Tag: اغوا برائے تاوان

کراچی: اینٹی وائلنٹ کرائم سیل نے کسٹمز کے حاضر سروس افسر  کو اغوا برائے تاوان کیس میں گرفتار کرلیا۔

تفصیلات کے مطابق ایس ایس پی اینٹی وائلنٹ کرائم سیل نے کراچی سے نوجوان کے اغوا میں ملوث کسٹم افسر سمیت تین ملزمان گرفتار کرلیا ہے۔

ایس ایس پی اینٹی وائلنٹ کرائم سیل کے مطابق ملزمان نے مغوی کےاہل خانہ سے کرپٹو کرنسی کی شکل میں پچاس ہزار ڈالر تاوان مانگا تھا۔

ایس ایس پی ظفر صدیق چھانگا نے کہا کہ گرفتار اغواکاروں میں راشد، زبیر اور عبدالفتح شامل ہیں، ملزم عبدالفتح کلکٹریٹ آف کسٹم خضدار میں انسپکٹر ہے۔

ایس ایس پی اے وی سی سی کے مطابق ملزمان نے بریگیڈ تھانےکی حدود سے وجاہت ندیم کو اغوا کیا تھا، ملزمان سرکاری نمبر پلیٹ لگی کار میں اغواکے لیے آئے تھے۔

کراچی میں اسٹریٹ کرائم کیساتھ اغوا برائے تاوان بھتہ خوری کے واقعات میں غیر معمولی اضافہ دیکھا جارہا ہے۔

تفصیلات کے مطابق سٹیزن پولیس لیژن کمیٹی ( سی پی ایل سی) نے کراچی میں ہونے والی 10 ماہ میں جرائم سے متعلق رپورٹ جاری کردی ہے۔

رپورٹ کے مطابق کراچی میں یومیہ 100 موٹر سائیکلیں چوری اور چھینی جاتی ہیں، رواں سال اب تک کراچی والوں سے 50 ہزار موٹرسائیکلیں چوری و چھینی گئیں ہیں۔

سی پی ایل سی کی رپورٹ میں بتایا گیا کہ اس سال صرف سمتبر 2023 تک شہریوں کی ڈھائی ارب کی موٹر سائیکلیں چوری ہوئیں، جس میں چوری موٹر سائیکل کی تعداد 43951 ہے، انہی 10 ماہ میں 5876 موٹر سائیکلیں اسلحے کے زور پر چھینی گئیں جبکہ 1703 کاریں چوری کی گئیں جس میں 212 گاڑیوں کو اسلحے کے زور پر چھینا گیا۔

رپورٹ میں بتایا گیا کہ صرف ماہ اکتوبر میں 4 ہزار 396 موٹرسائیکل چوری کی گئیں جس میں 817 موٹر سائیکلوں کو اسلحہ کے زور پر چھینا گیا جبکہ 182 کراچی کے شہری اپنی گاڑی سے محروم ہوئے۔

سی پی ایل سی کی رپورٹ کے مطابق صرف اکتوبر میں شہریوں کو 2 ہزار 446 موبائل فونز سے محروم کیاگیا، جس میں سے 51 موبائل فون برآمد کیے گئے، اس کے علاوہ اس ماہ اغوا برائے تاوان کے 3 اور بھتہ کوری کے 10 مقدمات رپورٹ ہوئے

رپورٹ میں یہ بھی انکشاف کیا گیا کہ چھینی جانے والی موٹر سائیکلیں بلوچستان منتقل کردی جاتی ہیں اور کباڑیوں کو فروخت کی جاتی ہیں۔