Tag: اعلامیہ

اسلام آباد: وزیراعظم عمران خان نے کہا ہے کہ مستقبل میں ملک کے کسی حصےمیں گندم اور آٹے کی قلت پیدا نہیں ہونی چاہئیے۔

تفصیلات کے مطابق وزیراعظم عمران خان کی زیر صدارت وفاقی کابینہ کے اجلاس کا اعلامیہ جاری کر دیا گیا جس میں وزیراعظم نے کہا کہ چینی انکوائری کا مقصد حقائق کو سامنے لانا تھا جس سے قیمتوں میں اضافہ ہوا۔

اعلامیے میں کہا گیا ہے کہ انکوائری میں سامنے آنے والی خامیوں کی اصلاح کے لیے اقدامات اٹھانے کے ساتھ حکومت نے انکوائری رپورٹ کے حقائق کا جائزہ لینے کے لیے بین الوزارتی کمیٹی تشکیل دینے کا فیصلہ کیا ہے۔

وزیراعظم کا کہنا تھا کہ کمیٹی جائزہ لے کرجامع اصلاحات کے لیے سفارشات مرتب کرےگی،اقدامات کا مقصد مستقبل میں عوام کو قیمتوں میں اضافے کے بوجھ سے محفوظ رکھنا ہے۔

اعلامیے میں وزیراعظم نے ہدایت کی کہ مستقبل میں ملک کے کسی حصے میں گندم اور آٹےکی قلت پیدا نہیں ہونی چاہئیے، اور اس حوالے سے وفاقی کابینہ نے طلب ورسد میں توازن قائم رکھنے کے لیے اعلیٰ سطح کی کمیٹی تشکیل دینے کا فیصلہ کیا ہے جو فلور ملز سے متعلقہ معاملات میں اصلاحات پر مبنی سفارشات تجویز کرے گی۔

وزیراعظم نے اسمگلنگ کی روک تھام کے لیے قائم ٹاسک فورس کی سفارشات جلد پیش کرنے کا حکم دیتے ہوئے کہا کہ سفارشات پیش کی جائیں تاکہ اسمگلنگ کی روک تھام کے لیے مزید کارروائی کی جاسکے۔

اعلامیے میں کہا گیا ہے کہ وزیراعظم نے پی آئی اے مسافرطیارے میں شہید ہونے والے افراد کےخاندانوں کے ساتھ دکھ کااظہار کرتے ہوئے کہا کہ مشکل کی گھڑی میں غم زدہ خاندانوں کے دکھ میں برابر کے شریک ہیں۔

وفاقی کابینہ اجلاس کے جاری کردہ اعلامیے میں وزیراعظم نے ٹڈی دل کے حوالے سے تمام مطلوبہ وسائل فراہم کرنے اور اس کے خاتمے کے آؤٹ آف باکس حل پر غور کرنے کی ہدایت کی ہے۔

اسلام آباد: پاکستان اور آئی ایم ایف مشن کے مذاکرات کا اعلامیہ جاری کر دیا گیا جس میں بتایا گیا ہے کہ دسمبر تک کے تمام اہداف حاصل کر لیے گئے ہیں۔

تفصیلات کے مطابق پاکستان اور آئی ایم ایف مشن کے مذاکرات کے جاری اعلامیے میں کہا گیا ہے کہ معاشی اصلاحات کے پروگرام کے تحت خاطر خواہ بہتری آئی ہے، دسمبر تک کے تمام اہداف حاصل کر لیے گئے ہیں، اصلاحاتی پروگرام پر تیزی سے کام ہو رہا ہے۔

اعلامیے میں کہا گیا کہ پاکستانی حکام سے تمام معاشی شعبوں پر تفصیلی بات چیت ہوئی، تمام تر پیشرفت آئی ایم ایف بورڈ کی جانب سے فیصلے میں مدد گار ثابت ہوگی، معاشی سرگرمیاں بہتری کی جانب گامزن ہیں۔

آئی ایم ایف اعلامیے کے مطابق جاری کھاتوں کے خسارے میں نمایاں کمی آئی ہے، روپےکی قدرمیں کمی کے بعد مہنگائی میں اضافے کی شرح میں کمی آنی چاہیے، رسد سے متعلق مسائل عارضی ہیں، ترقیاتی، سماجی اخراجات میں اضافہ ہوا۔

اعلامیے میں کہا گیا کہ رواں مالی سال کے پہلے 6 ماہ میں مالیاتی کارکردگی مستحکم رہی، مقامی ٹیکس وصولی میں اضافے سے پرائمری سرپلس حاصل ہوا، پہلے 6 ماہ میں پرائمری سرپلس جی ڈی پی صفر اعشاریہ 7 فیصد رہا۔

اسلام آباد: وزیراعظم عمران خان اور ابوظبی کے ولی عہد شیخ محمد بن زید النہیان کی ون آن ون ملاقات کا اعلامیہ جاری کر دیا گیا۔

تفصیلات کے مطابق وزیراعظم عمران خان سے ابوظبی کے ولی عہد شیخ محمد بن زید النہیان کی ملاقات کا اعلامیہ جاری کردیا گیا ہے، جس میں کہا گیا وزیراعظم نے پاک یو اے ای تعلقات کی اسٹریٹیجک اہمیت پر روشنی ڈالی۔

اعلامیے کے مطابق وزیراعظم نے کہا کہ ملک میں معیشت کی بحالی کے بعد سرمایہ کاری کے مواقع بڑھے ہیں، پاکستان اپنے شراکت دار ممالک سے تجارت، سرمایہ کاری جاری رکھنا چاہتا ہے، یو اے ای کی مختلف شعبوں میں سرمایہ کاری میں دلچسپی کا خیرمقدم کرتے ہیں۔

اعلامیے میں کہا گیا کہ پاکستان میں توانائی، سیاحت کے شعبوں میں سرمایہ کاری کے شاندار مواقع ہیں۔ وزیراعظم عمران خان نے ولی عہد کو پاکستان کی امن کوششوں سے آگاہ کیا۔

اعلامیے میں کہا گیا کہ پرامن، مستحکم اور خوشحال افغانستان پاکستان اور خطے کے مفاد میں ہے۔ وزیراعظم نے ولی عہد کو مقبوضہ کشمیر میں غیرانسانی لاک ڈاؤن سے متعلق بھی آگاہ کیا۔

اعلامیے کے مطابق وزیراعظم نے کہا کہ وزیراعظم نے یواے ای میں 16 لاکھ سے زائد پاکستانی کمیونٹی کے مثبت کردار پر روشنی ڈالی، پاکستانی کمیونٹی متحدہ عرب امارات کو اپنا دوسرا گھر سمجھتی ہے۔

اعلامیے میں کہا گیا کہ ابوظبی کے ولی عہد شیخ محمد بن زید النہیان نے پاک یو اے ای تعلقات کی اسٹریٹیجک اہمیت پر زور دیا۔ ولی عہد نے او آئی سی میں پاکستان کے اہم کردارکو بھی سراہا۔