چشتیاں: مسلم لیگ ضیا کے رہنما اعجازالحق کا کہنا ہے کہ ملک سے باہر چھپ کر بیٹھے سیاستدان پاکستان آکرسیاست کریں لگ پتہ جائے گا۔
تفصیلات کے مطابق مسلم لیگ ضیا کے رہنما اعجازالحق نے پریس کانفرنس کرتے ہوئے کہا کہ وزیراعلیٰ کے عدم اعتماد کےدوران ممبران کوخریدنے کی کوشش کی گئی، آصف زرداری لاہورپہنچ گئے اور پیسوں کی بوریاں کھولی گئیں۔
اعجازالحق کا کہنا تھا کہ وفاق نے پنجاب پر یلغار کی اسے 186 ووٹ کی صورت میں بھرپور جواب ملا، ملک سے باہر چھپ کر بیٹھے سیاستدان پاکستان آکرسیاست کریں لگ پتہ جائے گا۔
رہنما مسلم لیگ ضیا نے کہا کہ چاروں صوبائی اسمبلیوں سمیت قومی انتخابات ایک ہی بار ہونے چاہئیں، 13 جماعتیں ضمنی کی بجائے عام انتخابات کی طرف بڑھیں، صاف شفاف الیکشن کے بغیر پاکستان پٹری پر نہیں چڑھ سکتا۔
ان کا کہنا تھا کہ آئی ایم ایف کی طرف سے لگنے والی شرائط ہوش اڑا دیں گی، موجودہ حکومت نے اپنے کیسسزختم کرانے کیلئے قانون میں ترامیم کیں، سارے قانون اپنی پہلی پوزیشن پر واپس آئیں گے۔
