کراچی: اعلیٰ ثانوی تعلیمی بورڈ کراچی نے 28 اپریل سے شروع ہونے والے سالانہ امتحانات مؤخر کردیے۔
اے آر وائی نیوز کے مطابق اعلیٰ ثانوی تعلیمی بورڈ کے جاری کردہ اعلامیے میں کہا گیا ہے کہ اعلیٰ ثانوی تعلیمی بورڈ کراچی نے 28 اپریل سے شروع ہونے والے سالانہ امتحانات مؤخر کردیے ہیں۔ سالانہ امتحانات 5 مئی سے شروع ہوں گے۔
اعلامیہ کے مطابق امتحانات کی تاریخ میں تبدیلی 2 وجوہات کی بنا پر کی گئی ہے، خصوصی کمیٹی کی سفارشات پر پرچوں میں گریس مارکس دینے کا عمل جاری ہے۔
کچھ ایسے امتحانی مراکز ہیں جن میں 8 اپریل سے میٹرک کے امتحانات جاری ہیں، امتحانی نظام کو یقینی بنانے کیلئے امتحانات کے آغاز کی تاریخ میں تبدیلی کی گئی۔
اعلیٰ ثانوی تعلیمی بورڈ کراچی نے طلبہ اور والدین سے گزارش کی ہے کہ نئے شیڈول کے مطابق تیاری جاری رکھیں۔
دوسری جانب لاڑکانہ تعلیمی بورڈ نے بھی انٹر کے سالانہ امتحانات ملتوی کردیے ہیں
اے آر وائی نیوز کے مطابق تعلیمی بورڈ لاڑکانہ نے راستوں کی بندش کے باعث انٹر کے امتحانات کو ملتوی کیا ہے۔
ترجمان بورڈ کا کہنا ہے کہ 29 اپریل سے شروع ہونے والے امتحانات اب 5 مئی سے ہوں گے۔
واضح رہے سندھ بھر میں 28 اپریل سے گیارہویں و بارہویں جماعت کے امتحانات کا آغاز ہونا ہے تاہم اب تک طلبا کو تاحال نا امتحانی شیڈول ملا نا ایڈمٹ کارڈ فراہم کیے جاسکے ہیں جبکہ شہر بھر میں کتنے اور کونسے امتحانی مراکز قائم ہونگے فیصلہ نہیں ہوسکا۔
میٹرک امتحانات کے دوران امتحانی مراکز میں لوڈشیڈنگ، کے-الیکٹرک کی تعاون کی یقین دہانی
امتحانات میں تاخیر نتائج میں بھی تاخیر کا سبب بنے گی، جس سے جامعات کے داخلوں اور سیشن کے آغاز میں بھی تاخیر ہوگی۔
