Tag: اغوا

کراچی: ڈیفنس سے اغوا کیا جانے والے بچے کو قیوم آباد سے بازیاب کراکر اغوا میں ملوث خاتون سمیت دو مبینہ اغوا کاروں کو گرفتار کرلیا۔

تفصیلات کے مطابق کراچی میں پولیس نے ڈیفنس سے اغوا کیا جانے والا ڈیڑھ سالہ بچہ قیوم آباد سے بازیاب کرالیا۔

Karachi: Defense Police rescued one an half year-old

پولیس نے بتایا کہ اغوا میں ملوث خاتون سمیت دو مبینہ اغوا کار پکڑے گئے، اغوا کاروں اور مدعی افراد دونوں کا آبائی تعلق بہاولپورسے ہے۔

حکام کا کہنا تھا کہ معاملہ ذاتی دشمنی کا نتیجہ ہے یا ملزمان بچہ اغوا کرکے فروخت کرنا چاہتے تھے، دونوں پہلوؤں پر تحقیقات جاری ہیں۔

مزید پڑھیں : کراچی میں ڈھائی سالہ مغوی بچہ چند گھنٹے میں بازیاب کرا لیا گیا

یاد رہے کراچی کے علاقے قائد آباد سے اغوا ہونے والے ڈھائی سالہ بچے کو پولیس نے جدید ٹیکنالوجی کا استعمال کرتے ہوئے چند گھنٹوں میں بازیاب کرایا تھا۔

قائد آباد میں آج ایک ڈھائی سالہ بچہ کاشان اغوا ہوا تھا، جس کے بعد والدین کے رپورٹ درج کرانے پر پولیس فوری حرکت میں آئی اور جدید ٹیکنالوجی کا استعمال کرتے ہوئے مغوی بچے کو چند گھنٹوں میں بازیاب کراکر کر والدین کے حوالے کر دیا تھا۔

کراچی : اسپائیکی نامی بلی کو اغوا کرلیا گیا، خاتون نے سوشل میڈیا پر اپنی بلی برآمد کروانے والے شخص کے لیے انعام کا اعلان کیا۔

تفصیلات کے مطابق کراچی کے علاقے گلشن اقبال 13 اے میں اسپائیکی نامی بلی مبینہ چوری کرلی گئی ہے، جس کی سی سی ٹی وی فوٹیج بلی کی مالکن کی جانب سے سوشل میڈیا پر وائرل کی گئی ہے۔

خاتون نے سوشل میڈیا پر اپنی بلی برامد کروانے والے شخص کے لیے انعام کا اعلان بھی کیا ہے۔

خاتون نے کہا کہ ان کی اسپائکی نامی بلی کو12 اپریل ہفتے کو دوپہر دو سے تین بجے کے درمیان نامعلوم شخص اٹھا کر لے گیا ہے، بلی کے گلے میں لال پٹی کے ساتھ گھنٹی بھی لگی ہوئی تھی۔

فوٹیج میں لمبے قد لمبے بالوں میں پونی لگائے، پینٹ اور ٹی شرٹ پہنے شخص کو دیکھا جا سکتا ہے جس کے ہاتھ میں ایک بڑا اسکول بیگ بھی تھا۔

ویڈیو میں نامعلوم شخص کو بلی پکڑنے کی کوشش کرتے دیکھا جا سکتا ہے اور مبینہ طور پر بلی چور نے بلی کو پکڑ کر اس بیگ میں ڈالا اور فرار ہوگیا۔