ARYNews.tv | Urdu – Har Lamha Bakhabar

Tag: اغواکار

  • کمسن بچوں کے اغوا میں ملوث ملزم گرفتار

    کمسن بچوں کے اغوا میں ملوث ملزم گرفتار

    کراچی میں کورنگی پولیس نے کمسن بچے بچیوں کے اغواہ میں ملوث اغواکار کو گرفتار کرلیا۔

    تفصیلات کے مطابق کراچی میں کورنگی پولیس نے کمسن بچے بچیوں کے اغواہ میں ملوث اغواکار کو گرفتار کرلیا، گرفتار اغواہ کار ملزم نے گزشتہ روز عوامی کے علاقے سے کمسن بچی کو اغواہ کیا تھا۔

      ایس ایس پی کورنگی حسن سردار نیازی کے مطابق گرفتار ملزم کی شناخت عمران کے نام سے ہوئی، کورنگی عوامی کالونی پولیس نے کمسن بچی عمیمہ کو بازیاب کروالیا تھا جبکہ اغوا کار فرار ہوگیا تھا۔

    پولیس نے بتایا کہ فرار ہونے والے اغواہ کار کو چوبیس گھنٹوں کے اندر تکنکلی بنیاد پر گرفتار کرلیا گیا، ایس ایس پی کورنگی نے بتایا کہ گرفتار اغواہ کار سال 2008 میں کورنگی زمان ٹاون کے علاقے میں بچوں کے اغواہ میں ملوث رہا ہے اغوا کار ملزم سے مذید انٹیروگیشن کا عمل جاری ہے۔

  • کراچی: پولیس مقابلے میں 3 اغوا کار ہلاک، 3 فرار

    کراچی: پولیس مقابلے میں 3 اغوا کار ہلاک، 3 فرار

    کراچی: شہر قائد کے علاقے اسٹیل ٹاؤن میں مبینہ پولیس مقابلے میں 3 اغوا کار ہلاک جب کہ تین فرار ہو گئے۔

    اے آر وائی نیوز کے مطابق کراچی میں اسٹیل ٹاؤن میں سی آئی اے پولیس کا اغوا کاروں سے مبینہ مقابلہ ہوا، پولیس حکام کا کہنا ہے کہ فائرنگ کے تبادلے میں 3 اغوا کار ہلاک اور ان کے 3 ساتھی فرار ہو گئے۔

    ایس ایس پی امجد حیات نے بتایا کہ اغوا کاروں کی موجودگی کی اطلاع پر چھاپا مارا گیا تھا، اے وی سی سی اور اے وی ایل سی نے مشترکہ آپریشن کیا، ہلاک ملزمان کا تعلق بین الصوبائی اغوا کار گروپ سے تھا، جن کی شناخت شہباز، نذیر اور منصور کے ناموں سے ہوئی ہے، ملزمان سے کار بھی برآمد ہوئی۔

    پولیس حکام کے مطابق ملزمان نے کچھ روز قبل شہری کو کراچی سے اغوا کر کے تاوان طلب کیا تھا، ملزمان نے خانیوال میں بھی اغوا برائے تاوان کی واردات کی تھی اور وہ خانیوال سمیت ملتان میں بھی وارداتوں میں ملوث تھے۔

    ادھر کراچی کے علاقے جہانگیر آباد میں بھی ایک پولیس مقابلے میں ایک زخمی سمیت 6 ملزمان گرفتار کیے گئے ہیں، پولیس حکام کے مطابق ملزمان سے اسلحہ، موبائل فونز اور 2 موٹر سائیکلیں برآمد کر کے ان کے خلاف مقدمات درج کر دیے گئے ہیں۔

    پولیس حکام کا کہنا ہے کہ ملزمان میں دانش، سرفراز، سمیر، محمد، زوہیب اور عمیر شامل ہیں، ملزمان نے کیش وین لوٹنے کے دوران سیکیورٹی گارڈ کو قتل کرنے کا اعتراف بھی کر لیا ہے، یہ ملزمان متعدد وارداتوں میں ملوث تھے اور مختلف مقدمات میں مطلوب تھے۔

  • خود کو وکیل ظاہر کرنے والا اغوا کار گرفتار، مغوی بازیاب

    خود کو وکیل ظاہر کرنے والا اغوا کار گرفتار، مغوی بازیاب

    کراچی: پولیس نے شہر قائد میں کارروائی کرتے ہوئے تین دن قبل اغوا ہونے والے شخص کو بازیاب کر لیا، اغوا کار بھی پولیس کے ہاتھوں گرفتار ہو گیا۔

    تفصیلات کے مطابق آج کراچی میں ڈی آئی جی ساؤتھ نے سی پی ایل سی چیف کے ہم راہ پریس کانفرنس میں بتایا کہ گزشتہ 3 دن سے اغوا ہونے والا شخص بازیاب کرا لیا گیا ہے۔

    ڈی آئی جی ساؤتھ شرجیل کھرل کا کہنا تھا کہ اغوا کار نے 3 لاکھ روپے تاوان مانگا تھا، مرکزی ملزم کے ساتھ اس کے ایک ساتھی اور خاتون کو بھی گرفتار کیا گیا۔

    پولیس کے مطابق اغوا کاروں کے خلاف کارروائی سی پی ایل سی کے ساتھ مل کر کی گئی، ملزمان رابطے کے لیے بین الاقوامی نمبرز استعمال کرتے تھے، مغوی کو اندرون سندھ بھی رکھا گیا۔

    یہ بھی پڑھیں:  کراچی پولیس کا بڑا فیصلہ، وی آئی پیز کے لیے تھانے کی نفری بطور سیکورٹی نہیں دی جائے گی

    ڈی آئی جی نے بتایا کہ ملزمان نے تاوان کی قسط باندھ رکھی تھی، 60 ہزار کی رقم اغوا کار کو دی جا چکی تھی، 80 ہزار مزید دینے تھے۔

    پولیس کا کہنا ہے کہ مغوی قاضی اسحاق کو میٹروول سے بازیاب کرایا گیا، اندرون سندھ بھی رکھا گیا، ملزم خود کو وکیل اور قانون نافذ کرنے والے اداروں کا اہل کار ظاہر کرتا تھا۔

    ڈی آئی جی نے کہا کہ ملزمان کی گاڑی پر سندھ ہائی کورٹ کی نمبر پلیٹ بھی لگی تھی، پولیس نے ملزمان سے اسلحہ بھی برآمد کیا۔

  • کراچی: اغوا میں ملوث بین الصوبائی گروہ کے 2 کارندے گرفتار

    کراچی: اغوا میں ملوث بین الصوبائی گروہ کے 2 کارندے گرفتار

    کراچی: اینٹی وائلنٹ کرائم سیل نے حساس اداروں کی اطلاع پر آپریشن کرتے ہوئے اغوا میں ملوث بین الصوبائی گروہ کے 2 کارندے گرفتار کر لیے۔

    تفصیلات کے مطابق ذرایع نے بتایا ہے کہ کراچی میں اے وی سی سی نے حساس اداروں کی اطلاع پر اغوا کار گروہ کے خلاف بڑی کارروائی کی ہے، آپریشن کے دوران بین الصوبائی گروہ کے دو کارندے پکڑے گئے۔

    ذرایع کا کہنا ہے کہ گرفتار ملزمان نے دورانِ تفتیش انتہائی اہم انکشافات کیے ہیں، یہ ملزمان کراچی سمیت مختلف شہروں سے لوگوں کو اغوا کرتے تھے۔

    ذرایع کے مطابق اغوا کار رہائی کے عوض کروڑوں روپے تاوان وصول کرتے تھے، گرفتار ملزمان سے بڑی تعداد میں اسلحہ، وردیاں اور دیگر سامان برآمد کیا گیا ہے۔

    یہ بھی پڑھیں:  کراچی پولیس نے مقابلوں کے معیاری طریقۂ کار پر عمل شروع کر دیا

    ادھر ذرایع کا کہنا ہے کہ مفرور ملزمان کی گرفتاری کے لیے ملک بھر میں ٹیکنالوجی کی مدد سے چھاپے مارے جا رہے ہیں۔

    یاد رہے کہ رواں سال کے آغاز میں اینٹی وائلنٹ کرائم سیل نے کراچی کے علاقے صدر میں اسلحے کی تین دکانوں پر چھاپے مارے تھے جو جعلی اسلحہ لائسنس اور پرمٹس جاری کرتے تھے۔

    پولیس نے جعلی اسلحہ لائسنس جاری کرنے کے جرم میں تین افراد کو گرفتار کر کے تحقیقات کا آغاز کر دیا تھا۔

    خیال رہے کہ کراچی پولیس نے مقابلوں کے معیاری طریقۂ کار پر عمل شروع کر دیا، گلشن اقبال میں پولیس نے ایک مقابلے کے دوران ایس او پیز پر سختی سے عمل کرتے ہوئے ایک ڈکیت کو گرفتار کیا۔

  • لاڑکانہ: پولیس نے انجان عورتوں سے متعلق دل چسپ اشتہار لگا دیا

    لاڑکانہ: پولیس نے انجان عورتوں سے متعلق دل چسپ اشتہار لگا دیا

    لاڑکانہ: صوبہ سندھ کے شہر لاڑکانہ میں پولیس نے شہریوں کو خبردار کرنے کے لیے دل چسپ اشتہار لگا دیا۔

    تفصیلات کے مطابق لاڑکانہ پولیس نے شہریوں کو خبردار کرنے کے لیے اشتہار لگایا ہے کہ انجان عورتوں کے فون کال سے ہوشیار رہا جائے۔

    پولیس کی جانب سے شہر میں پھیلائے جانے والے اشہتار میں خبردار کیا گیا ہے کہ انجان عورتوں کے کہنے پر شہری کسی جگہ جانے سے گریز کریں۔

    اشتہار میں کہا گیا ہے کہ فون کرنے والی اس قسم کی انجان عورتیں بہکا کر مختلف علاقوں میں بلا کر اغوا کر سکتی ہیں۔

    خیال رہے کہ لاڑکانہ میں اس طرح کے واقعات تسلسل کے ساتھ سامنے آنے لگے ہیں، انجان عورتوں کی جانب سے کال آتی ہے اور وہ مردوں کو بہکا کر کسی جگہ ملاقات کے لیے بلا لیتی ہیں۔

    لاڑکانہ پولیس کے مطابق ملاقات کے لیے جانے والے مردوں کو تاوان کے لیے اغوا کر لیا جاتا ہے، جس پر پولیس نے شہریوں کو خبردار کرنے لیے لیے اشہتار جاری کر دیا ہے۔

    یہ بھی پڑھیں:  لاڑکانہ کے 13 بچوں میں ایچ آئی وی ایڈز کا انکشاف

    یاد رہے کہ لاڑکانہ پاکستان پیپلز پارٹی کا مرکزی شہر ہے، جس میں حال ہی میں 13 بچوں میں ایچ آئی وی ایڈز کا انکشاف ہوا ہے، بچوں کی عمریں 4 ماہ سے 8 سال تک ہیں۔

    لاڑکانہ کے علاقے رتو ڈیرو سے گزشتہ ایک ماہ میں 16 بچوں کے سیمپل تشخیص کے لیے بھیجے گئے، بچے مسلسل بخار کی حالت میں تھے اور ان کا بخار نہیں اتر رہا تھا جس کے بعد ان بچوں کے خون کے نمونے لیے گئے۔

    پیپلز پرائمری ہیلتھ کیئر انیشیئٹو (پی پی ایچ آئی) کے انچارج ڈاکٹر عبد الحفیظ نے تصدیق کرتے ہوئے بتایا کہ 16 میں سے 13 بچوں میں وائرس کی تصدیق ہو گئی ہے جن کی عمریں 4 ماہ سے 8 سال تک ہیں۔

  • کراچی: اغواکار مغوی ڈاکٹر شمشیرکوحب ریور روڈ پرچھوڑ کرفرار

    کراچی: اغواکار مغوی ڈاکٹر شمشیرکوحب ریور روڈ پرچھوڑ کرفرار

    کراچی: کراچی سے اغوا کئےگئے ڈاکٹر شمشیر کو اغوا کار حب ریور روڈ پر چھوڑ کر فرار ہوگئے۔

    جناح اسپتال کے نیورو سرجن ڈاکٹر شمشیر کو نامعلوم افراد نے گھر سے اسپتال جاتے ہوئے اغوا کرلیا تھا،جس کے بعد اُن کی گاڑی گزشتہ روز پیر آباد سے مل گئی تھی ۔

     پولیس اور رینجرز کی جانب سے ڈاکٹر شمشیر کی بازیابی کے لئے کوششیں جاری تھی ، جس کے بعد آج اغوا کار انہیں حب ریور روڈ پر چھوڑ کر چلے گئے ۔

    ڈاکٹر شمشیر کو زخمی حالت میں نجی اسپتال لایا گیا تھا جہاں سے انہیں گھر منتقل کردیا گیا ہے۔