دی ہے جبکہ ٹی ٹوینٹی کی کپتانی نوجوان بلے باز بابر اعظم کے سپرد کردی گئی ہے۔

پاکستان کرکٹ بورڈ کے جاری اعلامیے کے مطابق اظہرعلی آسٹریلیا کے خلاف 2 ٹیسٹ میچزمیں قومی ٹیسٹ ٹیم کی قیادت کریں گے جبکہ اسی دورے میں کھیلے جانے والے 3 ٹی ٹوینٹی میچز میں بابراعظم ٹیم کے کپتان ہوں گے۔

پی سی بی کی جانب سے اعلامیے میں بتایا گیا کہ سیزن 20-2019 میں کھیلے جانے والے ٹیسٹ میچز میں اظہر علی ہی پاکستانی ٹیم کے کپتان ہوں گے جبکہ آئندہ سال 2020 میں آئی سی سی ٹی ٹوینٹی ورلڈکپ میں بابراعظم قومی ٹی 20 ٹیم کے کپتان ہوں گے۔

پاکستان کرکٹ بورڈ کے مطابق اظہرعلی آج قذافی اسٹیڈیم میں پریس کانفرنس کریں گے جبکہ سیریز کے لیے نائب کپتان کا تقرر جلد کر دیا جائے گا۔

کپتانی سے ہٹائے جانے کے بعد سرفراز احمد نے اپنے بیان میں کہا کہ پاکستان کی قیادت کرنا اعزاز کی بات تھی، اظہر علی اور بابراعظم کے لیے نیک تمناؤں کا اظہار کرتا ہوں۔

سرفراز احمد کا کہنا تھا کہ اس سفر میں ساتھ دینے پر کوچز، ساتھ کھلاڑیوں، سلیکٹرز کا شکریہ ادا کرتا ہوں۔

واضح رہے کہ سرفراز احمد نے 2016 سے 2019 تک قومی ٹی ٹوینٹی ٹیم کی کپتانی کی۔ انہوں نے 2017 سے 2019 تک قومی ٹیسٹ ٹیم کی کپتانی کی۔ سرفراز احمد کو چیمپئنزٹرافی کی کامیابی پر ٹیسٹ کی قیادت سونپی گئی تھی۔

لاہور: پی سی بی کی کرکٹ کمیٹی اجلاس میں تجاویز اور سفارشات مرتب کرلی گئیں جس کے مطابق ٹیسٹ کرکٹ کا کپتان بننے کے لیے اظہرعلی مضبوط امیدوار ہیں۔

تفصیلات کے مطابق پی سی بی کرکٹ کمیٹی اجلاس میں زیادہ تر ارکان نے ہیڈ کوچ مکی آرتھر کو توسیع دینے کی مخالفت کردی، سفارشات اور تجاویز چیئرمین پی سی بی احسان مانی کو بھجوادی گئیں۔

ذرائع کا کہنا ہے کہ ٹیسٹ کرکٹ کے کپتان بننے کے لیے اظہر علی مضبوط امیدوار ہیں، سرفراز احمد کی تینوں فارمیٹ میں کپتانی پر بھی اتفاق نہیں ہوسکا ہے۔

چیف سلیکٹر کے لیے کئی سابق ٹیسٹ کرکٹرز کے نام زیر غور آئے ہیں، محسن خان چیف سلیکٹر کے عہدے کے لیے مضبوط امیدوار ہیں۔

اجلاس کے دوران تمام اراکین نے بابر اعظم کو تینوں فارمیٹ کے لیے قومی ٹیم کا نائب کپتان بنانے اور مستقبل میں قیادت کے لیے تیار کرنے پر بھی اتفاق کیا گیا۔

ذرائع کا کہنا ہے کہ چیئرمین پی سی بی احسان مانی سفارشات کا جائزہ لینے کے بعد فیصلے کریں گے۔

مزید پڑھیں: ہیڈ کوچ مکی آرتھر نے شاداب خان کا نام ٹی ٹوینٹی کپتان کیلئے تجویز کردیا

واضح رہے کہ اس سے قبل پی سی بی کرکٹ کمیٹی کے اجلاس میں ہیڈ کوچ مکی آرتھر نے محدود اوورز کی کپتانی کے لیے شاداب خان کا نام تجویز کیا تھا۔

ورلڈ کپ میں ٹیم کی ناقص کارکردگی سے متعلق کرکٹ کمیٹی کے ارکان نے ہیڈ کوچ مکی آرتھر سے سخت سوالات کیے تھے، جس پرمکی آرتھر جوابات سے مطمئن نہیں کر سکے تھے۔

کمیٹی نے سوال کیا تھا کہ چیمپئنزٹرافی جیتنے والی ٹیم کی کارکردگی نیچے کیوں گئی ؟جس پر ہیڈ کوچ کا کہنا تھا کہ کارکردگی گرنے کی کئی وجوہات ہیں جن میں فیلڈنگ اہم ہے۔

جدہ: ٹیسٹ کرکٹر اظہر علی نے فیملی کے ساتھ عمرے کی سعادت حاصل کرلی، بیٹے ساتھ تصویر سوشل میڈیا پر وائرل ہوگئی۔

تفصیلات کے مطابق ٹیسٹ کرکٹر اظہر علی نے گزشتہ روز اہل خانہ کے ہمراہ عمرے کی سعادت حاصل کی، انہوں نے بیٹے کے ساتھ تصویر سوشل میڈیا ویب سائٹ ٹویٹر پر شیئر کی جو وائرل ہوگئی۔

Alhamdulillah #Umrah pic.twitter.com/h6CG7Df0XK

— Azhar Ali (@AzharAli_) January 28, 2019

تصویر میں دیکھا جاسکتا ہے کہ اظہر علی اور ان کا بیٹا احرام میں نظر آرہے ہیں جبکہ مداحوں کی جانب سے اظہر علی کو عمرے کی سعادت حاصل کرنے پر مبارک باد دی گئی۔

فاسٹ بولر وہاب ریاض نے بھی اظہر علی کو مبارک باد دی اور دعاؤں میں یاد رکھنے کی درخواست کی، جس پر اظہر علی نے جوابی ٹویٹ میں کہا کہ خیرمبارک، انشاء اللہ ضرور۔

Kher mubarek InshA Allah zaroor

— Azhar Ali (@AzharAli_) January 28, 2019

مزید پڑھیں: شعیب ملک اور ثانیہ مرزا نےعمرے کی سعادت حاصل کرلی

واضح رہے کہ گزشتہ سال یکم نومبر کو اظہر علی نے ون ڈے کرکٹ سے ریٹائرمنٹ کا اعلان کردیا تھا، ان کا کہنا تھا کہ میری زیازہ پہچان ٹیسٹ کرکٹ ہے، وہاں ریکارڈ مزید بہتر کروں گا۔

ان کا کہنا تھا کہ میں نے پوری کوشش کی اور پرفارمنس دی، چانس ملنا نہ ملنا اللہ کی طرف سے ہوتا ہے۔ میرے حساب سے یہ ریٹائرمنٹ کے لیے اچھا وقت ہے۔ اپنے فیصلے سے پہلے چیف سلیکٹر سمیت سب سے بات کی۔

دبئی: انٹرنیشنل کرکٹ کونسل نے نئی ٹیسٹ پلیئرز رینکنگ جاری کردی ہے جس کے مطابق یاسر شاہ اور محمد عباس ٹاپ ٹین بولرز میں جگہ بنانے میں کامیاب ہوگئے ہیں۔

تفصیلات کے مطابق آسٹریلیا اور بھارت کے درمیان جاری ٹیسٹ میچ ختم ہونے کے بعد آئی سی سی نے نئی ٹیسٹ پلیئرز رینکنگ جاری کردی جس کے مطابق بولرز رینکنگ میں محمد عباس چوتھے اور یاسر شاہ نویں نمبر پر موجود ہیں۔

[bs-quote quote=”ابتدائی پچیس آل راؤنڈر میں کوئی پاکستانی کھلاڑی جگہ نہ بنا سکا” style=”style-6″ align=”left”][/bs-quote]

بولنگ میں جنوبی افریقہ کے فاسٹ بولر ربادا بدستور پہلے اور انگلش پیسر جیمز اینڈرسن دوسرے نمبر پر ہیں، تیسری پوزیشن جنوبی افریقہ کے فلینڈر کے پاس ہے۔

ابتدائی پچیس آل راؤنڈر میں کوئی پاکستانی کھلاڑی جگہ نہ بنا سکا، شکیب الحسن پہلے، رویندر جڈیجا دوسرے اور فلیندر کا تیسرا نمبر ہے، یاسر شاہ 126 پوائنٹس کے ساتھ 26ویں نمبر پر ہیں۔

بیٹسمین رینکنگ میں اظہر علی کے علاوہ کوئی پاکستانی بلے باز ٹاپ ٹین میں شامل نہیں ہے، اظہر علی دسویں نمبر پر براجمان ہیں، ویرات کوہلی کا پہلا نمبر ہے جبکہ ولیم سن ایک درجے بہتری کے بعد دوسرے نمبر پر پہنچ گئے ہیں۔

تیسرے نمبر پر اسٹیو اسمتھ موجود ہیں، آسٹریلیا کے خلاف سنچری اسکور کرنے والے پجارا کی چوتھی پوزیشن ہے، انگلینڈ کے جوئے روٹ پانچویں، آسٹریلیا کے ڈیوڈ وارنر چھٹی، سری لنکا کے کرارتنے ساتویں، جنوبی افریقہ کے ایلگر نویں اور نیوزی لینڈ کے نکولس بھی نویں نمبر پر براجمان ہیں۔