Tag: اغوا کا ڈرامہ

خانیوال : 12 سالہ بچی کے اغوا کا ڈرامہ بے نقاب کر دیا، بچی کی اغوا میں ملوث سگی ماں اور ماموں ملوث نکلے۔

تفصیلات کے مطابق خانیوال میں رشتہ داروں سے بدلہ لینے کے لیے ماں نے اپنے بھائی کے ساتھ مل کر اپنی ہی بارہ سالہ بیٹی کے اغوا ہونے کا ڈرامہ رچایا تاہم تھانہ سٹی پولیس نے بچی کو بازیاب کرا کے اس کی ماں اور ماموں کو گرفتار کر لیا۔

مرضی پورا کے رہائشی محنت کش محمود کی 12 سالہ بیٹی زہرہ بتول جو کہ ساتویں کلاس کی طالبہ ہے، گزشتہ روز صبح اسکول جانے کے لیے گھر سے نکلی تو واپس لوٹ کے نہ آئی۔

گھر والوں نے اپنے طور پر بچی کو تلاش کیا اور پولیس تھانہ سٹی کو اطلاع دی، پولیس نے نامعلوم افراد کے خلاف اغوا کا مقدمہ درج کر کے تفتیش شروع کر دی۔

پولیس نے بچی کے گھر کے قریب لگے سی سی ٹی وی کیمروں کی مدد سے بچی کے اغوا کا ڈرامہ بے نقاب کر دیا۔

ایس ایچ او سٹی سعید ملک کا کہنا تھا کہ بچی کی والدہ آمنہ بی بی کی اپنی جٹھانیوں کے ساتھ نہیں بنتی تھی اور ان کے درمیان جائیداد کا تنازہ چل رہا تھا، جائیداد ہتھیانے اور جٹھانیوں سے انتقام لینے کے لیے آمنہ بی بی نے اپنے بھائی اکمل سے مل کر اپنی بیٹی زہرہ بتول کے اغوا کا ڈرامہ رچایا تھا۔

پولیس نے بچی کی والدہ اور اس کے بھائی اکمل کو گرفتار کر کے ان کی نشاندہی پر 12 سالہ زہرہ بتول کو ملتان سے بازیاب کرا لیا۔

ایس ایچ او پی ٹی سی تھانہ سٹی پولیس کی جانب سے 12 سالہ بچی کی اغوا میں ملوث سگی ماں اور اس کے بھائی کو گرفتار کر کے بچی کو بازیاب کرانے کے اقدام کو شہریوں نے خوب سراہا ۔

کراچی : کراچی میں 17 سالہ عاشق نے ماموں سے پیسے بٹوڑنے کے لیے اپنے اغوا کا ڈرامہ رچایا، تاہم پولیس نے لڑکے کو گرفتار کرلیا۔

تفصیلات کے مطابق کراچی کے علاقے شاہراہ نور جہاں پر 17 سالہ لڑکے کے اغوا کا ڈراپ سین ہوگیا، نوجوان نے اپنے ماموں سے پیسے بٹورنے کیلئے اپنے اغوا کا ڈرامہ رچایا۔

پولیس نے بتایا کہ شہری طارق حسین شاہ نے اپنے بھانجے محمد حسن ولد نعیم سندھو کے مبینہ اغوا کا مقدمہ درج کروایا تھا۔

مدعی مقدمہ طارق حسین شاہ کے مطابق نوجوان حسن نے فون پر بتایا کہ چار افراد نے اغواء کرلیا ہے اور پچاس ہزار روپے تاوان کا مطالبہ کررہے ہیں۔

پولیس نے سی پی ایل سی سینٹرل کے تعاون سے پتہ چلایا کہ لڑکا اپنے اغواء کا ڈرامہ کررہا ہے، جس کے بعد پولیس نے لڑکے کو گرفتار کرلیا۔

نوجوان حسن نے اغوا کے ڈرامے کا اعتراف کرتے ہوئے بتایا کہ اس نے پسند کی شادی کی تھی، اہلیہ کے گھر والوں کو پچاس ہزار روپے دینے تھے، گھر والے شادی سے راضی نہیں تھے اس لیے کورٹ میرج کی۔