اسلام آباد : تحریکِ انصاف کے سینٹرز نے اعظم سواتی کی گرفتاری کے دوران برہنہ کرکے تشدد کرنے اور ناروا سلوک پر درخواست دائر کردی گئی۔
تفصیلات کے مطابق سپریم کورٹ میں سینیٹراعظم سواتی کی ایف آئی کی جانب سے گرفتاری، تشدد اور نارواسلوک پر درخواست دائر کردی گئی۔
درخواست میں موقف اختیار کیا گیا ہے کہ گرفتاری کے دوران سینٹر اعظم کو برہنہ کرکے تشدد کیا گیا۔ ریمانڈ کے دوران جج کے سامنے پیش ہونے پر عدالت کو پرائیویٹ پارٹس پر تشدد بارے آگاہ بھی کیا گیا۔
درخواست میں کہا گیا کہ گرفتاری کے دوران رکھا گیا سلوک آئین اور انسان کے وقار کے خلاف ہے۔
یاد رہے دو روز قبل پاکستان تحریک انصاف کے رہنما سینیٹر اعظم سواتی نے کہا تھا کہ نام نہاد جمہوری دور میں ایک سینیٹر کو ماورائے آئین و قانون تشدد کا نشانہ بنایا گیا، کسٹوڈین ٹارچر پر اعلیٰ عدلیہ کو سوموٹو لینا چاہیے۔
سینیٹر اعظم سواتی کا کہنا تھا کہ ایوان بالا کے نمائندے کو حراست میں لے کر برہنہ کیا گیا اورتشدد کیا گیا۔