ARYNews.tv | Urdu – Har Lamha Bakhabar

Tag: اعصابی تناؤ

  • اعصابی دباؤ سے بچاؤ کیلیے یہ کام لازمی کریں

    اعصابی دباؤ سے بچاؤ کیلیے یہ کام لازمی کریں

    اعصابی یا ذہنی دباؤ ہماری سوچ سے بھی کہیں زیادہ خطرناک ہے، یہ ہماری جسمانی اور ذہنی صحت کو بری طرح متاثر کر سکتا ہے۔

    ڈپریشن یا اضطراب کے وقت تمباکو نوشی اور شراب نوشی کی وجہ سے پھیپھڑوں جیسے کینسر میں مبتلا ہونے کا خطرہ 6 فیصد تک بڑھاجاتا ہے۔

    ذہنی دباؤ مختلف وجوہات کی بنا پر ہوتا ہے اور اکثر لوگ اس کے مختلف اثرات کو نظرانداز کر دیتے ہیں جو صحیح بات نہیں ہے۔

    ہماری تیز رفتار، زیادہ تناؤ والی دنیا میں اعصابی خرابی کی علامات کو سمجھنا بہت ضروری ہے۔ علامات کو جلد پہچاننا زیادہ موثر علاج اور بہتر نتائج کا باعث بن سکتا ہے۔

    این ڈی ٹی وی کی رپورٹ میں ذہنی دباؤ کے حوالے سے ہونے والی ایک تحقیق کا حوالہ دیتے ہوئے بتایا گیا ہے کہ ذہنی دباؤ زیادہ بڑھ جائے تو آپ کے مدافعتی نظام کے ساتھ ساتھ بلڈ پریشر، دل کی صحت اور متوازن نیند سمیت کئی جسمانی افعال کو متاثر کر سکتا ہے۔

    اعصابی خرابی، جسے ذہنی خرابی بھی کہا جاتا ہے، کوئی طبی اصطلاح نہیں ہے بلکہ شدید ذہنی پریشانی کے دور کو بیان کرنے کا ایک بول چال کا طریقہ ہے۔

    احتیاط و علاج

    ابتدائی درجے کے ذہنی دباؤ کو روز مرّہ معمولات میں کچھ مثبت تبدیلیوں کے ذریعے بھی کم کیا جا سکتا ہے، جیسے علی الصبح بیدار ہو کر نماز ِفجر کے بعد سیر کو معمول بنالیں۔

    مختلف تفریحی سرگرمیوں کا اہتمام کرنے کے ساتھ دوستوں کے لیے وقت نکالیں۔ گھر والوں کے ساتھ کچھ وقت لازماً گزاریں۔ کچھ وقت فلاحی و رفاہی کاموں کو دیں۔ اپنی صحت اور خوراک پر توجّہ مرکوز کریں۔

    کسی بات پر شدید غصّہ آئے ،تو اس ماحول سے نکلنے کی کوشش کریں، خود اعتمادی پیدا کرنے کی کوشش کریں۔ دوسروں سے زیادہ توقعات ہرگز نہ رکھیں۔ تنہائی سے دُور رہیں، مثبت سرگرمیوں کی طرف راغب ہوں۔

    جو چیز حاصل نہ ہو سکے، اس سے متعلق سوچنے سے گریز کریں۔ مسکنات (خواب آور) ادویات کاسہارا نہ لیں کہ ان سے عارضی طور پر تو سکون حاصل ہوجاتا ہے، مگر مابعد اثرات شدید ہوتے ہیں۔

  • چیکو وزن کم کرنے کا بہترین ذریعہ، لیکن کیسے

    چیکو وزن کم کرنے کا بہترین ذریعہ، لیکن کیسے

    چیکو خوش ذائقہ اور صحت کیلیے انتہائی مفید پھل ہے، جس کو ہر انسان چاہے بچہ ہو یا بوڑھا شوق سے کھاتا ہے، یہ اپنے اندر حیرت انگیز فوائد سموئے ہوئے ہے اور جن سے بیشتر لوگ ناواقف ہیں۔

    لذیذ شیریں پھل چیکو کھانے کے صحت پر بے شمار طبی فوائد حاصل ہوتے ہیں، غذائیت سے بھر پور چیکو ہضم کرنے میں بھی آسان ہے جبکہ چیکو کا استعمال مجموعی صحت سمیت خوبصورتی پر بھی مثبت اثرات مرتب کرتا ہے جس کے نتیجے میں بال، جلد، ناخن بھی صحت مند ہوتے ہیں۔

    اس کے علاوہ ایک اور بڑا فائدہ یہ ہے کہ یہ بڑھا ہوا وزن کم کرنے کے ساتھ ساتھ اعصابی تناؤ سے بھی نجات دلاتا ہے۔

    قدرت نے ہمیں جو پھل عطا کی ہیں ان میں چیکو کا کسی سے کوئی موازنہ نہیں، اس پھل کو نہ صرف خوبیوں کی کان کہا جاتا ہے بلکہ اس میں موجود غذائی اجزاء بھی اسے بہت خاص بناتے ہیں۔

    چیکو میں وٹامن اے، وٹامن بی، وٹامن سی کے ساتھ ساتھ آئرن، کیلشیم، فاسفورس، اینٹی آکسیڈنٹس اور فائبر اور کچھ معدنیات بھی ہوتے ہیں، جو جلد کی دیکھ بھال کرتے ہیں، یہ ہڈیوں کو بھی مضبوط کرتا ہے۔

    اس کے علاوہ اگر کوئی شخص اپنا وزن کم کرنا چاہتا ہے تو چیکو بہت مفید ہے، کیونکہ یہ وزن کم کرنے میں بھی مدد کرتا ہے۔ تاہم ماہرین کا کہنا ہے کہ اگر کسی کو ذیابیطس ہے تو اسے اس سے پرہیز کرنے یا اسے محدود مقدار میں استعمال کرنے کا مشورہ دیا جاتا ہے۔

    چیکو کیلشیم حاصل کرنے کا ذریعہ بھی ہے، اس کے علاوہ اس میں بہت سے معدنیات بھی پائے جاتے ہیں، جیسے کاپر، میگنیشیم وغیرہ، اس میں کئی اہم عناصر بھی پائے جاتے ہیں، جو دل کے مریضوں کے لیے بہت اہم ہیں۔

    یہ فائبر سے بھرپور ہوتا ہے تو ایسی حالت میں یہ معدے کے لیے بھی بہت مفید پھل ہے۔ یہ کمزوری کو بھی دور کرتا ہے، جن کو ہائی بلڈ پریشر کا مسئلہ ہے۔ اس کے پتوں کا کاڑھا بنا کر پیا جا سکتا ہے۔ اگر کسی کو نیند نہ آتی ہو تو اس کے بیجوں کو باریک پیس کر کاڑھا بنا کر بے خوابی کا مسئلہ حل کیا جا سکتا ہے۔